ARYNews.tv | Urdu – Har Lamha Bakhabar

Tag: jam kamal

  • اپوزیشن کا جام کمال کیخلاف تحریک عدم اعتماد جلد کامیاب ہونے کا دعویٰ

    اپوزیشن کا جام کمال کیخلاف تحریک عدم اعتماد جلد کامیاب ہونے کا دعویٰ

    کوئٹہ : اپوزیشن نے  وزیراعلیٰ بلوچستان جام کمال کیخلاف تحریک عدم اعتماد جلد کامیاب ہونے کا دعویٰ کردیا ، اپوزیشن نے حکومتی ناراض ارکان اسمبلی کواعتماد میں لے لیا۔

    تفصیلات کے مطابق وزیراعلیٰ بلوچستان جام کمال کیخلاف تحریک عدم اعتماد میں اپوزیشن اورحکومت آمنے سامنے ہیں ، اپوزیشن نے جام کمال کیخلاف تحریک عدم اعتماد جلد کامیاب ہونے کا دعویٰ کردیا ہے۔

    بی این پی ،جےیوآئی، پشتونخوامیپ کی جانب سے تحریک عدم اعتماد جمع کرائی گئی ، جس کے اپوزیشن کی حکومتی ارکان اسمبلی اور اتحادیوں جماعتوں سے رابطوں میں تیزی آگئی، اپوزیشن نے حکومتی ناراض ارکان اسمبلی کواعتماد میں لے لیا۔

    اپوزیشن نے تحریک عدم اعتماد کامیاب کرانے کیلئے مشترکہ مشاورتی اجلاس طلب کرلیا جبکہ بلوچستان حکومت کےاتحادیوں کابھی مشترکہ مشاورتی اجلاس طلب کرنے کا فیصلہ کرلیا ہے۔

    وزیراعلیٰ بلوچستان جام کمال کے زیر صدارت مشاورتی اجلاس ہوگا ، اجلاس میں بی اےپی ارکان سمیت اتحادی پارلیمانی ارکان اسمبلی شریک ہوں گے، حکومتی حلقے میں کہا گیا ہے کہ حکومتی اتحادی جماعتیں وزیراعلیٰ جام کمال پر اعتماد کا اظہار کریں گے۔

  • مجھے عدم اعتماد کی تحریک کی پرواہ نہیں ، وزیراعلیٰ بلوچستان

    مجھے عدم اعتماد کی تحریک کی پرواہ نہیں ، وزیراعلیٰ بلوچستان

    کوئٹہ: وزیراعلیٰ بلوچستان جام کمال کا کہنا ہے کہ مجھےعدم اعتمادکی تحریک کی پرواہ نہیں ہے ، میری جماعت اوراتحادیوں کی اکثریت نےعدم اعتمادکیاتوخودچلاجاؤں گا۔

    تفصیلات کے مطابق  وزیراعلیٰ بلوچستان جام کمال نے سماجی رابطے کی ویب سائٹ ٹوئٹر پر اعدم اعتمادکی تحریک سے متعلق پیغام میں کہا کہ مجھےعدم اعتمادکی تحریک کی پرواہ نہیں ہے، میری جماعت اوراتحادی میرےساتھ ہیں تواپوزیشن سےفرق نہیں پڑتا، میری جماعت اوراتحادیوں کی اکثریت نےعدم اعتمادکیاتوخودچلاجاؤں گا، پارٹی اوراتحادیوں کاساتھ نہ ہونے پر مجھے ایوان کاسربراہ ہونے کا حق نہیں ہوگا۔

    گذشتہ روز وزیراعلیٰ بلوچستان کےخلاف تحریک عدم اعتماد سیکرٹری اسمبلی کےآفس میں جمع کرائی گئی تھی ، جس پر16اراکین اسمبلی کے دستخط موجود تھے۔

    اپوزیشن اراکین کا کہنا تھا کہ 4نکات پرتحریک عدم اعتمادجمع کرائی گئی ہے، وزیراعلیٰ نے3سال میں جوکارکردگی دکھائی انہیں حکومت کاحق نہیں، آج جوحالات ہیں ہرشخص اس حکومت کا خاتمہ چاہتاہے۔

    اپوزیشن نے مزید کہا تھا کہ صوبےمیں بدامنی،کرپشن اورلوٹ کھسوٹ کابازارگرم ہے، مطلوبہ تعدادپوری ہے،7دن میں قراردادپراجلاس بلایاجائےگا، ابھی مطلوبہ تعدادسامنےنہیں لائیں گے، قراردادوالےدن سارےنمبرپورےہوجائیں گے۔

  • پی ٹی آئی اور وزیر اعلیٰ بلوچستان کے مابین اختلافات ختم ہونے کا امکان

    پی ٹی آئی اور وزیر اعلیٰ بلوچستان کے مابین اختلافات ختم ہونے کا امکان

    اسلام آباد: پاکستان تحریک انصاف اور وزیر اعلیٰ بلوچستان جام کمال کے مابین اختلافات کے ختم ہونے کا امکان پیدا ہو گیا ہے، جام کمال جلد یار محمد رند سے ملاقات کریں گے۔

    اے آر وائی نیوز کے مطابق بلوچستان کے وزیر اعلیٰ اور وزیر تعلیم کے درمیان جاری تناؤ کی برف پگھلنے لگی ہے، ذرائع کا کہنا ہے کہ اس سلسلے میں شہریار آفریدی کا دورہ بلوچستان کامیاب رہا۔

    چیئرمین کشمیر کمیٹی نے وزیر اعلیٰ بلوچستان جام کمال اور پی ٹی آئی بلوچستان کے پارلیمانی رہنما یار محمد رند سے علیحدہ علیحدہ ملاقاتیں کیں، جس کے بعد دونوں میں اختلافات ختم ہونے کا امکان پیدا ہوا ہے۔

    شہریار آفریدی نے آج یار محمد رند کی رہائش گاہ پر ان سے ملاقات کی

    ذرائع کے مطابق ملاقاتوں میں شہریار آفریدی نے جام کمال اور یار محمد رند کو اختلافات دور کرنے کی درخواست کی۔

    یار محمد رند نے صوبائی حکومت سے متعلق اپنے تحفظات سے شہریار آفریدی کو آگاہ کیا، اور وزارت سے استعفے کی پیش کش بھی کی، ذرائع کا کہنا ہے کہ شہریار آفریدی نے وزیر تعلیم کو استعفیٰ نہ دینے پر قائل کیا، اور یار محمد نے بھی استعفیٰ نہ دینے کا وعدہ کیا۔

    شہریار آفریدی نے یار محمد رند کو تحفظات دور کرانے کی بھی یقین دہانی کرائی، وزیر اعلیٰ بلوچستان نے بھی یار محمد رند سے ملاقات پر آمادگی کا اظہار کیا، اور انھوں نے شہریار آفریدی کو یقین دہانی کرائی کہ وہ یار محمد کے تحفظات دور کریں گے۔

    ذرائع کا کہنا ہے کہ اب وزیر اعلیٰ بلوچستان جام کمال جلد وزیر تعلیم یار محمد رند سے ملاقات کریں گے۔

  • ہمارا نظام صحت اتنا مستحکم نہیں کہ عوام بےاحتیاطی کا رسک لیں، وزیراعلٰی بلوچستان

    ہمارا نظام صحت اتنا مستحکم نہیں کہ عوام بےاحتیاطی کا رسک لیں، وزیراعلٰی بلوچستان

    کوئٹہ : وزیراعلٰی بلوچستان جام کمال نے کہا ہے کہ ہمارا نظام صحت اتنا مستحکم نہیں کہ عوام کوئی بےاحتیاطی کا خطرہ مول لے سکیں، وزراء اور اراکین اسمبلی ماہ رمضان اور عید سادگی سے منائیں گے۔

    یہ بات انہوں نے کوئٹہ میں اجلاس سے خطاب کرتے ہوئے کہی، وزیراعلٰی بلوچستان جام کمال کی زیر صدارت اجلاس میں صوبے میں لاک ڈاؤن اور نماز تراویح کے انتظامات سمیت مجموعی صورتحال کا جائزہ لیا گیا۔

    اس موقع پر کمشنر کوئٹہ نے بریفنگ دیتے ہوئے کہا کہ شہر کی 590 مساجد میں نماز تراویح کا انعقاد ہوتا ہے، علما کرام نے20 نکاتی ایس او پیز پرعملدرآمد کی یقین دہانی کرائی ہے،

    کمشنر کا کہنا تھا کہ ایس او پیز پر عدم عملدرآمد پر  پہلے وارننگ جاری کی جائے گی، تاجروں کو صورتحال کی نزاکت سے آگاہ کرتے ہوئے پابندی کی ہدایت کی ہے۔ اس موقع پر سیکریٹری صحت کا کہنا تھا کہ دو روز میں کورونا وائرس کے ٹیسٹنگ کی استعداد یومیہ 800 تک ہوجائے گی۔

    اجلاس سے خطاب کرتے ہوئے وزیراعلیٰ بلوچستان نے کہا کہ کورنا وائرس سے ہونے والی اموات ایک حقیقت ہیں، عوام احتیاطی تدابیر کی اہمیت کو سمجھیں۔

    انہوں نے کہا کہ ہمارانظام صحت اتنا مستحکم نہیں ہے کہ عوام کوئی بےاحتیاطی کا رسک لے سکیں، وزراء اور اراکین اسمبلی رمضان اور عید سادگی سے منا ئیں گے، عوام میں بھی سادگی اختیار کرنے کا رجحان پیدا کیا جائے گا۔

    انہوں نے ہدایت کی کہ شہریوں میں راشن کی تقسیم میں شفافیت اور معیار کو یقینی بنایا جائے۔

  • ’سمجھنے کی ضرورت ہے ملک میں کروناوائرس تفتان سے نہیں بلکہ سرحد پار سے آیا‘

    ’سمجھنے کی ضرورت ہے ملک میں کروناوائرس تفتان سے نہیں بلکہ سرحد پار سے آیا‘

    کوئٹہ: وزیراعلیٰ بلوچستان جام کمال کا کہنا ہے کہ ملک میں کروناوائرس تفتان سے نہیں بلکہ سرحد پار سے آیا ہے۔

    تفصیلات کے مطابق سماجی رابطے کی ویب سائٹ ٹوئٹر پر وزیراعلیٰ بلوچستان نے ٹوئٹ کرتے ہوئے کہا کہ زائرین ایران سے ہیں تفتان سے نہیں، سمجھنے کی ضرورت ہے وائرس تفتان میں نہیں تھا بلکہ سرحدپار سے آیا ہے۔

    خیال رہے کہ ایران سے آنے والے سیکڑوں زائرین کو بلوچستان کے سرحدے علاقے تفتان میں رکھا گیا ہے، جنہیں ٹیسٹ کے بعد ملک کے مختلف صوبوں میں منتقل کیا جا رہا ہے۔

    بلوچستان میں 2 مقامات تفتان اور کوئٹہ میں قرنطینہ قائم ہیں، تفتان میں قائم قرنطینہ میں2800 سے زائد افراد موجود ہیں جب کہ میاں غنڈی کوئٹہ میں قائم قرنطینہ میں540 افراد موجود ہیں۔

    کروناوائرس: تفتان سرحد سے کل سیکڑوں زائرین سکھر پہنچیں گے

    ذرائع کا کہنا ہے کہ کوئٹہ قرنطینہ میں540 افراد سے ٹیسٹ کے لیے سیمپلز وصول کر لیے گئے ہیں اور کرونا کی تصدیق پر مریض کو قرنطینہ سے باہر منتقل کیا جائے گا۔

    واضح رہے کہ 540زائرین کو یکم مارچ کو ایران سے تفتان منتقل کیا گیا تھا اور پھر 13مارچ کو تفتان سےکوئٹہ قرنطینہ منتقل کیا گیا، ان 540زائرین نے ایران میں 14روزہ قرنطینہ مکمل کر رکھا ہے۔

  • احساس محرومی کی بڑی وجہ وسائل کی غیر متوازن تقسیم ہے، جام کمال

    احساس محرومی کی بڑی وجہ وسائل کی غیر متوازن تقسیم ہے، جام کمال

    کوئٹہ : وزیراعلیٰ بلوچستان جام کمال نے کہا ہے کہ احساس محرومی کی بڑی وجہ وسائل کی غیر متوازن تقسیم ہے، حکومتوں کو ذاتی خواہشات اور سیاسی مقاصد کیلئے نہیں چلایا جاسکتا۔

    ان خیالات کا اظہار انہوں نے کوئٹہ میں نیشنل سیکیورٹی ورکشاپ سے خطاب کرتے ہوئے کیا، وزیراعلیٰ جام کمال نے کہا کہ بلوچستان کو درپیش چیلنجز میں نمایاں کمی آئی ہے، عدم استحکام پیدا کرنے کی خواہش رکھنے والی طاقتوں کو ناکامی ہوئی۔

    وزیراعلیٰ بلوچستان کا کہنا تھا کہ سیکیورٹی فورسز نے قربانیاں دیں، جس کی بدولت عالمی پلیئرز کا دباؤ ختم کرنے میں مدد ملی، جام کمال نے کہا کہ احساس محرومی کی بڑی وجہ وسائل کی غیر متوازن تقسیم ہے، ٹیکنالوجی و سوشل میڈیا نے عوام کو زیادہ فعال بنادیا ہے،

    انہوں نے کہا کہ حکومتوں کو ذاتی خواہشات اور سیاسی مقاصد کیلئے نہیں چلایا جاسکتا، جام کمال نے کہا کہ7ڈویژن میں کوئی کمشنر سیاسی بنیادوں پر تعینات نہیں کیا۔

    وزیراعلیٰ بلوچستان نے مزید کہا کہ سیکریٹری اہلیت اور میرٹ کی بنیاد پر تعینات کئے گئے ہیں، بلدیاتی اداروں کی مضبوطی کیلئے ایکٹ میں ترامیم کی جارہی ہیں، ریکوڈک پر جذباتی فیصلوں سے6ارب ڈالر ہرجانے کا سامنا ہے۔

  • بلوچستان میں روزگار کی فراہمی کے لیے اہم منصوبہ شروع کرنے کا فیصلہ

    بلوچستان میں روزگار کی فراہمی کے لیے اہم منصوبہ شروع کرنے کا فیصلہ

    کوئٹہ: حکومت بلوچستان اور وزارت دفاعی پیداوار میں شپ یارڈ منصوبے پر اتفاق ہوا ہے، مشترکہ شپ یارڈ منصوبہ گوادر میں لگایا جائے گا۔

    تفصیلات کے مطابق وزیر اعلیٰ بلوچستان جام کمال نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ حکومت بلوچستان اور وزارت دفاعی پیداوار میں شپ یارڈ منصوبے پر اتفاق ہوا ہے۔

    وزیر اعلیٰ کا کہنا تھا کہ منصوبے سے روزگار کے نئے مواقع پیدا ہوں گے اور بلوچستان کی معیشت بہتر ہوگی، بلوچستان کے نوجوانوں اور انجینئروں کو کراچی میں تربیت دلائیں گے۔

    انہوں نے کہا کہ مشترکہ شپ یارڈ منصوبہ گوادر میں لگایا جائے گا۔

    اس سے قبل ایک موقع پر جام کمال کا کہنا تھا کہ بلوچستان کے چار بڑے سیکٹرز سمندری نمک، بلوچستان کی طویل ساحلی پٹی، معدنیات اور ری نیوایبل انرجی میں سرمایہ کاری کے بے پناہ مواقع موجود ہیں، صوبے کا وسیع رقبہ اسے زراعت اور لائیو اسٹاک کے لیے بھی موزونیت فراہم کرتاہے۔

    انہوں نے کہا تھا کہ صوبے میں بیرونی سرمایہ کاری کے لیے اچھا ماحول بن رہا ہے اور ہم بہتر ہیومن ریسورس کو بروئے کار لاتے ہوئے بلوچستان کو روشن مستقبل دے سکتے ہیں۔

    وزیر اعلیٰ کا کہنا تھا کہ صوبے کے محاصل میں اضافے سے عوام میں مجموعی طور پر خوشحالی اور آسودگی آئے گی۔

  • بلوچستان میں چارسیکٹرزمیں سرمایہ کاری کے وسیع مواقع ہیں، جام کمال

    بلوچستان میں چارسیکٹرزمیں سرمایہ کاری کے وسیع مواقع ہیں، جام کمال

    کوئٹہ:وزیراعلیٰ بلوچستان میرجام کمال خان نے کہا ہے کہ بلوچستان میں سرمایہ کاری کے بہترین مواقع موجود ہیں ، اس صوبے کو خدانے ہر نعمت سے نوازا ہے جس سے بھرپورانداز میں استفادہ کرنے کی ضرورت ہے تاکہ صوبے میں پائیدار ترقی کے عمل کو تیز کیا جاسکے۔

    تفصیلات کے مطابق وزیراعلیٰ بلوچستان نے ان خیالات کا اظہار بلوچستان بورڈ آف انویسٹمنٹ اینڈ ٹریڈ کے بورڈ آف ڈائریکٹرز کے چوتھے اجلاس کی صدارت کرتے ہوئے کیا، اجلاس میں سیکریٹری خزانہ نورالحق بلوچ، سیکریٹری صنعت غلام علی بلوچ، سینئر ممبر بورڈ آف ریونیو قمر مسعود اور دیگر متعلقہ حکام نے شرکت کی۔

    اجلاس کو بریفنگ دیتے ہوئے ، سی ای اوبورڈ آف انویسٹمنٹ اینڈ ٹریڈ زاہدسلیم نے بتایا کہ بورڈ آف انویسٹمنٹ اینڈ ٹریڈ کا وژن بلوچستان میں سرمایہ کاری کے لئے مناسب اور دوستانہ ماحول کی فراہمی ہے تاکہ بلوچستان کے معاشی اور سماجی سیکٹر میں ترقی کے اہداف کا حصول ممکن ہوسکے۔

    بی بی او آئی کو درپیش مالی اور انتظامی مسائل کے حل جبکہ وفاق اور دیگر صوبوں میں فعال بورڈ آف انویسٹمنٹ کا تقابلی جائزہ بھی پیش کیا گیا جبکہ بورڈ کو کمپنی موڈ میں فعال کرنے، نجی شعبے سے تجربہ کار افراد کی خدمات حاصل کرنے، مالی اور انتظامی امور سے متعلق فیصلوں کی منظوری بھی وزیراعلیٰ کی جانب سے دی گئی۔

    اجلاس سے خطاب کرتے ہوئے وزیراعلیٰ نے کہا کہ بلوچستان کے چار بڑے سیکٹرز سمندری نمک، بلوچستان کی طویل ساحلی پٹی، معدنیات اور ری نیوایبل انرجی میں سرمایہ کاری کے بے پناہ مواقع موجود ہیں جبکہ صوبے کا وسیع رقبہ اسے زراعت اور لائیو اسٹاک کے لئے بھی موزویت فراہم کرتاہے اس سلسلے میں بی بی او آئی ٹی کا کردار بہت کلیدی ہے جو صوبے میں سرمایہ کاری لانے میں اپنا فعال کردار ادا کرسکتا ہے۔

    صوبے میں بیرونی سرمایہ کاری کے لئے اچھا ماحول بن رہا ہے اور ہم بہتر ہیومن ریسورس کو بروئے کار لاتے ہوئے بلوچستان کو روشن مستقبل دے سکتے ہیں جبکہ صوبے کے محاصل میں اضافے سے عوام میں مجموعی طور پر خوشحالی اور آسودگی آئے گی۔وزیراعلیٰ نے بورڈ کو سرمایہ کاروں کو ون ونڈو آپریشن کے ذریعہ مطلوبہ ضروریات اور سہولیات کی فراہمی اور پبلک پرائیویٹ پارٹنر شپ کے تحت سرمایہ کاری کے فروغ کے لئے اقدامات کرنے کی ہدایت کی۔

  • دہشت گردی کے خاتمے کے قومی عزم کو کمزور نہیں کیا جاسکتا: وزیراعلیٰ بلوچستان

    دہشت گردی کے خاتمے کے قومی عزم کو کمزور نہیں کیا جاسکتا: وزیراعلیٰ بلوچستان

    کوئٹہ: وزیراعلیٰ بلوچستان جام کمال خان نے کوئٹہ میں ہونے والے بم دھماکے کی شدید الفاظ میں مذمت کرتے ہوئے دھماکے میں قیمتی جانی نقصان پر دلی دکھ اور افسوس کا اظہار کیا۔

    تفصیلات کے مطابق صوبائی کابینہ کے اجلاس کے دوران دہشت گرد عناصر اور ان کے سرپرستوں کو کیفر کردار تک پہنچانے کے عزم کا اظہار کرتے ہوئے جام کمال کا کہنا تھا کہ دہشت گردی کے خاتمے کے قومی عزم کو کمزور نہیں کیا جاسکتا۔

    انہوں نے کہ امن کے قیام کے لیے سیکیورٹی اداروں کی کاوشوں اور قربانیوں کو رائیگاں نہیں جانے دیا جائے گا اور عوام کی حمایت اور تعاون سے دہشت گردوں کے مذموم مقاصد کو ہر صورت ناکام بنایا جائے گا۔

    وزیراعلیٰ اور صوبائی کابینہ کی جانب سے دھماکے کے شہداء کے لواحقین سے تعزیت اور ہمدردی کا اظہار کرتے ہوئے شہداء کے درجات کی بلندی اور لواحقین کے لئے صبر جمیل کی دعا کی گئی۔

    وزیراعلیٰ نے پولیس اور سیکیورٹی اداروں کو شہر میں حفاظتی اقدامات کو مزید موثر بنانے اور محکمہ صحت کو اسپتالوں میں ایمرجنسی نافذ کرتے ہوئے زخمیوں کو علاج معالجہ کی بہترین سہولتوں کی فراہمی کی ہدایت کی ہے۔

    شرپسندوں کے لیے پیغام ہے قوم متحد ہے: وفاقی و صوبائی وزرائے داخلہ

    یاد رہے کہ گذشتہ روز کوئٹہ کے علاقے سٹی تھانے کے قریب لیاقت بازار میں دھماکے میں 4 افراد جاں بحق جب کہ 28 افراد شدید زخمی ہو گئے ہیں، جاں بحق ہونے والوں میں دو پولیس اہل کار بھی شامل تھے۔

  • عمران خان بلوچستان کو خصوصی اہمیت دے رہے ہیں: جام کمال خان

    عمران خان بلوچستان کو خصوصی اہمیت دے رہے ہیں: جام کمال خان

    کوئٹہ: وزیراعلیٰ بلوچستان جام کمال خان نے کہا ہے کہ وزیراعظم عمران خان بلوچستان کو خصوصی اہمیت دے رہے ہیں، صوبائی حکومت کی کوششوں سے وفاقی پی ایس ڈی پی میں بلوچستان کا حصہ بیس فیصد سے زیادہ ہے۔

    ان خیالات کا اظہار انہوں نے اپنے ایک اعلیٰ سطح اجلاس سے خطاب کرتے ہوئے کیا، جام کمال کا کہنا تھا کہ وفاقی وصوبائی منصوبوں پر عملدرآمد سے بلوچستان میں ترقی کے ایک نئے دور کا آغاز ہوگا، وفاقی منصوبوں کے لئے مختص فنڈز میں اضافے کے لئے وفاقی حکومت سے رابطہ کریں گے۔

    اجلاس میں وفاقی پی ایس ڈی پی میں شامل بلوچستان کے نئے منصوبوں پر عملدرآمد کے آغاز اور جاری منصوبوں کی پیشرفت کاجائزہ لیا گیا۔

    صوبائی وزیر اطلاعات میر ظہور احمد بلیدی، ایڈیشنل چیف سیکریٹری منصوبہ بندی وترقیات عبدالرحمن بزدار، پلاننگ کمیشن، این ایچ اے، کیسکو اور ایف ڈبلیو او کے حکام کے علاوہ صوبائی سیکریٹریز اور دیگر متعلقہ حکام اجلاس میں شریک تھے۔

    وفاقی حکام کی جانب سے اجلاس کو قومی شاہراہوں کی تعمیر وتوسیع، بجلی اور پانی کے منصوبوں، ڈیموں کی تعمیر، ایکسپورٹ پروسیسنگ زون کے قیام، سی پیک اور گوادر کے منصوبوں کی پیشرفت کے حوالے سے بریفنگ دی گئی۔

    کوئٹہ : ریکوڈک کا فیصلہ بلوچستان خود کرے گا، وزیراعلیٰ جام کمال خان

    اس موقع پر وزیراعلیٰ کا کہنا تھا کہ رواں مالی سال کا صوبائی ترقیاتی پروگرام بھی سو ارب روپے سے زائد کا ہے جس میں ہر ضلع اور ہر شعبہ کو اہمیت حاصل ہے اور صوبائی حکومت نے فیصلہ کیا ہے کہ ان منصوبوں کے پی سی ون 31جولائی تک مکمل کرکے ان پر عملدرآمد کا آغاز کردیا جائے گا، بہت سے منصوبوں کے ٹینڈر اخبارات میں آچکے ہیں اور دیگر منصوبے ٹینڈرنگ پراسس میں ہیں۔