Tag: Jamaat e Islami

گستاخانہ خاکوں کیخلاف کراچی اور لاہور میں جماعت اسلامی کا ملین مارچ

کراچی: فرانسیسی میگزین میں گستاخانہ خاکوں کی اشاعت کے خلاف مذہبی جماعتوں کے تحت کراچی میں احتجاجی ریلیاں اور ملین مارچ نکالے گئے، مذہبی رہنمائوں نے فرانسیسی حکومت سے معافی اور فرانسیسی مصنوعات کے بائیکاٹ کا مطالبہ کر دیا،سراج الحق کا کہنا ہے کہ ناموس رسالت ﷺ پر خون کا آخری قطرہ بھی قربان کر دینگے ۔

فرانسیسی جریدے میں شائع ہونے والے توہین آمیز خاکوں کے خلاف کراچی میں مذہبی جماعتوں کی جانب سے سرور کائنات ﷺ سے محبت کے اظہار اور دین اسلام کے خلاف ہونے والی سازشوں سے نفرت کے اظہار کے لیے احتجاجی مظاہرے اور ملین مارچ کیے گئے ۔

جماعت اسلامی کے تحت یونیورسٹی روڈ پر ملین مارچ سے خطاب میں سراج الحق کا کہنا تھا کہ ناموس رسالت ﷺ پر خون کا آخری قطرہ بھی قربان کر دیں گے،تمام سیاسی جماعتیں ناموس رسالت ﷺ پر متحدہ ہو جائیں ۔

سراج الحق کا کہنا تھا کہ انہوں نے مسلم ممالک کے رہنماؤں کوکہا ہے کہ ملکراحتجاج کرتے ہیں۔ وزیراعظم سے اپیل کی تھی کے او آئی سی کا اجلاس بلائیں۔ اوآئی سی کا اجلاس نہ بلانے پرمختلف ممالک کے سربراہوں سے رابطہ کیا۔

امیر جماعت اسلامی نے کہا کہ فرانسیسی مصنوعات کا بائیکاٹ اور سفیر کو ملک بدر کیا جائے
تحریک حرمت رسول کےتحت کراچی میں ملین مارچ کیا گیا جس کی قیادت پروفیسر حافظ محمد سعید نے کی، حافظ سعید نے کہا کہ وزیراعظم پاکستان اسلام آباد میں تمام مسلم حکمرانوں کا اجلاس بلا کر ناموس رسالت ﷺ پر عالمی سطح پر قانون سازی کرائیں ۔

اس موقع پر امیر جماعت اسلامی سراج الحق نے ایم کیوایم کے قائد الطاف حسین کو شدید تنقید کا نشانہ بناتے ہوئے کہا کہ ریلی فرانس کے سفارت خانے کی جانب جارہی تھی، نائن زیرو تو نہیں گئی تھی۔

گستاخانہ خاکوں کے خلاف جمعیت علمائے پاکستان نے محمد انس نورانی کی قیادت میں ریلی نکالی، مذہبی رہنمائوں نے خاکوں کو عالمی دہشت گردی قرار دیتے ہوئے کہا کہ گستاخ رسول ﷺ کا پیچھا نہیں چھوڑیں گے۔

گستاخانہ خاکوں کے خلاف جماعت اسلامی کے زیر اہتمام لاہور میں شان مصطفی ملین مارچ کیا گیا، دیگر مذہبی اور سیاسی جماعتوں کے رہنماوں کے ہمراہ لیاقت بلوچ نے اسلامی سربراہی کانفرنس کا مطالبہ کرتے ہوئے واضح کیا کہ گستاخ رسول کی سزائے موت پر تمام آئمہ کا اتفاق ہے ۔

فرانسیسی میگزین میں گستاخانہ خاکوں کے خلاف جماعت اسلامی کا ملین مارچ ناصر باغ سے شروع ہوا، شرکاءرسول کریم ﷺسے اظہار محبت کرتے ہوئے پنجاب اسمبلی کے سامنے پہنچے جہاں مارچ جلسے کی شکل اختیار کرگیا ۔

ملین مارچ سے دیگر جماعتوں کے قائدین نے خطاب کرتے ہوئے مسلم حکمرانوں کو سخت پیغام دینے کا مطالبہ کیا ، قائدین رہنماوں کا کہنا تھا کہ حکمران گستاخ رسول پر مصلحت کا شکار ہونے کی بجائے عوام کے جذبات کی ترجمانی کریں۔

ملین مارچ میں مسلم لیگ ن لاہور کے صدر پرویز ملک نے حکمران جماعت کی نمائندگی کی،پرویز ملک ملین مارچ میں خواتین اور بچوں کی بڑی تعداد نے بھی شرکت کرکے رسول اکرمﷺ سے محبت کا اظہار کیا، ہندو اور مسیحی رہنماوں نے بھی شرکت کی۔

مظاہرین نے فرانس کی حکومت کے خلاف شدید نعرے بازی کی اور مطالبہ کیا کہ حکومت پاکستان فرانس سے تعلقات ختم کرکے اسکے سفیر کو واپس بھیجے۔

جنوری 25, 2015
جماعت اسلامی کے تحت شان مصطفیٰ ملین مارچ کا آغاز

کراچی : فرانسیسی میگزین میں گستاخانہ خاکوں کی اشاعت کیخلاف جماعت اسلامی کے زیر اہتمام شان مصطفیٰ صلی اللہ علیہ وسلم ملین مارچ نیپا چورنگی سے شروع ہوگیا ہے۔

تفصیلات کے مطابق جماعت اسلامی کی جانب سے گستاخانہ خاکوں کی اشاعت کیخلاف شان مصطفیٰ صلی اللہ علیہ وسلم ملیبن مارچ کا آغاز نیپا چورنگی سے کردیا گیا ہے۔

ملین مارچ کی قیادت امیر جماعت اسلامی پاکستان سراج الحق کررہے ہیں،پورے شہر سے کارکنان کی آمد کا سلسلہ جاری ہے۔

اس حوالےسے انتظامیہ نے نیپا چورنگی سے یونیورسٹی روڈ تک جانے والا راستہ عام ٹریفک کیلئے بند کردیا ہے، جبکہ حسن اسکوائر پر ایک مرکزی اسٹیج بنایا گیا ہے، جہاں مرکزی قائدین شرکاء سے خطاب کریں گے۔

ملین مارچ کی سیکورٹی کے لئے پولیس اور رینجرز کی بھاری نفری کو تعینات کیا گیا ہے ۔ملین مارچ میں خواتین کارکنان کی بڑی تعداد بھی شریک ہوگی۔

جنوری 25, 2015
فرانس نے مسلمانوں کی غیرت کو للکارا ہے،سراج الحق

لاہور: امیر جماعت اسلامی سراج الحق نے کراچی میں اسلامی جمیعت طلبہ کی ریلی پر فائرنگ کی شدید مذمت کی ہے اور کہا کہ توہین آمیز خاکے شائع کرکے فرانس نے مسلمانوں کی غیر ت کو للکارا ہے۔

جماعت اسلامی کے زیر اہتمام گستاخانہ خاکوں کے خلاف ملتان روڈ لاہور پر احتجاجی ریلی نکالی گئی ریلی سے خطاب میں سراج الحق کا کہنا تھا کہ وزیر اعلیٰ سندھ یہودی اور یورپی لابی کو خوش کرنے کے لئے کراچی میں ریلی پر فائرنگ کروا رہے ہیں۔

جماعت اسلامی آئندہ جمعہ کو گستاخانہ خاکوں کے خلاف کراچی، لاہور اور اسلام آباد میں ملین مارچ کرے گی، انھوں نے کہا کہ قرآن اور رسول پاک کی توہین کرنے والوں کی ہمیشہ یورپ نے حوصلہ افزائی کی ۔

ان کا مزید کہنا تھا کہ مسلمان تمام انبیاء اور الہامی کتابوں کو تسلیم کرتے ہیں، مگر یورپ کا رویہ انتہا پسندانہ رہا ہے۔

انہوں نے کہا کہ وزیر اعظم او آئی سی اور سلامتی کونسل کا اجلاس بلانے کے اسلامی ممالک سے رابطہ کریں، سراج الحق نے گستاخانہ خاکوں پرپوپ کے بیان اور قومی اسمبلی کے ممبران کے احتجاج کو بھی سراہا۔

جنوری 16, 2015
ایکشن پلان دینی مدارس کی مشاورت سے بنایا جائے،سراج الحق

لاہور: جماعت اسلامی کے امیر سراج الحق نے کہا ہے کہ دہشت گرد کوئی بھی ہو ہم اس کی مذمت کرتے ہیں ان کا کہنا تھا کہ ایک مخصوص لابی کے دباؤ میں آ کرمدارس کے خلاف پروپگینڈے کی اجازت نہیں دی جاسکتی۔

ان خیالات کا اظہار انہوں نے لاہور میں میڈیا سے گفتگو کرتے ہوئے کیا۔ انہوں نے کہا کہ اسلام میں دہشت گردی کی کوئی گنجائش نہیں ہے۔ دینی مدارس میں پڑھنے والے 30 لاکھ طلباء بھی پاکستانی ہیں۔

ان کا کہنا تھا کہ مرکزی و صوبائی تعلیمی بجٹ میں دینی مدارس کا کوئی حصہ نہیں ہوتا،دینی مدارس کی رجسٹریشن کی درخواستیں محکموں میں پڑی ہیں۔

حکومت خود دینی مدارس کے معاملے پر لیت و لعل سے کام لے رہی ہے، سراج الحق نے کہا کہ پشاور سانحہ کو ایک مخصوص لابی دینی مدارس کے خلاف استعمال کر رہی ہے۔

سانحہ پشاور ہمارے لیے نائن الیون سے بڑھ کر ہے،ایک سوال کے جواب میں انہوں نے کہا کہ ایکشن پلان میں مدارس کی رجسٹریشن اور آڈٹ کا ذکر ہے ۔

گزشتہ پندرہ سالوں سے دینی مدارس ذمہ داران کا رجسٹریشن کا مطالبہ تھا،پاکستان کے آئین کے سب سے زیادہ وفا دار علماء اور دینی مدارس ہیں۔

انہوں نے وزیر اعظم سے مطالبہ کیا کہ وزیر اعظم جو بھی ایکشن پلان بنائیں ، دینی مدارس سے مشاورت کریں،سراج الحق پاکستان کو مغرب کے پروپگینڈے میں آکر مدارس کو بدنام نہیں کرنا چا ہیے،مساجد اللہ کا گھر ہیں ،ان کی توہین کوئی برداشت نہیں کر سکتا۔

جنوری 3, 2015
فوجی عدالتوں کا قیام آئیڈیل صورتحال نہیں، سراج الحق

لاہور: جماعت اسلامی کے امیر سراج الحق نے کہا ہے کہ فوجی عدالتوں کا قیام آئیڈیل صورتحال نہیں، معاملہ ابھی اسمبلی میں آئے گا، کہیں خامیاں ہوئیں تو دور کر لی جائیں گی۔

تفصیلات کے مطابق ان خیالات کا اظہار انہوں نے منصورہ لاہور میں مسیحی برادری کے اعزاز میں ظہرانے سے خطاب کرتے ہوئے کیا۔

سراج الحق نے کہا کہ فوجی عدالتوں کا قیام آئیڈیل صورتحال نہیں ہے، فوجی عدالتیں صرف دہشت گردی کے معاملات دیکھیں گی، اگر سانحہ ماڈل ٹاؤن بھی فوجی عدالتوں کے زمرے میں آتا ہے تو اسے دیکھنا چاہیئے۔

سانحہ ماڈل ٹاؤن کے متاثرین بھی معاملے کو فوجی عدالتوں میں لے جا سکتے ہیں۔ انہوں نے کہا کہ حکومت خود سانحہ ماڈل ٹاؤن کو دیکھے اور اسے انصاف سے حل کرے۔

ان کا کہنا تھا کہ فوجی عدالتوں کا معاملہ ابھی اسمبلیوں میں آئے گا، کہیں خامیاں ہوئیں تو دور کر لی جائیں گی۔ سراج الحق نے کہا کہ وی آئی پی کلچر ختم کئے بغیر ترقی ممکن نہیں۔

دہشت گردی فرد، گروہ یا حکومت کرے، جماعت اسلامی قبول نہیں کرے گی، وہ سیاسی دہشت گردی کو بھی مسترد کرتے ہیں۔

انہوں نے کہا کہ نظریہ پاکستان کے ساتھ مسلسل بے وفائی اور غداری کی گئی، جس سے مسلمان اور غیر مسلمان دونوں غیر محفوظ ہو گئے ہیں۔

دسمبر 27, 2014
ممبران الیکشن کمیشن مستعفی ہوجائیں، جماعت اسلامی

اسلام آباد : جماعت اسلامی نے بھی الیکشن کمیشن کے ممبران سے مستعفی ہونے کا مطالبہ کر دیا ہے،تفصیلات کے مطابق جماعت اسلامی کے سیکریٹری جنرل لیاقت بلوچ کی سربراہی میں وفد نے چیف الیکشن کمشنر جسٹس سردار رضا سے ملاقات کی۔

ملاقات کے بعد لیاقت بلوچ نے میڈیا سے بات کرتے ہوئے کہا کہ پی ٹی آئی اور پیپلز پارٹی بھی الیکشن کمیشن کے ممبران سے مستعفی ہونے کا مطالبہ کر چکے ہیں اور انہوں نے بھی چیف الیکش کمشنر کو اپنے تحفظات سے آگاہ کیا ہے۔

لیاقت بلوچ نے کہا کہ اُن کی جماعت نے ملاقات کے دوران انتخابی اصلاحات کے حوالے سے بھی تحریری تجاویز چیف الیکشن کمشنر کو پیش کیں۔

دسمبر 12, 2014
جےیو آئی کا بینظیر بھٹوکی برسی پرلاڑکانہ بندکرنےکااعلان

کراچی: جے یو آئی نے ڈاکٹر خالد محمود سومرو کے قاتلوں کی عدم گرفتاری پر بینظیر بھٹو کی برسی کے موقع پر ستائیس دسمبر کو گڑھی خدا بخش جانے والے راستے سیل کر نے کا اعلان کر دیا۔

،جے یو آئی کی کال پر ملک بھر کی طرح لاڑکانہ میں بھی شہید ڈاکٹر خالد محمود سو مرو کے قاتلوں کی عدم گرفتاری پر احتجاجی مظاہرہ کیا گیا مظاہرین سے خطاب کرتے ہوئے ڈاکٹر خالد محمود سومرو کے بیٹے ناصر محمود سو مرو کا کہنا تھا خالد محمود سو مرو کی شہادت کے بعد سندھ حکومت کاکوئی نمائندہ تعزیت کے لیے نہیں آیا اور نہ ہی کسی نے رابطہ کیا، ان کا کہنا تھا سندھ حکومت مکمل طور پر ناکام ہوچکی ہے ۔

جمعیت علما ئے اسلا م( ف ) کی جانب سے ملک کے بیشتر شہروں میں مولانا فضل الرحمان پر حملے اور خالد سومرو کے قتل کے خلاف مظا ہرے کئے گئے اسلام آباد مظا ہرے کی قیا دت عبدالغفور حیدری نے کی مو لانا عند الغفور حیدری نے مطا لبہ کیا کہ دونوں واقعات میں ملو ث ملزمان کو بے نقاب کیاجائے، لا ہور میں سینیٹر خالد محمود سومرو کے قتل کے خلاف مال روڈ پر مسجد شہدا کے باہر مظا ہرہ کیا گیا۔

احتجاج کے باعث مال روڈ پر ٹریفک جام ہو گیا ،عمرکوٹ، جعفر آباد ،مٹھی، پشاور ،میر پور خاص ،سکھر ،شکار پور، سانگھڑ ، نوابشاہ ، سکھر ، نو شہرو فیروز اور لاڑکانہ میں بھی کا رکنوں نے مظا ہرے کئے جے یو آئی ف سندھ کے رہنما وں نے اعلان کیا کہ وہ ستائیس دسمبر بے نظیر شہید کی برسی کے موقع پر سندھ سمیت لاڑکانہ کے تمام داخلی اور خارجی راستوں پر دھرنا دیکر شاہراہوں کو بند کیا جائیگا۔

دوسری جانب جے یو آئی کے رہنما ڈاکٹر خالد سومرو کے قتل کی تفتیش میں اہم پیش رفت ہوئی ہے، پولیس نے دو اہم ملزمان کو گرفتار کر لیا ہے، لاڑکانہ میں جے یو آئی کے رہنما ڈاکٹر خالد سومرو کے قتل کی تفتیش کے دوران پولیس نے دو اہم ملزمان سمیت بارہ افراد کو ریر حراست لے لیا۔ملزمان کا تعلق لاڑکانہ کے علاقے وارہا سے ہے۔ مولانا فضل الرحمان پر قاتلانہ حملے اور ڈاکٹر خالد سومرو کے قتل کے خلاف کئی شہروں میں احتجاجی مظاہر ے کئے گئے۔

دسمبر 5, 2014
ڈاکٹرخالد سومروکا قتل حکومت کی ناکامی ہے،سراج الحق

کوٹ مومن:مولانا ڈاکٹرخالد محمود سومروکا قتل حکومت کی ناکامی ہے جس کی پرزور مذمت کرتے ہیں، یہ بات امیر جماعت اسلامی سراج الحق نے کوٹ مومن میں مقامی سیاسی رہنماء لیاقت علی وڑائچ کی جماعت اسلامی میں شمولیت اور حلف برداری کے بعد سیال موڑ سروس ایریا میں میڈیا سے گفتگو کرتے ہوئے کہی۔

انہوں نے کہا کہ دھرنے اور جلسے تحریک انصاف کا جمہوری حق ہیں،اگر آج کے جلسے میں حکومت کی جانب سے پرتشدد کارروائی کی گئی تو ملکی حالات خراب ہونے کا اندیشہ ہے ۔

ان کا کہنا تھا کہ ہم حکومت اور تحریک انصاف میں مصالحت کی کوشش میں مصروف ہیں امید ہے جلد اچھی پیش رفت ہوگی ۔سراج الحق نے کہا کہ خیبر پختونخواہ میں تعلیم ،صحت اور پٹواری تھانہ کلچر میں تبدیلیاں لائی جارہی ہیں۔

نومبر 30, 2014
جماعت اسلامی، القاعدہ اورداعش کاگٹھ جوڑہے، واسع جلیل

کراچی: ایم کیوایم کے رہنماء واسع جلیل کا کہنا ہے کہ جماعت اسلامی کے داعش کے ساتھ روابط سامنے آچکے ہیں،اگرداعش کیخلاف کارروائی نہیں گئی تو ملک وقوم کو نقصان پہنچے گا۔

پریس کانفرنس کرتے ہوئے ایم کیوایم رابطہ کمیٹی کے رہنماء واسع جلیل نے کہا کہ ملک میں داعش کی وال چاکنگ ،جھنڈوں اور بڑھتی ہوئی کارروائی پر سخت تشویش کا اظہار اور وزیر داخلہ چوہدری نثار کے بیان کو افسوس ناک قرار دیتے ہوئے رابطہ کمیٹی نے سوال کیا کہ داعش کا کوئی وجود نہیں تو پاکستان کی سڑکوں پر وال چاکنگ کون کر رہا ہے؟۔

ایم کیو ایم رابطہ کمیٹی نے منور حسن کے بیان کو شدید تنقید کا نشانہ بناتے ہوئے کہا ہے کہ پاکستان میں ایک جنونی جماعت وجود میں آگئی ہے، شمالی وزیرستان میں امریکی ڈرون حملے میں مارے جانے والے دہشت گردوں کا تعلق جماعت اسلامی سے تھا۔

ایم کیو ایم رہنما واسع جلیل نے داعش کے حوالے سے آرمی چیف کے بیان کو مثبت قرار دیتے ہوئے پاک فوج سے اپیل کی کہ وہ داعش کی بڑھتی ہوئی سرگرمیوں کا نوٹس لیں، متحدہ رہنمائوں کا کہنا تھا کہ داعش کے خطرے کو سنجیدگی سے لینا ہوگا، قومی و صوبائی اسمبلی اور سینیٹ میں داعش کے معاملے کو اٹھائیں گے۔

نومبر 23, 2014
بیوروکریٹس نے ظالموں سےمل کر ملک کو تباہ کیا، سراج الحق

لاہور: امیر جماعت اسلامی سراج الحق نےکہا ہے کہ پاکستان کو ایک فلاحی اسلامی ریاست بناناچاہتے ہیں ۔افسوس بیوروکریٹس نے ظالموں کے ساتھ مل کر پاکستان کو تباہ کیا۔

جماعت اسلامی کےتین روزہ اجتماع عام کےاختتامی سیشن سے خطاب میں امیر جماعت اسلامی سراج الحق کا کہنا تھا کہ استحصالی طبقے نےبنگلےبنالئےلیکن غریب کی جھونپڑیاں آج بھی اندھیری ہیں۔

اسلامی حکومت قائم ہوئی توتعلیم کا نظام یکساں ہوگا۔۔آٹا،دال چاول،چینی ،چائےپرسبسڈی دیں گے۔۔خواتین کو بلاسود بینکوں سے قرضے فراہم کریں گے ۔ان کا کہنا تھا ایسی حکومت چاہتے ہیں جوبھارت کی آنکھوں میں آنکھیں ڈال کربات کرسکے۔

ناراض بلوچوں کو راضی کرکےدوبارہ پاکستان لائیں گے۔ ساٹھ سال سے عوام اور اداروں کو غلام بنا کر رکھا گیا۔عوام کرپٹ لوگوں کوووٹ دیں گےتوکرپشن کاخاتمہ کیسےہوگا۔سراج الحق کا کہنا تھا کہ وہ لوڈشیڈنگ،مہنگائی ،بیروزگاری کیخلاف جہاد کریں گے۔

نومبر 23, 2014