کراچی : جمعیت علمائے اسلام فضل الرحمان نے کراچی کے حلقے این اے دو سو چھیالیس میں جماعت اسلامی کی حمایت کا اعلان کردیا۔
تفصیلات کے مطابق این اے دو چھیالیس میں ضمنی انتخاب کے معرکے کیلئے جوڑ توڑ جاری ہے۔ ایم کیوایم۔ تحریک انصاف اور جماعت اسلامی اپنے حمایتیوں کی تعداد بڑھانے میں مصروف ہیں۔
ایم کیو ایم نے آزاد امیدوار ملانے کے ساتھ فقہ جعفریہ کی تنظیموں کی حمایت حاصل کر لی ہے۔ جبکہ پاکستان تحریک انصاف نے جمیعت علمائے پاکستان کا تعاون حاصل کرلیا۔
جماعت اسلامی نے کراچی کے ضمنی انتخاب میں اپنے امیدوار کی حمایت پر جے یو آئی ف کو آمادہ کرلیاہے، جمعیت علمائے اسلام فضل الرحمان گروپ نے کراچی کے حلقے این اے دو سو چھیالیس میں جماعت اسلامی کے امیدوار عمران اسماعیل کی حمایت کا اعلان کردیا ہے۔
جماعت اسلامی کراچی کے امیر حافظ نعیم الرحمان نے اپنے وفد کے ہمراہ جے یو آئی ف کے رہنماؤں سے ملاقات کی۔ جے یو آئے ف نے اپنے کارکنوں کو جماعت اسلامی کے امیدوار کی ہر ممکن حمایت کی ہدایت کر دی۔
جماعت اسلامی کے وفد میں حافظ نعیم الرحمان، ضمنی انتخاب کے امیدوار راشد نسیم اور اسد اللہ بھٹو شامل تھے۔ جنہوں نے جے یوآئی ف کے رہنماؤں اسلم غوری، قاری عثمان اور دیگر سے ملاقات کی۔
قاری عثمان کا کہنا تھا دینی قوتوں کا اتحاد وقت کی ضرورت ہے، دینی قوتیں ایک پلیٹ فارم پرمتحدہ مجلس عمل کی صورت میں تبدیلی لائیں۔
حافظ نعیم الرحمان نے کہا کراچی میں الیکشن کمیشن اور ایم کیو ایم میں کوئی فرق نہیں۔ پولنگ اسکیمیں ایم کیو ایم کی مرضی سے بنی ہیں۔ الیکشن کمیشن اگرغیرجانبدار نہ رہا تو اس کے کیخلاف بھی مہم چلائیں گے۔
