Tag: jamat e islami

  • یمن جنگ کا فائدہ اسرائیل کو ہوگا، سراج الحق

    یمن جنگ کا فائدہ اسرائیل کو ہوگا، سراج الحق

    اسلام آباد : یمن جنگ کا فائدہ اسرائیل کو ہوگا، ان خیالات کا اظہار امیر جماعت اسلامی سراج الحق نے یمن کی صورتحال پر پارلیمنٹ کے مشترکہ اجلاس سے خطاب کرتے ہوئے کیا۔

    سراج الحق کا کہنا تھا کہ  حکومت یمن کے معاملے پر ثالثی کا کردار ادا کرے۔ امیر جماعت اسلامی سراج الحق کا کہنا تھا کہ سعودی عرب سے دوستی نبھانی ہے تو اسے جنگ سے روکنا ہوگا۔

    اےاین پی کےرہنما غلام بلور اور میر حاصل بزنجو نے پاک فوج کو یمن  بھیجنے کی مخالفت کردی، یمن جنگ میں شرکت کے حوالے سے ایوان میں دوسرے روز بھی بحث جاری رہی ۔

    بلوچستان نیشنل پارٹی کےسربراہ میرحاصل بزنجو نےیمن لڑائی کوخانہ جنگی قراردےدیا، اراکین اسمبلی نےحکومت پرزوردیاکہ پاکستان جنگ میں شرکت نہیں ثالثی کاکرداراداکرے۔

  • جماعت اسلامی احتجاجی تحریک چلائے گی، سراج الحق

    جماعت اسلامی احتجاجی تحریک چلائے گی، سراج الحق

    لاہور : امیر جماعت اسلامی سراج الحق نے کہا ہے کہ زین کے قاتل کو فائدہ پہنچانے کی کوشش کی گئی تو جماعت اسلامی باقاعدہ تحریک چلائے گی۔

    ان خیالات کا اظہارامیرجماعت اسلامی سراج الحق نے سابق وزیرمملکت صدیق کانجو کے بیٹے کی فائرنگ سے جاں بحق ہونے والے طالب علم زین کے گھر لواحقین سے ملاقات کے موقع پر کیا ۔

    سراج الحق نے زین کے اہل خانہ سے تعزیت کی اور پرسہ دیا۔ امیر جماعت اسلامی نے کہا کہ زین کا قتل وزیراعلیٰ پنجاب کی ناک کے نیچے ہو۔

    سراج الحق نے کہا کہ اگر زین کے قاتل بگڑے امیرزادے کو بچانے کی کوشش کی گئی تو جماعت اسلامی ظالموں کے خلاف بھرپور تحریک چلائے گی۔

    امیر جماعت اسلامی نے زین کے اہل خانہ کے ہمراہ میڈیا سے بات چیت کرتے ہوئے کہا کہ نہتے شہریوں کا قتل عام پنجاب حکومت کے لئے سوالیہ نشان ہے۔

  • یمن کے مسئلے میں پاکستان ثالثی کا کردار ادا کرے، سراج الحق

    یمن کے مسئلے میں پاکستان ثالثی کا کردار ادا کرے، سراج الحق

    گوجرانوالہ : امیر جماعت اسلامی سراج الحق نے کہا ہے کہ سعودی عرب اور یمن کے مسئلے میں پاکستان کو ترکی کے ساتھ مل کر ثالثی کا کرداراداکرنا چاہئیے۔

    سعودی عرب اور یمن کے مسئلے میں پاکستان کوایران اور ترکی کے ساتھ مل کر ثالثی کا کرداراداکرنا چاہئیے کیونکہ سعودی عرب پر حملے کو پاکستان پر حملہ تصور کیا جائے گا۔

    ان خیالات کا اظہار امیر جماعت اسلامی سراج الحق نے گوجرانوالہ میں عوامی رابطہ مہم کے افتتاح کے بعد میڈیا خطاب کرتے ہوئے کیا انھوں نے کہاکہ سعودی عرب میں حرمین اور شرفین ہے اور پاکستان کا ہرجوان سعودی عرب میں موجود اپنی مذہبی عبادت گاہوں کی حفاظت کے لیے سر قلم کروانے کو تیار ہیں۔

    سراج الحق کا کہنا تھاکہ ڈیروں اور جاگیرداروں کے کرپٹ نظام نے ملک کو کھوکھلا کردیا آزادی کے68سال بعد بھی مزدور کا بچہ تعلیمی سہولیات سے محروم ہے امیر کا بچہ اعلی تعلیم حاصل کررہا ہے جبکہ غریب کا بچہ آج بھی سائیکل کی دوکان میں پنکچر لگانے پر مجبو رہے اس کرپٹ تعلمی نظام کا خاتمہ ہونا چاہیئے۔

    انہوں نے کہاکہ پاکستان میں موجود ظالمانہ نظام ،کریشن ،مہنگائی اور ناقص تعلیمی نظام کے خلاف عوامی رابطہ مہم کا آغاز گوجرانوالہ سے کر رہا ہوں اور اس عوامی رابطہ مہم میں ہر عام آدمی سے ملوں گا اور گلی کوچوں میں جاؤں گا اور عوام سے کہوں گا کہ سیاسی پنڈتوں کو ووٹ نہ دیں کیونکہ عام آدمی کے ووٹ کی طاقت ہے اور یہ طاقت ایف 16اور ایٹم بم سے کہیں ذیادہ ہے ۔

    عوام ان سانپوں اور بچھو کو پالنے کی بجائے ان سیاست دانوں کو آگے لائیں جن کا دامن صاف ہے امیر جماعت اسلامی سراج الحق نے کہاکہ اگر عوام موقع دیں تو ایک کلین اور گرین پاکستان بنائیں گے۔

    بعد ازاں امیرجماعت اسلامی نے مختلف دکانداروں اور ریڑھی بانوںسے مل کر عوامی رابطہ مہم کا اغازکیا۔

  • ملک میں انقلاب کیلئے مزدور راج کی ضرورت ہے، سراج الحق

    ملک میں انقلاب کیلئے مزدور راج کی ضرورت ہے، سراج الحق

    لاہور : عوام کی حالت بدلنے کے لئے ملک میں انقلاب اور مزدور راج کی ضرورت ہے۔ان خیالات کا اظہار امیر جماعت اسلامی اور سینیٹرسراج الحق نے واپڈایونین کے زیر اہتمام نکالی جانے والی ریلی سے خطاب کرتے ہوئے کیا۔

    سراج الحق نے کہا کہ قومی اداروں کی نجکاری کی مزاحمت جاری رہے گی۔ تفصیلات کے مطابق لاہور میں واپڈا کی نجکاری کے خلاف امیرِ جماعتِ اسلامی سینیٹر سراج الحق کی قیادت میں واپڈا یونین نے ریلی نکالی ۔

    امیرِ جماعتِ اسلامی سراج الحق کا کہنا تھا کہ واپڈا کی نجکاری نہیں ہونے دیں گے اور مزدوروں کی جدو جہد میں ان کا ساتھ دیں گے۔ریلی واپڈا ہاؤس سے ریلوے ورکشاپ پہنچی۔

    جہاں مزدور کنونشن سے خطاب کرتے ہوئے سراج الحق کا کہنا تھا کہ اقتدار پر قابض، سرمایہ دار، جاگیر دار اور اشرافیہ نے ملکی سیاست، جمہوریت اور اداروں کو یرغمال بنا رکھا ہے۔

    امیر جماعت اسلامی کا کہنا تھا کہ اسمبلیوں میں بیٹھے مفاد پرست سیاستدانوں سے عوام کو نجات دلانے کے لئے جلد اسلام آباد میں عوامی قوت کا مظاہرہ کیا جائے گا۔

  • معاشرے کی ترقی میں خواتین کا اہم کردارہوتاہے،سراج الحق

    معاشرے کی ترقی میں خواتین کا اہم کردارہوتاہے،سراج الحق

    لاہور : امیرجماعت اسلامی سراج الحق کا کہنا ہے کہ کسی بھی معاشرے کی تعمیر و ترقی میں خواتین کا اہم کردار ہوتا ہے۔ ان خیالات کا اظہار انہوں نے لاہور میں خواتین کے عالمی دن پر بی بی خدیجہ سیرت کانفرنس سے خطاب کرتے ہوئے کیا۔

    سراج الحق کا کہنا تھا کہ واقعہ کربلا کے بعد سیدہ بی بی زینب نے حق اور اسلام کے پرچم کو بلند کیا اور دربار یزید میں سیدہ زینب کے خطبے نے ثابت کیا کہ امام حسین حق اور سچ کے پیکر ہیں ۔

    ان کہنا تھا کہ پاکستان آج جن مسائل کا شکار ہے ان مشکلات کے حل کیلئے پاکستانی خواتین اہم کردار ادا کرسکتی ہیں ۔

    انہوں نے کہا کہ موسم کی شدت اور بارش کے باوجود خواتین کی کانفرنس میں خواتین کی بڑی تعداد میں  شرکت نہ صرف خوش آئند بلکہ پاکستانی قوم کیلئے حوصلہ افزاء ہے۔

  • آئیسکو کی نجکاری نہ جائے۔ جماعت اسلامی

    آئیسکو کی نجکاری نہ جائے۔ جماعت اسلامی

    اسلام آباد : جماعت اسلامی اور لیبر یونٹی آئیسکو کے رہنماؤں نے مطالبہ کیا ہے کہ آئیسکو کی نجکاری نہ جائے۔

    تفصیلات کے مطابق اسلام آباد میں لیبر یونٹی آئیسکو کے زیر اہتمام نجکاری کے خلاف سیمینارسے خطاب میں جماعت اسلامی کے رہنماء اور سابق رکن قومی اسمبلی ڈاکٹر فریدپراچہ، یونین کے رہنماء شمس الرحمان سواتی اور دیگر مقررین نے کہا کہ قومی اداروں کی اونے پونے نجکاری کے پیچھے حکمرانوں کے ذاتی مفادات ہیں اور یہ سازش عوام کامیاب نہیں ہونے دیں گے۔

    ان کا کہنا تھا کہ قومی اداروں کو اپنے پاؤں پر کھڑے ہونے کے مواقع فراہم کئے جائیں اور کرپشن کا خاتمہ کیا جائے۔

    مقررین نے کہا کہ آئیسکو کی کارکردگی مثالی ہے اور اس کا خسارہ زیادہ تر فنی ہے جو نہ ہونے کے برابر ہے انہوں نے کہا کہ آئیسکو کی نجکاری کی کوشش کی گئی تو ملازمین اٹھ کھڑے ہو ں گے۔

  • وزیراعظم وآرمی چیف کا دورہ کراچی اہمیت کا حامل ہے،سراج الحق

    وزیراعظم وآرمی چیف کا دورہ کراچی اہمیت کا حامل ہے،سراج الحق

    لاہور: امیر جماعت اسلامی سراج الحق نے کہا ہے کہ وزیراعظم اور آرمی چیف کا دورہ کراچی اہم ہے، امید ہے سانحہ بلدیہ ٹاؤن پر پیش رفت ہو گی، جے آئی ٹی کی رپورٹ کئی ماہ کی تفتیش کے بعد تیار کی گئی۔

    تفصیلات کے مطابق شوکت خانم ہسپتال لاہور میں کسان بورڈ کے رہنماء ظفر حسین کے بیٹے کی عیادت کے بعد میڈیا سے گفتگو کرتے ہوئے امیر جماعت اسلامی سراج الحق کا کہنا تھا کہ وزیراعظم اور آرمی چیف کا دورہ کراچی اہمیت کا حامل ہے،امید ہے کہ سانحہ بلدیہ ٹاون پر اہم پیش رفت ہوگی۔

    انہوں نے کہا کہ جے آئی ٹی کی رپورٹ حساس اداروں کی مدد سے مہینوں کے بعد تیار کی گئی ہے ، جو وزیر اعظم کا امتحان ہے کہ وہ سیاسی مصلحتوں کا شکار ہوتے ہیں یا مجرموں کو کیفر کردار تک پہنچاتے ہیں۔

    امیر جماعت اسلامی نے کہا کہ سینٹ کے انتخابات میں ایک صوبے کے افراد کو دوسرے صوبوں کی نشستوں پر انتخابات لڑانا افسوس ناک ہے، حکومت اور تحریک انصاف کے درمیان مذاکرات کےلیے بظاہر برف پگھلتی نظر نہیں آ رہی ۔

    جہانگیر ترین اور اسحاق ڈار کو سیاسی جرگہ کی طرف سے خطوط لکھ دیئے گئے ہیں۔ انہوں نے میڈیا پر زور دیا کہ وہ آصف علی زرداری اوربلاول جیسے بڑے لوگوں کے اختلافات کی بجائے عوام کے مسائل پر توجہ دے۔

    سراج الحق کا کہنا تھا کہ حکومت دو سال میں عوام کو ریلیف فراہم کرنے میں ناکام رہی ہے۔

  • وزیرداخلہ چوہدری نثار کی زیرصدارت اجلاس،  نیشنل ایکشن پلان کا جائزہ

    وزیرداخلہ چوہدری نثار کی زیرصدارت اجلاس، نیشنل ایکشن پلان کا جائزہ

    اسلام آباد: قومی ایکشن پلان کے تحت ا ب تک دو لاکھ اٹھارہ ہزار دو سو بیس مشتبہ افراد کو حراست میں لیا گیا ہے جبکہ ساٹھ تنظیموں کو کالعدم قرار دیا گیا ہے جس میں سے ایک تنظیم واچ لسٹ پر ہے۔

    وزیر داخلہ چوہدری نثار علی خان کی زیر صدارت اجلاس میں نیشنل ایکشن پلان پر غور کیا گیا، اجلاس کو بتایا گیا کہ غیر قانونی موبائل فون سمز رکھنے کو قابل دست اندازی پولیس جرم قرار دینے پر بل قومی اسمبلی میں لانے پر غور کیا جارہا ہے ۔

    اجلاس کو بتایا گیا کہ میڈیا ہاوٴسز اور میڈیا شخصیات کی سیکورٹی کے لیے صوبائی سطح پر کام جاری ہے۔

    وزیرداخلہ نے ہدایت کی کہ اسلام آباد کے تمام اہم مقامات پر رابطے کا مضبوط نظام قائم کیا جائے تاکہ کسی ہنگامی صورتحال میں کوئیک رسپانس فورس کو فوری حرکت میں لایا جاسکے۔

  • دہشتگردی میں ملوث مدارس کیخلاف کاروائی ہوگی، چوہدری نثار

    دہشتگردی میں ملوث مدارس کیخلاف کاروائی ہوگی، چوہدری نثار

    اسلام آباد: وفاقی وزیرداخلہ چوہدری نثارکاکہناہےکہ جن مدرسوں کےخلاف ثبوت ملےصرف ان کےخلاف کاروائی ہوگی،تمام مدرسوں نےیقین دہانی کرادی کہ کالی بھیڑوں کی نشاندھی کریں گے۔

    اسلام آباد میں مدارس اصلاحات اور میڈیا ضابطہ اخلاق کے حوالے سے دو اجلاسوں کی صدارت کے بعدپریس کانفرنس کرتے ہوئے چوہدری نثار کا کہنا تھا اس مرتبہ امریکی وزیر خارجہ جان کیری سے ایک غیرت مند اور خودمختار ملک کی حیثیت سے دوٹوک انداز میں بات کی گئی ہے اور بھارت کی جانب امریکا کی واضح جھکاوٴ کی نشاندہی کی گئی ہے۔ انہوں نے بتایا کہ جان کیری سے سمجھوتہ ایکسپریس سانحہ پر بات چیت ہوئی۔

     انہوں نے بتایا کہ مدارس کی رجسٹریشن پر مکمل اتفاق پایا گیا ہے اور اس بات کا اعادہ کیا گیا کہ کچھ مدارس جو دہشت گردی کی کارروائیوں میں ملوث پائے گئے ہیں یا ہوں گے تو ان کے خلاف بلا امتیاز کارروائی کی جائے گی۔

    چوہدری نثار علی خان نے کہا کہ وہ میڈیا مالکان کے شکر گزار ہیں، میڈیا نے واضح کردیا ہے کہ وہ دہشت گردوں کے خلاف جانبدار ہے اور ملک کے مفاد میں کام کرے گا۔

     انہوں نے میڈیا سے رابطے کے لیے ایک حکومتی کمیٹی کے قیام کا بھی اعلان کیا،وزیرداخلہ نے فرانسیسی میگزین میں توہین آمیز خاکوں کی اشاعت کی مذمت کی اور حکومت پاکستان کی جانب سے پاپ فرانسس کے بیان کا خیرمقدم کیا۔

  • حالت جنگ میں فوجی عدالتیں بنا کرتی ہیں، چوہدری نثار

    حالت جنگ میں فوجی عدالتیں بنا کرتی ہیں، چوہدری نثار

    اسلام آباد: وفاقی وزیرِ داخلہ چوہدری نثار نے کہا کہ کسی کے ذہن میں بھی نہیں ہوگا کہ فوجی عدالتوں پرقانون سازی ہوگی۔

    اسلام آباد میں اسپیکر ایاز صادق کی صدارت میں قومی اسمبلی کےاجلاس سے خطاب میں وفاقی وزیرداخلہ چوہدری نثار علی خان  کا کہنا تھا کہ پاکستان کو اس وقت غیر معمولی حالات کا سامنا ہے، بچے بچے کو جنگ کی صورتحال کا سامنا ہے، حالت جنگ میں فوجی عدالتیں بنتی ہیں، قوم اس وقت حالت جنگ میں ہے ۔

    ان کا کہناتھا کہ فوجی عدالتوں کا مطلب یہ نہیں کہ  ہم ہر کسی لٹکانا چاہتے ہیں، فوجی عدالتیں محدود وقت اور غیر معمولی حالات کے لئے ہیں، عدالت میں آنے والے ہر شخص کو صفائی پیش کرنے کا موقع دیا جائے گا، فوجی عدالتیں آگ اور خون کی ہولی کھیلنے والوں کے لئے ہیں ۔

    چوہدری نثار نے کہا کہ پاکستان کے گلی محلوں ، بازار ، مساجد میں اعلانیہ حملے ہوئے، چالیس ہزار سے زائد پاکستانیوں کا خون ہوا، 2009 پشاور میں خواتین اور بچوں کا نشانہ بنایا گیا، کوئٹہ میں ہزارہ برادری کو نشانہ بنایا گیا، شہید افراد کے جنازوں پر بھی حملے کئے گئے ۔

    وفاقی وزیر کا کہنا تھا کہ پاکستان کی فوج سے بہادر دنیا کی کوئی فوج نہیں ہے، فوج آئینی حقوق کی جنگ لڑھ رہی ہے، شفقت حسین کا کیس فی الحال معطل کردیا گیا ہے، عام شہریوں کا ٹرائل فوجی عدالتوں میں نہیں ہوگا، فوجی عدالتیں اس لڑائی اور جدوجہد کا ایک عنصر ہیں، کوئی عالم دین دہشتگردوں کے نکتہ اسلام سے اتفاق نہیں کرتا، ہم فساد برپا کرنے والوں کے خلاف ہیں ۔

    چوہدری نثار کاکہنا تھا کہ مدارس کوبطور مدارس ٹارگٹ ناانصافی ہوگا، دہشت گردی کیخلاف جنگ میں قوم فوج کے پیچھےکھڑی ہے،انتہاپسندوں کیخلاف سب کومتحرک ہوناپڑے گا۔