ARYNews.tv | Urdu – Har Lamha Bakhabar

Tag: jamat e islami

  • مسئلہ کشمیر: جماعت اسلامی نے آل پارٹیزکانفرنس بلانے کا اعلان کردیا

    مسئلہ کشمیر: جماعت اسلامی نے آل پارٹیزکانفرنس بلانے کا اعلان کردیا

    لاہور:  جماعت اسلامی کے مرکزی سیکرٹری جنرل لیاقت بلوچ نے کہا ہے کہ کشمیریوں پر بھارتی مظالم کے خلاف حکومت خاموش ہے اس لیے جماعت اسلامی نے مظلوم کشمیری بھائیوں سے اظہار یکجہتی اور قومی اتفاق رائے پیدا کرنے کے لیے 29جولائی کو آل پارٹیز کانفرنس بلانے کا فیصلہ کیا ہے۔

    آل پارٹیزکانفرنس میں تمام سیاسی و مذہبی جماعتوں کی قیادت اور سول سوسائٹی کے اہم رہنماﺅں کو دعوت دی جائے گی جس کے لیے خود امیر جماعت اسلامی سیاسی قیادتوں سے رابطے کرینگے ۔

    ان خیالات کا اظہار انہوں نے لاہور پریس کلب میں پریس کانفرنس سے خطاب کرتے ہوئے کیا، لیاقت بلوچ نے کہا کہ بھارتی مظالم کے خلاف 31 جولائی کو ناصر باغ سے واہگہ بارڈر تک کشمیر مارچ ہو گا جبکہ 4آگست کو کراچی میں خواتین اپنے کشمیری بھائیوں اور بہنوں سے اظہار یکجہتی کرینگے ۔

    لیاقت بلوچ نے کہا کہ کشمیر میں بھارتی مظالم اور بھارتی حکومت کی انا خطے میں خوفناک جنگ کا سبب بن سکتی ہے اس لیے مسلم دشمنی پر مبنی انسانی حقوق کی تنظیموں کو اپنا کردار ادا کرنا چاہیے۔

    مزید پڑھیں: آل پارٹیز کانفرنس: سراج الحق کی خورشید شاہ اورعمران خان سے ملاقات

    انہوں نے کہا کہ پاکستانی قیادت اور پالیسی ساز بھارت سے جھوٹی دوستی کے نام پر ان کی چالوں میں آکر الجھ جاتے ہیں اور پھر منہ کی کھاتے ہیں، اس لیے حکومت کشمیر پر واضع مؤقف اختیار کرے اور کشمیر کے حل اور بھارتی مظالم بند ہونے تک بھارت سے تمام تعلقات ختم کیے جائیں۔

    ایک سوال کے جواب میں لیاقت بلوچ نے کہا کہ تحریک انصاف کی 7 آگست سے شروع ہونے والی کرپشن کے خلاف تحریک مظلوم کشمیریوں کے لیے فائدہ مند ثابت ہو سکتی ہے۔

    انہوں نے کہا کہ عمران خان کی اس تحریک کے دباﺅ میں آکر شاید حکومت مقبو ضہ کشمیر کے مسلئے پر کوئی واضع موقف اختیار کرلے۔

     

  • پاکستانی حکومت کشمیرایشو پر تماشا کررہی ہے، سراج الحق

    پاکستانی حکومت کشمیرایشو پر تماشا کررہی ہے، سراج الحق

    لاہور : امیر جماعت اسلامی سینیٹر سراج الحق نے کہا ہے کہ کشمیر پاکستان کی جغرافیائی شہ رگ ہے، مقبوضہ کشمیر میں بے گناہ لوگ مر رہے ہیں اور پاکستانی حکومت تما شا کررہی ہے۔

    ان خیالات کا اظہارانہوں نے جماعت اسلامی کے مرکز منصورہ لاہور میں ایک خصوصی پریس کانفرنس سے خطاب کرتے ہوئے کیا۔

    سینیٹر سراج الحق نے کہا کہ کشمیر کے بغیر پاکستان نامکمل ہے، پاکستان سے الحاق اور محبت کے لیے کشمیری عوام قربانیاں دے رہی ہے، مقبوضہ کشمیر کی عوام کو پاکستان کی سپورٹ کی ضرورت ہے۔

    Siraj1

    سراج الحق نے کہا کہ میں تمام سیاسی جماعتوں سے اپیل کرتا ہوں کہ اس مشکل گھڑی میں کشمیری عوام کا ساتھ دیں، انہوں نے اعلان کیا کہ 24 جولائی کو بھارتی سفارت خانے تک مارچ کیا جائے گا۔

    انہوں نے بتایا کہ 29 جولائی کو آل پارٹی کانفرنس بلوا رہے ہیں، انہوں نے حکومت سے مطالبہ کیا کہ کشمیر سے بھارتی فوج کے نکلنے تک بھارت سے دوستی اور تجارت سمیت ہر معاہدے کو معطل کیا جائے۔

    سراج الحق کا مزید کہنا تھا کہ پاکستان میں مردم شماری کا فوری طور پر اہتمام کیا جائے، پانامہ لیکس کی تحقیقات کے حوالے سے انہوں نے کہا کہ حکومت اپوزیشن کے ٹی او آرز کو تسلیم کرلے اور کمیشن بنانے میں مزید تاخیر نہ کرے.

     

  • کراچی کے مسائل کے حل کیلئے عملی اقدامات کا آغاز کردیا، جام خان شورو

    کراچی کے مسائل کے حل کیلئے عملی اقدامات کا آغاز کردیا، جام خان شورو

    کراچی : وزیر بلدیات سندھ جام خان شورو نے کہا ہے کہ کراچی کے مسائل کے حل اور بالخصوص پانی، سیوریج اور صفائی ستھرائی کے انتظامات کو مؤثر بنانے کے لئے عملی اقدامات کا آغاز کردیا گیا ہے۔

    رواں سال مون سون بارشوں کے فوری بعد کراچی کی میونسپل کارپوریشن اور تمام ڈسٹرکٹ کی میونسپل ایڈمنسٹریشن کے فوری طور پر اقدامات سے شہر کی اہم شاہراہوں اور سڑکوں سے پانی کی نکاسی ممکن ہوسکی ہے، جبکہ ماضی میں تین تین روز تک شارع فیصل اور دیگر ایم شاہرائیں بند رہتی تھیں۔

    پانی کے تین منصوبوں سو اور 65 ملین گیلن پومیہ پانی اور کے فور منصوبوں کا آغاز کردیا گیا ہے، ان خیالات کا اظہارانہوں نے اپنی رہائش گاہ پر ملاقات کیلئے حافظ نعیم الرحمٰن کی زیر قیادت آنے والے جماعت اسلامی کے وفد سے بات چیت کرتے ہوئے کیا۔

    اس موقع پر کراچی کے جنرل سیکرٹری عبدالوہاب، سیف الدین، مسلم پرویز، قاضی صدرالدین، خالد خان اور زاہد عسکری بھی ان کے ہمراہ موجود تھے۔ انہوں نے صوبائی وزیر کو قرآن شریف کا تحفہ بھی پیش کیا۔

    جماعت اسلامی کراچی کے امیر حافظ نعیم الرحمان نے کہا کہ پاکستان پیپلز پارٹی اور جماعت اسلامی اس شہر اور صوبے کو اوون کرنے والی جماعتیں ہیں اور ہم مل جل کر اس شہر اور صوبے کے مسائل کے حل کے لئے اقدامات کرنے کو تیار ہیں۔

    انہوں نے کہا کہ اداروں میں سیاسی بنیادوں پر کی جانے والی بھرتیوں اور گھوسٹ ملازمین کے خاتمے کے بغیر اداروں کو بہتر انداز میں نہیں چلایا جاسکتا۔ صوبائی وزیر بلدیات اس سلسلے میں اپنا کردار ادا کرتے ہوئے سیاسی اور گھوسٹ ملازمین کے خاتمے کے لئے اقدامات کو یقینی بنائیں۔

    صوبائی وزیر نے ملاقات اور بعد ازاں میڈیا سے بات چیت کرتے ہوئے کہا کہ آج جو کراچی میں بارش کے بعد سیاست کررہے ہیں، ان کو یہ معلوم نہیں کہ گجر نالے میں 30 ہزار خاندانوں اور دیگر نالوں پر تجاوزات کس کے دور حکومت میں قائم ہوئیں۔

    انہوں نے کہا کہ کراچی میں رواں ہفتہ دو بار بارشوں کے بعد پوری کراچی اور ڈسٹرکٹ کی انتظامیہ سڑکوں پر موجود تھی اور انہوں نے دن رات کام کرکے شاہراہوں اور گلیوں سے پانی کی نکاسی کو یقینی بنایا۔

     

  • پانامہ لیکس: عوام حکمرانوں کا سڑکوں پر بے رحم احتساب کریں گے، لیاقت بلوچ

    پانامہ لیکس: عوام حکمرانوں کا سڑکوں پر بے رحم احتساب کریں گے، لیاقت بلوچ

    ملتان : قائم مقام امیر جماعت اسلامی لیاقت بلوچ نے کہا ہے کہ اگر عدالتی کمیشن نہ بنا اور ٹی او آر طے نہ ہوئے تو معاملہ سڑکوں پر آجائے گا، سڑکوں پر عوام حکمرانوں کا بے رحم احتساب کریں گے جس سے سب سے زیادہ خطرہ جمہوریت کو ہو گا۔

    یہ بات انہوں نے دفتر جماعت اسلامی ملتان میں افطار پارٹی سے قبل میڈیا گفتگو کرتے ہوئے کیا، قائم مقام امیر جماعت اسلامی لیاقت بلوچ نے کہا کہ کرپشن کے حوالے سے بلاامتیاز تحقیقات اور احتساب ہونا چاہیئے۔

    جماعت اسلامی کی کرپشن فری پاکستان کی تحریک کو جاری رکھا جائے گا۔ انہوں نے کہا کہ 24جولائی کو راولپنڈی میں عوامی پیدل مارچ کریں گے۔

    بھارت کی نیو کلئیر سپلائی گروپ میں شمولیت کے حوالے سے کئے گئے ایک سوال کے جواب میں ان کا کہنا تھا کہ چین اور دیگر ممالک کا خیر مقدم کرتے ہیں جنہوں نے بھارت کا راستہ روکا۔

    لیاقت بلوچ کا کہنا تھا کہ اصولی طور پر ہمارے ملک کا معاشی نظام کشکول پر بنا ہوا ہے، بجٹ کے حوالے سے انہوں نے کہا کہ موجودہ بجٹ میں عوام کو ریلیف نہیں دیا گیا۔

    بجٹ میں جنوبی پنجاب کو کم بجٹ دینا محرومیوں کو فروع دے گا۔ ان کا کہنا تھا کہ چھوٹے کاشتکاروں کے مسائل حل کیے بغیر زراعت ترقی نہیں کرے گی۔

    لیاقت بلوچ نے کہا کہ سعودی عرب سے اچھے تعلقات ہیں پاکستان اپنے باڈر کے حساب سے چین افغانستان اور ایران جیسے ہمسایہ ممالک سے بہتر تعلقات بنانے چاہیئں۔

     

  • کچھ لوگ پاناما معاملہ شورشرابے میں گم کرنا چاہتے ہیں، سراج الحق

    کچھ لوگ پاناما معاملہ شورشرابے میں گم کرنا چاہتے ہیں، سراج الحق

    لاہور: امیر جماعت اسلامی سراج الحق نے کہا ہے پاناما لیکس کی تحقیقات کیلئے ٹی او آرز پر اتفاق نہ ہوا تو ذمہ دار حکومت ہوگی۔

    لاہور میں رمضان فوڈپیکج کی تقسیم پرخطاب کرتے ہوئےامیر جماعت اسلامی کا کہنا تھاکہ کرپشن اور پاکستان ایک ساتھ نہیں چل سکتے۔ پانامالیکس کے بعد کرپٹ اشرافیہ کا چہرہ کھل کر سامنے آگیا۔

    ان کا کہنا تھا کہ تحقیقات سے متعلق ٹی او آرز پر حکومت کا رویہ درست نہیں ہے۔سراج الحق نے ملک سے فوری طور پر کرپشن کے خاتمے اور تمام ذمے داروں کو کٹہرے میں قرار واقعی سزا دینے کا مطالبہ کیا۔

    سراج الحق نے کہا کہ دنیا بھر میں کرسمس سمیت دیگر مذہبی تہواروں کی مناسبت سے اشیائے خورونوش میں کمی کردی جاتی ہے۔ لیکن ہمارے یہاں ماہ مقدس کی آمد سے قبل ہی ہوش ربا اضافہ کردیا جاتاہے۔غریب لوگوں کو قطاروں میں لگ کر آٹا لینا پڑتا ہے۔ حالانکہ یہ حکومت کی ذمے داری ہے کہ وہ مستحق خاندانوں کی کفالت کرے۔

    امیر جماعت اسلامی سراج الحق لاہور میں رمضان المبارک کے حوالے سے فوڈ پیکٹ بھی تقسیم کئے۔

  • مطیع الرحمٰن نظامی کو متحدہ پاکستان کے تحفظ کی سزا دی گئی، منورحسن

    مطیع الرحمٰن نظامی کو متحدہ پاکستان کے تحفظ کی سزا دی گئی، منورحسن

    کراچی : جماعت اسلامی کے سابق امیر منور حسن نے کہا ہے کہ مطیع الرحمٰن نظامی کو اسلام اور متحدہ پاکستان کے تحفظ کی جدوجہد کے جرم میں سزا دی گئی۔

    ان خیالات کا اظہار انہوں نے نمائش چورنگی پر مطیع الرحمٰن نظامی کی غائبانہ نمازجنازہ کے بعد شرکاء سے خطاب اورصحافیوں سے گفتگو کرتے ہوئے کیا۔

    تفصیلات کے مطابق جماعت اسلامی بنگلہ دیش کے رہنما مطیع الرحمٰن نظامی کی غائبانہ نماز جنازہ کراچی میں ادا کی گئی، نماز جنازہ میں جماعت اسلامی اور دیگر مذہبی جماعتوں کے رہنماؤں نے شرکت کی۔

    میڈیا سے گفتگو کرتے ہوئے جماعت اسلامی کے سابق امیر منور حسن کا کہنا تھا کہ مطیع الرحمٰن نظامی کو اسلام اور متحدہ پاکستان کے تحفظ کی جدوجہد کے جرم میں سزا دی گئی۔

    سید منور حسن کا کہنا تھا کہ بنگلہ دیش کی حکومت 1974ء کے معاہدے کی خلاف ورزی کررہی ہے ،وزیر اعظم نواز شریف نے اس مسئلے پر اپنی زبان سے ایک لفظ نہیں نکالا، انہوں نے کہا کہ صرف قراردادوں سے یہ مسئلہ حل نہیں ہوگا۔

    اس موقع پرکراچی کے امیرحافظ نعیم الرحمٰن کا کہنا تھا کہ بھارت نوازشیخ حسینہ واجد حکومت 1974ء کے سہہ فریقی معاہدے کی خلاف ورزی کررہی ہے حکومت پاکستان کو اس خلاف ورزی پر اپنا موٴثر کردار ادا کرنا چاہیئے تھا جو اس نے ادا نہیں کیا۔

    انہوں نے کہا کہ بنگلہ دیش نے مطیع الرحمن نظامی کو پھانسی دے کر بین ا لاقوامی قوانین کی خلاف ورزی کی ہے۔

     

  • پاناما لیکس : جماعت اسلامی کا کراچی سے خیبر تک ٹرین مارچ کا اعلان

    پاناما لیکس : جماعت اسلامی کا کراچی سے خیبر تک ٹرین مارچ کا اعلان

    اسلام آباد : جماعت اسلامی نے پاناما لیکس کے معاملے پر کراچی سے خیبر تک ٹرین مارچ کا اعلان کیا ہے جب کہ سراج الحق کا کہنا ہے کہ پاناما لیکس والوں کے لئے اڈیالہ جیل میں جگہ کم پڑ جائے گی۔

    تفصیلات کے مطابق پاناما ہنگامہ پر ملک بھرمیں ہنگامہ برپا ہے۔ کرپشن کے خلاف جماعت اسلامی نے بھی کمر کس لی۔ کراچی سے خیبر تک ٹرین مارچ کا اعلان کردیا۔

    اسلام آباد میں تقریب سے خطاب کرتے ہوئے امیر جماعت اسلامی سراج الحق نے کہا کہ کرپشن کرنے والے اب بچ نہیں سکیں گے۔

    ایوانوں میں بیٹھے لوگ آئندہ چند دنوں میں جیلوں میں ہوں گے۔ سراج الحق کا کہنا تھا پاناما لیکس والوں کے لئے اڈیالہ جیل میں جگہ کم پڑ جائے گی لہٰذا بلوچستان اور سندھ کی جیلوں میں بھی رنگ و روغن کر لیا جائے۔

    جماعت اسلامی کے ذرائع کے مطابق ٹرین مارچ جماعت اسلامی کی ’’کرپشن فری پاکستان‘‘ مہم کا حصہ ہے، مارچ رواں ماہ کے آخری ہفتے میں کیا جائے گا جس میں دیگر سیاسی جماعتوں کو بھی شرکت کی دعوت دی جائے گی۔

    مارچ کے دوران تمام چھوٹے بڑے ریلوے اسٹیشنوں پر عوامی اجتماعات منعقد ہوں گے۔جس میں عوام کو متحرک کیا جائے گا۔ ٹرین مارچ کی قیادت امیر جماعت اسلامی سراج الحق کریں گے۔

     

  • پانامہ لیکس کی تحقیقات دو ماہ میں مکمل کی جائیں، معراج الہدیٰ صدیقی

    پانامہ لیکس کی تحقیقات دو ماہ میں مکمل کی جائیں، معراج الہدیٰ صدیقی

    حیدرآباد : جماعت اسلامی کی جانب سے حیدرآباد میں کرپشن کے خلاف احتجاجی کیمپ لگایا اور شہریوں میں کرپشن کے خلاف پمفلٹ تقسیم کئے۔

    جماعت اسلامی کی جانب سے حیدرآباد کے علاقے حیدر چوک پر کرپشن کے خلاف قائم کئے گئے کیمپ میں موجود جماعت اسلامی کے کارکنان کرپشن کے خلاف نعرے لگارہے تھے۔

    اس موقع پر جماعت اسلامی کے رہنماء ڈاکٹر معراج الہدیٰ صدیقی نے کارکنان کے ہمراہ شہریوں میں پمفلٹ بھی تقسیم کئے، اس موقع پرمعراج الہدیٰ صدیقی نے خطاب اور میڈیا سے گفتگو کرتے ہوئے کہا کہ ہمارا مطالبہ ہے کہ پانامہ لیکس میں وزیراعظم کے خلاف تحقیقات دو ماہ میں مکمل کی جائیں۔

    انہوں نے کہا کہ جتنے لوگوں نے بھی ملک کے خزانے کو لوٹا ہے ان کے بارے میں فیصلہ کیا جائے ،انہوں نے کہا کہ کرپشن اب جاری نہیں رہ سکتی ،کرپٹ حکمران اپنا بوریا بستر سمیٹ لیں کیوں کہ پاکستان اب صرف پاکستان کی عوام کا ہے۔

     

  • حکمران کماتے یہاں اورچھپاتے پانامہ میں ہیں، سراج الحق

    حکمران کماتے یہاں اورچھپاتے پانامہ میں ہیں، سراج الحق

    لاہور : امیرجماعت اسلامی سراج الحق نے کہا ہے کہ ملک سے کرپشن کے خاتمے کے لئے زندگی قربان کرنے کو تیار ہیں، یکم مئی کو کرپشن کے خلاف ملک گیر ہڑتال کی جائے گی، حکمران کماتےیہاں اورچھپاتےپانامہ میں ہیں۔

    دانہ پاکستان میں چگتے ہیں اور انڈہ بیرون ملک میں دیتے ہیں، ان خیالات کا اظہار انہوں نے لاہور میں مال روڈ پرجماعت اسلامی کے زیر اہتمام کرپشن کے خلاف عوامی دھرنے سے خطاب کرتے ہوئے کیا۔

    خطاب کے دوران امیر جماعت اسلامی نے حکومت کو آڑے ہاتھوں لیتے ہوئے کہا کہ پیسے یہاں کماتے ہواور چھپاتے پاناما میں ہو۔

    سراج الحق کا کہنا تھا کہ وزیراعظم کی سعودی عرب کی اسٹیل مل فائدے میں جا رہی ہے تو کراچی کی اسٹیل مل خسارے میں کیوں ہے؟

    سراج الحق نے اعلان کیا کہ یکم مئی سے جماعت اسلامی کرپشن کے خلاف ملک گیر ہڑتال کرے گی ،انہوں نے خود کو اپنی ٹیم سمیت احتساب کے لئے پیش کردیا۔

    انہوں نے دعویٰ کیا کہ جماعت اسلامی نے آج تک کرپشن نہیں کی، انہوں نے کہا کہ پاکستان میں لوگ غربت کے ہاتھوں اپنے اعضا بیچنے پر مجبور ہیں ،نصف آبادی صاف پانی پینے سے محروم ہے ،لوگ غربت سے تنگ آ کر خود کشیاں کررہے ہیں اور اپنی اولادوں کو مار رہے ہیں لیکن اب غریب اپنے حق کے لیے کھڑا ہو گا کیو نکہ عوام مزید کرپشن برداشت کرنے کے لیے تیار نہیں ہے۔

    ان کا کہنا تھا کہ کرپشن سےنجات کیلئےپولیو کی طرح حکمرانوں کوبھی اینٹی کرپشن کے قطرے پلانے پڑیں گے۔


    Those looting nation’s wealth will not be… by arynews

  • دینی جماعتوں کاتحفظ نسواں بل واپس لینےکامطالبہ

    دینی جماعتوں کاتحفظ نسواں بل واپس لینےکامطالبہ

    لاہور: خواتین کے تحفظ کے بل کے خلاف مذہبی جماعتیں ایک ہوگئیں، بل واپس لینےکے لئے ڈیڑھ ہفتے کاالٹی میٹم دے دیا۔

    پنجاب اسمبلی سے پاس ہونے والے تحفظ نسواں بل نے مذہبی جماعتوں کو ایک کردیا۔ لاہور میں جماعت اسلامی کے مرکزمنصورہ میں مذہبی جماعتوں کے سربراہ سر جوڑ کر بیٹھے.

    مولانا فضل الرحمان کا کہنا تھا کہ بل قرآن و سنت کے منافی اور بین الاقوامی ایجنڈا ہے۔ اجلاس کے میزبان سراج الحق نے بل کو خواتین کے حقوق کے خلاف قرار دیا.

    اجلاس کےاعلامیے میں کہا گیا کہ تحفظ نسواں بل سے خاندانی وحدت ٹوٹنے کا خدشہ ہے ۔ بل سے طلاق کی شرح میں اضافہ ہوگا ۔

    اجلاس نے ستائیس مارچ تک بل واپس لینے اور نظریاتی کونسل کی مشاورت سے نیابل لانے کا مطالبہ کردیا، سیکولرنظریات کامقابلہ کرنےکےلئے مشترکہ تحریک کااعلان بھی کیا گیا ۔

    اجلاس میں مولانا سمیع الحق ، صاحبزادہ ابوالخیر زبیر ، حافظ سعید اور دیگر علما بھی شریک تھے۔