جام پور : پنجاب میں اپنے حصے کا امدادی چیک لینے کیلئے آنے والی خاتون نوزائیدہ بچے کو گنوا بیٹھی۔
پنجاب کے شہر جام پور میں ایک غریب خاتون بے نظیر انکم سپورٹ پروگرام (بی آئی ایس پی) کے توسط سے ملنے والے امدادی چیک لینے کیلئے متعلقہ دفتر پہنچی۔
دفتر پر ہونے والے رش کے باعث اپنے دوماہ کے بچے کو ایک درخت کے سائے میں لٹا کر پیسے لینے چلی گئی، اس دوران ایک گاڑی نے ریورس ہوتے ہوئے دو ماہ کے بچے کو کچل ڈالا۔
جام پور: ڈیرہ غازی خان سے محمد پور جانیوالی بس کھائی میں جا گری، جس سے چودہ افراد زخمی ہوگئے ہیں، حادثہ تیز رفتاری کی وجہ سے ہوا۔
تیز رفتاری نے کئی افراد کو گھائل کردیا، جب جام پور میں اڈہ طلائی والا کے قریب ڈیرہ غازی خان سے محمد پور دیوان جانے والی مسافر بس ٹرالر کو کراس کرتے ہوے بے قابو ہو کر کھائی میں جا گری، حادثے میں کئی افراد زخمی ہوگئے، جنھیں فوراً قریبی اسپتال لے جایا گیا ۔
ڈاکٹروں کے مطابق چار زخمیوں کی حالت تشویشناک ہے، پولیس کے مطابق حادثہ تیز رفتاری کی وجہ سے ہوا۔