ملتان : سابق رکن قومی اسمبلی جمشیددستی کو گرفتار کرلیاگیا ، جمشیددستی پرآئل ٹینکرعملےکواغوااورتیل چوری کامقدمہ درج ہے اور مقدمے میں ان کے 2سابق گن مین پولیس اہلکار اور 5دیگرساتھی نامزد ہیں۔
تفصیلات کے مطابق سابق رکن قومی اسمبلی جمشیددستی ملتان سےگرفتار کرلیا گیا ، مظفرگڑھ پولیس نےجمشید دستی اور ان کے ساتھیوں کو گیلانی ہاؤس کےقریب سےگرفتارکیا، جمشیددستی پرآئل ٹینکرعملےکواغوااورتیل چوری کامقدمہ درج ہے اور مقدمے میں جمشیددستی کے2سابق گن مین پولیس اہلکار اور 5 دیگر ساتھی نامزدہیں۔
یاد رہے چند روز قبل پولیس نے عوامی راج پارٹی کے چیئرمین جمشید دستی کے خلاف تیل سے بھرے ٹرک لوٹنے پر دوسرا مقدمہ درج کرتے ہوئے ان کے 2 ساتھیوں سمیت دو پولیس اہلکاروں کو گرفتار کرلیا تھا۔
مزید پڑھیں : آسمان کھا گیا یا زمین نگل گئی، جمشید دستی کی گرفتاری میں پولیس ناکام
پولیس کا کہنا تھا جمشید دستی کئی روز سے روپوش ہیں جبکہ موبائل فون بھی بند ہے، ان کی گرفتاری کے لیے پولیس چھاپے مار رہی ہے۔
پولیس کے مطابق سابق یوسی چیئرمین ملک اجمل اور تاجر رہنما ملک عابد گرفتار ہیں جبکہ اہلکار فرخ شہزاد نے ساتھی اہلکاروں کے ساتھ آئل ٹینکر سے تیل لوٹا، گرفتار اہلکار فرخ شہزاد اور جمشید دستی کا گن مین رہ چکا ہے۔
واضح رہے گزشتہ سال اکتوبر میں جمشید دستی کی ایک اور جعلی ڈگری پکڑی گئی تھی، اسلامیہ یونی ورسٹی بہاولپور نے سال 2017 میں بی اے کی حاصل کردہ ڈگری انٹر میڈیٹ کی سند کی تصدیق نہ ہونے کے سبب منسوخ کردی تھی۔
خیال رہے کہ 2018 میں عوامی راج پارٹی کے چیئرمین جمشید دستی نے اپنے حلقے میں فری بس سروس شروع کر رکھی تھی، تاہم عام انتخابات ہارنے کے بعد یہ سروس بند کر دی گئی تھی۔
