Tag: Jang group owner

پشاور: ہائی کورٹ کی ابیٹ آباد بنچ نےجیو کے مالک میرشکیل الرحمان پر صوبے میں درج تمام مقدمات کی تفصیلات طلب کرلیں ہیں۔

قانون کی بالادستی کاپرچار کرنےوالےجیو کےمالک میرشکیل الرحمان قانون شکنی میں سب سےآگے نکل گئے،عدالتی احکامات کے باوجود عدالت سے مسلسل غائب ہیں۔

 پشاورہائی کورٹ کی ابیٹ آباد بنچ میں توہین رسالت کیس کی سماعت ہوئی،ایڈیشنل ایڈوکیٹ جنرل نےعدالت کو بتایا کہ میر شکیل الرحمن و دیگر ملزمان کی گرفتاری کیلئےکو ششیں کی جاری ہیں، جبکہ ملزمان کا نام ای سی ایل میں ڈالنے کیلئے بھی وفاقئ حکومت سے رابطہ کیاگیا ہے۔

 عدالت نے آئندہ سماعت پرجیو کے مالک پرخیبر پختونخوامیں درج مقدمات کی تفصیلات طلب کرلی ہیں۔

خیر پور: انسداد دہشتگردی عدالت نے مسلسل غیرحاضری پر جنگ اورجیوکےمالک میرشکیل اوردیگرملزمان کےپانچویں بار وارنٹ گرفتاری جاری کردیئے۔

خیرپور کی انسداد دہشتگردی کی عدالت کے جج سید کوثر بخاری نے جنگ اور جیو کے خلاف چار مقدمات کی سماعت کی ،ملزمان کو پیش نہ کرنے پر عدالت نے پولیس پر اظہار برہمی کیا تو عدالت کو بتا یا گیا کہ پولیس پارٹی کراچی میں جیو اور جنگ کے دفتر پر ملزمان کی گرفتاری کے لئے پہنچی تھی لیکن ملزمان فرار ہوگئے۔

پولیس کے بیان پر عدالت کے جج کوثر علی بخاری نے کہا کہ وہ پولیس کے جواب سے مطمئین نہیں ہیں،اگر ملزمان کو اگلی پیشی پر گرفتار کرکے پیش نہ کیا گیا تو عدالت کاروائی کو آگے بڑھائےگی، جیو اور جنگ کے خلاف درخواست میں میرشکیل الرحمان،نجم سیٹھی،عامرلیاقت حسین، شائستہ لودہی، انصار عباسی،ویناملک اور اسد خٹک کو ملزمان نامزد کیا گیا ہے عدالت نے ایس ایس پی خیرپور کو ملزمان کو اٹھائیس نومبر کو عدالت میں پیش کرنے کی ہدایت کرتے ہوئے وارنٹ گرفتاری جاری کردیے۔

گلگت:  انسداد دہشتگردی عدالت نے جنگ اور جیو گروپ کے مالک میر شکیل الرحمان اور دیگر پر فردِ جرم عائد کردی ہے۔

توہین اہلِ بیت کیس کی سماعت گلگت کی انسداد دہشت گردی عدالت نمبرایک کے جج راجا شہباز نے کی، عدالت نے جنگ اورجیو گروپ کے مالک میر شکیل اور دیگر ملزمان پر فرد جرم عائد کردی۔

جیو نیوز کے پروگرام میں توہین اہلِ بیت کے خلاف شہری نے درخواست دی تھی، انسداد دہشتگردی عدالت گلگت بلتستان نے میر شکیل اور دیگرکے خلاف نوٹسز اورتصاویر کے ساتھ بھی نوٹسز جاری کئے لیکن ملزمان حاضر نہیں ہوئے، جس پرعدالت نے ملزمان کی جائیداد کی ضبطگی کا حکم جاری کیا تھا۔

میرشکیل سمیت دیگرملزمان نے چیف کورٹ گلگت بلتستان میں فیصلے کے خلاف درخواست دائرکی تھی لیکن اُن کی درخواست مسترد کردی گئی تھی، اس کے باوجود ملزمان عدالت میں پیش نہ ہوئے، جس کے بعد انسداددہشتگردی عدالت نے فردِ جرم عائد کردی۔