ARYNews.tv | Urdu – Har Lamha Bakhabar

Tag: Japan

  • جاپان کا پاکستان میں سرمایہ کاری کا اعلان

    جاپان کا پاکستان میں سرمایہ کاری کا اعلان

    اسلام آباد: جاپان کی حکومت اور  معروف کمپنی مٹسوبشی نے  پاکستان میں سرمایہ کاری کرنے کا اعلان کردیا۔

    تفصیلات کے مطابق حکومت کی سرمایہ کاری کے لیے مثبت پالیسیاں بار آور ثابت ہونے لگیں، وزیراعظم پاکستان سے ملاقات کے دوران جاپانی کمپنی کے چیف ایگزیکٹو آفیسر کیمی ہائیڈ نے سرمایہ کاری کا اعلان کیا۔

    ملاقات میں مٹسو بشی کے پاکستان میں تعینات کنٹری ہیڈ، مشیر تجارت عبدالرزاق داؤد اور انرجی ٹاسک فورس کے سربراہ بھی شریک تھے۔ کیمی ہائیڈ نے وزیراعظم نے سرمایہ کاری کے حوالے سے بریفنگ بھی دی۔

    ان کا کہنا تھا پاکستان میں سرمایہ کاری کا تجربہ انتہائی شاندار رہا،موجودہ حکومت کی سرمایہ کار دوست پالیسیوں کے باعث جاپان کی حکومت نے پاکستان میں سرمایہ کاری بڑھانے کا فیصلہ کیا ہے۔

    اس موقع پر وزیراعظم پاکستان نے جاپانی حکومت کے فیصلے کا خیر مقدم کرتے ہوئے کہا کہ جاپانی کمپنیوں کو پاکستان میں سرمایہ کاری کے مواقع فراہم کریں گے۔

    یاد رہے کہ تحریک انصاف کی حکومت آنے کے بعد دنیا کی نامور کمپنیوں نے پاکستان میں سرمایہ کاری کا اعلان کیا، امریکا، روس، چین، قطر، سعودی عرب، ملائیشیا سمیت دیگر ممالک نے مختلف شعبوں میں سرمایہ کاری کا اعلان کیا ہے۔

    دوسری جانب ناروے اور کوریا نے بھی پاکستان میں  بڑی سطح پر سرمایہ کاری کا فیصلہ کیا جس پر تیزی سے کام جاری ہے جبکہ دو روز قبل وفاقی وزیر خارجہ شاہ محمود قریشی نے اعلان کیا تھا کہ پاکستان اور یورپین یونین کے درمیان جلد تجارتی معاہدہ طے ہونے جارہا ہے، اسی طرح چین نے بھی حکومت کے ساتھ غربت مٹانے کے پروگرام کا معاہدہ طے کرلیا۔

  • وزیرخارجہ شاہ محمود نے اپنا دورہ جاپان منسوخ کردیا

    وزیرخارجہ شاہ محمود نے اپنا دورہ جاپان منسوخ کردیا

    اسلام آباد: پاکستانی وزیرخارجہ شاہ محمودقریشی نےدورہ جاپان منسوخ کردیا،انہوں نے آج چار روزہ دورے پر جاپان روانہ ہونا تھا۔

    تفصیلات کے مطابق شاہ محمود قریشی کا 24 سے 27 فروری تک دورہ جاپان طے تھا، اس دورے میں انہوں نے جاپانی وزیر اعظم شینزو ایبے سمیت دیگر اہم شخصیات سے ملاقاتیں کرنا تھیں۔

    ذرائع کا کہنا ہے کہ دورےکانیاشیڈول باہمی مشاورت کے بعد جاری کیاجائےگا،دورہ منسوخی کافیصلہ جاپانی حکام سےمشاورت کےبعدکیاگیا۔ یہ بھی بتایا جارہاہے کہ منسوخی کا سبب پاک بھارت تعلقات میں کشیدگی ہے تاکہ وزیر خارجہ ان امور پر زیادہ توجہ اور تندہی سے کام کرسکیں۔

    شاہ محمود قریشی کا دورہ ان کے جاپانی ہم منصب تارو کونو کی دعوت پر شیڈول کیا گیا تھا۔ دورے کے دوران انہوں نے پاک جاپان دوستی پارلیمنٹری لیگ، پاک جاپان بزنس تعاون کمیٹی کے چیئر مین ٹیورو اسادا سے بھی ملاقاتیں کرنا تھیں۔ ساتھ ہی ساتھ جاپان انسٹی ٹیوٹ آف انٹر نیشنل افیئرز میں تقریر کرنے کے ساتھ ساتھ انہیں جاپانی دانشور طبقے سے بھی ملاقات کرنا تھی۔

    یاد رہے کہ پاکستانی وزیر خارجہ کا یہ دورہ سات سال کے تعطل کےبعد طے پایا تھا، اوراس سے دونوں ممالک کے درمیان دو طرفہ اسٹریٹجک، دفاعی اور کاروباری امور میں بہتری کے بے پناہ امکانات تھے۔

    یاد رہے کہ رواں ماہ کے وسط میں شاہ محمود قریشی عالمی سیکیورٹی کانفرنس میں شرکت کرنے کے لیے میونخ بھی گئے تھے، جہاں انہوں نے دہشت گردی کے خلاف جنگ اور افغانستان میں قیام امن کےلیے پاکستان کی اہمیت اور قربانیوں کو اجاگر کیا تھا۔

  • بحری امن مشق کا ابتدائی مرحلہ، جاپانی بحریہ کے جہاز کراچی بندرگاہ پہنچ گئے

    بحری امن مشق کا ابتدائی مرحلہ، جاپانی بحریہ کے جہاز کراچی بندرگاہ پہنچ گئے

    کراچی: جاپانی جہاز کے دورہ کثیرالملکی اور بحری امن مشق کے ابتدائی مرحلے میں جاپانی بحریہ کے جہاز کراچی بندرگاہ پہنچ گئے۔

    تفصیلات کے مطابق جاپانی بحریہ کے جہاز کی کراچی بندرگاہ آمد پر پاک بحریہ کےافسران اور جاپانی سفارتخانے کے نمائندگان نے عملے کا پرتپاک استقبال کیا۔

    جاپانی جہاز کا دورہ کثیرالملکی بحری مشق امن کے ابتدائی مرحلے کا حصہ ہے، اس دورہ کے موقع پر جاپانی بحریہ کے افسران نے پاک بحریہ کے افسران سے ملاقاتیں کیں۔

    جہاز کے عملے کے لیے مختلف تربیتی سرگرمیوں کا انعقاد کیا گیا، دونوں ممالک کی بحری جہاز مشترکہ مشقوں میں حصہ لیں گے۔

    خیال رہے کہ فروری 2017 میں ملکی تاریخ کی سب سے بڑی پاک بحریہ کی مشترکہ امن مشقوں کا آغاز ہوا تھا جس میں شرکت کے لیے روس، امریکا سمیت چھتیس ممالک کے جہاز کراچی بندرگاہ پہنچے تھے۔

    پاک بحریہ کی امن مشقیں 2017 کا آغاز

    مشقوں میں 9 ملکوں کے بحری جہازوں نے شرکت کی تھی، جن میں روس کے 3 اور امریکا کے 4 جنگی بحری جہاز ہیں جبکہ جاپان کے 2پی تھری سی اورین طیارے بھی مشقوں میں شامل تھے۔

  • سال 2019:‌ دنیا کے طاقت ور ترین پاسپورٹس کی فہرست جاری، جاپان کا پہلا نمبر، پاکستان کی پوزیشن برقرار

    سال 2019:‌ دنیا کے طاقت ور ترین پاسپورٹس کی فہرست جاری، جاپان کا پہلا نمبر، پاکستان کی پوزیشن برقرار

    ٹوکیو: دنیا کے طاقتور  پاسپورٹس کی فہرست جاری کردی گئی جس کے مطابق جاپان ایک بار پھر پہلی پوزیشن حاصل کرنے میں کامیاب رہا جبکہ امریکا، برطانیہ، آسٹریلیا کی تنزلی ہوئی اور پاکستان اپنی پوزیشن پر برقرار رہا۔

    تفصیلات کے مطابق پاسپورٹ پر نظر رکھنے والے بین الاقوامی ادارے ہینلے نے سال 2019 کی نئی رینکنگ جاری کی۔

    ہینلے کی رپورٹ کے مطابق جاپانی پاسپورٹ فہرست میں پہلی پوزیشن پر براجمان رہا جس کے شہری 190 ممالک اور شہروں کا ویزہ یا پھر ائیرپورٹ پر ہی حکام سے داخلے کی اجازت لے سکتے ہیں۔

    رپورٹ کے مطابق سنگا پور اور جنوبی کوریا کا پاسپورٹ دوسرے نمبر پر رہا جس کے شہری 189 ممالک کا بغیر کسی پابندی کے سفر کرسکتے ہیں۔ سال 2018 میں جنوبی کوریا کا پاسپورٹ تیسرے نمبر پر تھا جس کی پوزیشن بہتر ہوئی۔

    عالمی رینکنگ میں فرانس اور جرمنی کو چوتھا نمبر ملا جس کے حامل افراد 188 ممالک کا سفر کرسکتے ہیں اسی طرح ڈنمارک، فن لینڈ، اٹلی، سوئیڈن کے پاسپورٹس نے چوتھی پوزیشن برقرار رکھی جبکہ اسپین کے پاسپورٹ کی ایک درجہ تنزلی ہوئی۔

    دیکھیں: سال 2018، دنیا کے طاقتور ترین پاسپورٹ والے ممالک کی فہرست جاری

    اسیپن وہ واحد ملک ہے جس کا پاسپورٹ پانچویں پوزیشن حاصل کرسکا، علاوہ ازیں آسٹریلیا ، نیدرلینڈ، ناروے، پرتگال، سوئٹزر لینڈ کے پاسپورٹ چھٹی پوزیشن حاصل کرسکے جبکہ سال 2018 میں ان ممالک کے پاسپورٹ پانچویں پوزیشن پر تھے۔

    امریکا، برطانیہ کے پاسپورٹ سال 2018 میں پانچویں نمبر پر تھے جبکہ ان دونوں ممالک کی ایک درجہ تنزلی ہوئی جن کے حامل شہری 185 ممالک کے شہروں کا ویزہ فری سفر کرسکتے ہیں، اسی طرح کینیڈا کے پاسپورٹ کی بھی ایک درجہ تنزلی ہوئی۔

    آسٹریلیا کا پاسپورٹ ایک درجے ترقی کے بعد چھٹے نمبر پر پہنچ گیا جس کے شہری 185 ممالک ویزہ فری سروس حاصل کرسکتے ہیں۔

    روس کا پاسپورٹ مزید ایک درجہ تنزلی کے بعد 48ویںنمبر پر پہنچ گیا جبکہ چین کو دو درجہ ترقی ملی اور پاسپورٹ 71 ویں سے 69 ویں نمبر پر پہنچ گیا۔

    خلیجی ممالک میں متحدہ عرب امارات کے پاسپورٹ کی ایک درجہ تنزلی ہوئی جس کے بعد یہ 21 ویں سے نیچے آکر 22ویں پر پہنچا، جبکہ سعودی پاسپورٹ اپنی 70ویں پوزیشن برقرار رکھ سکا اسی طرح ایران کے پاسپورٹ نے دو درجہ ترقی کر کے 96ویں پوزیشن حاصل کی۔

    یہ بھی پڑھیں: جاپان کا پاسپورٹ ‘ دنیا بھرمیں سب سے طاقتور

    ہینلے کی رپورٹ کے مطابق عراق ، افغانستان فہرست میں سب سے آخری 104ویں نمبر پر رہے جبکہ شام ، عراق اور صومالیہ کے پاسپورٹ 103 ویں نمبر پر رہے۔

    پاکستان کے پاسپورٹ نے 102ویں پوزیشن برقرار رکھی جس کے حامل افراد 33 ممالک کا ویزہ فری سفر کرسکتے ہیں۔ صومالیہ، شام، عراق اور افغانستان کے پاسپورٹ پاکستان کے مقابلے میں ایک بار پھر کمزور رہے۔

    ہینلے کے چیئرمین کا کہنا ہے کہ طاقتور ترین پاسپورٹ کی درجہ بند شہریوں کی جانب سے ملک میں کی جانے والی سرمایہ کاری کو مدنظر رکھتے ہوئے کی گئی۔

    اُن کا کہنا تھا کہ درجہ بندی 2019 کے لیے کی گئی، یعنی ریکنگ میں آنے والے ممالک کے پاسپورٹ حامل افراد اتنے ہی ممالک سے سفر کرسکیں گے۔

  • پانچ ممالک اقوام متحدہ کی سیکیورٹی کونسل کے نئے رکن بن گئے

    پانچ ممالک اقوام متحدہ کی سیکیورٹی کونسل کے نئے رکن بن گئے

    نیویارک: اقوام متحدہ کی سیکیورٹی کونسل کے لیے نئے اراکین کا چناؤ ہوا جس میں پانچ ممالک کونسل کے نئے رکن بن گئے۔

    تفصیلات کے مطابق بیلجیئم، جرمنی، انڈونیشیا، جنوبی افریقہ اور ڈومینیکن ری پبلک اقوام متحدہ کی سیکیورٹی کونسل کے نئے رکن بن گئے۔

    پانچوں نئے اراکین ممالک کے پرچم کونسل چیمبر پر لگا دیئے گئے، جبکہ بولیویا، ایتھوپیا، نیدرزلینڈ، قزاقستان، سویڈن کی سیکیورٹی کونسل کی مدت ختم ہوگئی۔

    15 رکنی سیکیورٹی کونسل اقوام متحدہ کی سب سے طاقتور کونسل ہے، چین، فرانس، روس، برطانیہ ، امریکا ویٹوپاور کے ساتھ کونسل کے مستقل رکن ہیں۔

    مستقل اراکین کے علاوہ دو سال کے لیے مزید اراکین کا چناؤ 193 رکنی جنرل اسمبلی کرتی ہے۔

    خیال رہے کہ گذشتہ سال جنوری میں اقوام متحدہ کی سلامتی کونسل نے چھ نئے غیر مستقل ارکان کا چناؤ کیا گیا تھا۔

    واضح رہے کہ اکوٹوریل گنی، آئروی کوسٹ، کویت، نیدرلینڈز، پیرو اور پولینڈ کو گذشتہ سال جنرل اسمبلی کے 193 ارکان نے دو سال کی میعاد کے لیے منتخب کیا تھا۔

    اقوام متحدہ کے طاقتور ترین ادارے پر مامور رہنے کے دوران اِن ارکان کو بین الاقوامی امن اور سیکیورٹی کے معاملات سے نبردآزما ہونے کے حوالے سے موثر آواز حاصل ہوتی ہے۔

    مصر، جاپان، سنیگال، یوکرین اور یوروگوائے نے سال 2017 میں اپنی دو سالہ میعاد پوری کی تھی۔

  • امریکی فضائیہ کے دو طیارے جاپان کی سمندری حدود میں ٹکرا گئے

    امریکی فضائیہ کے دو طیارے جاپان کی سمندری حدود میں ٹکرا گئے

    ٹوکیو: امریکی فضائیہ کے دو طیارے دوران پرواز جاپان کی سمندری حدود میں ٹکرا گئے، جہازوں میں 7 افراد سوار تھے۔

    تفصیلات کے مطابق امریکی فضائیہ کے دو طیارے جاپان کی سمندری حدود میں ٹکرا گئے، سی 130سے دوران پرواز ایف 18 طیارے میں تیل بھرا جارہا تھا۔

    غیر ملکی خبر رساں ادارے کے مطابق ٹکرانے والے دونوں جہازوں میں سات افراد سوار تھے، جبکہ ریسکیو آپریشن شروع کردیا گیا ہے۔

    حادثے کی وجہ معلوم نہیں ہوسکی، جبکہ کسی قسم کے جانی نقصان کی اطلاعات بھی سامنے نہیں آئیں، حکام کی جانب فوری ریسکیو کے احکامات جاری کیے گئے ہیں۔

    خیال رہے کہ جاپان میں امریکی بحری اور فضائی افواج کے 50 ہزار تعینات ہیں۔

    حکام کا کہنا ہے جہاز میں سوار ایک شخص کو ریسکیو کرلیا گیا ہے، جبکہ دیگر 6 کی تلاش جاری ہے۔

    کوسٹا ریکا میں چھوٹا طیارہ گرکر تباہ‘ 12 افراد ہلاک

    دوسری جانب امریکی حکام نے جاپانی بحریہ کی جانب سے کئے گئے اقدامات کی تعریف کرتے ہوئے شکریہ بھی ادا کیا ۔

    اس سے قبل بھی ایسے حادثے پیش آچکے ہیں، گذشتہ ماہ امریکی بحری جہاز جاپان کے ساحل پر گرکر تباہ ہوگیا تھا، تاہم جہاز میں سوار دونوں افراد کو بچا لیا گیا تھا۔

    خیال رہے کہ رواں سال جنوری میں لاطینی امریکا کے ملک کوسٹاریکا میں چھوٹا طیارہ گرکرتباہ ہوگیا تھا، حادثے میں 10 امریکی سیاحوں سمیت 12 افراد ہلاک ہوگئے تھے۔

    یاد رہے کہ گزشتہ سال 10 دسمبر کو امریکی ریاست فلوریڈا میں چھوٹا طیارہ گرکرتباہ ہوگیا، حادثے میں پائلٹ سمیت تین افراد ہلاک ہوگئے تھے۔

  • جاپانی خاتون نے بیٹی کے لیے والد کرائے پر رکھ لیا

    جاپانی خاتون نے بیٹی کے لیے والد کرائے پر رکھ لیا

    ٹوکیو : جاپان کی رہائشی خاتون نے اپنی بیٹی کو والد کی محبت دینے کے لیے ایک فنکار کو معاوضے پر والد بناکر پیش کردیا تاکہ وہ میگومی کو والد کا احساس دلاتا رہے۔

    غیر ملکی خبر رساں ادارے کا کہنا تھا کہ جاپان کی اساکو کی نامی خاتون اور اس کے شوہر کے درمیان اس وقت علیحدگی ہوئی تھی جب میگومی پیدا ہوئی تھی، جب بچی نے بولنا شروع کیا تو اپنے والد کی تلاش بھی شروع کردی۔

    غیر ملکی خبر رساں ادارے کا کہنا تھا کہ بہت زیادہ اسرار کے بعد بھی والد نہ ملا تو بچی نے خود کو والدین میں علیحدگی کا ذمہ دار ٹہرانا شروع کردیا۔

    اساکو نامی خاتون نے برطانوی خبر نشریاتی ادارے کو بتایا کہ جب میری بیٹی میگومی 10 برس کی ہوئی تو میں نے محسوس کیا کہ میگومی کا رویہ کچھ تبدیل ہونے لگا ہے اور اس نے مجھ سے بات چیت بھی بند کردی ہے اور چپ چپ رہنے لگی ہے۔

    اساکو نے میڈیا کو بتایا کہ صرف میگومی خود کو والدین میں علیحدگی کا ذمہ دار نہیں سمجھتی بلکہ اس کے دوست بھی اسے پریشان کرتے تھے کیوں اس کا والد نہیں تھا۔

    جاپانی خاتون نے بتایا کہ میری بیٹی اتنی غم زدہ ہوئی کہ اس نے اسکول جانا چھوڑ دیا اور میری بیٹی کی تکلیف مجھ سے برداشت نہیں ہورہی تھی اس لیے میں نے ایک ویب سائٹ سے رابطہ کیا جو معاوضے پر جعلی رشتے دار فراہم کرتی ہے۔

    اساکو کا کہنا ہے کہ ویب سائٹ کی مدد سے مجھے تاکاشی نام کا ایک شخص ملا جو خود ایسی ہی ایک ایجنسی کا مالک تھا جو فرضی رشتہ دار کرائے پر فراہم کرتی تھی.

    اساکو نے بتایا کہ تاکاشی کو والد کی اداکاری کرنے پر کمال حاصل تھا اور وہ والد بننے کے لیے ہالی ووڈ فلمیں دیکھتا تھا اور ساتھ ساتھ ماہرین نفسیات سے بھی تربیت لیتا تھا۔

    جاپانی خاتون نے برطانوی نشریاتی ادارے کو بتایا کہ اس نے تاکاشی کو بچی کے والد کے طور پر یہ کہتے ہوئے پیش کیا اس کے والدین نے دوبارہ شادی کرلی۔

    غیر ملکی خبر رساں ادارے کا کہنا تھا کہ خاتون نے تاکاشی کو فرضی والد بنانے سے قبل دو شرطیں عائد کی تھی ایک یہ کہ تاکاشی بچی کو بتائے کہ اس کے والدین میں علیحدگی کی وجہ بنی تھی اور دوسری تاکاشی اور میگومی کے درمیان ہونے والی تمام گفتگو سے مجھے آگاہ کرنا ہوگا۔

    برطانوی میڈیا کا کہنا ہے کہ تاکاشی نے خود کو بچی کے سامنے یاماڈا کے نام سے پیش کیا جسے دیکھ کر میگومی کچھ پریشان ہوئی لیکن آہستہ آہستہ تاکاشی کو بطور والد قبول کرلیا۔

    غیر ملکی میڈیا کا کہنا ہے کہ خاتون تاکاشی کو اپنی بیٹی کا والد بننے کے لیے ایک روز کے 10 ہزار ین ’تقریباً 70 سے 90 ڈالر‘ روزانہ ادا کرتی ہے، تاکاشی کو میگومی کے فرضی باپ کا کردار ادا کرتے ہوئے 10 برس گزر ہوگئے۔

  • جاپان کا 1 ہزار سال قدیم درخت

    جاپان کا 1 ہزار سال قدیم درخت

    یوں تو جاپان میں چیری بلاسم کے درخت نہایت عام ہیں اور اگر کبھی آپ کا جاپان جانے کا اتفاق ہوا ہو تو آپ کو جابجا یہ درخت نظر آئیں گے، تاہم وہاں چیری بلاسم کا ایک درخت ایسا بھی ہے جس کی عمر 1 ہزار سال ہے۔

    مہارو تکیزکورا نامی یہ ایک ہزار سالہ قدیم درخت اپنی تاریخی اہمیت کے لحاظ سے ایک یادگاری مقام کی شکل اختیار کرچکا ہے۔ روزانہ سینکڑوں مقامی و غیر ملکی افراد اس درخت کو دیکھنے کے لیے آتے ہیں۔

    یہ درخت جاپان کے شہر فوکو شیما میں موجود ہے۔

    اس درخت کا زمین سے رشتہ اتنا گہرا ہے کہ جب سنہ 2011 میں جاپان میں 9 شدت کا خوفناک زلزلہ اور اس کے بعد سونامی آیا، اور اس کی وجہ سے فوکو شیما کے ایٹمی بجلی گھر سے تابکار شعاعوں کا اخراج شروع ہوا، تب بھی یہ درخت اپنی جگہ پر قائم و دائم کھڑا رہا۔

    سنہ 2011 کے اس زلزلے میں 15 ہزار کے قریب افراد لقمہ اجل بنے، سمندر کی 10 میٹر بلند لہروں نے عمارتوں، گاڑیوں اور ہزاروں درختوں کو زمین بوس کردیا، لیکن اس درخت نے اپنی جڑیں چھوڑنے سے انکار کردیا اور آج تک شان سے سر اٹھائے وہیں کھڑا ہے۔

    اس درخت کو جاپان کا قومی ورثہ بھی قرار دیا جاتا ہے۔

    بہار کے موسم میں جب یہ درخت گلابی پھولوں سے لد جاتا ہے اور ان پھولوں کے بوجھ سے درخت کی ٹہنیاں جھکی جاتی ہیں تب اس درخت کے حسن کو آنکھوں میں سمونا مشکل ہوجاتا ہے۔

    مزید پڑھیں: جاپان کا چیری بلاسم فیسٹیول

  • فطرت کی یہ خوبصورت موسیقی آپ کو مسحور کردے گی

    فطرت کی یہ خوبصورت موسیقی آپ کو مسحور کردے گی

    قدرتی مقامات جیسے سمندر، جنگلات اور پہاڑ کے درمیان موجود ہوتے ہوئے آپ نے محسوس کیا ہوگا کہ فطرت کی آوازیں نہایت پرسکون ہوتی ہیں۔

    خاموش مقامات پر ہوا کی آواز، بارش یا شبنم کے قطروں کا پتوں پر گرنا، پرندوں کی آوازیں اور سمندر کا شور اس قدر مسحور کردیتا ہے کہ بھیڑ بھاڑ اور پرشور مقامات پر واپس جانے کا دل نہیں چاہتا۔

    ایک جاپانی فنکار نے ان آوازوں کے سرور میں اضافہ کرنے کے لیے اس میں ایک انوکھی چیز کا اضافہ کیا۔

    مورہرو ہرانو نامی اس فنکار نے میوزک ڈائریکٹر اور کارپینٹر پر مشتمل اپنی ٹیم کے ساتھ مل کر ایک بڑا سا آلہ موسیقی تشکیل دیا۔

    زائلو فون کی طرز پر بنائے گئے لکڑی کے اس اسٹرکچر پر ربر کی ایک ننھی سی گیند حرکت کرتی ہے جس سے نہایت خوبصورت موسیقی پیدا ہوتی ہے۔

    مزید پڑھیں: گلہ بانی کے لیے استعمال کی جانے والی مسحور کن موسیقی

    یہ موسیقی فطرت کی اپنی آوازوں کے ساتھ مل کر نہایت ہی سحر انگیز سا ماحول تشکیل دے دیتی ہے۔

    کیا آپ اس خوبصورت موسیقی کو سننا چاہتے ہیں؟

  • جھوٹے ملازمین پر نظر رکھنے کے لیے ایپ تیار

    جھوٹے ملازمین پر نظر رکھنے کے لیے ایپ تیار

    ٹوکیو: جاپان کی نجی کمپنی نے ایک ایسی موبائل ایپ تیار کرلی جس کے ذریعے ملازمین کی نیند پر نظر رکھی جاسکے گی۔

    تفصیلات کے مطابق جاپان کی نجی کمپنی نے گزشتہ ماہ ملازمین کو متنبہ کیا تھا کہ وہ دفتر میں چاق و چوبند رہنے کے لیے اپنی نیند پوری کر کے آیا کریں۔

    انتظامیہ کی جانب سے ملازمین کو 6 سے 8 گھنٹے کی نیند پوری کرنے پر انعام دینے کا اعلان بھی کیا گیا تھا۔جس کے تحت انہیں اضافی بونس اور مفت کھانا فراہم کرنے کے ساتھ دیگر انعامات دیے جاتے ہیں۔

    شادی بیاہ اور دیگر تقریبات کا انعقاد کرنے والی کمپنی نے رات میں ہفتے میں کم از کم پانچ دن 6 گھنٹے نیند لینے پر پوائنٹس دینے کا اعلان بھی کیا تھا جس کے بعد ملازمین نے انعامات حاصل کرنے کے لیے جھوٹ کا سہارا بھی لیا۔

    مزید پڑھیں: نیند کی کمی آپ کو کن بیماریوں کا شکار بنا سکتی ہے؟

    اس بات کو مدنظر رکھتے ہوئے انتظامیہ نے ایک خصوصی ایپ تیار کی جس کی مدد سے نہ صرف ملازمین کے مقام کی نشاندہی کی جاسکے گی بلکہ اس کے ذریعے نیند لینے کی تفصیلات بھی اکھٹی ہوں گی۔

    تمام ملازمین کے موبائل میں اس ایپ کو انسٹال کرنے کے بعد کمپنی نے سب کو ہدایت کی ہے کہ وہ دفتر سے چھٹی کے بعد اپنی اسمارٹ ڈیوائس میں انٹرنیٹ اور لوکیشن کھولے رکھیں۔

    ملازمین کو ہدایت کی گئی ہے کہ وہ سوتے وقت اس ایپ کو اسٹارٹ کریں تاکہ اُن کی نیند کا دورانیہ اور گہرائی نوٹ کی جاسکے، جو ورکر پانچ روز تک سکون سے سوئے گا اُسے 500 پوائنٹ دیے جائیں گے۔

    یہ بھی پڑھیں: نیند کی کمی انسانی اور جسمانی صحت کے لیے نقصان دہ ہے، تحقیق

    کمپنی کی جانب سے پوائنٹس کو ڈالر میں تبدیل کرنے کا فارمولا بھی پیش کیا گیا، جیسے پانچ روز تک سونے والے شخص کو پانچ سو پوائنٹس ملیں گے تو یہ ساڑھے چار ڈالر کے برابر ہوگا۔ ملازم انعام میں ملنے والی رقم سے دفتری عمارت میں موجود کیفے ٹیریا سے کوئی بھی چیز کھا سکے گا۔