گزشتہ ہفتہ عید الاضحیٰ کا ہفتہ تھا جس کے دوران آپ نے یقیناً مختلف دعوتوں میں شرکت کی ہوگی۔ گھر میں رہنے والے افراد نے بھی گوشت کے مزے مزے کے لیکن مرغن کھانے بنائے ہوں گے جنہیں کھانے کے بعد اب یقیناً آپ کا گوشت کی طرف دیکھنے کو بھی دل نہیں چاہ رہا ہوگا۔

اسی لیے منہ کا ذائقہ بدلنے، اور معدے اور نظام ہضم کو آرام پہنچانے کے لیے آج ہم آپ کو سبزیوں کا ٹیمپورا بنانے کی ترکیب بتارہے ہیں۔

یہ دراصل جاپانی ڈش ہے جسے یاسائی نو تیمپورا کہا جاتا ہے۔ اس ڈش کو بنانے کا آغاز تو پرتگال سے ہوا تاہم اس کا پھیلاؤ اور مقبولیت جاپان میں ہوئی لہٰذا اب اسے جاپانی پکوان کہا جاتا ہے۔

---

اجزا

ٹیمپورا کا آمیزہ بنانے کے لیے

انڈا: نصف پھینٹا ہوا

سرد پانی: ملی لیٹر

میدہ: 150 گرام

مزید اجزا

گاجر: عدد

آلو: 2 عدد

پیاز: 100 گرام

تیل: حسب ضرروت

میدہ: حسب ضرورت

لیموں: ایک عدد

نمک: حسب ذائقہ

---

ترکیب

گاجر کو چھیل کر اوپری سرے کو کاٹ دیں۔ اب اسے 5 سینٹی میٹر لمبے ٹکڑوں میں کاٹ لیں۔

ہر ٹکڑے کو 5 ملی میٹر موٹائی کے قتلوں میں کاٹ کر 5 ملی میٹر چوڑے لمبے ٹکڑوں میں کاٹ لیں۔

آلو چھیل لیں اور اگر ان پر کسی بھی قسم کی کونپلیں موجود ہوں تو انہیں ہٹا دیں۔ اب 8 ملی میٹر موٹے ٹکڑوں میں کاٹ کر انہیں فوراً پانی میں بھگو دیں۔

پیاز چھیل کر جڑ والا حصہ کاٹ دیں اور یکساں طور پر پیاز کی پرتوں کے ساتھ ساتھ 5 ملی میٹر موٹے قتلے بنا لیں۔

ذائقہ کے طور پر استعمال کیے جانے والے لیموں کو 8 ٹکڑوں میں کاٹ لیں۔

اس کے بعد آمیزہ تیار کریں۔ ایک برتن میں پھینٹا ہوا انڈا اور ٹھنڈا پانی اچھی طرح ملا کر میدہ شامل کریں اور دوبارہ ملائیں۔

سبزیوں پر تھوڑا سا میدہ چھڑکیں۔ تقریباً 1 کھانے کا چمچ میدہ 1 کاغذ پر پھیلائیں اور ہاتھوں کی مدد سے سبزیوں پر اچھی طرح میدہ لگا دیں۔ آلو پر میدہ لگانے سے قبل ان کا پانی اچھی طرح سے خشک کر لیں۔

تیل کو 160 ڈگری تک گرم کریں۔ تیل میں آمیزہ کا ایک قطرہ ڈالیں۔ اگر آمیزہ تیل میں ڈوب جائے لیکن فوراً ہی تیل کی سطح پر آ جائے تو سمجھ لیں کہ تیل 160 ڈگری تک گرم ہو چکا ہے۔

سب سے پہلے آلو کے ٹکڑوں کو تلیں۔ ٹکڑوں پر اچھی طرح آمیزہ لگا لیں اور 3 سے 4 منٹ تک تلیں۔

سبزیاں سطح پر آ جائیں اور تیل کی سطح پر کسی بھی قسم کے بلبلے بننا تقریباً ختم ہو جائیں تو سبزیوں کو تیل سے اوپر اٹھائیں اور اچھی طرح تیل نکل جانے دیں۔ پھر انہیں فرائنگ پین سے نکال لیں۔

اب پیاز پر آمیزہ لگائیں۔ ایک بڑے چمچ میں آمیزہ لگے ہوئے پیاز کے ٹکڑوں کو اکٹھا اٹھائیں اور آہستگی سے 160 ڈگری گرم تیل میں ڈالیں۔ اس کے بعد چوپ اسٹک کی مدد سے پیاز کے درمیانی حصے کو ایک بار ہلائیں۔

اس کے بعد حدت سے آمیزہ پک کر نسبتاً ٹھوس حالت میں آ جائے اور اس کی ایک شکل بن جائے تو اسے پلٹیں۔

جب سطح سے بلبلے غائب ہو جائیں اور پیاز اوپر آ جائے تو انہیں تیل سے اوپر اٹھائیں اور اچھی طرح تیل نکل جانے دیں۔ پھر انہیں فرائنگ پین سے نکال لیں۔

گاجر کے ٹکڑوں کو بھی اسی طرح تل لیں۔

تازہ تلے گئے ٹیمپورا کو ایک پلیٹ میں نکالیں، ان پر نمک اور لیموں ڈال کر لذیذ ٹیمپورا سے لطف اٹھائیں۔

---

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔