ARYNews.tv | Urdu – Har Lamha Bakhabar

Tag: Japanese Ambassador

  • جاپان کی حکومتِ پاکستان کے آٹو انڈسٹری کیلئے اقدامات کی تعریف

    جاپان کی حکومتِ پاکستان کے آٹو انڈسٹری کیلئے اقدامات کی تعریف

    اسلام آباد : جاپانی سفیر نے حکومت پاکستان کے آٹو انڈسٹری کیلئے اقدامات کی تعریف کرتے ہوئے کہا پاکستانی برآمدات بڑھانے کیلئے جائیکا کے تعاون سے سرٹیفکیٹ کا اجرا ہوگا۔

    تفصیلات کے مطابق وزیرصنعت و پیداوار مخدوم خسرو بختیار سے جاپانی سفیر کی ملاقات ہوئی ، ملاقات میں جاپانی کمپنیوں کی پاکستان میں سرمایہ کاری،تعاون بڑھانے پر تبادلہ خیال کیا گیا۔

    جاپانی سفیر نے حکومت کے آٹو انڈسٹری کیلئے اقدامات کی تعریف کی ، دوران ملاقات خسروبختیار نے بتایا کہ پاکستان نےاسکیم کےذریعےچھوٹی گاڑی کی قیمتیں کم کی ہیں، ملک میں موبائل ڈیوائس پیداواری صنعت کو بڑھایاجا رہا ہے۔

    وزیرصنعت و پیداوار کا کہنا تھا کہ نئی آٹوپالیسی میں پیداوار وبرآمدات پرتوجہ دی جائے گی، کراچی میں 1500 ایکڑ اراضی انڈسٹریل پارک کیلئے مختص کی ہے، آٹوموبیل،انڈسٹریل پارک زون ،موبائل فونز کی پیداوار میں وسیع مواقع ہیں۔

    اس موقع پر جاپانی سفیر نے کہا جاپانی آٹو کمپنیوں کو پاکستان میں سرمایہ کاری کو فروغ دیا جائے گا، پاکستانی برآمدات بڑھانے کیلئے جائیکا کے تعاون سے سرٹیفکیٹ کا اجرا ہوگا۔

  • وزیراعظم عمران خان نے حوصلے اور تدبر سے حالات کا مقابلہ کیا، جاپانی سفیر

    وزیراعظم عمران خان نے حوصلے اور تدبر سے حالات کا مقابلہ کیا، جاپانی سفیر

    اسلام آباد : جاپان کے سفیر کونینوری مٹسوڈا نے کہا ہے کہ وزیراعظم عمران خان نے حوصلے اور تدبر سے موجودہ حالات کا مقابلہ کیا، جاپان ان کے اقدامات کو قدر کی نگاہ سے دیکھتا ہے۔

    ان خیالات کا اظہار انہوں نے مشیر پارلیمانی امور ڈاکٹر بابر اعوان سے ملاقات کے موقع پر کیا۔ جاپانی سفیر نے بابر اعوان کو نئی ذمے داریاں سنبھالنے پر مبارکباد پیش کی، ملاقات کے دوران خطے کی مجموعی صورت حال پر تفصیلی گفتگو کی گئی۔

    اس موقع پر کونینوری مٹسوڈا کا کہنا تھا کہ جاپان کے وزیراعظم جلد پاکستان کا دورہ کرنا چاہتے ہیں، کورونا سے پیدا صورتحال میں بہتری آتے ہی دورے کی تاریخ طے ہوگی، جاپانی وزیراعظم پاکستانی ہم منصب کو بھی دورہ جاپان کی دعوت دیں گے۔

    جاپانی سفیر نے وزیر اعظم عمران خان کی قائدانہ صلاحیتوں کا اعتراف کرتے ہوئے کہا کہ وزیراعظم عمران خان نےحوصلے اور تدبر سے موجودہ حالات کا مقابلہ کیا ہے۔

    انہوں نے کہاکہ جاپان وزیراعظم عمران خان کے اقدامات کو قدر کی نگاہ سے دیکھتا ہے، درست حکمت عملی کے باعث پاکستان میں افراتفری نہیں پھیلی، پاکستان میں معمولات زندگی دیگر ممالک کی نسبت بہتر رہے، کسی چیز کی کمی نہیں ہوئی۔

    جاپانی سفیر کا کہنبا تھا کہ جاپان  کرونا وائرس کاپھیلاؤ  روکنے کے لیے پاکستان سے بھرپور تعاون کرے گا، دونوں ملکوں میں اسٹرٹیجک پارٹنر شپ کو بھی مضبوط کیا جائیگا۔

    ملاقات کے موقع پر گفتگو کرتے ہوئے بابر اعوان نے پاکستان سے تعاون کرنے پر جاپانی سفیر سے اظہار تشکر کرتے ہوئے کہا کہ ہمارے جاپان سے دیرینہ تعلقات ہیں اس تعاون سے ترقی کی نئی راہیں کھلیں گی، دونوں ممالک میں ہونے والے دو معاہدے دیرینہ تعلقات کا مظہر ہیں۔

  • آرمی چیف سے جاپانی سفیر کی ملاقات

    آرمی چیف سے جاپانی سفیر کی ملاقات

    اسلام آباد: آرمی چیف جنرل قمر جاوید باجوہ سے جاپانی سفیر کنی نوری متسودا کی ملاقات ہوئی، ملاقات میں دونوں ممالک کے مثالی تعلقات کو مزید وسعت دینے کے عزم کا اظہار بھی کیا گیا۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) کا کہنا ہے کہ پاکستان کے لیے نئے جاپانی سفیر کنی نوری متسودا نے جی ایچ کیو راولپنڈی کا دورہ کیا۔ اس موقع پر آرمی چیف جنرل قمر جاوید باجوہ سے ان کی ملاقات ہوئی۔

    آئی ایس پی آر کے مطابق ملاقات میں باہمی دلچسپی اور علاقائی سیکیورٹی سے متعلق امور پر تبادلہ خیال کیا گیا۔ جاپانی سفیر نے خطے میں کشیدہ فضا کو کم کرنے کے لیے پاکستانی کوششوں کی تعریف کی۔

    ملاقات میں دونوں ممالک کے مثالی تعلقات کو مزید وسعت دینے کے عزم کا اظہار بھی کیا گیا۔

    اس سے قبل جاپانی سفیر نے وزیر سائنس و ٹیکنالوجی فواد چوہدری سے بھی ملاقات کی تھی جس میں ٹیکنالوجی کے شعبے میں تعاون پر بات چیت کی گئی۔

    فواد چوہدری کا کہنا تھا کہ ہم پاکستان جاپان تعلقات مزید مضبوط بنانے کے خواہاں ہیں، پاکستان کی متعارف کردہ نیو الیکٹرانک ویزا پالیسی میں جاپان بھی شامل ہے۔

    ان کا کہنا تھا کہ پاکستان سرمایہ کاری کے لیے پر کشش ملک ہے۔ جاپان ٹیکنالوجی کے لحاظ سے دنیا میں اپنا ایک مقام رکھتا ہے۔

  • جاپانی حکومت سندھ میں سرمایہ کاری کی خواہاں، سفیرکی وزیراعلیٰ سے ملاقات

    جاپانی حکومت سندھ میں سرمایہ کاری کی خواہاں، سفیرکی وزیراعلیٰ سے ملاقات

    کراچی : جاپانی سفیر نے سندھ میں سرمایہ کاری کی خواہش کا اظہار کردیا، ان کا کہنا ہے کہ سندھ حکومت اسپیشل اکنامک زون قائم کرے تو جاپان کے سرمایہ کار وہاں پر صنعتیں قائم کریں گے۔

    تفصیلات کے مطابق وزیراعلی سندھ سید مراد علی شاہ سے جاپان کے سفیر کونینوری مٹسودا نے وزیراعلی ہاﺅس میں ملاقات کی۔ ملاقات میں جاپان کے سفیر نے کہا کہ سندھ حکومت اسپیشل اکنامک زون قائم کرے تو جاپان کے سرمایہ کار وہاں پر صنعتیں قائم کریں گے۔

    ملاقات میں تجارت، ثقافت، تعلیم و دیگر شعبوں میں مل کر کام کرنے پر اتفاق کیاگیا۔ وزیراعلیٰ سندھ نے جاپان کو زرعی اور فوڈ انڈسٹری میں سرمایہ کاری کرنے کی پیشکش کی۔

    ملاقات میں جاپانی کمپنیز اور محکمہ سرمایہ کاری کے اجلاس بلانے کا فیصلہ کیا گیا۔ جاپان اور سندھ حکومت کے مابین فشنگ انڈسٹری میں بھی سرمایہ کاری کرنے پر اتفاق کیا گیا۔

    وزیراعلی سندھ نے کہا کہ سندھ حکومت جاپانی سرمایہ کاروں کو ہر قسم کی سہولیات اور تعاون فراہم کرے گی۔ جاپان کے سفیر نے سندھ میں بہترین امن و امان قائم کرنے پر وزیراعلی سندھ کو مبارکباد بھی دی۔

    وزیراعلی سندھ نے کہا کہ سندھ کو دو بندرگاہوں اور وسیع سڑکوں کے نیٹ ورک کا ایڈوانٹیج حاصل ہے۔ انہوں نے کہا کہ جاپان کے سرمایہ کاروں کو سندھ میں سرمایہ کاری کرنے سے اچھے نتائج حاصل ہوں گے۔

  • وزیرخارجہ شاہ محمودقریشی سے جاپان کے سفیر کی ملاقات

    وزیرخارجہ شاہ محمودقریشی سے جاپان کے سفیر کی ملاقات

    اسلام آباد : وزیر خارجہ شاہ محمود قریشی نے جاپانی سفیر سے ملاقات میں کہا جاپان ، کثیر جہتی شعبوں میں پاکستان کی تعمیر و ترقی میں معاونت کرتا چلا آ رہا ہے، اقتصادی تعلقات مزید مستحکم بنانے چاہئیں جبکہ جاپانی سفیر نے اپنی حکومت کی طرف سے مکمل تعاون کا یقین دلایا۔

    تفصیلات کے مطابق پاکستان میں جاپان کے سفیر کونینورو مٹسودا نے وزارتِ خارجہ میں وزیر خارجہ مخدوم شاہ محمود قریشی سے ملاقات کی، جس میں پاکستان اور جاپان کے مابین دوطرفہ تعلقات سمیت اہم علاقائی اور باہمی دلچسپی کے امور پر تبادلہ خیال کیا گیا ۔

    فریقین نے پاکستان اور جاپان کے مابین فروغ پاتے ہوئے، دوطرفہ تعلقات کی نوعیت پر اطمینان کا اظہار کیا ۔

    وزیر خارجہ شاہ محمود قریشی نے کہاکہ پاکستان جاپان کے ساتھ اپنے دوطرفہ تعلقات کو انتہائی قدر کی نگاہ سے دیکھتا ہے، جاپان، پاکستان کا بنیادی اقتصادی شراکت دار ہے، جاپان ، کثیر جہتی شعبوں میں پاکستان کی تعمیر و ترقی میں معاونت کرتا چلا آ رہا ہے ۔

    شاہ محمود قریشی نے پاکستان اور جاپان کے درمیان اقتصادی تعلقات کو مزید مستحکم بنانے پر زور دیا ۔

    مزید پڑھیں : فواد چوہدری سے جاپانی سفیر کی ملاقات، ٹیکنالوجی کے شعبے میں تعاون پر بات چیت

    جاپانی سفیر نے 22، 23اپریل 2019 کو جاپانی وزیر خارجہ تارو کونو کی خصوصی دعوت پر وزیر خارجہ مخدوم شاہ محمود قریشی کے متوقع دورہ جاپان کے حوالے سے بھی تبادلہ خیال کیا۔

    جاپانی سفیر کا کہنا تھا وزیر خارجہ مخدوم شاہ محمود قریشی کے دورہ جاپان سے دونوں ممالک کے مابین دوطرفہ تعلقات مزید مستحکم ہوں گے اور فریقین کو دو طرفہ سیاسی، اقتصادی، تعلیمی اور ٹریننگ سمیت علاقائی اور عالمی اہمیت کے حامل، باہمی دلچسپی کے متعدد شعبوں میں تعاون کے فروغ کیلئے گفت و شنید کا موقع ملے گا ۔

    جاپان کے سفیر نے باہمی دلچسپی کے امور پر وزیر خارجہ مخدوم شاہ محمود قریشی کو اپنی حکومت کی طرف سے مکمل تعاون کا یقین دلاتے ہوئے کہا ہم جاپان میں آپ کی آمد کے منتظر رہیں گے۔

  • عمران خان سے جاپانی سفیر کی ملاقات، نومنتخب حکومت سے باہمی تعاون بڑھانے کا عزم

    عمران خان سے جاپانی سفیر کی ملاقات، نومنتخب حکومت سے باہمی تعاون بڑھانے کا عزم

    اسلام آباد : پاکستان میں تعینات جاپان کے سفیر نے بنی گالہ میں چیئرمین پی ٹی آئی عمران خان سے ملاقات کی ہے، جاپانی سفیر نے عمران خان کو عام انتخابات میں جیت پر مبارکباد دی اور پاکستان میں نومنتخب حکومت سے تعاون اور اشتراک میں دلچسپی کا اظہار بھی کیا۔

    تفصیلات کے مطابق جاپان نے پاکستان کی نو منتخب حکومت کو تعاون کی یقین دہانی کرادی، جاپانی سفیر نے بنی گالہ اسلام آباد میں چیئرمین پی ٹی آئی عمران خان سے ملاقات کی، اور جاپانی حکومت کی جانب سے خیر سگالی کا پیغام پہنچایا۔

    اس موقع پر گفتگو کرتے ہوئے جاپانی سفیر کا کہنا تھا کہ ہم تعلیمی اداروں کے منصوبوں میں پاکستان سے اشتراک کے خواہاں ہیں،جاپان24ملین بچوں کیلئے تعلیم کے انتظامات میں تعاون کیلئے تیار ہے، دونوں ممالک میں دو طرفہ تعلقات میں مضبوطی ہماراہدف ہے،۔

    ان کا مزید کہنا تھا کہ جاپان صاف پانی منصوبوں میں بھی دلچسپی رکھتا ہے، جاپانی پارلیمان کا وفد ستمبر میں پاکستان کا دورہ کرے گا، ملاقات میں چیئرمین تحریک انصاف نے خیرسگالی کے جذبات کا خیرمقدم کرتے ہوئے جاپانی سفیر اور ان کی حکومت کا شکریہ ادا کیا۔

    عمران خان نے کہا کہ پی ٹی آئی دونوں ممالک میں سرمایہ کاری کی خواہاں ہے، جبکہ غربت کے خاتمے کیلئے جاپان کے تجربات سے استفادہ کریں گے۔

    انہوں نے کہا کہ جاپان کے ساتھ مضبوط ، متحرک سفارتی تعلقات کو اہمیت کی نگاہ سے دیکھتے ہیں، سفارتی سرگرمیوں کے ذریعے تجارت کا دائرہ کار بڑھائیں گے۔