Tag: Javed Akhtar

  • ویڈیو: احسن خان نے جاوید اختر کو امن کا سبق پڑھا دیا

    ویڈیو: احسن خان نے جاوید اختر کو امن کا سبق پڑھا دیا

    اداکار احسن خان نے ایک تقریب کے دوران پاکستان کے خلاف زہر اگلنے والے بھارتی مصنف جاوید اختر سے ملاقات میں انہیں امن کا سبق پڑھا دیا۔

    پاکستانی اداکار احسن خان نے حال ہی میں لندن میں برطانوی پارلیمنٹ میں ایک ادبی تقریب میں شرکت کی، جہاں وہ بھارتی مصنف اور نغمہ نگار جاوید اختر اور لیجنڈ اداکارہ شبانہ اعظمی کے ساتھ نظر آئے۔

    تقریب کے دوران احسن خان نے امن، اتحاد اور مشترکہ ثقافت کا پیغام دیا، اپنی تقریر میں انہوں نے کہا کہ میرے پیارے دوست طارق فیضی، وہ ہمیشہ بہترین تقریبات کا اہتمام کرتے ہیں، سب کو اکٹھا کرتے ہیں اور اس بار بھی مجھے یہاں شرکت کا موقع ملا، میں اس تقریب کا حصہ بننے پر سب کا شکریہ ادا کرنا چاہوں گا۔

    ’انتخاب نہ بھی کریں تب بھی جہنم ہی جائیں گے‘ شوبز شخصیات نے جاوید اختر کو آڑے ہاتھوں لے لیا

    اداکار نے مزید کہا "یہ بہت خوبصورت لگتا ہے جب ہم مختلف کمیونٹیز، مختلف علاقوں اور مختلف ممالک کے لوگوں کو ایک جگہ اکٹھے ہوتے ہوئے دیکھتے ہیں اور محبت اور امن کی بات کرتے ہیں، کیونکہ جیسا کہ آپ نے پہلے ذکر کیا، پوری دنیا میں آپ دیکھتے ہیں کہ امن کے خلاف سب کچھ ہو رہا ہے، اس لیے امن کی بات کرنا بہت ضروری ہے۔”

    تقریب میں موجود احسن خان نے اس ملاقات کے دوران بات کرتے ہوئے کہا، ’ہمیں ایک دوسرے سے کٹنے کے بجائے جُڑنے کی ضرورت ہے اور بطور فنکار ہماری ذمہ داری ہے کہ ہم محبت، امن اور بھائی چارے کی بات کریں۔‘

    احسن خان نے زور دیا کہ فنکار معاشروں کو جوڑنے کا ذریعہ ہوتے ہیں، نہ کہ انہیں مزید تقسیم کرنے کا، بس اچھی باتیں بولیں تاکہ ہماری باتوں کا اثر دور دور تک ہو، اس زبان کے ذریعے، سنیما کے ذریعے، ٹیلی ویژن کے ذریعے، آئیے ہمیشہ امن کی بات کرتے ہیں۔

    واضح رہے کہ جاوید اختر ماضی میں پاکستان کے خلاف سخت اور توہین آمیز بیانات دے چکے ہیں، جس میں انہوں نے پاکستان کو دہشت گردی سے جوڑتے ہوئے براہ راست الزام تراشی کی تھی۔

     

    View this post on Instagram

     

    A post shared by Galaxy Lollywood (@galaxylollywood)

  • ’انتخاب نہ بھی کریں تب بھی جہنم ہی جائیں گے‘ شوبز شخصیات نے جاوید اختر کو آڑے ہاتھوں لے لیا

    ’انتخاب نہ بھی کریں تب بھی جہنم ہی جائیں گے‘ شوبز شخصیات نے جاوید اختر کو آڑے ہاتھوں لے لیا

    بالی ووڈ کے مصنف و نغمہ نگار جاوید اختر کے پاکستان کیخلاف بیان پر پاکستانی شوبز شخصیات نے ان پر تنقید کی ہے۔

    گزشتہ روز ممبئی میں شیو سینا کے رہنما سنجے راوت کی کتاب  کی تقریبِ رونمائی کے موقع پر جاوید اختر نے خطاب کرتے ہوئے اپنے خلاف ہونے والی تنقید اور گالی گلوچ پر بات کی۔

    جاوید اختر کا کہنا ہے کہ انہیں نہ صرف مسلمانوں بلکہ ہندوؤں کی طرف سے بھی شدید تنقید کا سامنا ہے، پاکستان اور بھارت دونوں سائیڈ سے بہت ستائش ملتی ہے، مگر ساتھ ہی دونوں اطراف کے ’انتہاپسندوں‘ کی جانب سے ’گالیوں‘ کا سلسلہ بھی جاری رہتا ہے۔

    جاوید اختر نے کہا کہ مجھے نہ صرف مسلمانوں بلکہ ہندوؤں کی طرف سے بھی شدید تنقید کا سامنا ہے، ایک طرف سے مجھے ’کافر‘ کہہ کر جہنم جانے کی دھمکیاں ملتی ہیں جبکہ دوسری طرف سے مجھے ’جہادی‘ کہہ کر پاکستان جانے کو کہا جاتا ہے۔

    احسان فراموش جاوید اختر نے اپنے خطاب میں یہ بھی کہا کہ اگر انہیں جہنم اور پاکستان میں سے کسی ایک کا انتخاب کرنا پڑے تو وہ جہنم کو چُننا پسند کریں گے۔

     

    View this post on Instagram

     

    A post shared by Galaxy Lollywood (@galaxylollywood)

    تاہم ان کے پاکستان کے لیئے اس طرح بیان دینے پر پاکستان کی شوبز شخصیات اور پاکستانی عوام نے ان کی چھترول کردی۔

    پاکستان کے معروف اداکار عمران عباس نے جاوید اختر کے بیان پر ردعمل دیتے ہوئے کہا کہ اگر وہ جہنم کا انتخاب نہ بھی کریں تو بھی وہ وہیں پرواز کرتے ہوئے ملیں گے اور امکان ہے کہ وہ بھی سب سے نچلے درجے میں بیٹھ کر۔

    اداکار نے انسٹا گرام پر لکھا کہ صرف ہم نے انہیں بزنس یا فرسٹ کلاس کا اسٹیٹس دیا لیکن حقیقت میں وہ کسی بھی کلاس کے میرٹ پر پورا نہیں اترتے۔

     

    View this post on Instagram

     

    A post shared by Mishi Khan MK (@mishikhanofficial2)

    سینیئر اداکارہ مشی خان نے ردعمل میں کہا کہ آپ نے اپنے لیے بہترین جگہ کا انتخاب کیا ہے کیونکہ آپ اسی کے حقدار ہیں، اور ہاں! کبھی بھی پاکستان آنے کی ہمت نہ کیجیے گا، کوئی آپ کو مدعو نہیں کرے گا۔

    اداکار عاصم محمود نے میری دعا ہے آپ کی یہ دلی مراد جلد ہی پوری ہوجائے اور انشااللہ آپ نے جس جگی کا انتخاب کیا ہے آپ ادھر ہی جائیں گے۔

    پاکستان شوبز انڈسٹری کی سینیئر اداکارہ حنا خواجہ بیاب نے جاوید اختر کے بیان پر ردعمل میں کہا کہ جہاں جانا ہو وہاں کی تیاری تو کرنی پڑتی ہے ناں، آپ کے بیان سے یہ ظاہر  ہوتا ہے کہ بھارت میں آپ کی اہمیت صرف پاکستان کے بارے میں برا کہنے سے ہے۔

    اس کے علاوہ کئی دیگر پاکستانی فنکاروں اور عوامی حلقوں کی جانب سے بھی جاوید اختر کے بیان پر شدید ردعمل سامنے آرہا ہے۔

  • جاوید اختر عزت کے قابل نہیں! نادیہ خان نے آئینہ دکھا دیا

    جاوید اختر عزت کے قابل نہیں! نادیہ خان نے آئینہ دکھا دیا

    معروف پاکستانی میزبان اور اداکارہ نادیہ خان نے بھارتی مصنف جاوید اختر کو پاکستان مخالف بیان پر شدید تنقید کا نشانہ بنایا ہے۔

    نادیہ خان کا اپنے مارننگ شو میں بات کرتے ہوئے کہنا تھا کہ آئندہ اگر پاک بھارت تعلقات معمول پر بھی آجائیں تو میں نہیں چاہتی کہ یہ شخص جاوید اختر پاکستان میں نظر آئے۔

    سینئر پاکستانی اداکارہ کا کہنا تھا کہ میں خبردار کر رہی ہوں کہ اس شخص کو آئندہ پاکستان بلایا گیا تو مجھ سے برا کوئی نہیں ہوگا، یہ شخص انتہائی سطحی اور گستاخ ہے، جو بھارت میں بیٹھ کر پاکستان کے خلاف زہر اگلتا ہے۔

    اداکارہ نے کہا کہ اول تو اب انہیں آنے نہیں دیا جائے گا اور اگر کبھی آجائے تو خاص پالشڈ جوتوں سے ان کا استقبال کیا جائے گا۔

    نادیہ کا کہنا تھا کہ ہم ان کو عزت دیتے ہیں کیوں ہماری فطرت ایسی ہے، ہم پیار کرنے والے عزت دینے والے لوگ ہیں لیکن دوسرا شخص بھی اس قابل ہونا چاہئے۔

    اس سے قبل پاکستانی شوبز انڈسٹری کی معروف اور بیباک اداکارہ نے پہلگام واقعے پر بھارت کے خلاف دوٹوک مؤقف اپناکر مداحوں کے دل جیت لئے تھے۔

    معروف اداکارہ نادیہ کا پہلگام واقعے پر جرأت مندانہ اور حب الوطنی سے بھرپور بیان سامنے آیا تھا، جس میں انہوں نے بھارت کے خلاف کھل کر آواز بلند کی ہے۔

    شوبز شخصیات کا بھارت کے بزدلانہ حملے پر سخت ردعمل

    اداکارہ کا اپنے ویڈیو بیان میں کہنا تھا کہ یہ سب بھارت کا جھوٹا ڈرامہ ہے تاکہ دنیا میں پاکستان کو بدنام کیا جا سکے۔ مگر بھارت اپنے مقاصد میں کبھی کامیاب نہیں ہوگا۔

  • بشریٰ انصاری نے بھارتی مصنف جاوید اختر کو آئینہ دکھا دیا

    بشریٰ انصاری نے بھارتی مصنف جاوید اختر کو آئینہ دکھا دیا

    پاکستان کی سینئر اور ورسٹائل اداکارہ، مصنفہ و سماجی کارکن بشریٰ انصاری نے بھارتی مصنف جاوید اختر کو ان کی اوقات یاد دلادی۔

    پاکستان کی سینئر اداکارہ بشریٰ انصاری ان دنوں یورپ کے دورے پر ہیں، جہاں سے اُنہوں نے بھارت کی جانب سے مقبوضہ کشمیر میں جعلی کارروائیوں اور پاکستان مخالف بیانات پر دو ٹوک موقف اختیار کیا اور جاوید اختر کو جھوٹے الزامات لگانے پر آئینہ دکھا دیا۔

    پاکستان کی سینئر اداکارہ نے انسٹا گرام پر ایک ویڈیو بیان جاری کرتے ہوئے کہا کہ کیا ڈرامہ چلا رکھا ہے بھارت نے؟ پہلے اپنی ناکام پالیسیاں دیکھو۔ پاکستان میں ان عورتوں کو واپس دھکیلا جا رہا ہے جو 40 سال سے بھارت میں رہ رہی تھیں، تم نے انہیں ویزے دیے ہی کیوں تھے؟‘

     

    View this post on Instagram

     

    A post shared by Bushra Bashir (@ansari.bushra)

    جاوید اختر کو آڑے ہاتھوں لیتے ہوئے اُن کا کہنا تھا کہ ’تم تو اللّٰہ پر یقین بھی نہیں رکھتے اور پاکستان کے خلاف زبان چلاتے ہو، عجیب شخص ہو، مرنے کے قریب ہو اور اب بھی باز نہیں آ رہے، کم از کم نصیر الدین شاہ کی طرح خاموشی اختیار کرلو۔

    پاکستان کی سینئر اداکارہ نے بھارتی میڈیا کو بھی تنقید کا نشانہ بنایا اور اینکر ارناب گوسوامی کو چیخنے والا ذہنی مریض قرار دیا اور ان ریٹائرڈ بھارتی فوجی افسران کو بھی تنقید کا نشانہ بنایا جو ہر وقت پاکستان کے خلاف زہر اگلتے ہیں۔

    اداکارہ نے کہا کہ میری یورپ میں ایک بھارتی لڑکی سے ملاقات ہوئی، وہ بہت محبت سے ملی، اصل میں نفرتیں عوام میں نہیں، مخصوص افراد لوگوں کے ذہنوں کو زہر آلود کرتے ہیں۔

    عابدہ پروین کا انسٹاگرام اکاؤنٹ بھارت میں بلاک

    بشریٰ انصاری کے اس دلیرانہ موقف کو سوشل میڈیا پر خوب پذیرائی مل رہی ہے، ان کے چاہنے والوں نے جرأت، اندازِ بیاں اور وطن سے محبت پر انہیں خراجِ تحسین پیش کیا۔

  • شادی صدیوں پرانی روایت اور بے کار کام ہے، جاوید اختر

    شادی صدیوں پرانی روایت اور بے کار کام ہے، جاوید اختر

    معروف بھارتی شاعر اور مصنف جاوید اختر نے کہا ہے کہ شادی صدیوں پرانی روایت اور بے کار کام ہے۔

    ایک انٹرویو کے دوران جاوید اختر نے شبانہ اعظمی سے شادی کے بارے تفصیلی بات کی، انہوں نے کہا کہ ہر رشتے کی بنیاد باہمی احترام ہے، میں اور شبانہ میاں بیوی ہونے سے زیادہ ایک دوسرے کے اچھے دوست ہیں، شادی ایک صدیوں پرانی روایت ہے اور بے کار کام ہے۔

    بھارتی شاعر اور مصنف کا کہنا تھا کہ میری 1984ء میں شبانہ اعظمی سے شادی ایسے مشکل حالات میں ہوئی تھی کہ جب میری اپنی پہلی بیوی ہنی ایرانی سے طلاق بھی نہیں ہوئی تھی۔

    اُنہوں نے کہا کہ شادی وہ پتھر ہے جو صدیوں سے پہاڑوں سے لڑھک رہا ہے اور جیسے ہی یہ پہاڑ سے نیچے آتا ہے بہت سی کائی، کچرا اور گوبر جمع کرلیتا ہے۔

    اُن کا کہنا تھا کہ عزت کے بغیر محبت ایک دھوکا ہے، میں آپ کو بتاتا چلوں کہ ایک آزاد عورت جس کے اپنے عزائم، کاروبار یا کیریئر اور ذاتی رائے ہو اسے سمجھنا کبھی بھی آسان نہیں ہو گا۔

    ہر شادی شدہ انسان کو یہ سمجھنا ضروری ہے کہ اس کے شریکِ حیات کی اپنی ایک شخصیت بھی ہے۔

    اُن کا کہنا تھا کہ میرے نزدیک لفظ ’بیوی‘ اور ’شوہر‘ کے معنی کچھ اور ہیں، دو لوگ جب ایک دوسرے کا احترام نہیں کریں گے تو وہ ایک ساتھ اچھی زندگی کیسے گزارسکتے ہیں؟

    جاوید اختر نے فلم اینیمل کو پسند کرنے والے شائقین سے متعلق کیا کہا؟

    معروف شاعر نے کہا کہ اس طرح شادی کے رشتے میں بھی باہمی احترام اور ایک دوسرے کو تھوڑا وقت دینے کی ضرورت ہوتی ہے۔

  • جاوید اختر نے فلم اینیمل کو پسند کرنے والے شائقین سے متعلق کیا کہا؟

    جاوید اختر نے فلم اینیمل کو پسند کرنے والے شائقین سے متعلق کیا کہا؟

    معروف بھارتی مصنف جاوید اختر نے بالی ووڈ اداکار رنبیر کپور کی فلم ’اینیمل‘ کے مداحوں کو فلم سے بھی بڑا مسئلہ قرار دیا ہے۔

    سندیپ ریڈی وانگا کی ہدایتکاری میں ریلیز ہونے والی فلم اینیمل 2023 کی سب سے زیادہ کمائی کرنے والی فلموں میں سے ایک ہے لیکن اس فلم میں خونی مناظر پر کئی لوگوں نے تنقید بھی کی۔

    فلم ریلیز ہونے کے بعد بھارت کے معروف مصنف جاوید اختر نے اس وقت کہا تھا کہ اینیمل جیسی فلموں کی کامیابی ایک خطرناک بات ہے، تاہم اب انہوں نے اپنا موقف تبدیل کرتے ہوئے کہا کہ ان کی تنقید ان شائقین کے لیے تھی جنہوں نے فلم کو پسند کیا۔

    جاوید اختر کے مطابق فلم کی کامیابی نے ظاہر کیا کہ فلموں کے حوالے سے ناظرین کی ترجیحات کیا ہیں انہوں نے کہا کہ میں نے اینیمل کے بارے میں اپنی رائے کا اظہار نہیں کیا تھا میں نے اسے دیکھنے والے سامعین کے بارے میں بات کی تھی۔

    انہوں نے کہا کہ پورا معاشرہ ایک ساتھ نہیں بدلتا، بلکہ اسے بدلنے میں وقت لگتا ہے، اینیمل جیسی فلمیں معاشرے کو بدلنے کے لیے چھوٹے قدم جیسی ثابت ہوتی ہیں۔

    انٹرویو کے دوران جب ان سے پوچھا گیا کہ فلم کامیاب کیوں ہوئی، تو اس پر انہوں نے کہا کہ اس کا جواب فلم کے عنوان میں ہے، عنوان خود اس کی وضاحت کرتا ہے۔

    انہوں نے کہا کہ اگر 15 لوگوں نے غلط اقدار کے ساتھ ایک فلم بنائی ہے، اگر 10-12 لوگ فحش گانے بناتے ہیں تو یہ مسئلہ نہیں ہے، اگر 140 کروڑ کی آبادی میں 15 لوگ خراب کردار کے حامل ہیں، تو اس سے فرق نہیں پڑتا، مسئلہ اس وقت پیدا ہوتا ہے جب وہ چیز مارکیٹ میں جا کر سپر ہٹ بن جاتی ہے۔

    جاوید اختر کا کہنا تھا کہ آج کل معاشرے میں فحاشی کو معمول سمجھا جا رہا ہے، جو پہلے نہیں تھا، 1920 اور 30 کی دہائی میں بھی فحش گانے موجود تھے، لیکن انہیں گھروں کے اندر نہیں چلایا جاتا تھا۔

    بھارتی مصنف نے مزید کہا کہ فحاشی گزشتہ دس سال میں ایجاد نہیں ہوئی، یہ ہمیشہ سے موجود تھی،  تاہم، درمیانی طبقے میں فحاشی کی  ایسی قبولیت پہلے نہیں تھی جو اب موجود ہے۔

  • جاوید اختر نے اپنی پہلی شادی کی ناکامی کی وجہ کس کو قرار دیا؟

    جاوید اختر نے اپنی پہلی شادی کی ناکامی کی وجہ کس کو قرار دیا؟

    بھارتی مسلمان نغمہ نگار، فلم لکھاری اور شاعر جاوید اختر نے ہنی ایرانی سے اپنی پہلی شادی کی ناکامی پر خود کو قصوروار قرار دے دیا۔

    بھارتی میڈیا رپورٹ کے مطابق نغمہ نگار جاوید اختر ان دنوں پرائم ویڈیو کی نئی ڈوکو سیریز ’اینگری ینگ مین‘ کی تشہیر میں مصروف ہیں، اسی سیریز کی تشہیر کے دروان انہوں نے اپنی شادی ختم ہونے سے متعلق گفتگو کی۔

    جاوید اختر نے اپنی سابق اہلیہ ہنی ایرانی سے شادی ٹوٹنے کا الزام اپنے سر لیتے ہوئے خود کو قصورار ٹھہرایا کہا کہ ہنی دنیا میں واحد انسان ہے جس کے بارے میں میں خود کو قصوروار قرار دیتا ہوں۔

    انہوں نے مزید کہا کہ ’اس شادی کی ناکامی میں تقریباً 60 سے 70 فیصد میری غلطی تھی، جتنی سمجھ بوجھ مجھے آج ہے، اگر اتنی اس وقت ہوتی تو معاملات کبھی اتنے خراب نہ ہوتے۔‘

    سینیئر رائٹر نے مزید کہا کہ ’یہ بات تسلیم کرنا بہت مشکل ہے لیکن یہ ہی سچائی ہے، ساتھ ہی موجود شبانہ عظمی نے کہا کہ میں ہنی کو اس بات پر بہت کریڈٹ دینا چاہتی ہوں کہ وہ اپنے بچوں کے کان میرے خلاف بھر سکتی تھیں لیکن انہوں نے ایسا نہیں کیا۔

    جاوید اختر کا ایکس اکاؤنٹ ہیک کرنے کے بعد ہیکر نے کیا پوسٹ کیا؟

    شبانہ عظمی نے کہا کہ ہنی نے بچوں کو سیکیورٹی دی کہ آپ کو اپنی سوتیلی والدہ کو ظالم نہیں سمجھنا، میرا اور ہنی ایرانی کا بہت اچھا تعلق ہے،

    خیال رہے کہ جاوید اختر اور ہنی ایرانی کی شادی 1980 میں ختم ہوئی، اس شادی کے بعد اُن کے ہاں زویا اختر اور فرحان اختر کی پیدائش ہوئی، پہلی شادی کے اختتام کے بعد جاوید اختر نے 1984 میں شبانہ عظمی سے دسری شادی کی۔

  • جاوید اختر نے کنگنا کی ناقابل ضمانت وارنٹ گرفتاری کے لیے درخواست دیدی

    جاوید اختر نے کنگنا کی ناقابل ضمانت وارنٹ گرفتاری کے لیے درخواست دیدی

    بالی ووڈ کے معروف نغمہ نگار جاوید اختر نے رکن پارلیمنٹ و اداکارہ کنگنا رناوت کے ناقابل ضمانت وارنٹ گرفتاری جاری کرنے کی درخواست عدالت میں جمع کروا دی۔

    بھارتی میڈیا رپورٹ کے مطابق جاوید اختر اور کنگنا رناوت کے درمیان قانونی جنگ شدت اخیتار کرگئی، بھارتی کے معروف شاعر نے سماعت میں غیر حاضر ہونے پر ناقابل ضمانت وارنٹ گرفتاری کی استدعا کردی ہے۔

    بھارتی میڈیا رپورٹ کے مطابق ہتک عزت کیس میں معروف موسیقار جاوید اختر کی جانب سے ہتک عزت کیس عدالت میں دائر کیا گیا تھا۔

    جاوید اختر کی جانب سے دائر درخواست میں موقف اختیار کیا گیا ہے کہ کنگنا رناوت اوچھے ہتھکنڈے اپناتے ہوئے کیس کے فیصلے کو تاخیر میں ڈال رہی ہیں۔

    کنگنا رناوت کو گزشتہ ہفتے عدالت میں پیش ہونا تھا لیکن وہ سماعت میں حاضر نہیں ہوئیں، جس پر جاوید اختر کے وکیل نے عدالت میں درخواست جمع کروائی ہے کہ کنگنا رناوت کے ناقابل ضمانت وارنٹ گرفتاری جاری کئے جائیں۔

    اداکارہ نے عدالت میں حاضری سے مستقل استثنیٰ کی درخواست کی تھی جسے مسترد کر دیا گیا تھا۔

    واضح رہے جاوید اختر کی جانب سے نومبر 2020 میں اندھیری کورٹ میں درخواست دائر کی گئی تھی، جس میں اداکارہ پر ٹی وی پر عزت مجروح کرنے کا الزام عائد کیا گیا تھا۔

  • آپ جاہل ہیں یا احمق؟ جاوید اختر نے سوشل میڈیا صارف کو ڈانٹ پلادی

    آپ جاہل ہیں یا احمق؟ جاوید اختر نے سوشل میڈیا صارف کو ڈانٹ پلادی

    بھارتی فلم ساز اور معروف نغمہ نگار جاوید اختر نے سوشل میڈیا پر ایک صارف کو نامناسب جملہ کہنے پر کھری کھری سنا دیں۔

    بھارتی میڈیا رپورٹ کے مطابق سماجی و سیاسی مسائل پر کھل کر اپنی رائے کا اظہار کرنے والے جاوید اختر نے ’غدار کا بیٹا‘ کہنے والے سوشل میڈیا صارف کو سخت الفاظ میں ڈانٹ دیا۔

    جاوید اختر نے سماجی رابطے کی ویب سائٹ ’ایکس‘ پر امریکی صدر جوبائیڈن کے حوالے سے ایک پوسٹ کی۔

    انہوں نے لکھا کہ ’مجھے بھارتی شہری ہونے پر فخر ہے اور آخری سانس تک میں بھارتی شہری رہوں گا لیکن مجھ میں اور جوبائیڈن میں ایک مشترکہ فیکٹ ہے۔ ہم دونوں کے امریکہ کا صدر بننے کے برابر کے امکانات ہیں۔‘

    مذکورہ پوسٹ پر کمنٹ میں ایک صارف نے انہیں ’غدارکا بیٹا‘ کے لقب سے نوازا اور کہا کہ ’آپ کے والد نے پاکستان بنانے میں اہم کردار ادا کیا تاکہ مسلمانوں کے لیے ایک الگ وطن ہو، پھر ترقی پسند مصنف کے بھیس میں انہوں نے ہندوستان میں رہنے کا انتخاب کیا۔ تم غدار کے بیٹے ہو جس نے ہماری قوم کو مذہب کی بنیاد پر تقسیم کیا، اب تم کچھ بھی کہو لیکن یہ سچ ہے۔‘

    جاوید اختر

    اس کمنٹ پر سابق راجیہ سبھا رکن پارلیمنٹ اور گیت نگار کے صبر کا پیمانہ بھی لبریز ہوگیا۔
    انہوں نے جوابی ردعمل دیتے ہوئے کہا کہ ’یہ فیصلہ کرنا مشکل ہے کہ آپ مکمل طور پر جاہل ہیں یا مکمل بیوقوف۔‘

    انہوں نے مزید لکھا کہ ’1857 سے میرا خاندان آزادی کی تحریک میں پیش پیش رہا اور جیل اور کالا پانی میں قید رہا، تب شاید آپ کے باپ دادا انگریز حکومت کے جوتے چاٹ رہے تھے۔‘

    واضح رہے کہ جاوید اختر کے پڑدادا فضلِ حق خیرآبادی نے 1857 کی جنگ آزادی میں برطانوی ایسٹ انڈیا کمپنی کے خلاف بھرپور حصہ لیا تھا۔

    فضلِ حق خیرآبادی کو اس جنگ میں شریک ہونے پر کالا پانی کی جیل میں قید کیا گیا تھا جہاں وہ 1864میں اسی جیل میں چل بسے تھے۔