Tag: jawed hashmi

اسلام آباد: پاکستان تحریک انصاف کے سربراہ عمران خان نے کہا ہے کہ مجھےآگے بڑھنے کیلئے کسی کے کندھے کی ضرورت نہیں ہے، آج سے میرے اور جاوید ہاشمی کے راستے جُدا ہیں۔

اسلام آباد میں مظاہرین سے خطاب کرتے ہوئے عمران خان کا کہنا تھا کہ سانحہ ماڈل ٹاؤن میں وزیراعلیٰ شہباز شریف کو انصاف کے کٹہرے میں کھڑا کیا جاتا تو کل رات قتل عام نہ ہوتا، انہوں نے دعویٰ کیا کہ پولیس تشدد سے اب تک 20 شہید جبکہ 500 زخمی ہو چکے ہیں۔

تحریک اںصاف کے صدر مخدوم جاوید ہاشمی کی پریس کانفرنس پر اپنے ردعمل کا اظہار کرتے ہوئے ان کا کہنا تھا کہ مجھے جاوید ہاشمی صاحب کی سوچ پر افسوس ہے، عمران خان نے کہا کہ جاوید ہاشمی نے الزام لگایا کہ میں نے یہ سب کسی کے اشارے پر کیا اگر مجھے اشارے مل رہے ہوتے یا کسی کے کندھوں پر آنا ہوتا تو پہلے ہی ہلہ بول دیتے لیکن ہمیں صرف ایک ہی اشارہ چاہئے وہ پاکستانی قوم کا ہے جو جاوید ہاشمی بھی جانتے ہیں۔ انہوں نے کہا کہ جاوید ہاشمی کے بیان پر بے حد افسوس ہوا آج سے ان کے اور میرے راستے جدا ہیں۔

عمران خان نے استعفیٰ نہ دینے والوں کو بھی پارٹی سے نکالنے کا اعلان کیا انہوں نے مزید کہا کہ اگر ہمیں گرفتار کیا گیا تو سارا پاکستان بند کردیں گے، ہمیں آنسو گیس سے کوئی فرق نہیں پڑے گا کارکنان تیار رہیں ہم مقابلہ کریں گے، عوام اگر جمہوریت چاہتے ہیں تو اپنا جمہوری حق استعمال کریں، احتجاج ہمارا حق ہے، آزادی کیلئے قربانی دینا ہوتی ہے، عوام سڑکوں پر آئیں ملک بھر میں احتجاج کریں اور راستے بند کردیں

 اسلام آباد: پاکستان تحریک انصاف کے صدر مخدوم جاوید ہاشمی نے کہا ہےکہ عمران خان نے یقین دلایا تھا کہ ہم یہاں سے آگے نہیں جائیں گے، جمہوریت ختم ہونے کی ذمہ داری عمران خان پر عائد ہوگی۔

تحریک انصاف کے صدر مخدوم جاوید ہاشمی نے پریس کانفرنس کرتے ہوئے صحافیوں کو بتا یا کہ عمران خان نے کہا تھا کہ آگے جانا ہماری مجبوری ہے آپ کو اختلاف ہے تو چلے جائیں۔ شاہ محمود قریشی بھی آگے جانے کے حق میں نہیں تھے۔عمران خان سے کہا کہ آگے لوگ مریں گے۔

جاوید ہاشمی کا کہنا تھا کہ عمران خان سے ہم نے کہا تھا کہ ہم ڈاکٹرطاہرالقادری کے پیروکار کیوں بن گئے ہیں ؟ عمران خان اس شخص کے ساتھ کھڑے ہیں جو جمہوریت تسلیم ہی نہیں کرتا۔

پی ٹی آئی کے صدر کا کہنا تھا کہ ہمارے اور مارشل لاء کے درمیان کوئی فاصلہ نہیں رہ گیا۔ خان صاحب اس شرمندگی سے بچائیں کہ ہم جمہوریت کیلئے بات نہ کرسکیں۔ عمران آج واپس آجائیں میں ان کے ساتھ کھڑا ہوں۔

علاوہ ازیں مخدوم جاوید ہاشمی نے پمزاسپتال کا دورہ کیا اور زخمیوں کی عیادت کی ،اس موقع پر میڈیا سے گفتگو کرتے ہوئے انہوں نے کہا کہ اس تمام واقعے کی ذمہ دار حکومت ہے،جس طرح کے تشدد اور بربریت کا مظاہرہ کیا گیا وہ انتہائی افسوس ناک ہے،

جاوید ہاشمی کا کہنا تھا کہ عمران خان پاکستان کے عوام کے مستقبل کی امید ہیں، حکومت کو چاہئے کہ وہ عمران خان کے مطالبات پر سنجیدگی سے غور کرے۔