خیبر ایجنسی: پاک فضائیہ کی پاک افغان سرحدپرراجگال اورتیراہ کےقریب فضائی کارروائی میں اکیس دہشت گرد ہلاک ہو گئے۔
آئی ایس پی آر کیجانب سے جاری کردہ اعلامیہ کے مطابق خیبر ایجنسی کی علاقے وادی تیرا ہ میں سیکیورٹی فورسز کے جیٹ طیاروں کی بمباری سے اکیس دہشتگرد ہلاک اور متعدد زخمی ہوگئے۔
فضائی کارروائی کے دوران دہشت گردوں کے کئی ٹھکانے بھی تباہ ہوئے، سیکیورٹی ذرائع کے مطابق علاقے میں دہشت گردوں کے خلاف سیکیورٹی فورسز کی کارروائی جاری ہے۔
عراق: عراقی وزارتِ دفاع کا کہنا ہے کہ امریکہ اور اتحادیوں کے جنگی طیاروں کی کارروائی میں دولت اسلامیہ کے نائب سربراہ عبدالرحمن مصطفی ہلاک ہوگئے۔
عراقی وزارتِ دفاع کے مطابق امریکہ اوراتحادیوں کے جنگی طیاروں نے یہ کارروائی کی، وزارتِ دفاع کے ترجمان بریگیڈئیرجنرل تحسین ابراہیم کے مطابق اس وقت کی جب دولتِ اسلامیہ کے نائب سربراہ عبدالرحمان مصطفیٰ محمد شمالی علاقے تل عفرکی ایک مسجد میں اپنے ساتھیوں کے ساتھ موجود تھے۔
حکام کا کہنا ہے کہ فضائی حملے کے نتیجے میں مسجد میں موجود دیگر درجنوں شدت پسند بھی مارے گئے۔
گذشتہ ہفتے امریکی وزارت خارجہ نےعبدالرحمٰن مصطفی کے متعلق معلومات فراہم کرنے والےکے لیے سترلا کھ ڈالرکےانعام کا اعلان کیا تھا۔
خیبر ایجنسی: پاک فضائیہ کی بمباری سے تئیس شدت پسند ہلاک ہوگئے ۔
تفصیلات کے مطابق خیبرایجنسی کی وادی تیراہ میں پاک فضائیہ کے جیٹ طیاروں کی بمباری سے تئیس شدت پسند مارے گئے۔
سیکیورٹی ذرائع کے مطابق پاک فضائیہ نے وادی تیراہ کے دو مختلف مقامات پر بمباری کی،جس کے نتیجے میں جمرود کے علاقے میں سترہ اور طور درہ میں سات شدت پسند ہلاک اور ان کے متعدد ٹھکانے تباہ ہوئے۔
فضائی اور زمینی کارروائیوں کے ذریعے وادی تیراہ سمیت مختلف علاقوں میں دہشتگردوں کا گھیرا تنگ کردیا گیا ہے۔
تیراہ: خیبر ایجنسی کے علاقے وادی تیراہ میں فضائی کارروائی میں تین دہشتگرد ہلاک اور پانچ زخمی ہوگئے۔
دہشتگردوں کیخلاف ہر گزرتے روز کیساتھ گھیرا تنگ ہورہا ہے، خیبر ایجنسی میں پاک فوج کے جوانوں کا ہر قدم کامیابی کی نئی داستانیں رقم کررہاہے،وادی تیراہ میں پاک فوج کے جیٹ طیاروں نے بمباری کی۔
فضائی کارروائی میں تین دہشت گرد ہلاک پانچ زخمی ہوگئے، کارروائی میں دہشتگردوں کے تین ٹھکانوں کو بھی تباہ کردیا گیا،اس سے پہلے پاک فوج نے دہشتگردوں کی محفوظ گزرگاہ مستول سرنگ پر بھی کنٹرول حاصل کرلیا تھا ۔
دہشتگرد اس راستے کو افغانستان سے آمدورفت کے لئے استعمال کرتے تھے، آپریشن خیبر ٹو میں اب تک نوے سے زائد دہشتگردوں کو ہلاک کیا جاچکا ہے۔
خیبر ایجنسی: وادی تیرہ میں جیٹ طیاروں کی بمباری میں پانچ شدت پسند ہلاک اور گیارہ زخمی ہوئے۔
دہشتگردی کے خلاف جنگ میں پاک فوج کے جوانوں کا ہر قدم کامیابی کی نئی داستانیں رقم کررہا ہے، پاک فوج کے جیٹ طیاروں نے خیبر ایجنسی کی وادی تیرہ کے مختلف علاقوں میں بمباری کی ۔
ذرائع کے مطابق فضائی کارروائی میں دہشت گردوں کے ٹھکانوں کو نشانہ بنایا گیا، جس میں پانچ شدت پسند ہلاک اور گیارہ زخمی ہوگئے۔
آپریشن خیبر ٹو میں اب تک اسی سے زائد دہشتگرد اپنے انجام کو پہنچ چکے ہیں جبکہ سو سے زائد کو زخمی حالت میں گرفتار کیا جاچکا ہے۔
سیکورٹی ذرائع کے مطابق دہشت گردوں کے خلاف آپریشن آخری مراحل میں داخل ہوگیا ہے اور فوج اس وقت دہشت گردوں کی واحد پناہ گاہ وادی تیراہ میں آپریشن کررہی ہے۔
چند روز پہلے پاک فوج نے وادی تیراہ کےانتہائی اہم درے مستول پر کنٹرول حاصل کرلیا، دہشتگرد اس درے کو افغانستان سے آمدورفت کیلئے استعمال کرتے تھے۔
میرانشاہ: کرم اور خیبر ایجنسی میں فورسز کی کارروائیوں میں کالعدم لشکر اسلام کے ترجمان سمیت تئیس دہشت گرد مارے گئے۔
ذرائع کے مطابق خیبرایجنسی کی واد ی تیرہ کے علاقے صحابہ میں شدت پسندوں کی گاڑی کو نشانہ بنایا گیا میزائل حملے میں کالعدم لشکر اسلام کے ترجمان صلاح الدین ایوبی سمیت سات دہشت گرد مارے گئے۔
دوسری جانب لوئر کرم کے سرحدی علاقے شبک میں فورسز کی کارروائی میں آٹھ دہشت گرد ہلاک جبکہ متعدد زخمی ہوگئے۔
خیبر ایجنسی : وادی تیراہ میں فورسز کی کارروائی میں کالعدم لشکر اسلام کے ترجمان صلاح الدین ایوبی سمیت تیس شدت پسند مارے گئے۔
سیکورٹی فورسزکی شدت پسندوں کو زیر کرنے کیلئے آپریشن جاری ہے، خیبر ایجنسی کے علاقے وادی تیراہ میں فضائی کارروائی کی گئی۔
آئی ایس پی آر کے مطابق وادی تیراہ میں جیٹ طیاروں کی کارروائی میں تیس دہشتگرد مارے گئے، وادی تیراہ کے علاقے صحابہ میں گاڑی پر میزائل حملہ کیا گیا۔
جس کے نتیجے میں کالعدم لشکر اسلام کے ترجمان صلاح الدین ایوبی سمیت اہم دہشتگرد ہلاک ہوگئے، فضائی کارروائی میں اسلحے کے گودام بھی تباہ کر دیئے گئے ہیں۔
خیبر ایجنسی: دہشت گردوں کو منطقی انجام تک پہنچانے کا سلسلہ جاری ہے۔
خیبر ایجنسی میں پاک فوج کے جیٹ طیاروں نے وادی تیرہ میں دہشت گردوں کے اہم ٹھکانوں پر بمباری کی، جس کے نتیجے میں چونتیس دہشت گرد ہلاک جبکہ اہم ٹھکانے تباہ کردیئے گئے ہیں۔
آئی ایس پی آر کے مطابق جیٹ طیاروں نے خیبر ایجنسی میں کارروائی کی، فضائی کارروائی میں دہشت گردوں کے ٹھکانوں کو نشانہ بنایا گیا، جس مں 34دہشت گرد مارے گئے۔
فضائی کارروائی میں کالعدم تنظیم کے اہم کمانڈر کے مارے جانے کی اطلاع ہے جبکہ غیر ملکی بھی تھے۔
سیکیورٹی ذرائع کے مطابق کارروائی میں متعدد دہشت گردوں کے ہلاک ہونے کی اطلاعات ہیں جبکہ دہشت گردوں کے متعدد ٹھکانے تباہ کردیئے گئے ہیں ۔
پاک فوج ملک میں دہشت گردوں سے نبرد آزما ہے اور پاک فوج نے ملک سے دہشت گردی کو جڑسے اکھاڑ پھینکنے کاعزم کررکھا ہے۔
یاد رہے کہ پاک فوج کا 14 جون 2014 سے آپریشن ضربِ عضب جاری ہے، آپریشن کے دوران اب تک تین ہزار سے زائد دہشت گردوں مارے جا چکے ہیں، اور متعدد ٹھکانوں کو تباہ کردیا گیا ہے۔
واضح رہے کہ گزشتہ دسمبر میں پشاور کے آرمی پبلک اسکول پر دہشت گردوں کے حملے کے بعد پاکستان نے ملک بھر میں شدت پسندوں اور اُن کے حامیوں کے خلاف کارروائیوں کے سلسلہ میں تیزی آگئی ہے۔
خیبرایجنسی :وادی تیراہ میں سیکیورٹی فورسز کی فضائی کارروائی میں اڑتالیس دہشت گرد مارے گئے اور انکے کئی ٹھکانوں کو تباہ کر دیا گیا
خیبرایجنسی میں آپریشن کامیابی سے جاری ہے، علی الصباح سیکیورٹی فورسزکی فضائی کارروائی کے دوران وادی تیراہ میں اڑتالیس دہشت گرد ہلاک اور متعدد زخمی ہوئے۔
کارروائی میں جیٹ طیاروں کی بمباری سے عسکریت پسندوں کے کئی ٹھکانوں کو بھی تباہ کر دیا گیا۔
دہشتگروں کے گرد گھیرا تنگ اور فرار کے تمام راستوں کو بھی بند کر دیا گیا ہے، فورسز کی مختلف کارروائیوں میں اب تک درجنوں دہشت گردوں کو انجام تک پہنچایا جا چکا ہے۔
یاد رہے کہ پاک فوج نے 14 جون2014 سے آپریشن ضربِ عضب شروع کیا، جس کے نتیجے میں ہزاروں سے زائد دہشت گرد ہلاک کئے جا چکے ہیں۔
خیبر ایجنسی: وادی تیراہ میں جیٹ طیاروں کی بمباری میں سات دہشت گرد مارے گئے۔
دہشتگردوں کی سرکوبی کیلئے پاک فوج کا آپریشن ضربِ عضب اور خیبر ون کامیابی سے جاری ہے، خیبر ایجنسی کی وادی تیراہ میں جیٹ طیاروں نے دہشتگردوں کے ٹھکانوں پر بمباری کی۔
سیکیورٹی ذرائع کے مطابق مختلف علاقوں میں بمباری کے دوران دہشتگردوں کے سات ٹھکانے راکھ کا ڈھیر بنا دیئے گئے، جس میں متعدد دہشت گرد ہلاک اور زخمی ہوئے۔
دوسری جانب شمالی وزیرستان کی تحصیل دتہ خیل میں رات گئے سکیورٹی فورسز کی جانب سے مشکوک ٹھکانوں پر گولہ باری کی گئی، پاک افغان سرحدی علاقے میں سیکیورٹی خدشات کے باعث دوسرے روز بھی کرفیو نافذ ہے، جس کے باعث عوام کو شدید مشکلات کا سامنا ہے۔
واضح رہے کہ پاک فوج کا 14 جون سے آپریشن ضربِ عضب کامیابی سے جاری ہے، جس کے نتیجے میں ایک ہزار سے زائد دہشتگرد ہلاک ہوچکے ہیں جبکہ متعدد ٹھکانوں کو تباہ کردیا گیا ہے۔