خیبر ایجنسی: جیٹ طیاروں کی فضائی کارروائی میں سات شدت پسند مارے گئے۔
آئی ایس پی آر کے مطابق خیبر ایجنسی میں جیٹ طیاروں نے شدت پسندوں کے مختلف ٹھکانوں پر بمباری کی ، جس کے نتیجے میں سات شدت پسند ہلاک ہوگئے جبکہ فضائی کارروائی میں دہشتگردوں کے آٹھ ٹھکانے بھی تباہ ہوئے۔
خیبر ایجنسی: سیکیورٹی فورسز کی فضائی کارروائی میں واہگہ بارڈرخودکش حملے کے ماسٹر ماینڈ سمیت تیرہ دہشت گرد مارے گئے۔
خیبر ایجنسی میں آپریشن خیبر ون اور خیبر ٹو کامیابی سے جاری ہے،آئی ایس پی آر کے مطابق سیکیورٹی فورسز نے خیبر ایجنسی کے علاقے دراس میں فضائی کارروائی کی جس میں واہگہ بارڈر کے ماسٹر مائنڈ سمیت تیرہ دہشت گرد مارے گئے۔
آئی ایس پی آر کا کہنا ہے کہ ہلاک ہونے والے دہشتگردوں میں غیر ملکی بھی شامل ہیں،فضائی کارروائی میں دہشت گردوں کے تین خفیہ پناہ گاہیں بھی تباہ کردی گئیں۔ فضائی کارروائی علاقے میں دہشت گردوں کی موجودگی کی انٹیلی جنس اطلاعات پر کی گئی۔
خیبرایجنسی :وادی تیراہ میں سیکیورٹی فورسزنے کارروائی میں پچاس دہشت گرد ہلاک ہو گئے۔
پاک فوج دہشتگردوں کے مکمل خاتمے کیلئے پرعزم،خیبر ایجنسی میں آپریشن خیبر ون کامیابی سے جاری، تازہ کارروائی میں سیکیورٹی فورسز نے وادی تیراہ میں بھاری توپ خانےسےگولہ باری کی۔ فوج کی بھرپور کارروائی میں پچاس شدت پسند ہلاک ہوگئے۔
شیلنگ سے شدت پسندوں کے متعدد ٹھکانے تباہ ہو گئے۔ مارے جانے والے دہشتگردوں کا تعلق کالعدم تنظیم لشکر اسلام سےہے،عسکری ذرائع کے مطابق فوجی کارروائی میں اسلحہ گولا بارودبھی تباہ ہواہے۔
خیبر ایجنسی: آپریشن ضربِ عضب کامیابی سے جاری ہے، باڑہ کے علاقے ملک دین خیل اور کوہی شیر حیدر میں جیٹ طیاروں کی بمباری سے دو شدت پسند ہلاک اور آٹھ زخمی ہوگئے ہیں۔
جون دو ہزار چودہ سے آپریشن ضربِ عضب کامیابی سے جاری ہے، افغان سرحد سے ملحقہ قبائلی علاقے خیبر ایجنسی کی تحصیل باڑہ کے علاقے ملک دین خیل اور کوہی شیر حیدر میں پاکستانی جیٹ طیارورں نے دہشت گردوں کے ٹھکانوں کو نشانہ بنایا ہے، جس میں دو شدت پسند ہلاک اور آٹھ زخمی ہونے کی اطلاع ہے۔
پاک فوج کی جانب سے آپریشن ضربِ عضب میں اب تک نو سو سے زائد دہشت گردوں کو ہلاک کیا جاچکا ہے، متعدد بارودی سرنگیں بنانے کی فیکٹریاں تباہ کر دی گئیں ہیں جبکہ بڑی مقدار میں گولہ بارود بھی پکڑا جاچکا ہے۔
شمالی وزیرستان : پاک فضائیہ کے جیٹ طیاروں نے علاقے شوال میں کارروائی کرتے ہوئے پندرہ دہشتگرد ہلاک کردیئے۔
آئی ایس پی آر کے مطابق آج صبح شمالی وزیرستان کی تحصیل شوال میں جیٹ طیاروں نے عسکریت پسندوں کےپانچ ٹھکانوں کو نشانہ بنایاجس کے نتیجے میں پندرہ دہشتگرد ہلاک ہوگئے،جیٹ طیاروں کی کارروائی میں عسکریت پسندوں کے پانچ ٹھکانوں کو بھی تباہ کردیا گیا۔
شمالی وزیرستان میں دہشتگردوں کے خلاف سترہ جون کو شروع ہونےوالا آپریشن ضرب عضب کامیابی کے ساتھ جاری ہے، آئی ایس پی آر کے مطابق ہلاک دہشتگردوں میں بڑی تعداد ازبک، تاجک اور دیگر ممالک سےتعلق رکھنے والےشدت پسندوں کی ہے۔
تیراہ: خیبرایجنسی کےعلاقے وادی تیراہ میں جیٹ طیاروں نےشدت پسندوں کے ٹھکانوں پر بمباری کی جس کے نتیجے میں دس شدت پسند ہلاک اور متعدد زخمی ہوگئے۔
سیکیورٹی فورسز کی بمباری کے نتیجے میں شدت پسندوں کےمتعدد ٹھکانے بھی تباہ ہوگئے،جیٹ طیاروں نے وادی تیراہ کےعلاقے دوتویہ، توردرہ اور راجگال سمیت دیگر علاقوں میں شدت پسندوں کے ٹھکانوں کونشانہ بنایا، سکیورٹی فورسز کیجانب سےبمباری کےنتیجےمیں بارودی مواد کی بھاری مقدارکو بھی تباہ کردیا گیا۔
ذرائع کےمطابق خیبر ایجنسی کے مختلف علاقوں میں کالعدم تحریک طالبان کےٹھکانےموجودہیں، رواں ماہ کےدوران وادی تیراہ سمیت خیبر ایجنسی کےمختلف علاقوں میں سکیورٹی فورسز کی شدت پسندوں کے خلاف کارروائیوں کےنتیجے میں درجنوں شدت ہلاک اورزخمی ہوئے جبکہ متعدد ٹھکانے بھی تباہ کر دیئے گئے۔
میران شاہ: پاک فوج کا شدت پسندوں کے خلاف آپریشن ضرب عضب کامیابی سے جاری ہے تازہ کارروائی میں تئیس دہشت گرد اور ہلاک کر دیے گئے ۔
شمالی وزیرستان میں آپریشن ضرب عضب کے دوران پاک فوج کی پیش قدمی جاری رہی ہے، پاک فوج نے فضائی کارروائی کرتے ہوئے تئیس دہشت گرد اور ہلاک کر دیے، آئی ایس پی آر کے مطابق دہشت گردوں کے خلاف تازہ کارروائی زیروم،اسماعیل خیل، اوردتہ خیل میں کی گئی، بدھ کے روز بھی پاکستانی فوج نے شمالی وزیرستان میں شدت پسندوں کے ٹھکانوں کا نشانہ بنایا تھا جس میں غیر ملکی دہشت گردوں سمیت چالیس شدت پسند ہلاک ہو گئے تھے پاک فوج کی جانب سے کارراوئی میں شدت پسندوں کے پانچ ٹھکانے اوراسلحہ ڈپوبھی تباہ کردیے گئے تھے۔
سکیورٹی فورسز کی جانب سے شدت پسندوں کے خلاف شمالی وزیرستان میں بارہ جون کو آپریشن ضرب عضب کا آغاز کیا گیا تھا، آپریشن ضرب عضب میں اب تک سیکڑوں شدت پسند ہلاک کیے جاچکے ہیں اور شمالی وزیرستان کے کئی علاقے دہشت گردوں سے پاک کر الیے گئے ہیں۔
آپریشن ضربِ عضب میں کامیابیوں کا سلسلہ جاری ہے، دہشتگردی کے مکمل خاتمے کیلئے فوجی جوان پُرعزم ہیں، شمالی وزیرستان میں پاک فوج کی فضائی کارروائی میں مزید چالیس شدت پسند مارے گئے۔
آئی ایس پی آرکے مطابق ہلاک ہونے والوں میں غیرملکی دہشت گرد بھی شامل ہیں۔
نواں کلی اورزارم عصر کےعلاقوں میں ہونے والی فضائی کارروائی میں دہشت گردوں کے پانچ ٹھکانے بھی تباہ کر دیئے گئے ہیں، جیٹ طیاروں سے کارروائی افغان سرحد سے شدت پسندوں کے حملے کے ایک روز بعد کی گئی ہے۔
آپریشن ضربِ عضب رواں سال آٹھ جون کوکراچی ایئرپورٹ پرحملےکے بعد پندرہ جون سے شروع کیا گیا ہے، جس میں اب تک سینکڑوں دہشت گرد مارے جا چکے ہیں جبکہ اہم کمانڈرز کی گرفتاری بھی عمل میں آئی ہے۔
خیبرایجنسی: وادی تیراہ میں فورسزکی تازہ کارروائی میں بیس دہشت گرد ہلاک اور اُن کے تین ٹھکانے تباہ ہوگئے ہیں۔
ملک سے دہشت گردی کو جڑ سے اکھاڑنے کے لئے پاک فوج کی کارروائیاں کامیابی سے جاری ہیں، شمالی وزیرِستان کے ساتھ خیبر ایجنسی میں بھی شدت پسندوں کی کمین گاہیں نشانے پر ہیں۔
سیکیورٹی ذرائع کے مطابق انٹیلیجنس اطلاعات موصول ہونے کے بعد پاک فضائیہ کے جیٹ طیاروں نے خیبر ایجنسی کی دور افتادہ وادی تیراہ میں شدت پسندوں کے ٹھکانوں پر حملہ کیا، بمباری کے نتیجے میں متعدد دہشت گرد مارے گئے اور کئی ٹھکانے تباہ ہوگئے۔۔
بمباری کے نتیجے میں شدت پسندوں کے گولہ بارود کا ذخیرہ بھی مکمل طور پر تباہ کردیا گیا ہے۔
گذشتہ روز فوج نے شمالی وزیرستان میں حالیہ کارروائی میں پندرہ دہشت گردوں کا قلع قمع کردیا ہے، عسکری ذرائع کا کہنا ہے کہ پاک فوج کے جوانوں کی فضائی کارروائی میں دہشت گردوں کی بارود سے بھری دس گاڑیاں تباہ کی گئیں جبکہ ہیلی کاپٹر زسے کی گئی کارروائی میں دہشت گردوں کے پانچ ٹھکانے تباہ کئے گئے ہیں۔
آئی ایس پی آر کے میجرجنرل عاصم سلیم باجوہ نے کہا ہے کہ کامیابی سے جاری آپریشن میں دہشت گردوں کے نقل و حمل کے ذرائع تباہ کئے جا چکے ہیں ۔
شمالی وزیرستان: آپریشن ضربِ عضب کامیابی کے ساتھ جاری ہے، شمالی وزیرستان کی تحصیل شوال میں پاک فوج کی فضائی کارروائی میں تیس دہشت گرد ہلاک ہوگئے جبکہ دو ٹھکانے بھی تباہ کردئیےگئے، آج قبائلی علاقہ جات میں ہونے والے فضائی حملوں میں کل پینسٹھ دہشتگرد مارے گئے ہیں۔
آئی ایس پی آر کے ترجمان کے مطابق پاک فضائیہ کے جیٹ طیاروں کی مدد سے شمالی وزیرستان کے علاقے دتہ خیل میں شدت پسندوں کے خلاف کامیاب کاروائی کی گئی اوراُن کے ٹھکانوں کو نشانہ بنایا گیا، جس کے نتیجے میں پینتس شدت پسند مارے گئے اور اُن کے تین ٹھکانے مکمل طور پر تباہ کر دیئے گئے جبکہ بھاری مقدار میں گولا بارود کو بھی تباہ کردیا گیا ہے۔
گزشتہ روز آپریشن ضربِ عضب کے دوران دتہ خیل میں فورسز نے کارروائی کے دوران چھ شدت پسندوں کو ہلاک کردیا تھا،دہشتگردوں سے مقابلے میں ایک جوان شہید ہوا جبکہ جھڑپ کے دوران ایک سویلین بھی شہید ہوا۔
پاک فوج نے دہشتگردوں سے کئی علاقوں کو کلیئر کرالیا ہے، پاک فوج کی کامیاب کارروائیوں کے بعد اب بچ جانے والے دہشتگرد فرار کا راستہ تلاش کر رہے ہیں۔
اس سے قبل بھی پاک فوج نے شمالی وزیرستان کے علاقے بویا میں دس دہشتگردوں کو ہلاک کیا تھا جبکہ گن شپ ہیلی کاپٹروں نے شیلنگ کر کے دہشتگردوں کا اسلحہ ڈپو بھی تباہ کردیا تھا۔
پندرہ جون سے جاری آپریشن ضربِ عضب کی کمان کرنے والے میجر جنرل ظفر خان کے مطابق ملک دشمن عزائم رکھنے والے نو سو سے زائد دہشتگرد فوجی کارروائیوں میں مارے جاچکے ہیں۔
شمالی وزیرستان کے بیشترعلاقوں پر پاک فوج نے کنٹرول سنبھال لیا ہے جبکہ آپریشن کے ابتدائی دنوں میں ہی طالبان کا کمانڈ اینڈ کنٹرول سسٹم تباہ کرکے نیٹ ورک کی کمرتوڑ دی تھی۔