جھنگ: کراچی کے علاقے اورنگی ٹاؤن کے فالودہ فروش کے بعد اب جھنگ کے طالبِ علم کے بینک اکاؤنٹ میں بھی کروڑوں روپے نکل آئے۔
تفصیلات کے مطابق غریب شہریوں کے بھاری بینک اکاؤنٹس کے انکشافات کا سلسلہ رکا نہیں ہے، اب جھنگ کے طالبِ علم اسد علی کے اکاؤنٹ میں 17 کروڑ 30 لاکھ روپے موجود ہونے کا انکشاف ہوا ہے۔
[bs-quote quote=”کراچی آج تک نہیں دیکھا، اتنی بڑی رقم سے کوئی تعلق نہیں: طالب علم” style=”style-7″ align=”left” color=”#dd3333″][/bs-quote]
جوائنٹ انوسٹی گیشن ٹیم نے طالبِ علم اسد علی کو طلب کر لیا ہے، جس پر ایف آئی اے کی ٹیم مذکورہ طالبِ علم کو جھنگ سے لے کر کراچی روانہ ہو گئی ہے۔
اسد علی بی ایس سی کے طالبِ علم ہیں، کہتے ہیں کہ کراچی آج تک نہیں دیکھا، اب تحقیقات کے لیے بلا لیا گیا ہے، اتنی بڑی رقم سے کوئی تعلق نہیں، میری مدد کی جائے۔
خیال رہے کہ دو دن قبل شہرِ قائد کے علاقے اورنگی ٹاؤن سے تعلق رکھنے والے ایک فالودہفروش پر قسمت مہربان ہوئی تو چھپر پھاڑ کر دولت برسی، بیٹھے بیٹھے ارب پتی بن گیا۔
معلوم ہوا کہ اورنگی ٹاؤن کے غریب رہائشی کو ایک غیر قانونی ٹرانزیکشن نے ارب پتی بنایا، عبد القادر کے بینک اکاؤنٹ میں 2 ارب روپے سے زائد کی رقم موجود ہونے کا انکشاف ہوا۔
فالودہ فروش کا کہنا تھا ’مجھے نہیں پتا میرا اکاؤنٹ کس نے اور کیسے کھولا، مجھے پتا ہی نہیں تھا کہ میرا بینک اکاؤنٹ ہے، میں 40 گز کے گھر میں رہتا ہوں، پتا نہیں میرے اکاؤنٹ میں اتنے پیسے کیسے آئے۔‘
جھنگ : سربراہ پی ٹی آئی عمران خان نے کہا ہے کہ جونئیر شہباز شریف نے کمیشن کیلئے ملتان میٹرو بنائی، شہبازشریف نے ظلم کی انتہا کردی، ملک نیچے جانے کی وجہ صرف کرپشن ہے۔
یہ بات انہوں نے جھنگ میں انتخابی جلسے سے خطاب کرتے ہوئے کہی، عمران خان نے کہا کہ ایک فیصل آبادی لیڈر نے بیان دیا ہے کہ نوازشریف کا استقبال حج سے بڑا کام ہے، کپتان نے رانا ثناءاللہ کو ان کا نام لیے بغیر احمق اور گدھا قرار دیا۔
ان کا کہنا تھا کہ جھنگ کے فیصلے بھی لاہور سے ہوتےہیں، انہیں کیا پتہ کہ جھنگ کے کیا مسائل ہیں، شہباز شریف نےملتان میں 60ارب روپے کی میٹرو بنادی، ملتان میں میٹرو خالی چل رہی ہے، نقصان ہورہاہے، میٹرو سے شریف خاندان کو کمیشن کے پیسے ملنے تھے۔
ملتان والے اب بھی کہہ رہےہیں کہ انہیں میٹروکی ضرورت نہیں، یہ لوگ پنجاب ڈیولپمنٹ بجٹ کا آدھاحصہ صرف لاہور پرلگا دیتے ہیں، شہبازشریف نےپولیس سے870افراد کوقتل کرایا۔
عمران خان نے کہا کہ مغربی ممالک کی جمہوریت ہم سےآگےنکل گئی ہیں، ایسا کہیں نہیں ہوتا وزیر اعظم کہے کہ میں نے آپ کو اسپتال دیا، اس طرح کا طرز عمل جمہوریت میں نہیں بادشاہت میں ہوتا ہے۔
انہوں نے کہا کہ 25 جولائی کوکامیابی ملی توبہترین بلدیاتی نظام لے کر آئیں گے، مغربی ممالک میں بلدیاتی نظام ہم سے بہترہے، تبھی وہ آگے ہیں، بلدیاتی اداروں تک اختیارات جانے چاہئیں، جمہوریت میں ادارے مضبوط ہوتے ہیں، تیسری دنیا کے ممالک میں وزیراعظم بادشاہ بن جاتا ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
جھنگ: مسلم لیگ (ن) کے صدر اور وزیر اعلیٰ پنجاب شہباز شریف نے کہا ہے کہ قومی خدمت کی بھرپور کوشش کی اور ہم سرخرو ہورہے ہیں، 70 سال میں تیزی سے مکمل منصوبوں کی مثال نہیں ملتی۔
ان خیالات کا اظہار انہوں نے حویلی بہادر شاہ پاور پراجیکٹ کے دورے کے بعد میڈیا سے گفتگو کرتے ہوئے کیا، شہباز شریف نے کہا کہ حکومت پنجاب نے بجلی پیدا کرنے میں اربوں ڈالر لگائے ہیں، پیسہ پنجاب لگا رہا ہے مگر بجلی پورے پاکستان کی ہے۔
وزیر اعلیٰ پنجاب کے مطابق قوم اسی طرح محنت کرے گی تو ہندوستان کو پیچھے چھوڑ دیں گے، عمران خان نے 2012 میں کہا تھا پانچ سال میں پورے پاکستان کو بجلی دیں گے، کے پی نے پانچ سال میں مائنس 6 میگاواٹ بجلی پیدا کی ہے۔
[bs-quote quote=”تاریخ کے سستے ترین بجلی کے منصوبے لگائے ہیں، نیب کو چاروں منصوبوں پر سرٹیفکیٹ دینا چاہئے” style=”style-2″ align=”left” author_name=”شہباز شریف” author_job=”وزیراعلیٰ پنجاب”][/bs-quote]
شہباز شریف نے کہا کہ سندھ حکومت نے بھی صرف 15،20 میگاواٹ بجلی پیدا کی ہوگی، سستے منصوبے سے سستی بجلی پیدا ہوگی، اس سال دسمبر میں 800 میگاواٹ مزید بجلی مہیا کررہے ہوں گے، چاروں منصوبوں سے بجلی ساڑھے 7 روپے فی یونٹ دستیاب ہوگی، 66 برسوں میں 18 ہزار میگا واٹ بجلی پیدا ہوئی۔
وزیر اعلیٰ پنجاب نے کہا کہ یہ منصوبے کم از کم 50 فیصد کم لاگت پر لگے ہیں، حویلی بہادر شاہ منصوبہ دسمبر میں 800 میگاواٹ بجلی دے گا، حویلی بہادر شاہ کی دیکھ بھال کا خرچ بھی دیگر منصوبوں سے کم ہے، تاریخ کے سستے ترین بجلی کے منصوبے لگائے ہیں، نیب کو چاروں منصوبوں پر سرٹیفکیٹ دینا چاہئے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
جھنگ : وزیراعظم شاہدخاقان عباسی کا کہنا ہے کہ پیپلزپارٹی کے منصوبوں سے ایک واٹ بجلی پیدا نہیں ہوئی، اگر شہباز شریف نہ ہوتےتو ریکارڈ مدت میں اتنے منصوبےمکمل نہ ہوتے۔
تفصیلات کے مطابق جھنگ میں وزیراعظم شاہدخاقان عباسی اوروزیراعلیٰ پنجاب نے 1263 میگاواٹ کے پنجاب پاورپلانٹ کا سنگ بنیاد رکھا، منصوبے سے 810میگاواٹ بجلی پیدا کرنے کا پہلا مرحلہ14ماہ میں مکمل ہوگا، مجموعی طور پر26 ماہ میں منصوبے سے 1263میگا واٹ بجلی حاصل ہوگی، بجلی مائع قدرتی گیس سے پیدا کی جائے گی۔
وزیراعظم شاہدخاقان عباسی نے تقریب سے خطاب کرتے ہوئے کہا منصوبہ جب بجلی بنائےگاتو ملک میں ن لیگ کی حکومت ہوگی، بہت سےالزامات لگائے گئے جن میں کوئی صداقت نہیں، منصوبہ 80ارب کی لاگت سےتیارہورہاہے، دنیامیں کوئی منصوبہ اتنی لاگت میں تیار نہیں ہوتا، 3 منصوبے20ماہ کی مختصرمدت میں مکمل ہوئے۔
شاہدخاقان عباسی کا کہنا تھا کہ پی پی رینٹل منصوبہ لے کرآئی ،ایک کلو واٹ بجلی نہ ملی ، پیپلزپارٹی کے منصوبوں سے ایک واٹ بجلی پیدا نہیں ہوئی ، ان منصوبوں سےملک اربوں کا مقروض ہوگیا۔
وزیراعظم نے بجلی کے کارخانے بنانے کا سارا کریڈٹ وزیراعلیٰ پنجاب شہباز شریف کو دیدیا اور کہا کہ اگرشہبازشریف نہ ہوتےتو ریکارڈ مدت میں اتنے منصوبے مکمل نہ ہوتے، 6 ہزارمیگاواٹ بجلی دینے کی ذمے داری شہبازشریف کی تھی۔
انھوں نے کہا کہ جب حکومت سنبھالی 10ہزار میگاواٹ کی ضرورت تھی، ہم نے 2030 تک کے لیے بجلی کے منصوبوں پر کام شروع کردیا ہے، ہم نے بجلی کے منصوبوں میں چیلنج قبول کیا بلکہ شفافیت کا معیارقائم کیا، جمہوری اورآمریت کی حکومتوں میں یہی فرق ہوتا ہے، ہم اپنی شفافیت اور معیار پر قائم ہے، جواب دے سکتے ہیں۔
شاہدخاقان عباسی کا کہنا تھا کہ ملک میں نہ صرف آج بلکہ مستقبل کےلیے لوڈشیڈنگ کا خاتمہ ہوچکاہے، 50 سے 60 فیصدبجلی چوری والے علاقوں میں بجلی کی فراہمی کی ذمے داری نہیں۔
وزیراعظم نے مزید کہا کہ پاکستان میں آج بڑی جماعت کے پاس حکومت ہے، گالم گلوچ اور الزامات کی سیاست ہماری سیاست نہیں ہے، ہم نے سیاست کا یہ انداز میاں نوازشریف سے سیکھا ہے، الائنس بن رہے ہیں لیکن صفر جمع صفر،صفر ہی ہوتاہے، اپنی کارکردگی کی بنیاد پر امید ہے عوام ہمیں ہی منتخب کریں گے۔
انکا کہنا تھا کہ آئینی ترمیم کی ضرورت تھی تو ہم نےمل کرترمیم کی، سینیٹ میں وہ ترمیم گئی تونہ پیپلزپارٹی نہ پی ٹی آئی آتی ہے، آج نوازشریف کی وجہ سے پاکستان کہ ہر صوبےمیں اربوں کے منصوبےمکمل ہورہےہیں، سب کواس بات کی کوشش کرنی ہےکہ ملک میں جمہوریت قائم رہے۔
خاقان عباسی نے کہا کہ ہم بروقت انتخابات کا انعقاد چاہتے ہیں، گزشتہ 70سال میں بجلی کےاتنےمنصوبےنہیں لگےجتنے4سال میں لگے، 1999 سے 2008 تک حکومت کرنے والے اپنے کسی منصوبے کا بتائیں، ہم جس مشن پرنکلےتھے اسے پورا کیا۔
وزیراعظم کا کہنا تھا کہ خوشی ہے پنجاب حکومت اپنےوسائل سے منصوبےلگا رہی ہے، اتحاد بنانے کی ضرورت نہیں حکومت جون تک مدت پوری کرے گی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیاہے تو اسے اپنی فیس بک وال پر شیئرکریں۔
جھنگ : امیر جماعت اسلامی سینیٹر سراج الحق نے کہا ہے کہ پیپلزپارٹی کا بھی احتساب ہونا چاہئیے،انہوں نے40 سال حکومت کی، مسلم لیگ ن اورپیپلزپارٹی نےکرپشن اور دہشت گردی کاتحفہ دیا۔
ان خیالات کا اظہار انہوں نے جھنگ میں میڈیا سے گفتگو کرتے ہوئے کیا، امیر جماعت اسلامی نے کہا کہ قوم کو لوٹنے والوں کیخلاف گرینڈ آپریشن ہوناچاہئیے، سپریم کورٹ سے پیپلزپارٹی کے احتساب کا مطالبہ کرتا ہوں، انہوں نے ملک پر چالیس سال حکومت کی۔
سراج الحق نے نواز شریف کو تنقید کا نشانہ بناتے ہوئے کہا کہ نواز شریف بتاتے ہی نہیں ان کے خلاف کون سازش کررہاہے، آپ کہتے ہیں کہ فیصلہ سی پیک کے خلاف ہے، آپ کہتے ہیں کہ پانچ ججوں نے میرے خلاف فیصلہ دیا ہے۔
آپ کا گلہ نیب سے ہے تو اس کے چیئرمین کی تقرری آپ ہی نے کی تھی، آپ ایکشن اور حکومت بھی خود کرتے ہیں اور روتے بھی خود ہیں۔ این اے 120میں نواز خاندان کسی اور کو ٹکٹ دینے کو تیار ہی نہیں۔
ان کا کہنا تھا کہ عوام کو فیصلہ کرنا ہے کہ وہ جاگیردارانہ نظام چاہتے ہیں یا اسلامی نظام کے طلب گار ہیں، سیاسی جماعتوں کانظام غلامی اور جاگیر داروں کا نظام ہے، جاگیردار کے کتے مکھن جبکہ غریب کا بچہ گندگی کھاتا ہے، ایسے نظام کو مٹانے کی ضرورت ہے بچانے کی نہیں، غریب کے گھرمیں کب روشنی ہوگی؟
سینیٹر سراج الحق نے واضح طور پر کہا کہ کوئی بھی آئین کی 63،62کی شق ختم نہیں کرسکتا، آئین کی 63،62 شق سب پر لاگو کریں گے، جو بھی سرکاری عہدوں پر ہے وہ صادق اور امین ہوگا اور جو صادق امین نہیں ہوگا اس کے لیے اڈیالہ جیل ہوگی۔
جھنگ : وزیراعظم نوازشریف نے کہا ہے کہ ہمارےمخالفین کو یہی تکلیف ہے کہ پاکستان ترقی کررہا ہے، 10جولائی کو ہی ہم داسو پاور پراجیکٹ کا سنگ بنیاد رکھیں گے، جے آئی ٹی جو کر رہی ہے سب جانتے ہیں، مخالفین دھرنے اور احتساب کی آڑ میں سازشیں کرتے ہیں۔
ان خیالات کا اظہار انہوں حویلی بہادر شاہ پاور پلانٹ کی افتتاحی تقریب سے خطاب کرتے ہوئے کیا، انہوں نے کہا کہ ترقی کے مخالفین کی پاکستان میں کوئی کمی نہیں، جگہ جگہ ہائی ویز بن رہی ہیں، موٹر ویز کا جال بچھایا جارہا ہے، کراچی سے پشاور موٹر وے بنا رہے ہیں،14اگست کو کراچی سے حیدرآباد موٹر وے کا افتتاح کریں گے، ملک میں انقلاب آرہا ہے،پاکستان کامیابی کا سفرطے کررہا ہے۔
ان کا کہنا تھا کہ کراچی پورٹ میں ٹرمینل بنایا گیا جس سے ایل این جی آتی ہے، یہ کوئی چھوٹی بات نہیں ہے، بڑے منصوبے دو سال میں مکمل کیے، لوڈ شیڈنگ ختم ہورہی اوربجلی سستی پیداکی جارہی ہے،بجلی سستی ہوگی تو لوگ بھی بل خوشی سے دیا کریں گے۔
اب تک7ہزار میگاواٹ بجلی کا اضافہ کیا، وزیر اعظم
اکیس ماہ پہلے یہاں آنے والے لوگ منصوبے کی تکمیل سےحیران ہیں، یہاں پہلے میدان تھے آج پلانٹ تیار ہوگیا ہے، حکومت سنبھالنے سے اب تک7ہزار میگاواٹ بجلی کا اضافہ کیا، خوشی کی بات ہے21ماہ بعد دوبارہ منصوبے کے افتتاح کیلئے آیا ہوں۔
انہوں نے کہا کہ پاکستان میں اندھیرے چھا چکے تھے،فیکٹریاں بند ہورہی تھیں، خوشحالی آرہی ہے، انڈسٹری چل رہی ہے، پاکستان میں سیاحت بڑھ رہی ہے، غیرملکیوں کوجگہ نہیں ملتی، بتایا جارہا ہے کہ سیاحوں کیلئے پہاڑوں میں ٹینٹس لگائےجارہےہیں، لوگوں کی آمدنی بڑھ رہی ہے اور ان کے وسائل میں بھی اضافہ ہورہاہے۔
انہوں نے بتایا کہ پاکستان کا گروتھ ریٹ 5.3 فیصد ہوگیا ہے، آئندہ ایک دوسال میں گروتھ ریٹ 7 فیصد سے بھی بڑھ جائے گا، ان کا مزید کہنا تھا کہ ایگری کلچر سیکٹر،انڈسٹریل سیکٹرمیں ترقی ہورہی ہے، حکومت سنبھالتے ہی بجلی کے منصوبےلگانےکا فیصلہ کیا تھا۔
انہوں نے کہا کہ ہم نے قوم سےوعدہ کیا تھا کہ اندھیرے دور کریں گے، بجلی کی لوڈشیڈنگ ختم کرینگے، ہم لوڈشیڈنگ کو ہمیشہ کیلئےختم کرنےجارہےہیں، لوڈشیڈنگ کےذمہ داروں کو اب آپ لوگ پوچھیں،ان لوگوں مجرمانہ غفلت کی وجہ سے جو پاکستان میں ایسے حالات پیدا ہوئے، ظلم ہےلوگوں سےروشنیاں چھینی گئیں لیکن ہم قوم کی خدمت کررہےہیں۔ 10جولائی کو داسو منصوبےکا سنگ بنیاد رکھا جارہا ہے۔
جے آئی ٹی جو کررہی ہے، وہ سب جانتے ہیں، وزیر اعظم
پاناما کیس کے حوالے انہوں نے کہا کہ کہاجارہاہے10جولائی کوجےآئی ٹی رپورٹ دےرہی ہے، 10جولائی ہم بھی داسو منصوبے کا بنیاد رکھنے جارہےہیں، جےآئی ٹی کو توآپ جانتے ہی ہیں اورجو وہ کررہے ہیں وہ بھی جانتے ہیں۔
نواز شریف نے عمران خان کا نام لئے بغیر کہا کہ جنہوں نے ہمیں روکنے کیلئےآسمان سر پراٹھا رکھا انہیں بتانا چاہتا ہوں، آسمان سر پراٹھانے والے کچھ بھی کرلیں ترقی کا سفرجاری رہےگا، گزشتہ چارسالوں سے آپ جوکچھ کررہے ہیں وہ پوری قوم جانتی ہے۔
ان کا کہنا تھا کہ آپ نے ن لیگ سےایک دوبارنہیں باربارشکست کھائی ہے، آپ الیکشن جیت نہیں سکتے،آپ صرف سازش کرسکتےہیں، آپ کبھی دھرنے،کبھی احتساب کی آڑمیں سازش کرتےہیں، سازش کرنے کیلئےجےآئی ٹی کے پیچھے چھپتے ہیں، جےآئی ٹی کے پیچھےچھپنے کےبجائےمیدان میں آؤ، انہوں نے کہا کہ آؤ میدان میں مقابلہ کرو، جب کہو گے ہم میدان میں آئیں گے، ہم آپ کو بھی جانتےہیں اورآپ کے کام کو بھی جانتےہیں۔
ملک بھر میں ترقی کا سفر جاری ہے، نواز شریف
نواز شریف کا کہنا تھا کہ پاکستان تبدیل ہورہاہے، ترقی یافتہ ممالک کی صف میں اول نمبرپرہوگا، لوگ ہماری روشن مستقبل کی پالیسیوں کودیکھ رہےہیں، کھیتوں سے منڈیوں تک سڑکیں، دیہات میں کالج بن رہے ہیں، بلوچستان میں ترقی دیکھیں ،خیبرپختونخوا کوہم تعمیر کررہےہیں۔
انہوں نے بتایا کہ لواری ٹنل کو ہم بنارہے ہیں جس کیلئے26ارب روپے دیئے، داسو، دیامر بھاشا ڈیم جیسے پروجیکٹ بنائے جارہےہیں، سندھ میں کوئلے سے بجلی پیداکرنے کے منصوبے بنارہے ہیں، ریلوے، سڑکوں کو اپ گریڈ کر رہے ہیں۔
انہوں نے کہا کہ پنجاب تیزی سے کام کررہا ہے، چین نے بھی اس کی تعریف کی ہے، میٹرو بس سے لوگوں کو سہولت ملی، قوم سے وعدہ کیا تھا کہ اندھیرے دورکرینگے، لوڈشیڈنگ ختم کرینگے، لوڈشیڈنگ کو ہمیشہ کیلئےختم کرنے جا رہے ہیں۔
منصوبے کی21ماہ میں تکمیل عالمی ریکارڈ ہے، شہباز شریف
اس سے قبل وزیراعلیٰ پنجاب شہبازشریف نے تقریب سے خطاب کرتے ہوئے کہا کہ اس منصوبے کی21ماہ میں تکمیل دنیا میں ریکارڈ ہے، منصوبے کی بروقت تکمیل کیلئے تمام لوگوں کا شکرگزار ہوں۔
انہوں نے کہا کہ پاکستان میں لگنےوالے موجودہ ترقیاتی منصوبے شفافیت کی مثال ہیں، حویلی لکھا اور بہادرشاہ کے منصوبوں میں168ارب روپے کی ریکارڈ بچت کی گئی۔
وزیراعظم کے کارنامے یاد رکھےجائیں گے، وزیر اعلیٰ پنجاب
پاناما کیس کے حوالے سے انہوں نے کہا کہ پاناما کا بڑا شور ہے،آپ کے اعمال نامے کی نسبت پاناما کچھ نہیں، پاناما افسانے کے برعکس وزیراعظم کے کارنامے یاد رکھےجائیں گے، پاناما کا افسانہ ہے اوریہ ترقیاتی منصوبے اعمال نامہ ہے، پاناما کیس میں عدالت کافیصلہ قبول کیاجائےگا، لوگ یادرکھیں گےایک وزیراعظم آیاتھا جس نے پاکستان کو اقوام عالم میں کھڑا کیا۔
شہباز شریف نے کہا کہ نندی پور پاور پروجیکٹ کی بڈنگ نہیں ہوئی تھی، بڈنگ کااداروں کونوٹس لیناچاہیےتھا،ذمہ داروں کوپکڑناچاہیےتھا، نندی پورپاورپروجیکٹ کاسامان3سال تک کراچی پورٹ پرموجودرہا۔
جھنگ:وزیر پانی و بجلی خواجہ آصف نے کہا ہے کہ ہم لمبے چوڑے دعوے نہیں کرتے،کام کرتے ہیں، پاکستان کو جلد اندھیروں سے نکال دیں گے، 2018ء میں حکومت ختم ہوگی تو لوڈ شیڈنگ بھی ختم ہوچکی ہوگی۔
جھنگ میں تقریب سے خطاب کرتے ہوئے وفاقی وزیر کا کہنا تھا کہ منصوبے کی بروقت تکمیل کا کریڈٹ وزیراعظم کو جاتا ہے، اقتدار سنبھالا تو بجلی کی پیداوار 13 ہزار میگا واٹ کے قریب تھی اور اب بجلی کی پیداوار 19 ہزار 200 میگاواٹ تک پہنچادی ہے جسے جلد 20 ہزار میگا واٹ تک پہنچادیں گے۔
انہوں نے کہا کہ ہم لمبے چوڑے دعوے نہیں کرتے،کام کرتے ہیں، پاکستان کو جلد اندھیروں سے نکال دیں گے،سال 2018 میں عوام میں جائیں گے تو لوڈ شیڈنگ ختم ہوچکی ہوگی۔
ان کا کہنا تھا کہ آئندہ چند ماہ میں پورٹ قاسم پروجیکٹ بھی کام شروع کردےگا،سی تھری منصوبہ بھی تکمیل کے مراحل میں ہے، پلانٹس اپ گریڈ ہورہے ہیں،ٹرانسمیشن لائن بھی بہتر ہورہی ہے۔
وفاقی وزیر نے مزید کہا کہ مخالفین کو خطرہ ہے کہ لوڈ شیڈنگ ختم ہوگئی تو وہ کیا کریں گے؟ پاکستان کو روشن مستقبل دینے کا وعدہ پورا ہوتا نظر آرہا ہے۔
جھنگ: حالیہ بارشوں کے بعد پنجاب میں بڑے سیلاب کا خطرہ پیدا ہوگیا، بارشوں نے دریاؤں میں طغیانی پیداکردی۔ جھنگ میں سیلابی ریلا دیہات میں داخل ہونے سے بند ٹوٹنے کا خدشہ ہوگیا۔
تفصیلات کے مطابق پنجاب کے مختلف شہروں میں موسلا دھار طوفانی بارشوں کے بعد سیلاب کا خطرہ پیدا ہوگیا، دریائے جہلم اور چناب میں طغیانی کے باعث سیلابی پانی نے آبادی کا رُخ کرلیا۔
جھنگ میں ہیڈ تریموں کےمقام پر پانی کی سطح میں مسلسل اضافے سےکئی دیہات متاثر ہوئے ہیں، سیلابی ریلا دیہات میں داخل ہونے سے رنگ پورمیں بند ٹوٹنے کا خدشہ ہوگیا ہے۔ اہل علاقہ میں تشویش کی لہر دوڑ گئی۔
سیلابی ریلے نے تیارفصل کو بھی نقصان پہنچایا، حالیہ بارش نے انتظامیہ کی نااہلی کا پول کھول دیا۔ رنگ پور میں دریائے چناب کی نشیبی بستیوں کے لیے کروڑوِں روپے کی لاگت سے بنائے جانےبندوں میں جگہ جگہ گڑھے پڑگئے ہیں۔
ٹوٹے ہوئے بندوں نے مکینوں کی نیندیں اڑادی ہیں، اس کے علاوہ چنیوٹ میں بھی سیلابی ریلے سے پندرہ سےزائد گاؤں متاثرہونے کی اطلاعات ملی ہیں۔
جھنگ: پاک فضائیہ کا ایک اور طیارہ گر کر تباہ ہوگیا تاہم پائلٹ حادثے میں محفوظ رہا۔
فضائیہ کے ایک ترجمان کے مطابق پاک فضائیہ کا میراج طیارہ معمول کی پرواز پر تھا کہ اچانک جھنگ میں اٹھارہ ہزاری کے قریب موضع بھٹیاں والا کے قریب طیارے میں تیکنیکی خرابی پیش آئی ، اور گر کر تباہ ہوگیا، ریسکیو ٹیموں نے جائے حادثہ پر پہنچ کر امدادی کارروائیاں شروع کردی ہے،
ترجمان پاک فضائیہ کے مطابق اس حادثے میں پائلٹ محفوظ رہا جبکہ زمین پر بھی کسی قسم کا کوئی جانی اور مالی نقصان نہیں ہوا۔
ترجمان کے مطابقاس حادثے کی وجوہات جاننے کیلئے ایئر ہیڈ کوارٹرز میں انکوائری بورڈ تشکیل دیدیا گیا ہے۔
یاد رہے گذشتہ ماہ کے آغاز میں پاک فضائیہ کا مشاق طیارہ تربیتی پرواز پر تھا کہ اچانک متنی کے علاقے میں طیارے میں تیکنیکی خرابی پیش آئی، جس پر پائلٹ نے طیارے کو مہارت سے کریش لینڈ کروایا۔
کریش لینڈنگ سے طیارے کو جزوی نقصان پہنچا تاہم پائلٹ اس واقع میں محفوظ رہا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
جھنگ: سابق صدر آصف علی زرداری نے کہا ہے کہ پنجاب فتح کرکے ملک کو شریفوں سے نجات دلائیں گے، میاں صاحب کو مشرف کی طرح بھیج کر اپنی حکومت بنائیں گے، پیچھے لگ گیا دیکھئے اب آپ کے خلاف کیا کرتا ہوں۔
جھنگ میں پیپلزپارٹی کے جلسہ عام میں کارکنوں سے خطاب کرتے ہوئے آصف زرداری نے کہا کہ فیصل صالح حیات کو پارٹی میں واپسی پر مبارک باد پیش کرتا ہوں اور اُن سے گزارش ہے وہ پارٹی کی وائس چیئرمین شپ قبول کریں۔
انہوں نے کہا کہ ہم اس بار پنجاب فتح کرنے کے لیے نکلے ہیں تاکہ ملک کو شریفوں سے نجات دلواسکیں، ہم ملک کو ترقی کی راہ پر لے جانے کا ہنر جانتے ہیں جبکہ مسلم لیگ نے ملک کو پیچھے دھکیلا، میاں صاحب کے خلاف حتمی تحریک منطقی انجام تک پہنچے گی۔
سابق صدر نے کہا کہ ہم نے جیسے پرویزمشرف کو وزیر اعظم ہاؤس سے باہر نکالا ویسے ہی نوازشریف کو بھی نکالیں گے، میاں صاحب گھر نہیں کسی اور کے گھر جائیں گے کیونکہ ہم جانتے ہیں کہ نوازشریف کتنے بہادر ہیں۔
آصف زرداری نے کہا کہ میاں صاحب کے رونے کی آوازیں سندھ تک آرہی ہیں، نوازشریف چاہیے مدینہ جائیں یا پھر لانڈھی جیل اُن کو کھانے پہچانے کے لیے تیار ہوں کیونکہ میاں صاحب پائے اور سرکاری روٹیاں توڑنے کے سوا کچھ نہیں کرسکتے۔
نوازشریف کو تنقید کا نشانہ بناتے ہوئے پیپلزپارٹی کے سابق صدر نے مزید کہا کہ میاں صاحب آپ کو نکالنے تک ہم آپ کے پیچھے لگے رہیں گے، آپ کے خلاف یہ میرا پہلا جلسہ ہے،یہ تو ابتدا عشق ہے، دیکھئے گا میں آپ کے خلاف کیا کرتا ہوں۔
