ARYNews.tv | Urdu – Har Lamha Bakhabar

Tag: jhang

  • جھنگ میں ضمنی انتخاب: سیاسی جماعتوں‌ کو شکست، آزاد امیدوار کامیاب

    جھنگ میں ضمنی انتخاب: سیاسی جماعتوں‌ کو شکست، آزاد امیدوار کامیاب

    جھنگ: پی پی 78 کی نشست پر ہونے والے ضمنی انتخاب میں آزاد امیدوار حق نواز جھنگوی کے بیٹے مولانا مسرور نواز جھنگوی نے کامیابی حاصل  کرلی، ن لیگ اور پیپلز پارٹی کے امیدوار کامیابی حاصل نہ کرسکے۔ بلاول بھٹو زرداری نے انتخاب کے نتائج پر سخت ردعمل دے ڈالا۔

    غیر سرکاری نتائج کے مطابق مولانا مسرور نواز جھنگوی نے 48 ہزار سے زائد ووٹ حاصل کرکے اپنے مد مقابل ن لیگ اور پیپلز پارٹی کے امیدواروں کو شکست دے دی۔

    یہ بھی پڑھیں: جھنگ کے الیکشن میں‌ راحیل شریف کو ووٹ کاسٹ

    ن لیگ کے امیدوار آزاد ناصر 35ہزار سے زائد ووٹ لے کر دوسرے نمبر پر رہے جب کہ پاکستان پیپلز پارٹی کے امیدوار سرفراز ربانی 33ہزار سے زائد ووٹ لے کر تیسرے نمبر پر رہے۔

    پی پی 78 میں پولنگ کاعمل نو بجے شروع ہوا جو پانچ بجے تک جاری رہا،حلقہ میں ایک خواجہ سرا سمیت 25 امیدوار وں نے نشست پر الیکشن لڑا، توقع کی جارہی تھی کہ کانٹے کا مقابلہ پی پی اور ن لیگ کے امیدواروں میں ہوگا تاہم آزاد امیدوار نے دونوں کو شکست دے کر فتح حاصل کرلی

    جھنگ حلقہ پی پی78 میں تحریک انصاف کے شیخ ارفع مجید اور عوامی تحریک کے نسیم قادری کے علاوہ خواجہ سرا محمد عارف عرف بوٹا بھی امیدواروں میں شامل رہے۔

    حلقے میں رجسٹرڈ ووٹرز کی تعداد 2لاکھ 6ہزار 562 ہے جن میں ایک لاکھ 8ہزار 627 مرد اور 97ہزار 935 خواتین ووٹرز شامل ہیں۔

    صوبائی اسمبلی کی اس نشست حلقہ پی پی78میں 171 پولنگ اسٹیشنز بنائے گئے اور تمام کو حساس قرار دیا گیا جبکہ سیکیورٹی کےلیے پاک فوج،رینجرز کے 711 اہلکاروں کے علاوہ پولیس کے دوہزار اہلکار ڈیوٹی پر تعینات رہے۔

    واضح رہے کہ پی پی 78کی یہ نشست سابقہ ن لیگی رکن صوبائی اسمبلی راشدہ یعقوب شیخ کی سپریم کورٹ سے نااہلی کے بعد خالی ہوئی تھی۔

    نیشنل ایکشن پلان دفن ہوگیا، بلاول کا شکست پر رد عمل

    انتخاب کے نتائج کے بعد حق نواز جھنگوی کے بیٹے کی برتری سامنے آنے پر پیپلز پارٹی کے چیئرمین بلاول بھٹو نے الیکشن کمیشن اور نیشنل ایکشن پلان پر سوالات کھڑے کر دیے۔

    سماجی رابطوں کی ویب سائٹ ٹوئٹر پر ٹوئٹ کرتے ہوئے بلاول کا کہنا تھا کہ نیشنل ایکشن پلان دفن ہوگیا۔ نیپ ناکام لیگ کا ایکشن پلان ہے۔ انہوں نے گو نواز گو کا ہیش ٹیگ بھی لگایا۔

    بلاول نے وزارت داخلہ کو گھر جانے کا مشورہ دیتے ہوئے الیکشن کمیشن کی اہلیت پر بھی سوال کھڑے کردیے۔

  • جھنگ: سیلابی بارشوں سے 20 دیہات زیر آب آگئے

    جھنگ: سیلابی بارشوں سے 20 دیہات زیر آب آگئے

    جھنگ: حالیہ بارشوں کے بعد سیلابی ریلوں کی پیش قدمی کے سبب بیس دیہات زیرآب آگئے ہیں۔

    تفصیلات کے مطابق دریائے چناب میں ہیڈ مرالہ کے مقام پر نچلے درجے کا سیلاب ہے جہاں سے ایک لاکھ بارہ ہزار کیوسک پانی کے ریلے کا گزر ہے۔

    جھنگ میں تریموں کے مقام پر درمیانے درجے کاسیلاب ہے جس کے سبب بیس کے قریب دیہات زیرآب آگئے ہیں، انتظامیہ کی جانب سے فلڈ وارننگ جاری کردی گئی ہے۔

    گڈو بیراج کے مقام پر 2 لاکھ 12 ہزار کیوسک پانی کا ریلا گزر رہا ہے۔ کشمورمیں کچے کے رہائشیوں کو مشکلات کا سامناہے۔

    ایمر جنسی کے باوجود محکمہ آبپاشی کے ملازمین ڈیوٹی پر غیر حاضرہیں جس کے باعث اولڈتوڑی بند نیو توڑی بند، کے کے بند، اور دیگر بندوں پر جاری کام مکمل نہ ہوسکا۔

  • پیپلز پارٹی پنجاب میں دوڑ سے باہر نکل چکی ہے، طاہرالقادری

    پیپلز پارٹی پنجاب میں دوڑ سے باہر نکل چکی ہے، طاہرالقادری

    جھنگ : پاکستان عوامی تحریک کے سربراہ طاہر القادری کا کہنا ہے کہ پاکستان پیپلز پارٹی پنجاب میں دوڑ سے باہر نکل چکی ہے  ۔

    جھنگ میں ڈاکٹر طاہر القادری نے اپنے والدین اور بھائی کےمزار پر حاضری دی، اس موقع پر ان کا کہنا تھا کہ این اے ایک سو انچاس پر ہونے والے ضمنی انتخابات میں کسی کو سپورٹ نہیں کر رہے ہیں، پنجاب کی سب سے بڑی جماعت پاکستان عوامی تحریک ہوگی۔

    طاہر القادری نے مزید کہنا تھا کہ موجودہ سیاست دہشت گردی اور دھونس سے بھری پڑی ہے۔

    طاہر القادری نے مزید کہا کہ الیکشن کمیشن نے جعلی مینڈیٹ کے ذریعے نواز شریف کو عوام کے سر پر مسلط کیا۔

  • لاہورجلسہ حکمرانوں کے تابوت میں آخری کیل ثابت ہوگا،علامہ طاہرالقادری

    لاہورجلسہ حکمرانوں کے تابوت میں آخری کیل ثابت ہوگا،علامہ طاہرالقادری

    جھنگ: علامہ طاہرالقادری نے کہا ہے کہ کمزور اورطاقتور کی جنگ شروع ہو گئی، مینارپاکستان کا جلسہ حکمرانوں کے غبارے کی رہی سہی ہوابھی نکال دے گا، وہ جھنگ میں سیلاب متاثرین میں امدادی اشیاء کی فراہمی کے بعد جلسے سے خطاب کررہے تھے ۔

    اس موقع پرعلامہ طاہرالقادری نے حکمرانوں کو کڑی تنقید کا نشانہ بنایا۔ان کا کہنا تھا کہ مظلوم عوام کو اب جاگیرداروں اور وڈیروں کا مقابلہ کرنا ہوگا۔ ڈاکٹر طاہرالقادری نے کہا کہ عوامی تحریک ملک میں ایسانظام چاہتی ہے جوکرپشن سے پاک ہو۔

    انہوں نے کہا کہ انیس اکتوبر کو مینار پاکستان کا جلسہ حکمرانوں کے تابوت میں آخری کیل ٹھونک دیگا اورانقلاب کی صداہرگھر کی آوازبن جائے گی۔اس سے قبل ڈاکٹرطاہرالقادری نے جھنگ کے مختلف علاقوں کادورہ کیااورسیلاب متاثرین سے ملاقاتیں بھی کی۔

  • حکمرانوں نے سیلاب متاثرین کے ساتھ فوٹو سیشن کیا،ڈاکٹرطاہرالقادری

    حکمرانوں نے سیلاب متاثرین کے ساتھ فوٹو سیشن کیا،ڈاکٹرطاہرالقادری

    جھنگ: پاکستان عوامی تحریک کے سربراہ ڈاکٹرطاہرالقادری نے جھنگ کے دورہ کے دوران سیلاب متاثرین سے ملاقات کی اور ان سے اظہار ہمدردی کیا،اس موقع پرخطاب کرتے ہوئے ڈاکٹرطاہرالقادری نے کہا کہ وہ غریبوں کے لئے لڑ رہے ہیں اور لڑتے رہیں گے۔

    حکمران سیلاب متاثرین کی مدد کرنے کی بجائے مدد کی بجائے صرف فوٹو سیشن کرانے میں مصروف ہیں, ڈاکٹرطاہرالقادری نے جھنگ کا دورہ کیا اور سیلاب متاثرین سے ملاقاتیں کیں اور ان کے مسائل سنے ۔

    انہوں نے کہا کہ حکمرانوں نے صرف فوٹو سیشن کے لئے اس علاقے کا رخ کیا اورکسی کی داد رسی نہ کی، متاثرین کو جعلی چیک دیئے ،تصویریں بنوائیں اور چلتے بنے۔

    انہوں نے کہا کہ جعلی چیک دینے والوں پر چار سو بیس کا مقدمہ ہونا چاہئیے۔  اس سے قبل ڈاکٹر طاہرالقادری نے حضرت سخی سلطان باہو کے دربارپرحاضری دی اور فاتحہ پڑھی،ملک کی سلامتی اوراستحکام کیلئے خصوصی دعائیں بھی کیں۔

  • علامہ طاہرالقادری سیلاب ذدگان کی امداد کیلئے ہہنچ گئے

    علامہ طاہرالقادری سیلاب ذدگان کی امداد کیلئے ہہنچ گئے

    جھنگ: علامہ طاہرالقادری سیلاب زدگان کے زخموں پرمرہم رکھنے کیلئے اٹھارہ ہزاری پہنچ گئے ۔کہتے ہیں انقلاب کی عظیم جنگ کاآغاز ہوگیاہے۔

    تفصیلات کے مطابق علامہ طاہرالقادری سیلاب زدگان کی خبرگیری کیلئے آبائی علاقے جھنگ پہنچ گئے۔سربراہ پاکستان عوامی تحریک کے قافلے میں پارٹی پرچم تھامے درجنوں گاڑیوں پرہزاروں کارکن سوار تھے۔

    گونوازگو کے نعروں کی گونج میں ہیڈ تریموں پہنچنے پرشاندار استقبال ہوا توعلامہ طاہرالقادری مسرور ہوگئے. سربراہ پاکستان عوامی تحریک فیصل آباد سے جھنگ کیلئے صبح گیارہ بجے روانہ ہوئے۔

    کارکنوں نے پینسرہ ،نواں لاہور ،گوجرہ موڑ موچی والا ،چنیوٹ موڑ پروالہانہ استقبال کیاجس کے باعث دو گھنٹے کا سفر چھ گھنٹےطویل ہوگیا۔ اٹھارہ ہزاری میں مختصر خطاب کے دوران علامہ طاہرالقادری کاکہناتھا کہ عظیم انقلاب کی جنگ کا آغازہوگیا ہے۔،

    انہوں نے کہا کہ حق چھیننے کے لئےبغاوت کرنا ہوگی، آئندہ عام انتخابات میں ووٹ کی طاقت سے حکمرانوں کا تختہ الٹ دیں گے۔

  • دریائے چناب میں اٹھارہ ہزاری کے مقام پر بند توڑدیا گیا

    دریائے چناب میں اٹھارہ ہزاری کے مقام پر بند توڑدیا گیا

    جھنگ:  دریائے چناب میں تریموں کے مقام پر پانی کا دباؤ مسلسل بڑھنے کے باعث بیراج اور جھنگ شہر کو بچانے کے لیے اٹھارہ ہزاری کے مقام پر بند توڑ دیا گیا ہے۔

    پنجاب بھر میں سیلاب کےمنہ زور ریلے ہر چیز اپنےساتھ بہالےجارہے ہیں اور اپنے پیچھے تباہی کی المناک داستانیں رقم کررہے ہیں، تریموں بیراج سے سات لاکھ کیوسک سے بڑا سیلابی ریلے نے بیراج پر دباؤ بڑھا دیا، جس کے بعد جھنگ شہر اور تریموں بیراج کو محفوظ بنانے کے لئے اٹھارہ ہزاری بند توڑ دیا گیا ہے۔

    بند توڑتے ہی سیلابی ریلہ اٹھارہ ہزاری شہر میں داخل ہوگیا، ضلعی انتظامیہ کے مطابق سیلاب میں گھیرے تیس ہزار افراد کو پہلے ہی محفوظ مقام پر منتقل کردیا گیا تھا۔

    ادھرجھنگ بھکرروڈ پر پرانا بائی پاس اور مہلوآنہ پانی میں ڈوب گئے ہیں ،تریموں بیراج سے تقریبا ڈھائی سو کلومیٹر دور ہیڈ پنجند کےمقام پر پانی کا بہاو چھیاسی ہزارنوسو پچپن کیوسک سے تجاوز کرگیا ہے، دریا کی قریبی علاقوں کی آبادیوں کو محفوظ مقامات پر منتقل کیا جارہا ہے۔

    علی پور کے مقام ہیڈ پنجند اور دریا چناب کی مرکزی بند کی مسلسل نگرانی کی جارہی ہیں، ہنگامی صورتحال کے پیشِ نظر بند توڑنے کی منصوبہ بندی کرلی گئی ہے۔

    ادھر ساہوال میں دریا راوی میں کٹاؤ کا سلسلہ جاری ہے،  سیکڑوں دیہات اور فصلیں دریا برد ہوگئیں ہیں، ضلعی انتظامیہ کیجانب سے ریلیف کیمپ اور میڈیکل کیمپ لگائے گئے ہیں، اوکاڑہ میں سیلاب کے باعث آٹھ ہزار ایکڑرقبہ پر مشتمل کھڑی فصیلں زیر آب آگئی۔

    دریائے راوی میں سیلابی ریلے کے باعث فیروزوالا اور نارنگ منڈی کے قریب نالہ ڈیگ میں طغیانی کے باعث چار دیہات میں سیلابی ریلہ داخل ہوگیا، حاجی کوٹ، شانتی، پٹھان کالونی اور رانا ٹاؤن کے علاقے زیر آب آگئے ہیں، سیلاب زدہ علاقوں میں گھیرے لوگوں کی مدد کے لئے پاک فوج کے تازہ دم دستے اپنی ذمے داریاں ادا کررہے ہیں جبکہ حکومت کی جانب سے بھی متاثرین کے لئے ہر ممکن اقدامات کئے جارہے ہیں۔

  • جھنگ:ٹریفک حادثہ،اقبال ظفرجھگڑا4ساتھیوں سمیت زخمی

    جھنگ:ٹریفک حادثہ،اقبال ظفرجھگڑا4ساتھیوں سمیت زخمی

    jhagra