ARYNews.tv | Urdu – Har Lamha Bakhabar

Tag: jhoot

  • کپتان جوڈیشل کمیشن کا قیام چاہتے ہیں تو پارلیمنٹ میں آئیں، سعد رفیق

    کپتان جوڈیشل کمیشن کا قیام چاہتے ہیں تو پارلیمنٹ میں آئیں، سعد رفیق

    لاہور: وفاقی وزیر ریلوے خواجہ سعد رفیق نے کہا ہے کہ تحریک انصاف کے چیئرمین اگر جوڈیشل کمیشن کا قیام چاہتے ہیں تو پارلیمنٹ میں آئیں وگرنہ ان کی حرکتیں انھیں پاکستانی سیاست کا بال ٹھاکرے بناتی جارہی ہیں۔

    ریلوے ہیڈ کوارٹر لاہور میں میڈیا سے گفتگو کرتے ہوئے خواجہ سعد رفیق نے کہا کہ لاہور کی عوام نے عمران خان کی احتجاج کی کال مسترد کردی ہے ،تحریک انصاف نے ضلعی انتظامیہ کے ساتھ اپنے احتجاج کے حوالے سے کیے وعدے نہ صرف توڑے بلکہ بزرگوں عورتوں بچوں اور حتی کہ جانوروں پر بھی تشدد نے واضح کردیا ہے کہ وہ کونسا نیا پاکستان بنانا چاہتے ہیں۔

    وفاقی وزیر کا کہنا تھا کہ عمران خان جوڈیشل کمیشن کے قیام کےلیے جو اڑتالیس گھنٹے کی ڈیڈ لائن دے رہے ہیں انھیں بتانا چاہتے ہیں کہ کمیشن کا راستہ پارلیمنٹ سے گزرے گا۔

     اس موقع پر گفتگو کرتے ہوئے پنجاب حکومت کے ترجمان زعیم قادری نے کہا کہ پی ٹی آئی کے کارکنوں نے آج جس نہج پر پہنچ کر غنڈہ گردی کی وہ پوری قوم کی آنکھیں کھول دینے کے لیے کافی ہے جبکہ وزیر اعلی کے مشیر برائے صحت سلمان رفیق کا کہنا تھا کہ آج احتجاج کے دوران جاں بحق ہونے والوں کے لواحقین کے ساتھ اظہار ہمدردی کے لیے وزیر اعلی نے پانچ لاکھ روپے فی کس امداد کا اعلان کیا ہے۔

  • اعداد و شمار پی ٹی آئی پراپیگنڈہ سیل کا تیارکردہ تھا، سعد رفیق

    اعداد و شمار پی ٹی آئی پراپیگنڈہ سیل کا تیارکردہ تھا، سعد رفیق

    وفاقی وزیر ریلوے خواجہ سعد رفیق کا کہنا ہے عمران خان جعل ساز انسان ہیں ، وہ بددیانتی کا مظاہرہ کررہے ہیں ، اپنی باتوں سے نفرتوں کے بیج بوتےہیں، تحریک انصاف کی ناکامی کے سب سے بڑے ذمے دار عمران خان ہیں، تحریک انصاف نےامیدواروں کوٹکٹ فروخت کئے ۔

    اسلام آباد میں پریس کانفرنس کرتے ہوئے وفاقی وزیر ریلوے خواجہ سعد رفیق کا کہنا تھا عمران خان کی پریس کانفرنس کھودا پہاڑ نکلا چوہا کے مترادف ہے،عمران خان اعداد شمار کو چیلنج اور مسترد کرتے ہیں، عمران خان کی درخواست پرچیف جسٹس صاحبان نےسیشن ججزکوآراوزمنتخب کیا، وزیراعظم کا خواب چکنا چور ہونے پرعمران خان کو سب دشمن نظر آتے ہیں، چیف الیکشن کمشنر فخرالدین جی ابراہیم پرعمران خان نے اعتماد کا اظہار کیا تھا، ابھی تک عمران خان نے کسی ریٹرننگ افسر کیخلاف کوئی ریفرنس دائر نہیں کیا، انوکھے لاڈلے عمران خان نے ضد کی کہ جوڈیشل افسران انتخابات کرائینگے ۔

    خواجہ سعد رفیق کا کہنا تھا آئین کے مطابق بننے والی حکومت پرعمران سمیت تمام جماعتوں نے اعتماد کا اظہار کیا، جن حلقوں میں دھاندلی کا عمران خان رونا رو رہے ہیں اس کی کوئی ویڈیو یا تصویر کیوں پیش نہیں کرتے، اور وہ سب حلقے الیکشن ٹربیونل میں کھلے ہوئے ہیں ۔ اگر4 میں سے 3 حلقوں میں غنڈہ گردی تھی توسیکیورٹی فورسزکوشکایت کیوں نہیں کی ۔

    وزیرریلوے کا کہنا تھا 1970ء سے لیکر اب تک اضافی بیلٹ پیپرز چھاپے جاتے ہیں، عمران خان نے ہمارے حلقوں میں اضافی بیلٹ پیپرز کی بات کی، جہاں تحریک انصاف والےجیتیں ہیں کیاوہاں اضافی بیلٹ پیپرزکی بات مانیں گے؟ عمران خان نے ووٹنگ والےدن چیلنج ووٹ کااختیارکیوں استعمال نہیں کیا؟ عمران خان کوسیاست نہیں آتی تواس میں ہمارا کیا گناہ ہے۔ انتخابی مہم کے دوران بھی عمران خان نے نفرت کے تمام ہتھیار استعمال کیے۔

  • خواجہ سعد رفیق کا دعویٰ غلط ثابت ہوگیا

    خواجہ سعد رفیق کا دعویٰ غلط ثابت ہوگیا

    ملتان :وفاقی وزیر ریلوے خواجہ سعد رفیق نے جمعرات کی صبح دعویٰ کیا تھاکہ آج ملتان کے باشعور عوام یہ فیصلہ کرینگے کہ وہ جمہوریت کے ساتھ ہیں یا جھوٹ کے۔خواجہ سعد رفیق ن لیگ کے اُن رہنماؤں میں سے ہیں جن کا شمار سب سے زیادہ بولنے والوں میں ہوتا ہے۔ .

    عمران خان شروع ہی سے جن چار حلقوں میں دھاندلی اوران حلقوں میں شفاف تحقیقات کامطالبہ کرتے رہے ہیں اُن میں سے ایک حلقہ سعد رفیق کا بھی ہے ۔ سعد رفیق نے ملتان میں جمعرات کی صبح ایک پریس کانفرنس کی اور دعویٰ کیاکہ آج جمہوریت اور جھوٹ کامقابلہ ہے۔

    جھوٹ سے مراد ن لیگ یہ مؤقف یہ ہے کہ دھاندلی سے متعلق عمران خان کے تمام الزامات غلط ہیں، اب جب کہ ملتان کے عوام نے فیصلہ دے دیا ہے جوجاوید ہاشمی کیخلاف ہے توکیا سعد رفیق اعتراف کرینگے کہ ملتان نے عمران خان کے دھاندلی کے الزامات کے حق میں فیصلہ دے دیا ، اور کیان لیگ  اس عوامی فیصلے کے بعددھاندلی کی شفاف تحقیقات کے مطالبے کو پذیرائی بخشے گی ؟

  • حکمرانوں نے ظلم و بربریت کی انتہا کردی ہے ، ڈاکٹرطاہرالقادری

    حکمرانوں نے ظلم و بربریت کی انتہا کردی ہے ، ڈاکٹرطاہرالقادری

    اسلام آباد : ڈاکٹر طاہرالقادری کا نے کہا کہ شریف فیمیلی صرف اپنے کاروبار اور لوٹ مار کے لئے سیاست کرتی ہے۔

    پارلیمنٹ کے سامنے انقلاب مارچ کے شرکاء سے خطاب میں پاکستان عوامی تحریک کے سربراہ ڈاکٹر علامہ طاہرالقادری کا کہنا تھا کہ انقلاب اور آزادی کے شرکاء کو سلام پیش کرتا ہوں،انقلاب اور آزادی ساتھ ساتھ چلتے ہیں۔

    نواز شریف کو مخاطب کرتے ہوئے ڈاکٹر طاہرالقادری نے کہا کہ خود کو مسلم لیگ کے وارث کہنے والے کرپشن کے علمبردار ہیں، ایشیا کے سب سے بڑے انوسٹر نواز فیملی ہے،شریف فیمیلی صرف اپنے کاروبار اور لوٹ مار کے لئے سیاست کرتی ہے، 15 ممالک کی فہرست میرے پاس ہے جہاں نواز فیملی کے کاروبار چل رہے ہیں۔

    ملک میں حکمرانوں نے کرپشن کو عروج پر پہنچادیا ہے، کرپشن ختم ہوجائے تو ملک قائم رہے گا، موجودہ حکمران کے مزاج میں جمہوریت نہیں، افسوس سے کہ رہا ہوں پاکستان کو دینت دار قیادت نہیں ملی۔

    اُنہوں نے کہاکہ چین پاکستان سے ایک سال بعد آزادہوالیکن آج ہرکسی سے آگے نکل گیا، امریکہ کو بھی آنکھیں دکھاسکتاہے کیونکہ وہاں قیادت ملی ،دیگراقوام کی تقدیر بدل سکتی تو پاکستانی عوام کی کیوں نہیں ؟ کیونکہ یہاں حکمران اپنی نسل اور خاندانوں کا سوچتے ہیں ، سارے پاکستان میں اُنہیں اپنے خاندان سے باہر کوئی قابل اعتبار بندہ ہی نظر نہیں آتا جس کی وجہ سے تقدیر نہیں بدلتی ۔

    شرکاء سے خطاب میں انہوں نے کہا کہ پہلے میں اور عمران الگ الگ جنگ لڑرہے تھے اب متحد ہیں، ملکی خوشحالی کے لئے اللہ نے مجھے اور عمران کو ملا دیا ہے، لوگوں کا سمندر حکمرانوں کے ظلم اور بربریت کا خاتمہ کرے گی۔

    طاہرالقادری نے کہا کہ مجھے جینے سے محبت نہیں رہی عوام نے میری جان خرید لی ہے، پہلے بھی کارکنوں کے لئے جیتا تھا اب بھی ان کے لئے جیتا ہوں۔

  • کسی جمہوریت میں جھوٹا شخص وزیرِاعظم نہیں ہوتا،عمران خان

    کسی جمہوریت میں جھوٹا شخص وزیرِاعظم نہیں ہوتا،عمران خان

    اسلام آباد: پاکستان تحریک انصاف کے سربراہ عمران خان نے کہا ہے کہ ملک تباہی کی طرف جا رہا ہے، نواز شریف کے بچے قوم کے پیسے پرعیش کررہے ہیں اور وہ خود اپنی دولت دوسرے ممالک میں منتقل کررہا ہے۔ان خیالات کا اظہار انہوں نے دھرنے کے شرکاء سے خطاب کرتے ہوئے کیا۔

    انہوں نے کہا کہ نواز شریف بتائے کہ اس نے اثاثے کہاں سے بنائے؟ نواز شریف کے بچوں کی دولت کہاں سے آئی؟ انہوں نے کہا کہ کیا جمہوریت اپنے مفادات کے تحفظ کا نام ہے؟  نواز شریف نے پارلیمنٹ میں جھوٹ بولا،دنیا کی کسی جمہوریت میں جھوٹا شخص وزیراعظم نہیں ہوتا،نواز شریف کے ہوتےہوئے دھاندلی کی شفاف تحقیقات نہیں ہوسکتیں۔

    ان کا کہنا تھا کہ جنرل ضیاء کی نرسری میں پلنے والا نواز شریف مجھے کہتا ہے کہ ’’میرے پیچھے فوج کھڑی ہے جبکہ فوج اس وقت نواز شریف کے ساتھ تھی جب اس نے آئی جے آئی بنائی تھی، انہوں نے کہا کہ پاکستان تحریک انصاف ملک کی پہلی جماعت ہے جس نے پارٹی الیکشن کرائے ہم تسلیم کرتے ہیں کہ ان الیکشنز میں غلطیاں ہوئیں، لیکن آئندہ الیکشن مثالی ہونگے۔

    عمران خان نے کہا کہ آج مزدوروں کو حقوق دینے والا کوئی نہیں، عوام کے بنیادی حقوق  سلب کئے جا رہے ہیں، میں ہر اس پاکستانی سے مخاطب ہوں جس کا جینا مرنا پاکستان کے ساتھ ہے اس سب سے میری اپیل ہے کہ وہ یہاں پہنچیں۔

    پی ٹی آئی کے سربراہ کا کہنا تھا کہ قیام پاکستان سےایوب خان کے دور تک ہماری بیورو کریسی بہت زبردست تھی، لیکن اب آہستہ آہستہ بیورو کریسی کو بھی سیاسی کردیا گیاہے، نواز شریف نے بیورو کریسی میں اپنے حمایتیوں کو اوپر لاکر اہل لوگوں کو پیچھے کردیا گیا ہے۔

    انہوں نے کہا کہ میں اپنے ضمیر کی آواز سنتا ہوں مجھے  ڈپٹی وزیر اعظم کی پیشکش دے کرخریدنے کی کوشش کی گئی، لیکن میں بکنے والوں میں سے نہیں ہوں،قائد اعظم محمد علی جناح میرے لئے رول ماڈل ہیں

  • نوازشریف نے اسمبلی فلور پرجھوٹ بولا، ڈاکٹر طاہرالقادری

    نوازشریف نے اسمبلی فلور پرجھوٹ بولا، ڈاکٹر طاہرالقادری

    اسلام آباد : طاہر القادری نے کہا کہ وزیر داخلہ اور وزیر اعظم کی تقریر سن کر ایک منٹ ضائع کیے بغیر ان کا جھوٹ رد کرنے آیا ہوں، اگرچہ میری طبیعت ٹھیک نہیں ہے۔ وزیراعظم اور ان کے رفقاء پارلیمنٹ کے تقدس کو پامال کر رہے ہیں۔

    پاکستان عوامی تحریک کے سربراہ ڈاکٹر طاہر القادری کا کہنا ہے کہ آج  پارلیمنٹ کے فلور پر وزیراعظم  اور  وزیر داخلہ نے جھوٹ بولا، آرمی چیف جنرل راحیل شریف کو ثالثی کی درخواست ہم نے نہیں بلکہ نواز شریف اور وفاقی حکومت نے کی ہے، میں ان کے جھوٹے بیان کو رد کرتا ہوں۔ جھوٹ بولنے پر وزیراعظم کا مواخدہ کرنا چاہیے، ایک جھوٹا شخص وزیراعظم نہیں ہوسکتا، قومی اسمبلی میں جھوٹ بولنے پر وزیراعظم اور وزیرداخلہ استعفی دیں۔

    طاہرالقادری نے کہا کہ آرمی چیف کا ثالثی کا کردار ادا کرنے کا کوئی ارادہ نہیں تھا مگر وزیراعظم اور وفاقی حکومت نے کل انہیں ایسا کرنے کی درخواست کی اور یہ خبر کئی ٹی وی چینلز پر بھی چلتی رہی۔ انہوں نے کہا کہ ہمیں تو خود جنرل راحیل شریف کے ثالثی کے کردار سے متعلق خبر ٹی وی چینلز کے ذریعے ملی۔ نواز شریف نے قومی اسمبلی میں جھوٹ بولا اور قوم کو دھوکا دیا ہے۔

    آرمی چیف نے ایک ادارے کے سربراہ کے ذریعے پیغام بھیجا تھا، ڈاکٹر طاہرالقادری کا کہنا تھا کہ فوج کو ثالث بنانے سے متعلق وزیراعظم کا بیان جھوٹ کا پلندہ ہے۔ پارلیمنٹ میں جھوٹ بولنے پرانہیں برطرف کرنے کا جواز بنتا ہے۔

    ڈاکٹر طاہرالقادری کا کہنا تھا کہ جنرل راحیل شریف وزیراعظم اور وزراء کے جھوٹے بیانات کا نوٹس لیں، ایسے بیانات پاک فوج کو بدنام کرنے کی سازش ہے۔ ڈاکٹر طاہرالقادری کا مزید کہنا تھا کہ جھوٹی انا کو بچانے کے لئے غلط بیانات دیئے جارہے ہیں۔

    طاہرالقادری کا کہنا تھا کہ اگر آج شام تک نواز شریف اور شہباز شریف نے استعفیٰ نہ دیا تو معاملہ آگے نہیں چلے گا اور ثالثی کی بات آگے نہیں چلےگی۔

    واضح رہے کہ آج قومی اسمبلی سے خطاب کرتے ہوئے وزیراعظم نواز شریف نے کہا تھا کہ عمران خان اور طاہر القادری کی درخواست پر آرمی چیف نے ثالثی کا کردارادا کیا۔