Tag: JI head

  • دھرنے کے خلاف طاقت کے استعمال نے معاملے کوالجھا دیا،سراج الحق

    دھرنے کے خلاف طاقت کے استعمال نے معاملے کوالجھا دیا،سراج الحق

    لاہور : امیر جماعت اسلامی سراج الحق کا کہنا ہے کہ دھرنے کے خلاف طاقت کے استعمال نے معاملے کوالجھادیا، تشدد یا جبر کسی بھی مسئلے کا حل نہیں، مذاکرات کیے جائیں، وزیرقانون زاہد حامد کو فوری برطرف کیا جائے۔

    تفصیلات کے مطابق اسلام آباد میں دھرنے کے مظاہرین کیخلاف آپریشن کے بعد پیدا ہونے والی صورتحال پر امیر جماعت اسلامی سراج الحق نے کہا کہ دھرنےکےخلاف طاقت کےاستعمال نےمعاملےکوالجھادیا ہے ، حکومت کو افہام وتفہیم کا راستہ نہیں چھوڑنا چاہیے تھا۔

    سراج الحق کا کہنا تھا کہ حکومت کی جانب سے مس ہینڈلنگ کی جارہی ہے، حکومت کےاقدامات سےمشکلات بڑھ رہی ہیں، حکومت کی ذمےداری تھی کہ سازش بے نقاب کرتی۔

    امیر جماعت اسلامی نے مطالبہ کیا کہ وزیر قانون زاہد حامد کو فوری بر طرف کیا جائے ، تشدد یا جبر کسی بھی مسئلےکاحل نہیں، مذاکرات کیے جائیں۔

    انھوں نے مزید کہا کہ  زاہد حامد اس جرم میں شریک ہیں تو انہیں فوری مستعفی ہوناچاہیے، غلطی جنات نےتونہیں کی کوئی نہ کوئی تواس کوتاہی میں ملوث ہے، حکومت کو سنجیدگی سے پوری صورتحال کو دیکھنا چاہیے۔

    سینیٹرسراج الحق کا کہنا تھا کہ  بال حکومت کی کورٹ میں ہے،معاملےپرخصوصی توجہ دے، جو کام آخر میں کرنا ہے وہ پہلے کرلیتے تو مسئلہ حل ہوجاتا۔


    مزید پڑھیں : فیض آباد آپریشن ، جھڑپوں اور پتھراؤ سے درجنوں اہل کاروں سمیت80 افرادزخمی


    اسلام آباد دھرنے کیخلاف پولیس کا بھرپور آپریشن سے علاقہ میدان جنگ بن گیا، پولیس کی شیلنگ سے علاقے کی فضا میں آنسو گیس کے بادل چھا گئے، پولیس کی مرکزی اسٹیج کی جانب پیش قدمی جاری ہے۔

    مظاہرین بھرپورمزاحمت کر رہے ہیں، مظاہرین نے پانچ قیدیوں کو لے جانے والی گاڑیوں سمیت ایک بس کو آگ لگادی ہے جبکہ پولیس اور مظاہرین میں جھڑپوں اور مظاہرین کے شدید پتھراؤ سے درجنوں اہل کاروں سمیت اسی افرادزخمی ہوگئے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • انصاف کے تقاضے پورے کرنے کیلئے نوازشریف کرسی چھوڑ دیں، سراج الحق

    انصاف کے تقاضے پورے کرنے کیلئے نوازشریف کرسی چھوڑ دیں، سراج الحق

    لاہور : امیر جماعت اسلامی سراج الحق کا کہنا ہے کہ انصاف کے تقاضے پورے کرنے کیلئے نوازشریف کرسی چھوڑ دیں، ساٹھ روز کیلئے کسی اور کو وزیراعظم بنایا جا سکتا ہے، پاناماکیس میں پانچ رکنی بینچ نے وزیراعظم کوبری نہیں کیا۔

    لاہور میں جماعت اسلامی کی مرکزی مجلس عاملہ کے اجلاس کے موقع پر امیر جماعت اسلامی سراج الحق نے میڈیا سے گفتگو کرتے ہوئے کہا کہ پاناماکیس میں 5رکنی بینچ نے وزیراعظم کو بری نہیں کیا،  پانچ میں سے دو ججوں نے کلئیر کیا ہے کہ وزیر اعظم امین اور صادق نہیں رہے، انصاف کے تقاضے پورے کرنے کیلئے نوازشریف کرسی چھوڑ دیں۔

    سراج الحق نے کہا کہ جماعت اسلامی نے کرپشن کیخلاف ہمیشہ جدوجہد کی، کرپشن کیخلاف جماعت اسلامی کی مہم کو نتیجہ خیز بنانا ہے، سپریم کورٹ نے کلیئر کیا تو نوازشریف پھروزیراعظم بن سکتے ہیں، احتساب کے لئے  ہماری تحریک جاری رہے گی،  کرپشن ،قرض معاف کرانے والے سب کااحتساب چاہتے ہیں۔

    انھوں نے مزید کہا کہ کرپشن اور پاکستان اب ساتھ نہیں چل سکتے ہیں، کرپشن کی وجہ سے ہمارے بچے تعلیم، روزگار سے محروم ہیں، کرپشن کے خلاف لڑائی، چوک اور چوہراہوں، ایوانوں میں بھی لڑیں گے۔


    مزید پڑھیں : استعفیٰ دے کر ماحول پیدا کرنے میں ہی نوازشریف کی عزت ہے، سراج الحق


    امیر جماعت اسلامی کا کہنا تھا کہ سپریم کورٹ نے وزیراعظم کو ملزم نامزد کردیا ہے، عدالت نے کہا ہے وزیراعظم کے بیانات، دستاویزات مشکوک ہیں، مٹھائی کھانے پرپابندی نہیں،مگراتنی کھانے سے شوگربھی ہوسکتی ہے۔

    یاد رہے کہ امیر جماعت اسلامی سراج الحق کا کہنا ہے کہ چھوٹے گریڈ کا افسر بڑے گریڈ کے افسر کیخلاف کیسے تحقیقات کرسکتا ہے، استعفیٰ دے کر ماحول پیدا کرنے میں ہی نوازشریف کی عزت ہے، نوازشریف کوکلین چٹ ملےتو دوبارہ وزیراعظم بن سکتے ہیں۔

    سراج الحق کا کہنا تھا کہ ججز نے واضح کہا کہ یہ صادق اور امن نہیں رہے، پہلی بار سپریم کورٹ نے وزیراعظم کوغیر شفاف قرار دیا، ججز نے واضح کہا کہ نوازشریف ایماندار نہیں۔

    سراج الحق نے کہا کہ اپوزیشن کا مطالبہ ہے شفاف تحقیقات کیلئے وزیراعظم استعفیٰ دیں ، عدات نے واضح کیا کہ وزیراعظم کی دستاویزات درست نہیں، فیصلہ یقینی طور پر منزل نہیں، کامیابی کی طرف پیش قدمی ہے، استعفیٰ دے کر ماحول پیدا کرنے میں ہی نوازشریف کی عزت ہے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک  وال پرشیئر کریں۔

  • خطے میں بھارت کی چودھراہٹ قبول نہیں کرینگے، سراج الحق

    خطے میں بھارت کی چودھراہٹ قبول نہیں کرینگے، سراج الحق

    لاہور : امیر جماعت اسلامی سراج الحق نے کہا ہے کہ خطے میں بھارت کی چودھراہٹ قبول نہیں کرینگے، حکومت پالیسیوں پر نظر ثانی کر لے، توبہ کا دروازہ کھلا ہے، عید کے بعد راولپنڈی سے اسلام آباد کی طرف پیدل مارچ کرینگے۔

    لاہور میں پریس کانفرنس سے خطاب کرتے ہوئے امیر جماعت اسلامی سراج الحق کا کہنا تھا کہ بھارت کو نیوکلیئر کلب کا ممبر نہیں بننا چاہیئے، اگر انڈیا کو این ایس جی کی رکنیت دی گئی تو یہ پاکستان سمیت خطے کیلئے خطرناک ہو گا۔ انہوں نے کہا کہ امریکہ بھارت کو علاقے کا پولیس مین بنانا چاہتا ہے، بھارت کی چودھراہٹ قبول نہیں کرینگے۔

    امیر جماعت اسلامی نے کہا کہ افغان مہاجرین باعزت واپسی چاہتے ہیں، افغانستان کا ماحول بہتر کیا جائے ، مہاجرین کو دھکے نہ دیئے جائیں، خواہش ہے کہ پاکستان اور افغانستان کے تعلقات برادرانہ ہوں۔

    سراج الحق نے کہا کہ عید کے بعد راولپنڈی سے اسلام آباد کی طرف پیدل مارچ کرینگے، چیئرمین نیب کی تقرری حکومت اور اپوزیشن کی بجائے سپریم کورٹ اور ہائیکورٹس کے چیف جسٹس صاحبان کریں، حکومت نے ٹی او آرز پر اتفاق نہ کیا تو احتجاج کے سوا کوئی راستہ نہیں ہو گا۔

    انہوں نے کہا کہ متحدہ اپوزیشن بنانے میں حکومت کا بڑا کردار ہے، دیکھیں گے کہ حکومت عید کے بعد کیسا احتجاج چاہتی ہے، حکومت پالیسیوں پر نظر ثانی کرلے، توبہ کا دروازہ کھلا ہے، ورنہ حکمرانوں کے نام کے ساتھ سابقہ کا لاحقہ لگ جائے گا۔

  • آنکھیں بند کر کے اسلام اور مسلمانوں پر الزام تراشی نہیں ہونی چاہیئے، سراج‌الحق

    آنکھیں بند کر کے اسلام اور مسلمانوں پر الزام تراشی نہیں ہونی چاہیئے، سراج‌الحق

    لاہور: امیر جماعت اسلامی سنیٹر سراج الحق نے پیرس حملوں کی شدید مذمت کی اور کہا کہ آنکھیں بند کر کے اسلام اور مسلمانوں پر الزام تراشی نہیں ہونی چاہیئے، پہلے ہی عراق کی جنگ میں ٹونی بلیئر دنیا سے غلط اطلاعات پر معافی مانگ چکے ہیں۔

    لاہور میں میڈیا سے گفتگو کرتے ہوئے امیر جماعت اسلامی سنیٹر سراج الحق نے کہا ہے کہ آئی ایس پی آر کی پریس ریلیز کو زیادہ سنجیدہ لینے کی ضرورت نہیں تھی، پریس ریلیز کا جواب کسی ملاقات میں دیا جا سکتا تھا، دو شریفوں اور شریکوں کے درمیان فاصلے نہیں بڑھنے چاہیئیں اور قومی اداروں کو اپنے اپنے دائرہ کار میں رہ کر کام کرنا چاہیئے۔

    سراج الحق نے پیرس حملوں کی شدید مذمت کی اور کہا کہ آنکھیں بند کر کے اسلام اور مسلمانوں پر الزام تراشی نہیں ہونی چاہیئے.

    سراج الحق نے براہمداغ بگٹی کی پالیسی میں تبدیلی کی حمایت کرتے ہوئے کہا کہ اگر پہاڑوں پر بیٹھے بلوچ ایک قدم آگے بڑھیں تو حکومت کو 100 قدم آگے بڑھنا چاہیئے۔ انہوں نے کہا کہ پاک چائنا اقتصادی راہداری کی آخری منزل گوادر ہے، افغانستان میں خانہ جنگی ہوئی تو اس کا نقصان پاکستان کو ہو گا۔

    امیر جماعت اسلامی نے غیرملکی قرضوں میں اضافے کو معاشی ماہرین کی ناکامی قرار دیا اور کہا کہ ورلڈ بنک اور آئی ایم ایف کی ہدایات پر چلنے سے قوم کا بچہ بچہ مقروض ہو گیا ہے، موجودہ اور سابق حکمرانوں میں کوئی فرق نہیں ہے.

  • سراج الحق نے نریندر مودی کے سر کی قیمت ایک ارب روپے رکھ دی

    سراج الحق نے نریندر مودی کے سر کی قیمت ایک ارب روپے رکھ دی

    راولہ کوٹ: امیر جماعت اسلامی سراج الحق نے بھارتی وزیرِاعظم نریندر مودی کے سر کی قیمت ایک ارب روپے رکھ دی، سراج الحق کا کہنا ہے کہ بس ڈوپلومیسی اور فنکار ڈپلومیسی سے مسئلہ کشمیر حل نہیں ہوگا۔

    راولہ کوٹ میں خطاب کرتے ہوئے امیر جماعت اسلامی کا کہنا تھا کہ بھارتی حکومت کے علاوہ پاکستانی حکمرانوں کی پالیسیاں بھی کشمیر کی آزادی کی راہ میں رکاوٹ ہیں۔

    سراج الحق نے مطالبہ کیا کہ حکومت کشمیر کے معاملے پر واضح پالیسی اختیار کرے۔

    انہوں نے کہا کہ جماعت اسلامی اُس جماعت سے دوستی کرے گی، جس کی کشمیر پر پالیسی واضح ہوگی۔

    سراج الحق کا کہنا تھا کہ ہندوستان کبھی بھی ہمارا دوست نہیں ہوسکتا، بھارت سے دوستی کرنے والے ممبئی چلے جائیں ۔

    حکومت پر تنقید کرتے ہوئے انھوں نے کہا کہ ہمارے حکمران اندھے،  بہرے اور گونگے ہیں، جس کے باعث ہم کشمیر کی آزادی کی منزل سے کوسوں دور ہیں۔

  • این اے 246، سراج الحق کی قیادت میں جماعت اسلامی کی ریلی

    این اے 246، سراج الحق کی قیادت میں جماعت اسلامی کی ریلی

    کراچی: امیر جماعت اسلامی سراج الحق کا کہنا تھا کہ حلقہ این اے دو سوچھیالیس پر ایم کیو ایم کو شکست سے کوئی نہیں بچا سکتا، عوام کو بتایا جائےالطاف حسین اسٹیبلشمنٹ سے کس بات کی معافی مانگ رہے ہیں۔

    حلقہ این اے دوسو چھیالیس میں انتخابی سرگرمیاں عروج پر ہیں، امیرِ جماعت اسلامی سراج الحق کی قیادت میں جماعت اسلامی کی ریلی نصیرآباد سے شروع ہو کر کریم آباد پر اختتام پزیر ہوئی۔

    ریلی کے شرکاء سے خطاب کرتے ہوئے امیرِ جماعت اسلامی کا کہنا تھا کہ اس دفعہ ایم کیوایم کو حلوہ کھانے نہیں دیں گے، عوام کو بتایا جائے کہ الطاف حسین اسٹیبلشمنٹ سے کس بات کی معافی مانگ رہے ہیں۔

    ریلی سے جماعت اسلامی کے نامزد امیدوار راشد نسیم سمیت دیگر رہنماؤں نے بھی خطاب کیا ۔

  • الطاف حسین بھی کراچی کی بدامنی کی وجہ سے لندن میں بیٹھے ہیں، سراج الحق

    الطاف حسین بھی کراچی کی بدامنی کی وجہ سے لندن میں بیٹھے ہیں، سراج الحق

    کراچی : جماعت اسلامی پاکستان کے امیر سراج الحق نے کہا ہے کہ الطاف حسین بھی کراچی کی بدامنی کی وجہ سے لندن میں بیٹھے ہیں، ہمیں موقع ملا تو ایسا پُرامن ماحول شہر فراہم کریں گے کہ الطاف حسین بھی بلاخوف و خطر اپنی گلیوں میں گھوم سکیں گے۔

    کراچی میں علماء کنونشن سے خطاب کرتے ہوئے سراج الحق کاکہنا تھا کہ فرسودہ نظام نے معاشرے میں فیصل موٹا بنائے ہیں، ہمیں موقع پر ملا تو ایسا نظام دیں گے کہ فیصل موٹا فیصل صدیقی اور اجمل پہاڑی اجمل صدیقی کے نام سے پکارے جائیں گے۔

    انہوں نے کہا کہ 68 سال پاکستان کے آئین سے غداری کی گئی ہے ،ایک دن بھی ملک میں کلمے کا قانون نافذ نہیں ہوا ہے ، قومیتوں کے نام پر لوگوں کو لڑایا گیا ہے ،ایسا اسلامی انقلاب لانا چاہتے ہیں جو لسانی اور مسلکی سوچ سے بالاتر ہو، چند اشرافیہ کی وجہ سے پاکستان دو لخت ہوا۔

    انہوں نے کہا کہ دینی جماعتوں نے آپس میں لڑ کر سیکیولر لابی کیلئے راستے ہموار کیے، اگر اسلامی شریعت نافذ ہوئی تو ملک کی بڑی مساجد میں انصاف کیلئے عدالتیں لگ سکتی ہیں، شریعت کے بارے میں منفی پروپیگنڈہ دشمن کی سازش ہے۔

    سراج الحق نے کہا کہ جماعت اسلامی کی حکومت آئے گی تو تیرہ لاکھ علمائے کرام، خطیب ، عائمہ کرام کیلئے بیت المال سے تنخواہیں مقرر کریں گے۔

  • این اے 246، جماعت اسلامی پاکستان تحریک انصاف کے ساتھ اتحاد کر سکتی ہے، سراج الحق

    این اے 246، جماعت اسلامی پاکستان تحریک انصاف کے ساتھ اتحاد کر سکتی ہے، سراج الحق

    اسلام آباد: امیر جماعت اسلامی سراج الحق نے کہا ہے کہ کراچی ضمنی انتخابات میں ان کی جماعت پاکستان تحریک انصاف کے ساتھ اتحاد کر سکتی ہے۔

    اسلام آباد بار ایسوسی ایشن سے خطاب اور میڈیا سے بات چیت میں انہوں نے کہا کہ ملک میں محاذ آرائی کی بجائے میرٹ اور خدمت کی سیاست کے لئے سیاسی جماعتیں آگے آئیں۔

    ان کا کہنا تھا کہ پی ٹی آئی کے ساتھ کراچی میں انتخابی اتحاد کے لئے بات چیت کی جا رہی ہے، انہوں نے کہا کہ برسراقتدار آکر جماعت اسلامی بڑی بیماریوں کا مفت علاج اور کھانے پینے کی کئی اشیاء پر سبسڈی فراہم کرے گی۔

    سراج الحق نے کہا کہ ملک میں کھوٹے سکے، سیاسی اور معاشی دہشت گرد عوامی مسائل پر قابض ہیں اور انہی کی وجہ سے ملک دو لخت ہوا۔یہ عناصر سیاسی جمود نہیں توڑنا چاہتے اور موجود ہ سیاسی نظام کسی طرح بھی عوام کے حق میں نہیں کیونکہ عام آدمی کے لئے پارلیمنٹ میں پہنچنا ایک خواب ہے۔

    انہوں نے کہا کہ یہ سیاسی اورمعاشی نظام امراء کے لئے ہے جس کی منزل معاشرے کی تباہی ہے۔

    ان کا کہنا تھا کہ وہ میٹرک تک دینی مدارس اور سکولوں کا نصاف یکساں دیکھنا چاہتے ہیں اور طبقاتی نظام تعلیم کا خاتمہ کریں گے، سراج الحق نے کہا کہ وکلاء ملک میں نظام کی تبدیلی کیلئے کردار ادا کریں ۔

    یمن کے معاملے پر ان کاکہنا تھا کہ جنگ کی مسلے کا حل نہیں اور خلیج میں کشیدگی سے امریکہ اور اسرائیل کو فائدہ ہے، یمن اور سعودی عرب کا مسلہ بات چیت کے زریعے حل کیا جائے۔

  • دہشتگردی کی ذمہ داری مسجد، مدرسے پرنہیں ڈالی جاسکتی، سراج الحق

    دہشتگردی کی ذمہ داری مسجد، مدرسے پرنہیں ڈالی جاسکتی، سراج الحق

    لاہور: جماعتِ اسلامی کے امیر سراج الحق کا کہنا ہے کہ حکومت نے اکیسویں ترمیم کے ذریعے لسانی بنیادوں پر ملک توڑنے والوں کے لیے راستہ کھلا چھوڑ دیا ہے، رضا ربانی کے آنسو ضرور رنگ لائیں گے۔

    لاہور میں سابق امیر قاضی حسین احمد کے تعزیتی ریفرنس سے خطاب کرتے ہوئے سراج الحق کا کہنا تھا کہ ملک میں جاری دہشتگردی کی ذمہ داری مسجد اور مدرسے پر نہیں ڈالی جاسکتی۔

    انھوں نے کہا کہ دہشگردوں اور حکومت دونوں نے مذہب کو یرغمال بنالیا ہے، لسانی بنیادوں پر ملک توڑنے والوں کے لیے راستہ کھلا چھوڑ دیا گیا ہے۔

    سراج الحق نے کہا کہ مذہب کے خلاف اعلانِ جنگ کرکے حکومت امریکہ کو خوش کررہی ہے، اگر قومی وحدت قائم نہ ہوئی تو ایٹم بم بھی قوم کو تباہی سے نہیں بچا سکتا، رضا ربانی کے آنسو رنگ لائیں گے۔

    انھوں نے کہا کہ حکومتی شخصیات نے یقین دلایا کہ دینی مدارس کی جانب کوئی میلی آنکھ سے نہیں دیکھے گا، پاکستان اب مزید لاشیں اٹھانے کا متحمل نہیں ہوسکتا۔

  • حکومت ملک کو معاشی دہشتگردی سے نجات دلائے، سراج الحق

    حکومت ملک کو معاشی دہشتگردی سے نجات دلائے، سراج الحق

    بدین: امیر جماعتِ اسلامی سراج الحق نے کہا ہے کہ حکومت خصوصی عدالتیں بنانے کے بجائے ملک کو معاشی دہشتگردی سے نجات دلائے، بدین میں تھر بچاؤ ریلی سے خطاب کرتے ہوئے انکا کہنا ہے کہ تھر پارکر کے اسپتالوں میں ڈاکٹرز نہیں، اگر سندھ بچانا ہے تو بدین بچانا ہوگا۔

    سراج الحق نے کہا کہ پاکستان اور سندھ کے حکمران تھر میں تماشا لگائے ہوئے ہیں، تھر میں 1600 بچے فوت ہو چکے ہیں جبکہ سندھ حکومت 16 ملین ڈالر کا ہیلی کاپٹر خریدنے میں مصروف ہے، حکومت ملٹری کورٹس کی تشکیل میں وقت صرف کرنے کے بجائے ملک کو معاشی دہشگردی سے نجات دلائے۔

    امیر جماعت اسلامی نے مزید کہا کہ تھرپارکر کے اسپتالوں میں ڈاکٹرز نہیں ہیں، جسکی وجہ سے وہاں بنیادی سہولیات کا فقدان ہے اور اسی وجہ سے پاکستان کے لوگوں کی توجہ تھر کے طرف دلانے تھر جا رہا ہوں، کوئی مذہبی جماعت دہشت گردی کی حمایتی نہیں، سندھ میں بے روزگاری اور بدحالی ہے جبکہ حکمران ملکی دولت لوٹ کر پیسہ باہر منتقل کر رہے ہیں۔

    انھوں نے کہا کہ پاکستان میں چوہدری، ویڈرے، سردار ایک دوسرے کو تحفظ دے رہے ہیں، اسمبلی میں غریب کی نمائندگی وہ کرتے ہیں جنہیں غربت کا علم ہی نہیں، غریب مزدور کا بیٹا ہونے پر فخر ہے، آج بھی کرائے کے مکان میں رہتا ہوں، بدین اپنے قدرتی وسائل سے دبئی بن سکتا ہے۔

    سراج الحق نے کہا کہ مرکز اسپیشل کورٹ کبھی ملڑتی کورٹس بنانے کا سوچتی ہے جبکہ ملک معاشی دہشتگردی کا شکار ہے اور اسکے لئے کوئی نہیں سوچ رہا۔ عوام کے مسائل اسلامی شرعی نظام سے حل ہو سکتے ہیں ۔ پی پی پی نے روٹی کپڑا مکان کا نعرہ لگا کر عوام سے دھوکا کیا ہے۔ پی پی پی 4 اور مسلم لیگ 20 بار حکومت کے مزے لے چکی ہے لیکن عوام کے لئے کسی نے کچھ نہیں کیا۔