ARYNews.tv | Urdu – Har Lamha Bakhabar

Tag: JI

  • کے پی کے: جماعت اسلامی کے اہم رہنما مسلم لیگ ن میں شامل، امیر مقام کی مخالفین پر کڑی تنقید

    کے پی کے: جماعت اسلامی کے اہم رہنما مسلم لیگ ن میں شامل، امیر مقام کی مخالفین پر کڑی تنقید

    پشاور: مسلم لیگ (ن) نے جماعت اسلامی کی اہم وکٹیں گرادیں، رہنما جماعت اسلامی فضل اللہ داودزئی اور اسراراللہ ایڈوکیٹ ن لیگ میں شامل ہوگئے.

    تفصیلات کے مطابق خیبر پختون خواہ میں‌ جماعت اسلامی کے دو اہم رہنما ن لیگ مسلم لیگ (ن) میں شامل ہوگئے.

    اس موقع پر صدرمسلم لیگ (ن) خیبرپختونخواہ امیرمقام نے تقریب سے خطاب کرتے ہوئے کہا کہ پشاور کی اہم شخصیات کی ن لیگ میں شمولیت پارٹی قیادت پراعتماد کا اظہار ہے۔

    امیر مقام نے کہا کہ پی ٹی آئی نے پشاورکےعوام کے لئے کچھ نہیں کیا،بی آرٹی کے نام پر شہر کھودا گیا، جس کی وجہ سے عوام کو شدید مشکلات کا سامنا ہے۔

    انھوں نے مخالفین کو آڑے ہاتھ لیتے ہوئے کہا کہ ہم بی آر ٹی کےقبرستان میں پی ٹی آئی کودفن کریں گے، لالٹین والے بھی صوبےمیں کوئی تبدیلی نہیں لاسکے، اےاین پی کی لالٹین میں تیل نہیں، ان کا دور ختم ہوگیا۔

    انھوں نے کہا کہ پیپلزپارٹی کے امیدواروں کی ضمانتیں ضبط ہوں گی، جیت مسلم لیگ ن کی ہوگی۔

    یو ٹرن خان وزارت عظمیٰ کے اہل نہیں، امیر مقام

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • یہود وہنود اور امریکا کا اتحاد مسلمانوں کے خلاف متحد ہوچکا ہے: سراج الحق

    یہود وہنود اور امریکا کا اتحاد مسلمانوں کے خلاف متحد ہوچکا ہے: سراج الحق

    لاہور: جماعت اسلامی کے امیر اور سینیٹر سراج الحق نے کہا ہے کہ یہود وہنود اور امریکا کا اتحاد مسلمانوں کے خلاف متحد ہوچکا ہے، امت مسلمہ اس وقت سخت آزمائش سے دوچار ہے۔

    ان خیالات کا اظہار انہوں نے ماہِ رمضان کی مناسبت سے اپنے جاری کردہ خصوصی بیان میں کیا، سراج الحق کا کہنا تھا کہ اس ماہ مبارک میں مظلوم مسلمانوں کے لیے خصوصی دعاکی جائے، فلسطین میں نہتے شہریوں کا قتل عام جاری ہے، کشمیر میں بھی بھارتی جارحیت انتہا پر ہے۔

    انہوں نے کہا کہ رمضان پریشانیوں کو بانٹنے، بھائی چارے کے فروغ کا مہینہ ہے، غربا ومساکین، بیواؤں، یتیموں کی دل کھول کر امداد کرنی چاہیے، اللہ کی خوشنودی کے لیے باہمی محبتوں کو بڑھانا، نفرتیں ختم کرنا چاہیے، اسی سے ہی دوریاں ختم ہوں گی۔

    عالمی برادری فلسطینیوں کے قتل عام کا نوٹس لے، سراج الحق

    خیال رہے کہ دو روز قبل جماعت اسلامی پاکستان کے اعلامیے کے مطابق سراج الحق نے فلسطینیوں پر اسرائیلی فائرنگ و گولہ باری کی مذمت کرتے ہوئے کہا تھا کہ عالمی برادری فلسطینیوں کے قتل عام کا نوٹس لے، فلسطینیوں پر اسرائیلی مظالم قابل مذمت ہے اور امریکا کا سفارت خانہ بیت المقدس منتقل کرنا ظلم ہے۔

    نواز شریف نے ممبئی واقعات پر بے وقت کی راگنی چھیڑی، سراج الحق

    انہوں نے یہ بھی کہا تھا کہ اسرائیلی ظالمانہ کارروائی سے عالمی امن کو شدید خطرات لاحق ہو گئے ہیں، اقوام متحدہ قتل عام روکنے کے لیے فوری اقدامات کرے انہوں نے اسلامی ممالک کے تعاون کی تنظیم او آئی سی سے بھی مطالبہ کیا تھا کہ فلسطین کا مسئلہ عالم اسلام کا مسئلہ ہے، اس پر ہنگامی اجلاس بلایا جائے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • صوبائی حکومت کے خاتمے سے ایک ماہ قبل جماعت اسلامی نے پی ٹی آئی کا ساتھ چھوڑ دیا

    صوبائی حکومت کے خاتمے سے ایک ماہ قبل جماعت اسلامی نے پی ٹی آئی کا ساتھ چھوڑ دیا

    پشاور: خیبر پختون خواہ کی صوبائی حکومت ختم ہونے سے فقط ایک ماہ قبل جماعت اسلامی نے اپنی اتحادی پاکستان تحریک انصاف کا ساتھ چھوڑ دیا اور کابینہ سے الگ ہوگئی۔

    تفصیلات کے مطابق جماعت اسلامی اور پی ٹی آئی کے اختلافات منطقی انجام کو پہنچ گئے، مشترکہ پریس کانفرنس میں جماعت اسلامی نے کے پی کی حکومت سے علیحدگی کا اعلان کیا۔

    [bs-quote quote=”الیکشن کے بعد بھی جماعت اسلامی سے بات چیت جاری رہے گی، الگ ہونے کا سبب اختلافات نہیں” style=”style-2″ align=”left” author_name=”پرویز خٹک”][/bs-quote]

    اس موقع پر وزیر اعلیٰ خیبرپختون خواہ نے کہا کہ اتحادیوں نے خوشی خوشی راہیں جدا کیں، علیحدگی کسی اختلاف یا جھگڑے کا نتیجہ نہیں۔

    ان کا کہنا تھا کہ اچھے موڑ پر الگ ہورہے ہیں، الیکشن کے بعد بھی جماعت اسلامی سے بات چیت جاری رہے گی، الگ ہونے کا سبب اختلافات نہیں، جماعت اسلامی پانچ سال ہماری اتحادی رہی، ہمارے ساتھ تعاون کیا، سیاست میں ایسا ہوتا رہتا ہے، جماعت اسلامی سے کوئی اختلاف نہیں۔

    وزیر اعلیٰ خیبرپختونخواہ نے کہا کہ کل اسلام آباد میں فاٹا ریفارمزپرمیٹنگ ہوئی، وزیراعظم موجود تھے، فیصلہ ہوا ہے کہ 2019 میں فاٹا کو صوبے میں ضم کردیا جائے گا۔

    یاد رہے کہ سینیٹ انتخابات کے بعد جماعت اسلامی اور پی ٹی آئی میں اختلافات کا جنم ہوا تھا، جس کے بعد دونوں طرف سے سخت بیانات کا تبادلہ ہوا، البتہ یہ عمل خوشگوار ماحول میں طے پایا۔

    جماعت اسلامی کی جانب سے یہ اعلان بھی کیا گیا ہے کہ وہ بجٹ کی تیاری میں رخنہ نہیں ڈالے گی۔

    کے پی میں جماعت اسلامی اور تحریک انصاف کا اتحاد ٹوٹنے کو ہے

     خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جماعت اسلامی کے الیکٹرک کے خلاف آج کراچی میں ہڑتال کرے گی

    جماعت اسلامی کے الیکٹرک کے خلاف آج کراچی میں ہڑتال کرے گی

    کراچی: جماعت اسلامی کراچی کے امیر حافظ نعیم الرحمان نے کہا ہے کہ شہر میں بڑھتی ہوئی لوڈ شیڈنگ اور بجلی کے شارٹ فال کی وجہ سے جماعت اسلامی آج کے الیکٹرک کے خلاف شہر میں پر امن ہڑتال کرے گی  جس کی تمام سیاسی، مذہبی ودیگر جماعتوں نے حمایت کا اعلان کردیا۔

    انہوں نے کہا کہ وزیر اعظم کراچی آئے لیکن شہر میں لوڈ شیڈنگ تاحال جاری ہے جس سے شہریوں کو شدید مشکلات کا سامنا ہے، کے الیکٹرک نے ماضی میں بھی بڑے معاہدے کیے لیکن آج تک کوئی معاہدہ پورا نہیں کیا۔

    ان کا مزید کہنا تھا کہ جماعت اسلامی بجلی کے شدید بحران میں کراچی کے عوام کے ساتھ ہے، شہر میں لوڈ شیڈنگ کے خلاف آواز بلند کرتے رہیں گے، یہی وجہ ہے کہ آج(جمعے)  کے الیکٹرک کے خلاف پرامن ہڑتال کر رہے ہیں۔

    جماعت اسلامی کا کراچی میں لوڈ شیڈنگ کے خلاف 27 اپریل کو ہڑتال کا اعلان

    خیال رہے کہ کے الیکٹرک کی جانب سے شہر میں غیر اعلانیہ لوڈ شیڈنگ کا سلسلہ جاری ہے جس کے باعث عوام کو روز مرہ کی زندگی میں مشکلات کا سامنا ہے اور معمولات زندگی بھی متاثر ہورہے ہیں، گذشتہ دنوں وزیر اعظم شاہد خاقان عباسی کراچی پہنچے اور کے الیکڑک کو بجلی کی فراہمی کی ہدایت کی تھی اس کے باوجود لوڈ شیڈنگ تاحال جاری ہے۔

    واضح رہے کہ جماعت اسلامی کی ہڑتال پر صدر الیکٹرونکس ڈیلرز کا کل معمول کے مطابق کاروبار جاری رکھنے کا اعلان کیا ہے، اس حواے سے الیکڑونکس ڈیلر محمد رضوان نے کہا ہے کہ وزیر اعظم کی مصالحت کے نتیجہ میں لوڈ شیڈنگ میں کمی آئی تاہم لوڈ شیڈنگ ختم نہ ہوئی تو تاجر تنظیموں کے ساتھ سے مل کر احتجاج کریں گے۔

    بجلی بحران پر وزیر اعلیٰ سندھ کی بے بسی، وزیر اعظم کو تیسرا خط لکھ دیا

    علاوہ ازیں  آل سٹی تاجر اتحاد نے آج کی ہڑتال سے لاتعلقی کا اعلان کیا ہے جبکہ ہڑتال سے متعق تاجر اتحاد کا موقف ہے کہ ہڑتال امن خراب کرنے کے مترادف ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جماعت اسلامی کا کراچی میں لوڈ شیڈنگ کے خلاف 27 اپریل کو ہڑتال کا اعلان

    جماعت اسلامی کا کراچی میں لوڈ شیڈنگ کے خلاف 27 اپریل کو ہڑتال کا اعلان

    کراچی: جماعت اسلامی کراچی کے امیر حافظ نعیم الرحمان نے کہا ہے کہ کچھ جماعتیں اپنی سیاست چمکانے کے لیے شہر میں احتجاج کرتی ہیں، ہم کراچی میں لوڈ شیڈنگ کے خلاف 27 مارچ کو ہڑتال کریں گے۔

    ان خیالات کا اظہار انہوں نے اے آر وائی نیوز کے پروگرام ’سوال یہ ہے‘ میں انٹرویو دیتے ہوئے کیا، حافظ نعیم الرحمان کا کہنا تھا کہ کے الیکٹرک کی لوڈشیڈنگ کے خلاف اب مکمل شٹرڈاؤن کریں گے، کراچی کا مسئلہ ڈھائی کروڑ عوام کا مسئلہ ہے۔

    انہوں کہا کہ کچھ جماعتیں اپنی سیاست چمکانے کے لیے شہر میں احتجاج کرتی ہیں، دھوکا دینے والوں سے مزید دھوکا نہیں کھائیں گے، جب تک کراچی میں لوڈ شیڈنگ کا مسئلہ حال نہیں ہوجاتا چین سے نہیں بیٹھیں گے۔

    کے الیکٹرک کے خلاف گورنر ہاؤس پر29 اپریل کو دھرنا دیں گے، حافظ نعیم

    حافظ نعیم الرحمان کا کہنا تھا کہ کے الیکٹرک میں پہلے بھرتیاں کرائی گئیں پھر اسے برباد کیا گیا ہم بکنے والے نہیں ہے مسئلےکا حل چاہتے ہیں، ہمیں شہریوں کی پریشانیوں کا احساس ہے، بجلی کی غیر اعلانیہ لوڈ شیڈنگ کے باعث لوگوں کو شدید مشکلات کا سامنا ہے۔

    ان کا مزید کہنا تھا کہ پچھلے سال بھی لوڈشیڈنگ پر کے الیکٹرک کے خلاف احتجاج کیا تھا، لیکن کوئی شنوائی نہیں ہوئی جبکہ کے الیکٹرک کی جانب سے آئل پر چلنے والے پلانٹس بھی نہیں چلائے جارہے۔

    کراچی کا اہم مسئلہ دہشت گردی ہے، نعیم الرحمان

    جماعت اسلامی کراچی کے امیر کا یہ بھی کہنا تھا کہ اب عوامی دباؤ پر حکومت کو مسائل کو حل کرنا پڑے گا، چیف جسٹس کو بھی کراچی میں لوڈشیڈنگ کا نوٹس لینا چاہیے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں بچی سے زیادتی اور قتل، سراج الحق کی مذمت، والدین سے اظہار تعزیت

    کراچی میں بچی سے زیادتی اور قتل، سراج الحق کی مذمت، والدین سے اظہار تعزیت

    کراچی: جماعت اسلامی کے امیر سراج الحق نے کراچی میں زیادتی کے بعد قتل کی جانے والی بچی کے واقعے پر شدید مذمت کا اظہار کرتے ہوئے مقتولہ کے والدین سے گہری ہمدردی اور تعزیت کی۔

    تفصیلات کے مطابق کراچی کے علاقے اورنگی ٹاؤن میں چھ سالہ بچی کو زیادتی کے بعد بے دردی سے قتل کر دیا گیا جس کے بعد علاقہ مکین مشتعل ہوگئے اور بچی کی لاش سڑکوں پر رکھ کر احتجاج کیا اور پولیس کے خلاف خوب نعرے بازی کی، اس دوران پولیس اور مظاہرین کے درمیان جھڑپیں بھی ہوئیں۔

    واقعے سے متعلق اپنے مذمتی بیان میں سراج الحق کا کہنا تھا کہ قتل کو فوری گرفتار کیا جائے، اس قسم کے واقعات حکومت کے کردار پر سوالیہ نشان ہیں، ملزم کو گرفتار کر کے قانون کے مطابق سخت سزا دی جائے۔

    کراچی میں 6سالہ بچی سے زیادتی وقتل کیخلاف احتجاج، ایک شخص جاں بحق،15زخمی

    انہوں نے کہا کہ حکومت کا کام بل جمع کرنا ہوتا ہے، ٹیکس جمع کر کے عوام کا خون چوسنا نہیں ہوتا، حکمران ٹیکسوں سے حاصل رقم عیش وعشرت پرخرچ کر دیتے ہیں، عوام تعلیم، صحت اور روزگارجیسی بنیادی ضرورتوں سے محروم ہیں۔

    ان کا مزید کہنا تھا کہ نئی نسل پاکستان کو اسلامی اور فلاحی ریاست بنانےکے لیے ہمارا ساتھ دے، جماعت اسلامی کی حکومت ہر مظلوم کی وکالت خود کرے گی اور پاکستان کو ایک مثالی ملک بنائیں گے۔

    ہمیں دشمن سے اتنا خطرہ نہیں جتنا آستین کے سانپوں سے ہے، سراج الحق

    یاد رہے کہ چھ سالہ بچی تین روز قبل اورنگی ٹاؤن سے لاپتہ ہوئی تھی جس کی لاش گزشتہ روز منگھوپیر کے کچرا کنڈی سے ملی، رابعہ کی والدہ نے انصاف کی فراہمی کا مطالبہ کرتے ہوئے کہا کہ میری بیٹی پر بدترین تشدد اور زیادتی کی گئی، پولیس نے جنہیں گرفتار کیا ہے وہ اصل ملزم نہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • فاٹا تک عدالتی دائرہ کار کا سینیٹ سے پاس کردہ بل بارش کا پہلا قطرہ ہے: سراج الحق

    فاٹا تک عدالتی دائرہ کار کا سینیٹ سے پاس کردہ بل بارش کا پہلا قطرہ ہے: سراج الحق

    لاہور: جماعت اسلامی کے امیر سراج الحق نے کہا ہے کہ فاٹا تک عدالتی دائرہ کار کا سینیٹ سے پاس کردہ بل بارش کا پہلا قطرہ ہے، بل کی منظوری سے قبائلی عوام کے حقوق کی بحالی کا راستہ کھل گیا۔

    ان خیالات کا اظہار انہوں نے میڈیا سے بات چیت کرتے ہوئے کیا، سراج الحق کا کہنا تھا کہ اس قسم کے اقدامات سے قبائلی عوام کو فائدہ پہنچے گا، ان کی محرمیوں کو ختم کرنے کی ضرورت ہے، میں مطالبہ کرتا ہوں کہ فاٹا کے قبائل کو این ایف سی ایوارڈز سے تین فیصد حصہ دیا جائے۔

    مسلم لیگ (ن) اور پاکستان کی سیاسی صورت حال پر تبصرہ کرتے ہوئے امیر جماعت اسلامی کا کہنا تھا کہ ملک سے کرپشن کا خاتمہ وقت کی ضرورت ہے، صرف نواز شریف کی نااہلی سے کرپشن کا ناسور ختم نہیں ہوگا، پانامہ لیکس کے 436 کرداروں کا بھی احتساب ہونا چاہیے۔

    سینیٹ نے اعلیٰ عدلیہ کا دائرہ کار فاٹا تک بڑھانے کا بل پاس کر لیا: ڈپٹی چیئرمین سینیٹ

    سراج الحق کا مزید کہنا تھا کہ ملک میں الیکشن کا سال ہے، لیکن عام انتخابات سے متعلق شکوک وشبہات کا اظہار کیا جارہا ہے، بروقت الیکشن وقت کا تقاضہ ہے اور ملکی استحکام کے لیے ضروری ہیں۔

    خیال رہے کہ گذشتہ دنوں سینیٹ نے سپریم کورٹ اور ہائی کورٹ کا دائرہ اختیار وفاق کے زیر انتظام قبائلی علاقہ جات تک بڑھانے کے بل کی اتفاق رائے سے منظوری دے دی ہے اور چیئرمین سینیٹ کی جانب سے بل پر دست خط بھی کیا جاچکا ہے۔

    فاٹا میں امن بحال ہوا تو کچھ لوگوں نے نئی تحریک شروع کردی، آرمی چیف

    بعد ازاں میڈیا سے گفتگو کرتے ہوئے ڈپٹی چیئرمین سینیٹ سلیم مانڈوی والا کا بل سے متعلق کہنا تھا کہ اعلیٰ عدلیہ کا دائرہ کار فاٹا تک بڑھانے کا اہم بل پاس کر لیا گیا ہے، فاٹا کے عوام کئی دہائیوں سے اپنے حقوق کی جنگ لڑ رہے تھے اور سینیٹ سے اس بل کا پاس ہونا ان کا حق تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کرنل جوزف نے پاکستانی شہری کو قتل کیا مگر مقدمہ درج نہ ہوسکا: سراج الحق

    کرنل جوزف نے پاکستانی شہری کو قتل کیا مگر مقدمہ درج نہ ہوسکا: سراج الحق

    کراچی: جماعت اسلامی کے امیر اور سینیٹر سراج الحق نے کہا ہے کہ امریکی سفارت خانے میں تعینات کرنل جوزف نے پاکستانی شہری کو شہید کی لیکن افسوس کے مقدمہ تک درج نہ ہوسکا۔

    کراچی میں خطاب کرتے ہوئے سراج الحق کا کہنا تھا کہ ملکی نظام میں چالاکی اور ملاوٹ شامل ہے شاید اس لیے انصاف کا حصول ناممکن ہے، کرنل جوزف نے پاکستانی شہری کو شہید کیا لیکن ایف آئی آر تک درج نہیں ہوسکی۔

    اُن کا کہنا تھا کہ مقدمہ درج ہونے کی وجہ دریافت کی تو کہا گیا کہ سفیر اور عملے کو استثنیٰ حاصل ہے۔

    خیال رہے کہ 8 اپریل کو اسلام آباد کے رہائشی نوجوان عتیق کی ہلاکت اس وقت ہوئی جب امریکی سفارت کار کرنل جوزف مبینہ طور پر نشے کی حالت میں تیز رفتاری سے گاڑی چلا رہا تھا۔

    امریکی سفارت کار کی گاڑی سے شہری کی ہلاکت، والد کی عدالت میں درخواست

    امریکی شہری کو نشے کی حالت میں ٹریفک اشارہ نہ دکھا اور اُس نے گاڑی بھگا دی جس کے نتیجے میں موٹرسائیکل سوار اسلام آباد کے شہری کو زور دار ٹکر لگی اور وہ موقع پر ہی جاں بحق ہوگیا۔

    واقعے کے تھوڑی دیر بعد ایک اور گاڑی سفارتکار کو لینے پہنچی جبکہ جائے وقوعہ پر موجود پولیس اہلکاروں نے امریکی سفارت کار کا میڈیکل چیک اپ کروانے کی کوشش کی تو سفارتی عملے نے اپنی شناخت ظاہر کی جس کے بعد پولیس اہلکار مجبوراً کوئی ایکشن نہ لے سکے۔

    امریکی سفارت کار کا نام ای سی ایل میں ڈالنے سے متعلق فیصلہ محفوظ

    بعد ازاں دفتر خارجہ نے امریکی سفیر ڈیوڈ ہیل کو طلب کر کے واضح کیا کہ شہری کی ہلاکت کے معاملے پر پاکستان کے قانون اور ویانا کنونشن کے مطابق عمل کیا جائے گا، امریکی سفیر نے ملکی قوانین کی خلاف ورزی کی جسے کسی صورت نظر انداز نہیں کیا جاسکتا۔

    وفاقی حکومت نے عدالتی حکم پر کرنل جوزف کا نام واچ لسٹ میں ڈالنے کے بعد اس کا ڈرائیونگ لائسنس بھی منسوخ کردیا جبکہ بے گناہ پاکستانی نوجوان کا قاتل نے تاحال اسلام آباد میں موجود امریکی سفارتخانے میں پناہ لے رکھی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ملک میں جس کے پاس پیسہ نہ ہو وہ انصاف حاصل نہیں کر سکتا: سراج الحق

    ملک میں جس کے پاس پیسہ نہ ہو وہ انصاف حاصل نہیں کر سکتا: سراج الحق

    گوجرانوالہ: جماعت اسلامی کے امیر سراج الحق نے کہا ہے کہ موجودہ تعلیمی اداروں سے قیادت نہیں بلکہ نوکر تیار ہو رہے ہیں، المیہ یہ ہے کہ جس کی جیب میں پیسہ نہ ہو وہ انصاف حاصل نہیں کر سکتا۔

    ان خیالات کا اظہار انہوں نے میڈیا سے گفتگو کرتے ہوئے کیا، سراج الحق کا کہنا تھا کہ پاکستان کا سب سے بڑا مسئلہ کرپشن ہے، بد عنوانیوں کی وجہ سے ملک کا یہ حال ہے، پاناما میں شریف خاندان کا نام آیا کسی ایک علما کا نام پاناما میں نہیں آیا۔

    انہوں نے کہا کہ موجودہ حکومتی نظام نے ہمیں غربت کے تحفے دیے، یاد رکھنا چاہیے کہ حکومت کا کام ٹیکس لگانا جبکہ بل جمع کرنا ایجنسی کا کام ہے، ملک سے کرپشن کے خاتمے کے لیے دیانت دار قیادت کی ضرورت ہے لیکن المیہ یہ ہے کہ تعلیمی نظام قیادت تیار کرنے کے بجائے نوکر تیار کر رہا ہے۔

    مدرسے پر حملہ دہشت گردی ہے، نیٹو نے پاکستان اور افغانستان کا امن تباہ کیا: سراج الحق

    سربراہ جی آئی کا کہنا تھا کہ پاکستان کے لیے کلمے کی خاطر لوگوں نے شہادتیں دیں جبکہ دوسری جانب مقبوضہ کشمیر میں ہمارے نوجوانوں کو مارا جارہا ہے، کشمیریوں کی نگاہیں پاکستان کی طرف ہیں، حکومت کو چاہیے کہ سو قدم آگے بڑھ کر کشمیریوں کا ساتھ دیں۔

    ادارے ناکام ہورہے ہیں، نئی نسل کے چہروں پر مایوسی ہے، سراج الحق

    سراج الحق کا مزید کہنا تھا کہ کشمیر میں جاری ظلم و بربریت کے خاتمے کے لیے عالمی برادری کو اپنا کردار ادا کرنا ہوگا، قابض بھارتی فوج نوجوان کشمیریوں کو شہید کر رہی ہے، وزیر اعظم کو جلد مسئلہ کشمیر پر اے پی سی بلانا ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • مدرسے پر حملہ دہشت گردی ہے، نیٹو نے پاکستان اور افغانستان کا امن تباہ کیا: سراج الحق

    مدرسے پر حملہ دہشت گردی ہے، نیٹو نے پاکستان اور افغانستان کا امن تباہ کیا: سراج الحق

    اسلام آباد: جماعت اسلامی کے امیر سراج الحق نے کہا ہے افغانستان میں مدرسے کو تباہ کرنے والے دہشت گرد ہیں، امریکا اور اس کے ایجنٹس نے مل کر مدرسے پر حملہ کیا جس کی شدید  مذمت کرتے ہیں۔

    ان خیالات کا اظہار انہوں نے میڈیا سے گفتگو کرتے ہوئے کیا، سراج الحق کا کہنا تھا کہ مظلوم افغان عوام کے دکھ میں برابر کے شریک ہیں، افغانستان سے نیٹو فوج کا انخلا بہت ضرور ہے، نیٹو فوج کی وجہ سے خطے کو مزید خطرات کا سامناہے، نیٹو کی ہی وجہ سے پاکستان اور افغانستان کا امن تباہ ہوا۔

    انہوں نے کہا کہ امریکا نے قندوز میں بمباری کر کے 100 سے زائد بچوں کو شہید کر دیا، اتنے بڑے واقعے پر اقوام متحدہ اور انسانی حقوق کی تنظیمیں کیوں خاموش ہیں؟ ہمیں نظر آرہا ہے کہ پاکستان اور افغانستان کو آپس میں لڑانے کی کوشش کی جارہی ہیں۔

    قندوز میں مدرسے پر حملہ: افغان صدر نے تحقیقات کا حکم دے دیا

    سربراہ جی آئی کا کہنا تھا کہ کشمیر میں بھارت ایک دن میں 14 نوجوانوں کو شہید کر رہا ہے، کشمیریوں کو تنہا نہ چھوڑا جائے بلکہ بین الاقوامی سطح پر ان کے لیے آواز اٹھانی چاہیے، او آئی سی اور سلامتی کونسل کا اجلاس بلایا جائے، مقبوضہ کشمیر کی تحریک تکمیل پاکستان کی تحریک ہے۔

    خیال رہے کہ دو روز قبل افغان صوبہ قندوز کے ضلع دشت آرچی میں واقع مدرسے پر افغان فورسز کی جانب سے فضائی حملہ کیا گیا تھا۔

    ادارے ناکام ہورہے ہیں، نئی نسل کے چہروں پر مایوسی ہے، سراج الحق

    فورسز کے مطابق یہ حملہ طالبان کے تربیتی مرکز پر کیا گیا تھا جہاں انہیں طالبان کمانڈروں کی موجودگی کی اطلاع ملی تھی، تاہم بعد ازاں حملے میں بچوں اور عام شہریوں کی ہلاکت کی تصدیق ہوگئی، حملے میں 50 کے قریب افراد مارے گئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔