Tag: Joe Biden

تل ابیب: اسرائیلی وزیر اعظم بنجمن نیتن یاہو نے امریکی صدر کے انٹرویو کے جواب میں ایک انٹرویو میں غزہ کے شہر رفح پر جو بائیڈن کی ’ریڈ لائن‘ مسترد کر دی۔

غیر ملکی میڈیا رپورٹس کے مطابق نیتن یاہو نے امریکی صدر بائیڈن کے بیان کو مسترد کرتے ہوئے کہا ہے کہ ان کی تنقید غلط ہے، اسرائیل کے شہری حماس کی بقایا بٹالین کے خاتمے کی ہماری کارروائیوں کی حمایت کرتے ہیں۔

نیتن یاہو کا کہنا تھا کہ اسرائیلی یہ بات سمجھتے ہیں کہ اگر ہم یہ نہیں کریں گے تو اسرائیل پر 7 اکتوبر جیسے حملے بار بار ہوں گے، فلسطینی ریاست ہمارے گلے ڈالنے کی کوششوں کو ہمیں مسترد کرنا چاہیے۔

امریکی ڈیجیٹل نیوز پیپر کمپنی پولیٹیکو کے ساتھ ایک انٹرویو میں نیتن یاہو نے غزہ پر حملے کی پالیسی کا دفاع کرتے ہوئے امریکی صدر بائیڈن کی تنقید کو مسترد کر دیا، نیتن یاہو نے کہا ’’میں نہیں سمجھا کہ جو بائیڈن کا کیا مطلب ہے، لیکن اگر ان کا مطلب یہ ہے کہ میں اسرائیلی عوام کی اکثریت کے خلاف پالیسی کی قیادت کر رہا ہوں اور اس سے اسرائیل کے مفادات کو نقصان پہنچتا ہے، تو وہ دونوں لحاظ سے غلط ہیں۔‘‘

نیتن یاہو اسرائیل کو نقصان پہنچا رہے ہیں، رفح پر حملہ ریڈ لائن ہوگا: جو بائیڈن

اسرائیلی وزیر اعظم نے کہا کہ وہ امریکی صدر جو بائیڈن کی مخالفت میں غزہ کی پٹی کی جنوبی سرحد پر واقع شہر رفح پر حملے کے لیے آگے بڑھنے کا ارادہ رکھتے ہیں، ہفتے کے روز بائیڈن نے ایم ایس این بی سی کو انٹرویو میں خبردار کیا تھا کہ اس طرح کی جارحیت ایک ’ریڈ لائن‘ ہوگی، اور وہ مزید 30 ہزار فلسطینیوں کی ہلاکت قبول نہیں کر سکتے۔

اتوار کو جب نیتن یاہو سے پوچھا گیا کہ کیا اسرائیلی افواج رفح میں داخل ہوں گی؟ اسرائیلی وزیر اعظم نے جواب دیا ’’ہم وہاں جائیں گے، ہم انھیں نہیں چھوڑیں گے، آپ جانتے ہیں میری ریڈ لائن کیا ہے؟ 7 اکتوبر، جو دوبارہ کبھی نہیں ہوگا۔‘‘

اٹلانٹا: امریکی صدر جو بائیدن نے ایک انٹرویو میں کہا ہے کہ بنجمن نتین یاہو اسرائیل کو نقصان پہنچا رہے ہیں، غزہ کے شہر رفح پر زمینی حملہ ریڈ لائن ہوگا۔

امریکی میڈیا رپورٹس کے مطابق ایم ایس این بی سی کو خصوصی انٹرویو دیتے ہوئے جو بائیڈن نے کہا کہ اُن کا ماننا ہے کہ اسرائیلی وزیر اعظم نیتن یاہو غزہ میں حماس کے خلاف اپنی جنگ سے اسرائیل کی مدد کرنے سے زیادہ اسرائیل کو نقصان پہنچا رہے ہیں۔

اگرچہ امریکی صدر نے 7 اکتوبر کے حملے کے بعد حماس کے خلاف اسرائیلی حملوں کی حمایت کی تاہم انھوں نے یہ بھی کئی بار کہا کہ نیتن یاہو کو اٹھائے گئے اقدامات کے نتیجے میں معصوم جانوں کے ضیاع پر زیادہ توجہ دینی چاہیے۔

بائیڈن کئی مہینوں سے خبردار کرتے آ رہے ہیں کہ اسرائیل کو غزہ میں بڑھتی ہوئی شہری ہلاکتوں پر بین الاقوامی حمایت کھونے کا خطرہ ہے، انھوں نے کہا اسرائیل کے لیے معصوم جانوں کو نظر انداز کرنا نقصان دہ ثابت ہو رہا ہے۔ بائیڈن نے غزہ میں ہلاکتوں کی تعداد کے بارے میں بھی اسرائیلی مؤقف کو مسترد کیا اور کہا اموات کی تعداد اسرائیل کے مؤقف کے برعکس ہے۔

صہیونی افواج نے چوبیس گھنٹوں کے دوران 100 سے زائد فلسطینیوں کو شہید کر دیا

امریکی صدر نے رفح میں اسرائیل فوج کے زمینی آپریشن کو ریڈ لائن قرار دیا، اور کہا میرے لیے شہر رفح پر ممکنہ اسرائیلی حملہ ریڈ لائن ہے، ہم غزہ میں جنگ بندی چاتے ہیں لیکن پھر بھی اسرائیل کا ساتھ نہیں چھوڑیں گے۔ انٹرویو میں بائیڈن نے کہا نیتن یاہو مزید 30 ہزار فلسطینیوں کو نہیں مار سکتے، مجھے امید ہے کہ رمضان سے قبل جنگ بندی ممکن ہے، ایسا ہمیشہ ممکن ہوا کرتا ہے، اور میں اس امید سے دست بردار نہیں ہوں گا۔