واشنگٹن: امریکا نے اسرائیل سے فلسطین میں یہودی بستیوں کے قیام پر اپنے خدشات کا اظہار کیا ہے۔
وائٹ ہاؤس کے ترجمان جوش ارنسٹ نے پریس بریفنگ دیتے ہوئے کہا ہے کہ مشرقی یروشلم میں یہودی بستیوں کے قیام کے منصوبے پر عمل درآمد سے اسرائیل اور امریکا میں تعلقات متاثر ہوسکتے ہیں۔
جوش ارنسٹ کا کہنا تھا کہ یورشلم میں یہودی بستیوں کا قیام فلسطین سے امن معاہدے کی خلاف ورزی ہے، منصوبے پر عملدرآمد کی صورت ناصرف امریکا عالمی برادری کی جانب سے بھی مذمت کی جائے گی۔
واشنگٹن: امریکہ کا کہنا ہے ایران کو جوہری پروگرام پر عالمی طاقتوں سے جاری مذاکرات میں سنجیدگی کا اظہار کرنا ہوگا۔
امریکی محکمہ خارجہ کے ترجمان جوش ارنسٹ کا کہنا ہے کہ ایران کے پاس جوہری پروگرام سے متعلق معاہدے کے لیے اب صرف ایک ہفتے کا وقت بچا ہے، ایران کو اپنا جوہری پروگرام پرامن ثابت کرنے کے لئے سنجیدہ کوشش کرنا ہوگی۔
جوش ارنسٹ کا کہنا تھا کہ صدربراک اوباما کی جانب سے سفارشات کے بعد ہی ڈیڈلائن میں توسیع کا فیصلہ کیا جائے گا،عالمی طاقتوں اور ایران کے درمیان جوہری پروگرام کے حوالے سے عبوری معاہدہ بیس جولائی کو ختم ہو رہا ہے۔