Tag: judicial commision

جوڈیشل کمیشن پرمزید بحث کی ضرورت نہیں ہے، وزیرخزانہ اسحاق ڈار

اسلام آباد : وزیر خزانہ اسحاق ڈار نے کہا ہے کہ وزیر اعظم نواز شریف نے پانامہ لیکس کے حوالے سے سپریم کورٹ کے چیف جسٹس کو خط لکھ دیا ہے اسلئے اس پر مزید بحث کی ضرورت نہیں ہے۔

ان خیالات کا اظہار انہوں نے اسلام آباد میں سمینار سے خطاب کرتے ہوئے کیا، وزیر خزانہ نے کہا کہ وزیر اعظم نواز شریف نے اپوزیشن کے مطالبے پر سپریم کورٹ کے چیف جسٹس کو کمیشن بنانے کے لئے خط لکھ کر احتساب کے لئے پیش کردیا ہے۔

انہوں نے کہا کہ وزیر اعظم اور اُن کی اہلیہ کی بیرون ملک کوئی جائیداد نہیں اور ممکنہ کمیشن جو بھی فیصلہ کرے گا وزیر اعظم اسے قبول کریں گے۔

اسحاق ڈار نے کہا کہ ن لیگ حکومت کی اقتصادی پالیسی کھلی کتا ب ہے،بہتر معیشت کیلئے مثبت اصلاحات کی ہیں۔ انہوں نے کہا موجودہ حکومت نے آئی ایس آئی اور انٹیلی جنس بیوروکے علاوہ تمام سیکیریٹ فنڈز ختم کردیئے ہیں۔

انہوں نے کہا بہتر معیشت کیلئے مثبت اصلاحات کی ہیں ،ن لیگ حکومت کی اقتصادی پالیسی کھلی کتا ب ہے۔ مستحکم معیشت کیلئے ضروری ہے کہ ٹانگیں نہ کھینچی جائیں۔

آئی ڈی پیز کی بحالی پر تیس ارب روپے خرچ ہوئے۔ انہوں نے کہا کہ پاکستان کی معیشت جب ترقی کی طرف گامزن ہونے لگتی ہے، اس کیخلاف سازشیں ہونے لگتی ہیں۔

وزیر خزانہ نے کہا ایک سو بیس دن کے دھرنوں نے معیشت کو نا قابل تلافی نقصان ہو چکا ہے۔ انہوں نے کہا اگر حکومت کیخلاف کوئی کرپشن کا کیس ہو تو ثابت کیا جائے۔

اپریل 23, 2016
صرف پریس کانفرنس کی بنیاد پرعدالتی کمیشن نہیں بن سکتا، چوہدری نثار

اسلام آباد : وفاقی وزیرداخلہ چوہدری نثارعلی نےکہا ہے کہ مصطفٰی کمال کی پریس کانفرنس صرف لفاظی تھی،ثبوت نہیں دیئے گئے مصطفٰی کمال یا کسی اور کےپاس بھی ثبو ت ہیں تو فراہم کریں۔

ان خیالات کا اظہار انہوں نے اسلام آباد میں پریس کانفرنس کرتے ہوئے کیا، چوہدری نثارعلی نے کہاکہ مصطفی کمال اپنی مرضی سے گئے اور واپس بھی اپنی مرضی سے آئے۔

انہوں نے اپنے الزامات کے کوئی دستاویزی ثبوت پیش نہیں کئے۔ پاکستان تحریک انصاف کی جانب سے کئے گئے مطالبے پرانہوں نے کہا کہ ہرپریس کانفرنس کی بنیاد پرعدالتی کمیشن نہیں بنایا جاسکتا۔

ان کا کہناتھا کہ جب تک وزارت میں ہوں متحدہ سمیت کسی جماعت سےناانصافی نہیں ہونےدوں گا۔

ایک سوال کے جواب میں ان کا کہناتھا کہ عمران فاروق کیس میں برطانوی حکام کی پیش رفت پرمایوسی ہے،سارا کام قانون کے مطابق ہوگا کسی کو بھینٹ نہیں چڑھایا جائے گا۔

مارچ 5, 2016
مصطفیٰ کمال کے الزامات پرجوڈیشنل کمیشن بنایا جائے، عمران خان

پشاور: پاکستان تحریک انصاف کے چیئرمین عمران خان نے کہا ہے کہ جسے ایم کیو ایم قائد کا جانشین کہا جاتا تھا اسی نے سچ اُگل دیا، بھارت میں را نےقائد ایم کیوایم کے پوسٹرلگوائے تھے۔

ان خیالات کا اظہار انہوں نے پشاور میں پریس کانفرنس کرتے ہوئے کیا، عمران خان نے کہا کہ میں سات سال قبل پہلا پاکستانی تھا جس نے ایم کیو ایم کے قائد کو دہشت گرد کہا اور آج ان کے گھر کا بھیدی سچ سامنے لے آیا، مصطفی کمال کے بیانات پر جوڈیشل کمیشن بنایا جائے۔

عمران خان کا کہنا تھا کہ وزیر اعلیٰ پنجاب شہباز شریف کے نیب متعلق بیان کی شدید الفاظ میں مذمت کرتے ہیں، شریف برادران جمہوریت کو نہیں سمجھتے۔

چئیرمین پی ٹی آئی نے کہا کہ موجودہ حکمران نیب سے ڈرے ہوئے ہیں،نیب کو چاہئے کہ میٹرو ٹرین، پاور پلانٹس اور سی پیک منصوبے کی تحقیقات کرے ساری کڑیاں شریف برادران سے ملیں گی۔

عمران خان نے بتایا کہ وہ کچھ عرصہ قبل بھارت ایک کانفرنس میں گئے تھے جہاں ایم کیو ایم قائد کے پوسٹر لگے ہوئے تھے ۔ بھارتی صحافی نے بتایا کہ پوسٹر ’’را‘‘ نے لگوائے ہیں۔

عمران خان نے دعوٰی کیاایم کیو ایم پر کیس کیا تو اسکاٹ لینڈ یارڈ دو ہزار سات میں پاکستان آنے کو تیار تھی لیکن حکومت نےاجازت نہ دی، عمران خان نے مطالبہ کیا کہ مصطفیٰ کمال کے الزامات پر جوڈیشنل کمیشن بنایا جائے۔

مارچ 5, 2016
پاکستان عوامی تحریک کا پارلیمنٹ کے سامنے پڑاو ڈالنے کا اعلان

اسلام آباد: پاکستان عوامی تحریک مطالبات کی منظوری کیلئے آج پارلیمنٹ کے سا منے دھرنا دیگی ۔ضلعی انتظامیہ نے ڈی چوک جانے والوں کیخلاف کارروائی کاعندیہ دیا ہے۔

اسلام آباد میں دھرنے کا ایک سال مکمل، پاکستان عوامی تحریک نے ساتھی شہدا کی یاد میں علامتی دھرنے کا اعلان کردیا عوامی تحریک نے پارلیمنٹ کے سامنے پڑاو ڈالنے کا اعلان کیا تو انتظامیہ نے دو ٹوک موقف اپناتے ہوئے دھرنے کی اجازت دینے سے انکار کردیا ۔

ضلعی انتظامیہ کے مطابق ڈی چوک میں کسی بھی قسم کے دھرنے کی اجازت نہیں دے سکتے تاہم پارلیمنٹ کے سامنے پریڈ گراونڈ پر احتجاج یا دھرنے کی اجازت دی جاسکتی ہے۔

پاکستان عوامی تحریک کا کہنا ہے کہ انہوں نے ضلعی انتظامیہ کو باقاعدہ درخواست دے رکھی ہے اور اسلام آباد میں پی اے ٹی کی ریلی اور دھرنے کو کوئی نہیں روک سکتا، دھرنا ہر صورت دیا جائَے گا جس میں عوامی تحریک کے تمام مرکزی قائدین شرکت کریں گے۔

اگست 30, 2015
الیکشن کمیشن ممبران کو اپنے گھر چلے جانا چاہئیے، خورشید شاہ

اسلام آباد : اپوزیشن لیڈر خورشید شاہ نے کہا ہے کہ الیکش کمیشن کے ممبران باعزت ہیں۔انہوں نے کہا کہ جوڈیشل کمیشن رپورٹ آنے کے بعد اور بے قاعدگیوں کے تذکرے پر انہیں گھر جانا چاہیئے۔

ان خیالات کا اظہار اپوزیش لیڈر خورشید شاہ نے پارلیمنٹ کے باہر میڈیا سے غیر رسمی گفتگو کے دوران کیا،ان کا کہنا تھا کہ بھارت پاکستان میں بہت سی جگہوں میں مداخلت کر رہا ہے،جس کی وجہ سے ہندوستان پاکستان پر الزامات لگاتا ہے۔

خورشید شاہ کا کہنا تھا کہ الیکش کمیشن کے ارکان کو 8 لاکھ روپے ماہانہ مل رہے ہیں جنہیں چھوڑنا مشکل ہوگا۔ لیکن عزت کی قیمت زیادہ ہے ۔

انہوں نے کہا کہ پیپلزپارٹی کو وزارت عظمیٰ نہیں جمہوریت چاہیئے۔ انہوں نے کہا کہ ایم کیو ایم اور حکومت کے تعلقات اچھے رہے ہیں حکومت ایم کیو ایم کو مین اسٹریم میں لائے۔

انہوں نے کہا کہ میں ایم کیو ایم کو کنویں میں ڈالنے کے حق میں نہیں ہوں، میں نہیں سمجھتا کہ نواز شریف عمران خان کو کنویں سے نکال کر لیڈر بنا دیں گے۔

پاکستان پیپلز پارٹی عوامی مینڈیٹ کے خلاف نہیں جا ئے گی، تحریک انصاف کو پارلیمنٹ میں لانے میں حکومت اور اپوزیشن کا برابرکا کردار ہے۔

انہوں نے کہا کہ عمران خان کو پارلیمنٹ میں رہنا چاہیئے۔ ایک سوال کے جواب میں ان کا کہنا تھا کہ پیپلز پارٹی اور ن لیگ کے تعلقات اپوزیشن اور حکومت کے ہیں۔ انہوں نے کہا کہ پیپلز پارٹی واحد جماعت ہے جو اقتدار نہیں چاہتی۔

جولائی 28, 2015
عدالتی کمیشن نے عام انتخابات میں منظم دھاندلی کو مسترد کردیا

اسلام آباد : عدالتی کمیشن نے سال دو ہزار تیرہ کے عام انتخابات میں منظم دھاندلی کے ثبوت مسترد کر دئیے۔ درخواست گزار سوالات کا تسلی بخش جواب دینے میں ناکام رہے، جوڈیشل کمیشن کی حتمی رائے رپورٹ جاری ہونے پر سامنے آئے گی ۔

تفصیلات کے مطابق عدالتی کمیشن نے دو ہزار تیرہ کے عام انتخابات میں منظم دھاندلی کو مسترد کردیا ہے، عدالتی کمیشن نے اپنی رپورٹ میں قرار دیا ہےکہ دو ہزار تیرہ کےعام انتخابات میں منظم دھاندلی کے ثبوت نہیں ملے۔

درخواست گزار عدالتی کمیشن کےسوالات کا تسلی بخش جواب دینے میں ناکام رہے۔ ذرائع کے مطابق فارم پندرہ کےحوالے سے پورے ملک میں شکایات اور بد انتظامی کے معاملات سامنے آئے ہیں۔

زائدبیلٹ پیپرز ہر انتخاب کے موقع پر چھاپے جاتے ہیں جس کا مقصد بیلٹ بکس کو راؤنڈ فگر میں لانا ہوتا ہے۔ اسے دھاندلی سےمنسوب نہیں کیاجاسکتا۔

عدالتی کمیشن کی رپورٹ با ضابطہ طور پر جاری نہیں ہوئی ۔کمیشن کی حتمی رائے رپورٹ کے جاری ہونے کے بعد ہی سامنے آ سکےگی۔

علاوہ ازیں پاکستان تحریک انصاف کی جانب سے 2013 کے عام انتخابات میں مبینہ دھاندلی کی تحقیقات کرنے والے جوڈیشل کمیشن نے اپنی رپورٹ وزیراعظم نواز شریف کوبھجوا دی ہے۔ سیکریٹری قانون جسٹس رضا خان نےبدھ کو رپورٹ موصول ہونےاور وزیراعظم کوبجھوانے کی تصدیق کردی۔

واضح رہے کہ پی ٹی آئی نے عام انتخابات میں منظم دھاندلی، انتخابات کے شفاف نہ ہونے اورعوام کامینڈیٹ چرانے کے الزامات عائد کئے تھے۔

چیف جسٹس ناصر المک کی سربراہی میں قائم ہونے والے جوڈیشل کمیشن نے 16 اپریل کواپنی کارروائی کاآغازکیا تھا۔

جولائی 23, 2015
جوڈیشل کمیشن کو فارم 15 سے متعلق رپورٹ مل گئی

اسلام آباد: جوڈیشل کمیشن کو قومی اورصوبائی اسمبلیوں کے نوے فیصد حلقوں کے فارم پندرہ سے متعلق رپورٹ موصول ہوگئی ہے۔

قومی اسمبلی کے249 حلقوں،سندھ اسمبلی کے108 ،بلوچستان کے 38، اور کے پی کے کے 95حلقوں کاریکارڈ جو ڈیشل کمیشن کو موصول ہوگیا ہے قومی اسمبلی کے 63ہزارمیں سے20ہزار پولنگ اسٹیشنزکےفارم 15غائب ہیں۔

پنجاب اسمبلی کے 39ہزار میں سے 12ہزار فارم پندرہ کا کوئی ریکارڈ نہیں ہے ،نوازشریف کےحلقے این اے 120کے220میں سے114،شیخ رشید کےحلقےاین اے 55کے249میں سے 91فارم،عمران خان کےحلقےاین اے 56کے255میں سے 34فارم حمزہ شہبازکےحلقےاین اے 119کے242میں سے 78فارم ، سعد رفیق کےحلقےاین اے 125کے 265میں سے 169فارم ،احسن اقبال کےحلقےاین اے 117کے255میں سے 66فارم ،فہمیدہ مرزا کےحلقے این اے 225کے292میں سے219فارم ،چوہدری نثار کےحلقےاین اے 52کے351میں سے 69فارم 15غائب ہیں۔

دوسری جانب تحریک انصاف کے رہنماء جہانگیر ترین نے کہا ہے کہ جوڈیشل کمیشن کی انکوائری سے پہاڑ جتنا بڑا ثبوت مل گیا،دودھ کا دودھ پانی کا پانی ہو چکا ہے اب الیکشن دو ہزار تیرہ کا کوئی وجود نہیں رہا۔

اے آر وا ئی سے گفتگو کرتے ہوئے جہانگیر ترین کا کہنا تھا کہ عمران خان نے صحیح کہا تھا کہ ثبوت تھیلوں میں موجود ہیں، بند تھیلے کھلوانے پر جوڈیشل کمیشن کے مشکور ہیں، ثابت ہو رہا ہے کہ الیکشن 2013میں منظم دھاندلی کی گئی۔

جہانگیر ترین کا کہنا تھا کہ جو ڈیشل کمیشن کو جو ثبوت فراہم کرنا تھے کر چکے،دودھ کا دودھ پانی کا پانی ہو چکا،کمیشن جو فیصلہ کرے گا قبول ہو گا۔

جہانگیر ترین نے کہا کہ الیکشن کمیشن نے پنجاب میں ضرورت سے زیادی بیلٹ پیپر چھاپے۔

جون 12, 2015
جوڈیشل کمیشن کی کارروائی: مختلف رہنماؤں کے بیانات قلمبند

اسلام آباد : پاکستان مسلم لیگ ق کی جانب سے طلب کئے گئے قومی اور صوبائی اسمبلیوں کے سات ریٹررننگ آفیسرز نے امیدواروں کو حتمی گنتی کیلئے نوٹس جاری نہ کئے جانے کے الزام کی حلفاً تردید کردی۔

جسٹس ناصر الملک کی سربراہی میں جسٹس امیر ہانی مسلم اور جسٹس اعجاز افضل پر مشتمل جوڈیشل کمیشن نے فارم 15 کے حوالے سے ایڈیشنل سیکرٹری الیکشن کمیشن کو طلب کئے جانے کی تجویز پر فیصلہ مؤخر کردیا ہے۔

کمیشن کے سربراہ کا کہنا تھا کہ فارم پندرہ سے متعلق بیشتر تفصیلات سامنے آگئی ہیں جبکہ فارم پندرہ کی رپورٹ کے حوالے سے ابھی کوئی تبصرہ نہیں کریں گے اور جائزہ لیں گے کہ ایڈیشنل سیکرٹر ی کو بلانے کی ضرورت ہے کہ نہیں ۔

بدھ کے روز ہونے والی کارروائی میں سات ریٹرننگ افسران کے علاوہ جماعت اسلامی اور مہاجر قومی موومنٹ کی جانب سے پیش کئے گئے گواہوں پر جرح مکمل کی گئی۔

جماعت اسلامی کے گواہ محمد حسین محنتی نے عدالت کو بتایا کہ تمام پولنگ اسٹیشنز پر متحدہ کے کارکنوں کی جانب سے قبضہ کر لیا گیا تھا اور ان کے جماعت اسلامی کے پولنگ ایجنٹس کو مار پیٹ کر نکال دیا گیا تھا۔

ان کی شکایت پر تیس ایف آئی آر درج ہوئیں اور صورت حال بہتر نہ ہونے پر جماعت اسلامی نے الیکشن کا بائیکاٹ کیا ۔ محمد حسین محنتی نے کمیشن سے استدعا کی کہ کراچی میں دوبارہ الیکشنز کی سفارش کی جائے ۔

مہاجر قومی موومنٹ کی جانب سے آفتاب احمد اور طارق علی نے اپنے بیانات میں متحدہ پر دھاندلی کے الزامات عائد کرتے ہوئے کہا کہ ان کے حلقوں میں ووٹروں کو گھروں سے نہیں نکلنے دیا گیا اور الیکشن میں دھاندلی کے لئے طاقت کا استعمال بھی کیا گیا ۔

فارم پندرہ نہ پہنچنے پر تحریک انصاف کے وکیل عبدالحفیظ پیرا زادہ نے کہا کہ جب تک مواد سامنے نہ ہو وہ دلائل نہیں دے سکیں گے اس لئے فارم پندرہ آنے تک سماعت ملتوی کر دی جائے جس پر کمیشن نے سماعت پیر کی صبح ساڑھے گیارہ بجے تک ملتوی کردی۔

جون 10, 2015
دھاندلی کا شور مچانے والے ایک ثبوت تک نہ پیش کر سکے، حمزہ شہباز

منڈی بہاؤالدین : پاکستان مسلم لیگ نواز کے رہنما اور رکن قومی اسمبلی حمزہ شہباز نے کہا ہے کہ عمران خان نے دھاندلی پر واویلا تو کیا لیکن وہ جوڈیشل کمیشن میں کوئی ثبوت پیش نہیں کرسکے۔

مسلم لیگ نون اپنے دور اقتدار میں لوڈشیدنگ کا خاتمہ کرے گی۔ یہ بات انہوں نے منڈی بہاؤالدین کے حلقہ این اے 108 کے ضمنی الیکشن میں جلسے سے خطاب کرتے ہوئے کہی۔

رکن قومی اسمبلی حمزہ شہبازکا کہنا تھا کہ تحریک انصاف ایک عرصے تک دھاندلی کا شور مچاتی رہی لیکن جوڈیشل کمیشن میں ایک ثبوت بھی پیش نہیں کر سکی۔

ان کا کہنا تھا کہ زبانی جمع خرچ سے کام نہیں چلے گا، کسی کے پاس دھاندلی کا کوئی ثبوت ہے تو پیش کرے۔ انہوں نے کہا کہ مسلم لیگ نون پر دھاندلی کا الزام لگانے والوں نے خیبر پختونخواہ کے بلدیاتی انتخابات میں دھاندلی کی انتہا کر دی ہے۔

حمزہ شہباز نے کہا کہ مسلم لیگ نون اپنے دور اقتدار میں ہی لوڈشیڈنگ ختم کرے گی۔ ان کا کہنا تھا کہ آپریشن ضرب عضب میں دہشت گردوں کی کمر توڑ دی گئی ہے اور آخری دہشت گرد کے خاتمے تک جنگ جاری رہے گی۔

حمزہ شہباز نے منڈی بہاؤالدین میں اسپورٹس کمپلیکس بنانے کا بھی اعلان کیا۔

جون 5, 2015
جوڈیشل کمیشن کی مدت میں توسیع کا فیصلہ کر لیا گیا

اسلام آباد : قومی انتخابات میں دھاندلی کی تحقیقات کر نے والے عدالتی کمیشن کی میعاد بڑھانے کا فیصلہ کر لیا گیا ہے۔

تفصیلات کے مطابق جوڈیشل کمیشن کی پینتالیس روزہ مدت رات بارہ بجے ختم ہو چکی ہے ۔ جس کے باعث جوڈیشل کمیشن کی مدت میں توسیع کا فیصلہ کیا گیا ہے۔

وزارت قانون کے مطابق انکوائری کمیشن اپنی میعاد از خود بڑھا سکتا ہے وزارت قانون اس حوالے سے کوئی مداخلت نہیں کرے گی۔

سیکرٹری انکوائری کمیشن حامد علی خان نے کہا کہ کمیشن تحقیقات مکمل ہو نے تک کام جاری رکھے گا اور ترجیحی بنیادوں پر فرائض سرانجام دے گا۔

مئی 24, 2015