کراچی : عدالت نے جعلی چیک دینے اور دھوکہ دہی میں ملوث دو ملزمان کو کڑی سزا سنا دی، قید کے ساتھ بھاری جرمانہ بھی عائد کردیا۔
جوڈیشل مجسٹریٹ شرقی کی عدالت میں چیک باؤنس اورفراڈ کرنے کا کیس کی سماعت ہوئی، اس موقع پر جوڈیشل مجسٹریٹ نے شواہد اور ثبوتوں کی روشنی میں ملزمان ارشدعلی اور دانش کو قید و جرمانے سزا سنا دی۔
فاضل عدالت نے دونوں ملزمان کو مجموعی طور پ3 سال قید کی سزا سنائی اس کے ساتھ ساتھ ملزمان پرمجموعی طور30،30ہزارجرمانہ بھی عائد کیا گیا ہے۔
پولیس حکام کے مطابق مدعی محمد عامر نے مذکورہ ملزمان سے ایک کروڑ 33لاکھ میں دو پلاٹ خریدے اور، ایک ماہ گزرنے جانے کے باوجود ملزمان نے پلاٹ کے کاغذات مدعی کے حوالے نہیں کیے۔
پولیس کا کہنا ہے کہ ملزمان نے مدعی کو پیسے منافع سمیت واپس کرنے کا وعدہ کیا تھا جس کے بعد ملزمان نے مدعی کوایک کروڑ90لاکھ روپے کا چیک دیا۔
مدعی نے مذکورہ چیک بینک میں جمع کرایا تو معلوم ہوا کہ ملزمان کا دیا ہوا چیک باؤنس ہوگیا ہے، ملزمان کے خلاف گزشتہ سال 24مارچ کو تھانہ گلستان جوہر میں مقدمہ درج کیا گیا تھا۔
