ARYNews.tv | Urdu – Har Lamha Bakhabar

Tag: june

  • جون فیول ایڈجسٹمنٹ، ملک میں بجلی 1 روپے 88 پیسے، کراچی کے لیے 2 روپے 33 پیسے مہنگی ہونے کا امکان

    جون فیول ایڈجسٹمنٹ، ملک میں بجلی 1 روپے 88 پیسے، کراچی کے لیے 2 روپے 33 پیسے مہنگی ہونے کا امکان

    اسلام آباد: بجلی کی بنیادی قیمت کے بعد اب ماہانہ ایڈجسٹمنٹ کی باری آ گئی ہے، ماہ جون کے لیے ملک بھر میں بجلی 1 روپے 88 پیسے جب کہ کے الیکٹرک صارفین کے لیے بجلی 2 روپے 33 پیسے فی یونٹ مہنگی کیے جانے کا امکان ہے۔

    تفصیلات کے مطابق نیپرا جون کی ماہانہ فیول ایڈجسٹمنٹ کی درخواستوں پر آج سماعت کرے گا، جون میں 13 ارب 32 کروڑ 70 لاکھ یونٹس بجلی پیدا کی گئی جب کہ بجلی کی پیداواری لاگت 9 روپے 39 پیسے فی یونٹ رہی، جون کے لیے ریفرنس لاگت 7 روپے 50 پیسے فی یونٹ مقرر تھی۔

    جون میں پانی سے 30.14 فی صد، کوئلے سے 17.75 فی صد بجلی پیدا کی گئی، فرنس آئل سے 5.43، گیس سے 8.54 فی صد، درآمدی ایل این جی سے جون میں 18.55 فی صد، جوہری ایندھن سے 13.54 فی صد بجلی پیدا کی گئی۔

    نیپرا نے بجلی کے بنیادی ٹیرف میں اضافے کی درخواست منظور کرلی

    یاد رہے کہ گزشتہ ماہ بھی فیول ایڈجسٹمنٹ کی مد میں بجلی 1 روپے 90 پیسے مہنگی کی گئی تھی، حالیہ اضافہ جون کی ماہانہ فیول ایڈجسٹمنٹ کی مد میں کیا جائے گا۔

  • ماہ جون میں پٹرولیم مصنوعات کی قیمتیں کیا ہونگی؟ سمری تیار

    ماہ جون میں پٹرولیم مصنوعات کی قیمتیں کیا ہونگی؟ سمری تیار

    اسلام آباد: اوگرا نے پٹرولیم مصنوعات کی قیمتوں میں ردوبدل کی سمری تیار کرلی ہے، وزیراعظم کی حتمی منظوری کے بعد نئی قیمتوں کا اعلان کیاجائےگا۔

    ذرائع کے مطابق اوگرا نے ماہ جون کے لئے پیٹرول اور مٹی کےتیل کی قیمت میں معمولی اضافےکی تجویز دی ہے جبکہ ڈیزل کی قیمت میں4روپے30پیسےفی لیٹراضافےکی تجویز پیش کی گئی ہے اسی طرح لائٹ ڈیزل کی قیمت برقرار رکھےجانےکی سفارشات دی گئیں ہیں۔

    ذرائع کے مطابق وزارت خزانہ کو حتمی منظوری کیلئےسمری بھجوادی گئی ہے،وزیراعظم کی حتمی منظوری کےبعدنئی قیمتوں کااعلان کیاجائےگا۔

    یاد رہے کہ یکم مئی کو پیٹرول کی قیمت 108روپے 56پیسے فی لیٹر، ہائی اسپیڈ ڈیزل 110 روپے 76پیسے،لائٹ ڈیزل 77روپے 65پیسے اور مٹی کے تیل کی قیمت 80روپے فی لیٹر مقرر کی گئی تھی۔

  • جرمنی میں گرمی کی شدت کا 72 سالہ ریکارڈ گیا، درجہ حرارت 40 ہوگیا

    جرمنی میں گرمی کی شدت کا 72 سالہ ریکارڈ گیا، درجہ حرارت 40 ہوگیا

    پیرس/برلن/برسلز : پورے یورپ میں گرمی کی شدید لہر،جرمنی، فرانس اور بیلجیم میں بھی 70سال بعد درجہ حرارت حد سے زیادہ  بڑھ گیا۔

    تفصیلات کے مطابق جرمنی، فرانس، سوئٹزرلینڈ اور بیلجیم سمیت پورے یورپ کو اس وقت گرمی کی ایک شدید لہر کا سامنا ہے، آئندہ چند روز میں اکثر یورپی ممالک میں درجہ حرارت انتہائی زیادہ ہو جانے کی پیش گوئی کی گئی ہے۔

    فرانسیسی محکمہ موسمیات نے کہا کہ زیادہ سے زیادہ درجہ حرارت چالیس ڈگری سینٹی گریڈ یا ایک سو چار ڈگری فارن ہائیٹ تک پہنچ سکتا ہے۔

    سہارا کے ریگستانوں سے آنے والی گرمی کی شدید لہر کے باعث فرانس میں بچوں کے امتحانات بھی منسوخ کر دیے گئے ہیں۔

    پیرس میں حکام نے بتایا کہ جون کے مہینے میں یورپ میں اتنی زیادہ گرمی خلاف معمول ہے، جو گزشتہ سات عشروں میں کبھی دیکھنے میں نہیں آئی تھی۔ جرمنی میں بھی آج( بدھ کو)درجہ حرارت چالیس ڈگری سینٹی گریڈ تک پہنچ جائے گا۔

    غیر ملکی خبر رساں ادارے کا کہنا تھا کہ اس سے قبل جون میں جرمنی میں زیادہ سے زیادہ ٹمپریچر1947میں ریکارڈ کیا گیا تھا، جو اڑتیس اعشاریہ دو ڈگری سینٹی گریڈ تھا۔

    ماہرین موسمیات کا کہنا ہے کہ فرانس، جرمنی، سوئٹزرلینڈ اور بیلجئیم میں جون کے ماہ میں گرمی کے نئے ریکارڈ بنیں گے اور ان کے مطابق آئندہ دنوں میں گرمی کی شدت میں مزید اضافہ ہو گا۔

  • وزیر اعظم تھریسامے جون میں مستعفی ہو سکتی ہیں، چیئرمین کنزرویٹو کمیٹی

    وزیر اعظم تھریسامے جون میں مستعفی ہو سکتی ہیں، چیئرمین کنزرویٹو کمیٹی

    لندن : برطانوی سیاست دان گراہم بریڈی کا کہنا ہے کہ برطانوی وزیر اعظم اس ڈیل کی منظوری کی صورت میں پہلے ہی اپنا منصب چھوڑنے کا عندیہ دے چکی ہیں۔

    تفصیلات کے مطابق برطانیہ کی طاقت ور کنزرویٹو کمیٹی کے چیئرمین گراہم بریڈی کے مطابق برطانوی وزیر اعظم ٹریزا مے جون میں وزارت عظمیٰ چھوڑ دینے کی تاریخ کا اعلان کر سکتی ہیں۔

    غیرملکی خبررساں ادارے سے بات چیت کرتے ہوئے بریڈی نے کہاکہ مے اس وقت بریگزٹ ڈیل منظور کروانے کی کوششوں میں ہیں۔ برطانوی وزیر اعظم اس ڈیل کی منظوری کی صورت میں پہلے ہی اپنا منصب چھوڑنے کا عندیہ دے چکی ہیں۔

    گراہم بریڈی نے یہ بھی کہا کہ مے کا پختہ عزم ہے کہ برطانیہ یورپی یونین کو خیرباد کہہ دے۔ برطانوی پارلیمنٹ میں بریگزٹ ڈیل پر بحث تین جون سے شروع ہونے والے سیشن میں کی جائے گی۔ بریڈی 1922 کمیٹی کے سربراہ ہیں، جو کسی بھی لیڈر کو منصب چھوڑنے کے لیے مجبور کر سکتی ہے۔

    مزید پڑھیں : کنزرویٹیوپارٹی کی کانفرنس بدمزگی کا شکار، تھریسامے سے استعفے کا مطالبہ

    یاد رہے کہ رواں ماہ کے آغاز میں برطانیہ کی کاؤنٹی ویلز میں کنزرویٹیوپارٹی کی جانب سے کانفرنس منعقد کی گئی، کانفرس کےشرکاء نے وزیراعظم تھریسامے پرکڑی تنقید کرتے ہوئے ان سے مستعفٰی ہونے کا مطالبہ کردیا تھا۔

    غیر ملکی خبر رساں ادارے کے مطابق برطانوی وزیراعظم تھریسا مے خطاب کرنے جیسے ہی اسٹیج پر آئیں تو ایک شخص نے کھڑے ہوکر بلدیاتی انتخابات میں شکست کا ذمہ دار انہیں ٹھرایا تھا۔

    کانفرنس کے شرکا نے وزیراعظم کو مخاطب کرتے ہوئے کہا آپ استعفیٰ کیوں نہیں دیتیں ؟ ہم آپ کو اقتدار میں دیکھنا نہیں چاہتے۔

  • امریکی امن منصوبے کا اعلان رمضان المبارک کے بعد کیا جائے گا‘ جیرڈ کوشنر

    امریکی امن منصوبے کا اعلان رمضان المبارک کے بعد کیا جائے گا‘ جیرڈ کوشنر

    واشنگٹن : وائٹ ہاﺅس کے مشیر جیرڈ کوشنر کا کہا ہے کہ صدر ٹرمپ کی جانب سے فلسطینیوں اور اسرائیل کے درمیان مجوزہ امن منصوبے کا اعلان رمضان المبارک کے آخر میں یا اس کے بعد کیا جائے گا۔

    تفصیلات کے مطابق امریکی صدر دونلڈ ٹرمپ کے داماد اور وائٹ ہاوس کے مشیر جیرڈ کوشنر نے فلسطین و اسرائیل کے مابین امن منصوبے سے متعلق اہم اعلان کردیا

    جیرڈ کوشنر نے 100 ممالک کے سفیروں پر زور دیتے ہوئے کہا کہ نئی اسرائیلی حکومت کی تشکیل کے بعد اور مسلمانوں کے ماہ مبارک رمضان گزر جانے کے بعد امن معاہدے کے منصوبے پر کام کیا جائے گا۔

    امریکی صدر کے داماد کا کہنا تھا کہ مختلف ملکوں کے سفیروں پر زور دیا کہ وہ صدر ٹرمپ کے تیار کردہ امن منصوبے کے حوالے سے کھلے پن کا مظاہرہ کریں۔

    جیرڈ کوشنر کا کہنا تھا کہ ہمیں مناسب معاہدے کی جانب دیکھنا ہوگا جس سے امن و استحکام کے حصول میں کامیابی حاصل ہو۔

    غیر ملکی خبر رساں ادارے کا کہنا تھا کہ فلسطینی اور بعض دوسرے ممالک امریکی امن منصوبے کو مشکوک قرار دیتے ہیں تاہم اس کی تفصیلات منظر عام پر نہیں آئی ہیں۔

    امریکی اخبار نے دعویٰ کیا ہے کہ اسرائیل اور فلسطین کے درمیان امن کے لیے ’صدی کا معاہدہ ‘سے تعبیر کیے گئے امریکی معاہدے میں ایک خود مختار فلسطینی ریاست کا قیام شامل نہیں ہوگا۔

    رپورٹ کے مطابق حکام اس منصوبے کو خفیہ رکھ رہے ہیں، جیرڈ کشنر اور دیگر حکام کے بیانات سے ظاہر ہوتا ہے کہ امن کی ابتدائی کوششوں کے آغاز کے تحت اس میں ریاست کے قیام کا عنصر شامل نہیں۔

    جیرڈ کشنر کے معاہدے سے واقف عرب حکام کا کہنا تھا کہ اس میں کوئی خاص پیش کش نہیں کی گئی بلکہ اس منصوبے میں فلسطینی شہریوں کے لیے معاشی مواقع پیدا کیے جائیں گے اور متنازع علاقوں پر اسرائیلی قبضے کو تسلیم کیا جائے گا۔

  • جون کا مہینہ پاکستان اسٹاک ایکسچینج کیلئےڈراؤنا خواب بن گیا

    جون کا مہینہ پاکستان اسٹاک ایکسچینج کیلئےڈراؤنا خواب بن گیا

    کراچی : جون کا مہینہ پاکستان اسٹاک ایکسچینج کیلئے ڈراؤنا خواب بن گیا، بیس دن میں مارکیٹ ساڑھے پانچ ہزار پوائنٹس نیچے آگئی، بھاری مالی نقصان نے سرمایہ کاروں کے ہوش اڑا دیئے۔

    تفصیلات کے مطابق رواں ماہ پاکستان اسٹاک ایکسچینج کیلئے بدترین مندی کا مہینہ ثابت ہو رہا ہے، یکم سے 20 جون تک صرف 20 دن میں مارکیٹ تیسری مرتبہ ڈیڑھ ہزار سے زائد پوائنٹس کی مندی کا شکار اور مجموعی طور پر ساڑھے پانچ ہزار پوائنٹس نیچے آچکی ہے۔

    بارہ جون کو پاکستان اسٹاک ایکسچینج 1855 پوائنٹس کی تاریخی گراوٹ کا شکار ہوئی تھی جبکہ یکم جون کو بھی مارکیٹ میں1810 پوائنٹس کی بڑی مندی دیکھی گئی تھی۔

    گذشتہ روز پھر مارکیٹ میں 1600سے زائد پوائنٹس کی مندی پر کاروبار کا اختتام ہوا اور ہنڈریڈانڈیکس 1679 پوائنٹس گر کر 44914 پوائنٹس پر بند ہوا۔

    رواں ماہ پاکستان اسٹاک ایکسچینج کا ایم ایس سی آئی میں نو سال بعد فرنٹئیرمارکیٹ سے ایمرجنگ مارکیٹ کا درجہ حاصل کرنا بھی ابھی تک سود مند ثابت نہیں ہوسکا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • جولائی کا دوسرا ہفتہ، مہنگائی کی شرح میں0.90 فیصد اضافہ

    جولائی کا دوسرا ہفتہ، مہنگائی کی شرح میں0.90 فیصد اضافہ

    کراچی: مالی سال 2016-17ء کے پہلے ماہ ( جولائی 2016ء ) کا آغاز مہنگائی کی شرح میں 0.90 فیصدکے نمایاں اضافے کے ساتھ ہوا ، جبکہ کم آمدنی والے طبقے کے لئے قیمتوں کے حساس اشاریئے میں 1.17 فیصدکا نمایاں اضافہ دیکھنے میں آیا۔

    پاکستان بیورو شماریات کے اعداد و شمار کے مطابق 15 جون کو ختم ہونے والے ہفتے کے دوران ٹماٹر، لہسن ،آلو ،دال مسور ،چنے کی دال ،دال ماش، گندم ،آٹا، چینی ، گڑ ،سرخ مرچ ، پیاز ،انڈے، بیف ،مٹن ، تازہ دودھ ، دھی ،ملک پاؤڈ، باسمتی چاول ، اری چاول، سمیت 20 اشیائے ضروریہ کی قیمتوں میں اضافہ ہوا، زندہ مرغی ،کیلے، دال مونگ ،ویجی ٹیبل گھی ،ایل پی جی ، سمیت5 اشیائے ضروریہ کی قیمتوں میں کمی ریکارڈ کی گئی۔

    ادارہ شماریات کے مطابق پٹرول ،ڈیزل ،مٹی کاتیل ،بجلی کے نرخ ،گیس نرخ ،چائے ،مسٹرڈ آئل ،کپڑے، خوردنی تیل، نمک ، اورکھلا گھی سمیت 28 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 1.05 ، 1.00 ،0.91 اور 0.76 فیصد اضافہ ریکارڈ کیا گیا ۔

  • جون کا آخری ہفتہ : مہنگائی کی شرح میں0.35 فیصد اضافہ

    جون کا آخری ہفتہ : مہنگائی کی شرح میں0.35 فیصد اضافہ

    کراچی : مالی سال 2015-16ء کے آخری ماہ ( جون 2016ء ) کے آخری ہفتے کے دوران مہنگائی کی شرح میں 0.35 فیصد اضافہ ریکارڈ کیا گیا ، جبکہ کم آمدنی والے طبقے کے لئے قیمتوں کے حساس اعشاریئے میں 0.38 فیصد اضافہ دیکھنے میں آیا ۔

    پاکستان بیورو شماریات کے اعداد و شمار کے مطابق 30 جون کو ختم ہونے والے ہفتے کے دوران ٹماٹر،لہسن ،کیلے،آلو ،پیاز ،چینی ،انڈے، دال مسور ،چنے کی دال ،دھی ، گندم ، سرخ مرچ ،باسمتی چاول ،سمیت 14 اشیائے ضروریہ کی قیمتوں میں اضافہ ہوا۔

    ایل پی جی ،زندہ مرغی ،دال ماش، ویجی ٹیبل گھی ،آٹا، سمیت5 اشیائے ضروریہ کی قیمتوں میں کمی ریکارڈ کی گئی۔

    ادارہ شماریات کے مطابق پٹرول ،ڈیزل ،مٹی کاتیل ،بجلی کے نرخ ،گیس نرخ ،چائے ،کپڑے، مٹن ، ملک پاؤڈ، خوردنی تیل، مسٹرڈ آئل ، بیف ،نمک ،اری چاول، دال مونگ ، گڑ ،تازہ دودھ ، اورکھلا گھی سمیت 34 اشیائے کی قیمتوں میں استحکام رہا۔

    ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزارآمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.36 ، 0.36 ،0.35 اور 0.32 فیصداضافہ ریکارڈ کیا گیا۔

     

  • پاکستان کرکٹ ٹیم کا دورہ سری لنکا کا شیڈول طے پا گیا

    پاکستان کرکٹ ٹیم کا دورہ سری لنکا کا شیڈول طے پا گیا

    لاہور : قومی ٹیم جون میں سری لنکا کا دورہ کرے گی،پاکستان کرکٹ ٹیم کا دورہ سری لنکا شیڈول طے پا گیا، قومی ٹیم کا دورہ 3ٹیسٹ، 5 ون ڈے اور دو ٹی ٹوئنٹی پر مشتمل ہوگا۔

    تفصیلات کے مطابق پاکستان کرکٹ ٹیم کا دورہ سری لنکا طے پاگیا ہے۔ گرین شرٹس اگست دوہزار چودہ کے بعد اب جون میں سری لنکا کا دورہ کریں گے۔پاکستان کرکٹ ٹیم کا دورہ سری لنکا تین ٹیسٹ، پانچ ون ڈے اور دو ٹی ٹوئنٹی پر مشتمل ہوگا۔

    قومی ٹیم جون میں سری لنکا جائے گی۔ دونوں ٹیموں کے درمیان ٹی ٹوئنٹی میچ پندرہ اور سترہ جون کو کولمبو میں کھیلے جائیں گے۔

    پہلا ٹیسٹ چوبیس سے اٹھائیس جون تک گال میں ہوگا۔ دوسرا ٹیسٹ دو سے چھ جولائی تک کولمبو میں شیڈول ہے۔ تیسرا اور آخری ٹیسٹ دس سے چودہ جولائی تک پالی کیلے میں کھیلا جائے گا۔

    ون ڈے سیریز اٹھارہ جولائی سے دو اگست تک جاری رہے گی۔

  • ملکی تجارتی خسارے میں 2.48 فیصد تک کمی

    ملکی تجارتی خسارے میں 2.48 فیصد تک کمی

    اسلام آباد :مالی سال 2013-14ءکے دوران ملکی تجارتی خسارہ گذشتہ سال کے مقابلے میں 2.48 فیصد تک کم ہو گیا جبکہ اسی عرصہ کے دوران برآمدات میں 2.75 فیصد اور درآمدات میں 0.36 فیصد کا اضافہ دیکھنے میں آیا ،

    ادارہ شماریات کے دستیاب اعداد و شمار کے مطابق ملک کی برآمدات جولائی سے جون 2013-14ءکے دوران 25.13 ارب ڈالر رہیں، جو جولائی۔ جون 2012-13 کے دوران 24.46 ڈالر تھیں، دوسری جانب جولائی سے جون 2013-14ءکے دوران ملکی درآمدات 45.1 ارب ڈالر رہیں جو جولائی۔

    جون 2012-13 کے دوران 44.95 ارب ڈالر تھیں، اعدادوشمار کے مطابق جولائی۔ جون 2013-14ءکے دوران تجارتی خسارہ 19.98 ارب ڈالر ریکارڈ کیا گیا جو 2012-13ءکے اسی عرصے میں 20.49 ارب ڈالر رہا، اس طرح اس میں 2.48 فیصد کی کمی دیکھنے میں آئی۔