Tag: justice jawwad s Khuwaja

  • وزیرِاعظم کا چیف جسٹس جواد ایس خواجہ کو خط

    وزیرِاعظم کا چیف جسٹس جواد ایس خواجہ کو خط

    وزیرِاعظم نواز شریف نے سپریم کورٹ کے چیف جسٹس جواد ایس خواجہ سے بلٹ پروف گاڑی استعمال نہ کرنے کے فیصلے پر نظرثانی کی درخواست کی ہے جبکہ چیف جسٹس نے بلٹ پروف گاڑی لینے سے پھر معذرت کرلی۔

    نئے چیف جسٹس جواد ایس خواجہ نے حلف اٹھانے کے بعد اعلان کیا تھا کہ کوئی دشمن نہیں اور نہ ہی کسی سے خطرہ ہے، بلٹ پروف گاڑی استعمال نہیں کروں گا، چیف جسٹس کے بلٹ پروف گاڑی لینے سے انکار پر حکومت پریشان ہیں تو وزیراعظم نے اس سلسلے میں چیف جسٹس جواد ایس خواجہ کو ایک خط تحریر کردیا۔

    جس میں ان سے درخواست کی گئی ہے کہ امن وامان کی غیرمعمولی صورتحال کے پیشِ نظر بلٹ پروف گاڑی کا استعمال اور غیرمعمولی سیکیورٹی رکھنا وقت کا تقاضا ہے، خط میں چیف جسٹس سے درخواست کی گئی ہے کہ انہوں نے اس حوالے سے جو فیصلہ کیا ہے اس پر وہ نظرثانی کریں۔

      چیف جسٹس جواد ایس خواجہ نے یہ درخواست مسترد کردی ہے۔

  • جسٹس جواد ایس خواجہ نے چیف جسٹس کا حلف اٹھالیا

    جسٹس جواد ایس خواجہ نے چیف جسٹس کا حلف اٹھالیا

    اسلام آباد: جسٹس جواد ایس خواجہ نے آج ملک کےتئیسویں چیف جسٹس کی حیثیت سے حلف اٹھالیا۔

    تفصیلات کے مطابق جسٹس ناصرالملک 13 ماہ تک چیف جسٹس آف پاکستان کے عہدے پرفائز رہنے کے بعد ریٹائرڈ ہوگئے ہیں۔

    ناصر الملک کی ریٹائرمنٹ کے بعد سپریم کورٹ کے سینئرترین جج جسٹس جواد ایس خواجہ نے آج نئے چیف جسٹس آف پاکستان کا حلف اٹھالیا ہے۔

     صدر ممنون حسین نے جسٹس جواد ایس خواجہ سے ان کے عہدے کا حلف لیا۔ حلف برداری کی تقریب میں  وزیرِ اعظم نواز شریف، وفاقی وزراء اور اعلیٰ افسران شریک تھے۔

    جسٹس جواد ایس خواجہ 23 روز چیف جسٹس کے عہدے پر رہنے کے بعد رواں سال ہی 10 ستمبرکو سبکدوش ہو جائیں گے۔

    جسٹس جوادکا ملک کی عدالتی تاریخ میں سب سے کم عرصہ چیف جسٹس رہنے والے افراد کی فہرست میں دوسرا نمبر ہوگاان سے پہلے چیف جسٹس محمد شہاب الدین صرف 10 روز کیلئے چیف جسٹس رہے ہیں۔ وہ 3 مئی 1960 میں چیف جسٹس بنے اور 12 مئی1960 کو سبکدوش ہوگئے تھے۔

  • وزیرِاعظم نا اہلی کیس: سماعت دس نومبر تک ملتوی

    وزیرِاعظم نا اہلی کیس: سماعت دس نومبر تک ملتوی

    اسلام آباد: اسلام آباد میں وزیر اعظم نااہلی کیس کی سماعت کے دوران جسٹس سرمد جلال عثمانی نے کہا ہے کہ وزیر اعظم اور آرمی چیف کی ملاقات پھرہوئی، ’’کیسے کہا جا سکتا ہے کہ وزیر اعظم کے بیان سے آرمی کی تضحیک ہوئی‘‘۔

    سپریم کورٹ آف پاکستان نےمختصر سماعت کے بعدوزیر اعظم ناااہلی مقدمے کی کارروائی ایک بار پھردس نو مبر تک ملتوی کردی ہے۔ گزشتہ روز بھی سماعت دس نومبر تک ملتوی کرنے کےساتھ کوئٹہ منتقل کئےجانے کاحکم دیاگیا تھاتاہم کیس ضمنی فہرست میں آج لگادیا گیا۔

    درخواست گزار کے وکیل عرفان قادر نےکہاہے کہ وہ کوئٹہ نہیں آسکتے توجسٹس جوادنےکہا سماعت کوئٹہ میں ہی ہوگی اوریہی بینچ سماعت کرے گا۔ ان کا کہنا تھا کہ کوئی اوربنچ ایسا نہیں جس نےاس نکتےکو پہلےسُناہوہم دیکھیں گےمقدمات کون مقررکرتاہے۔

  • جسٹس جوادنےقائم مقام چیف جسٹس کا حلف اٹھالیا

    جسٹس جوادنےقائم مقام چیف جسٹس کا حلف اٹھالیا

    اسلام آباد: سپریم کورٹ کےسینئرترین جج جسٹس جوادایس خواجہ نےقائم مقام چیف جسٹس کی حیثیت سے حلف اٹھالیا۔

    جسٹس ثاقب نثارنے جسٹس جوادایس خواجہ سےحلف لیا حلف برداری کی تقریب میں سپریم کورٹ کےسینئرججزاوروکلاشریک ہوئے۔

    صدرِمملکت نے چیف جسٹس ناصرالملک کے بیرونِ ملک دورے کےسبب جسٹس جوادکو قائم مقام چیف جسٹس پاکستان مقررکرنے کی منظوری دی تھی۔ جسٹس ناصر وفد کے ہمراہ اکتیس اکتوبر سے دس نومبر تک جنوبی کوریا کے سرکاری دورے پرہیں۔