لاہور : سٹے بازوں کی گرفتاری کیلئے پولیس نے آستینیں چڑھالیں، کرکٹ ورلڈ کپ شروع ہونے سے پہلے ہی جوا کھیلنے والوں کی شامت آگئی۔لاہور پولیس نے سٹے بازی روکنے کیلئے پلان تیار کرلیا ۔
تفصیلات کے مطابق کرکٹ ورلڈ کپ میچز کے دوران جوا کیسے روکا جائے؟بکیز کو کیسے قابو کیا جائے؟اس کیلئے لاہور پولیس نے پلان تیار کرلیا ہے۔
ڈی آئی جی آپریشنز ڈاکٹر حیدر اشرف کے مطابق شہر کے تمام بڑے بکیز کی فہرستیں متعلقہ تھانوں کو ارسال کر دی گئیں ہیں،سٹے بازوں کی گرفتاری کیلئے اسپیشل فورس تیار کرلی گئی ہے جو بکیز کے ٹھکانوں پر چھاپے مار ے گی ۔
ڈی آئی جی آپریشنز کےمطابق بکیز کی بڑی تعداد گرفتاریوں سے بچنے کیلئے فائیو اسٹار ہوٹلز اور پوش علاقوں میں اپنے سیٹ اپ سمیت روپوش ہوگئی ہے۔
