افغانستان کے دارالحکومت کابل میں وزارتِ شہری ترقی اور ہاؤسنگ کے دفتر پر خودکش دھماکا ہوا ہے، جس کے باعث علاقے میں خوف و ہراس پھیل گیا۔
غیر ملکی ذرائع ابلاغ کے مطابق ترجمان وزارتِ داخلہ کا اس حوالے سے کہنا ہے کہ خودکش حملہ آور نے عمارت میں گھسنے کی کوشش کی، فورسز نے خودکش حملہ آور پر فائرنگ کی جس سے دھماکا ہوگیا۔
غیر ملکی میڈیا کے مطابق کابل میں ہونے والے خودکش بم حملے کے نتیجے میں ایک شخص ہلاک جبکہ 3 افراد زخمی ہوئے ہیں۔
واضح رہے کہ 11 فروری کو بھی قندوز میں بینک کے باہر ہونے والے دھماکے کے نتیجے میں طالبان کے سیکورٹی کمانڈر سمیت 25 افراد ہلاک جبکہ 30 زخمی ہوگئے تھے۔
مغرب افغانستان کو ترقی یافتہ نہیں دیکھنا چاہتا، سپریم لیڈر افغانستان
عینی شاہدین کے مطابق افغانستان کے قندوز ڈسٹرکٹ اسپتال میں 30 لاشیں لائی گئی، اس کے علاوہ دیگر اسپتالوں میں بھی زخمی لائے گئے ہیں، مرنے والوں میں زیادہ تعداد طالبان اہلکاروں کی بتائی جارہی ہے۔
