ARYNews.tv | Urdu – Har Lamha Bakhabar

Tag: Kabul

  • مشیرقومی سلامتی ناصرجنجوعہ سرکاری دورے پرکابل روانہ

    مشیرقومی سلامتی ناصرجنجوعہ سرکاری دورے پرکابل روانہ

    اسلام آباد: مشیرقومی سلامتی لیفٹیننٹ جنرل (ر) ناصر جنجوعہ سرکاری دورے پر کابل روانہ ہوگئے جہاں وہ افغان صدر اشرف غنی اور دیگر اعلیٰ حکومتی اہلکاروں سے ملاقاتیں کریں گے۔

    تفصیلات کے مطابق مشیرقومی سلامتی لیفٹیننٹ جنرل (ر) ناصر جنجوعہاپنے افغان ہم منصب حنیف اتمر کی دعوت پر افغانستان کے سرکاری دورے پرروانہ ہوگئے۔

    ناصرجنجوعہ دورے کے دوران افغان صدر اشرف غنی اور چیف ایگزیکٹو عبداللہ عبداللہ سے اہم ملاقات کریں گے اس کے علاوہ وہ اپنے افغان ہم منصب سمیت افغان سیکورٹی ایجنسی این ڈی ایس کے سربراہ سے بھی ملیں گے۔

    ترجمان مشیرقومی سلامتی کے مطابق فریقین باہمی تعلقات میں بہتری اور تعاون میں اضافے باالخصوص افغان صدر کی جانب سے شروع کیے گئے امن عمل کے تناظر میں مل کرکام کرنے کے حوالے سے لائحہ عمل وضع کریں گے۔

    انہوں نے مزید کہا کہ پاکستان کا موقف ہے کہ پرامن افغانستان کا مطلب پرامن پاکستان ہے اور دونوں ممالک کی منزل اور مستقبل ایک ہی ہے۔

    افغانستان کی جنگ اور نائن الیون سے ہمارا کوئی تعلق نہیں تھا‘ ناصرجنجوعہ

    خیال رہے کہ رواں سال 30 جنوری کو مشیر قومی سلامتی لیفٹیننٹ جنرل (ر) ناصر جنجوعہ کا کہنا تھا کہ افغانستان کی جنگ اور نائن الیون سے ہمارا کوئی تعلق نہیں تھا۔ افغانستان میں جنگ سے نقصان ہمیں اٹھانا پڑا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کابل : مسجد میں خود کش حملہ: 8افراد ہلاک 22 زخمی

    کابل : مسجد میں خود کش حملہ: 8افراد ہلاک 22 زخمی

    کابل : افغانستان کے دارالحکومت کابل میں خودکش بم دھماکے کے نتیجے میں آٹھ افراد ہلاک جبکہ22افراد زخمی ہوگئے جنہیں طبی امداد کے لیے اسپتال منتقل کردیا گیا۔

    تفصیلات کے مطابق افغان دارالحکومت دھماکے سے گونج اٹھا، کابل کی مقامی مسجد میں خودکش دھماکے کے نتیجے میں 8افراد جان کی بازی ہار گئے جبکہ22افراد زخمی ہوئے۔

    افغان وزارت خارجہ کے ترجمان نجیب دانش نے واقعے کی تصدیق کردی ہے، ریسکیو حکام کے مطابق دھماکے میں زخمی ہونے والے افراد کو طبی امداد کے لیے اسپتال منتقل کردیا گیا ہے۔

    اس کے علاوہ افغان پولیس کا کہنا ہے کہ جمعہ کے روز ایک خود کش بمبار نے کابل میں واقع ایک مسجد میں خود کو دھماکے سے اڑا دیا۔

    افغان میڈیا کا کہنا ہے کہ دھماکے کی ذمہ داری ابھی تک کسی گروپ کی جانب سے قبول نہیں کی گئی ہے، افغانستان کے دارالحکومت کابل میں یہ خودکش دھماکہ ایسے وقت میں ہوا ہے جب کچھ روز قبل افغان صدر اشرف غنی طالبان کو مذاکرات کی پیشکش بھی کرچکے ہیں۔

    خیال رہے کہ رواں ماہ دو مارچ اور گزشتہ ماہ 24 فروری کو افغانستان کے مختلف شہروں میں بم دھماکوں کے نتیجے میں فوجی اہلکاروں سمیت 26 سے زائد افراد ہلاک ہوگئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانےکے لیے سوشل میڈیا پر شیئر کریں۔

  • کابل میں خودکش دھماکہ‘ ایک شخص ہلاک‘ 4 افراد زخمی

    کابل میں خودکش دھماکہ‘ ایک شخص ہلاک‘ 4 افراد زخمی

    کابل: افغانستان کے دارالحکومت کابل میں خودکش بم دھماکے کے نتیجے میں ایک شخص ہلاک جبکہ 4 افراد زخمی ہوگئے جنہیں طبی امداد کے لیے اسپتال منتقل کردیا گیا۔

    تفصیلات کے مطابق افغان دارالحکومت کابل کے علاقے قبل بائی میں خودکش دھماکے کے نتیجے میں ایک شخص جان کی بازی ہار گیا جبکہ 4 افراد زخمی ہوگئے۔

    ریسکیو حکام کے مطابق دھماکے میں زخمی ہونے والے افراد کو طبی امداد کے لیے اسپتال منتقل کردیا گیا ہے۔ دھماکے کی ذمہ داری ابھی تک کسی گروپ کی جانب سے قبول نہیں کی گئی۔

    غیرملکی خبررساں ادارے کے مطابق پولیس کمانڈر بسم اللہ تابان نے دھماکے کی تصدیق کرتے ہوئے بتایا کہ خودکش حملہ آور کے ہدف کے بارے میں ابھی کچھ کہا نہیں جا سکتا۔

    دوسری جانب افغان وزارت داخلہ کے ترجمان نجیب دانش نے بتایا کہ خودکش دھماکہ کابل کے علاقے قبل بائی میں ہوا جس میں 4 افراد زخمی ہوئے ہیں جنہیں اسپتال منتقل کردیا گیا ہے۔

    افغانستان کے دارالحکومت کابل میں یہ خودکش دھماکہ ایک ایسے وقت میں ہوا ہے جب دو روز قبل افغان صدر اشرف غنی نے طالبان کو مذاکرات کی پیشکش کی تھی۔

    خیال رہے کہ گزشتہ ماہ 24 فروری کو افغانستان کے مختلف شہروں میں بم دھماکوں کے نتیجے میں فوجی اہلکاروں سمیت 25 سے زائد افراد ہلاک ہوگئے تھے۔

    کابل میں کاربم دھماکہ، 95 افراد ہلاک، 158 زخمی

    یاد رہے کہ رواں سال 27 جنوری کو افغان دارالحکومت کابل میں واقع وزات داخلہ کے پرانے دفتر کے قریب ایمبولینس میں سوار حملہ آور نے خود کو دفتر کے مرکزی گیٹ پر دھماکے سے اڑا لیا تھا جس کے نتیجے میں 95 افراد ہلاک اور 158 افراد زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • افغان دارالحکومت کابل میں خودکش دھماکہ‘ 2 افراد ہلاک

    افغان دارالحکومت کابل میں خودکش دھماکہ‘ 2 افراد ہلاک

    کابل: افغانستان کے دارالحکومت کابل میں خودکش دھماکے میں 2 افراد ہلاک جبکہ 6 افراد زخمی ہوگئے۔

    غیرملکی خبررساں ادارے کے مطابق افغان دارالحکومت کابل میں دھماکے میں سیکورٹی فورسزکو نشانہ بنانے کی کوشش کی گئی جس کے نتیجے میں 2 افراد ہلاک جبکہ 6 افراد زخمی ہوگئے۔

    سیکورٹی حکام کے مطابق دھماکہ حساس علاقے گرین زون کے قریب ہوا، دھماکے کے بعد لاشوں اور زخمیوں کو اسپتال منتقل کردیا گیا۔

    افغان سیکورٹی فورسز نے دھماکے کے بعد علاقے کی ناکہ بندی کرکے تحقیقات شروع کردی۔

    کابل میں ہونے والے خودکش حملے کی ذمہ داری اب تک کسی تنظیم کی جانب سے قبول نہیں کی گئی۔

    کابل میں کاربم دھماکہ، 95 افراد ہلاک، 158 زخمی

    خیال رہے کہ گزشتہ ماہ 27 جنوری کو افغان دارالحکومت کابل میں کار بم دھماکے کے نتیجے میں 95 افراد ہلاک جبکہ 158 سے زائد افراد زخمی ہوگئے تھے۔

    یاد رہے کہ 21 جنوری 2018 کو افغانستان کے دارالحکومت کابل میں مسلح افراد کے ہوٹل پرحملے میں 18 افراد ہلاک ہوگئے تھے جبکہ سیکورٹی فورسز کی جوابی کارروائی میں 3 حملہ آور مارے گئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

  • سیکریٹری خارجہ کی قیادت میں پاکستانی وفد کا دورہ کابل: حملوں‌ کی مشترکہ تحقیقات کی پیش کش

    سیکریٹری خارجہ کی قیادت میں پاکستانی وفد کا دورہ کابل: حملوں‌ کی مشترکہ تحقیقات کی پیش کش

    اسلام آباد: ترجمان دفترخارجہ کے مطابق سیکریٹری خارجہ تہمینہ جنجوعہ کی سربراہی میں پاکستانی وفد نے کابل کا دورہ کیا، جس کا مقصد مشترکہ ورکنگ گروپ فعال کرنا ہے.

    ترجمان دفترخارجہ ڈاکٹر محمد فیصل کے مطابق سیکرٹری خارجہ کی قیادت میں‌ وفد نے کابل کا دورہ کیا، جہاں پاک افغان پہلے ورکنگ گروپ کا اجلاس ہوا۔

    تفصیلات کے مطابق ترجمان سیکریٹری خارجہ تہمینہ جنجوعہ کی قیادت میں پاکستانی گروپ نے اجلاس میں شرکت کی۔ کابل کے دورہ کا مقصد دو طرفہ تعاون بڑھانا تھا.

    ترجمان کے مطابق تہمینہ جنجوعہ نے افغانستان کو کابل میں ہونے والے حملے کی مشترکہ تحقیقات کی پیشکش کرتے ہوئے کہا کہ پاکستان دہشتگردی کے حملوں کی مذمت کرتا ہے۔

     

    ترجمان کے مطابق دورے میں دہشت گردی اور افغان مہاجرین کی واپسی سمیت مختلف معاملات پر گفتگو ہوئی، پاکستان افغانستان ایکشن پلان برائے یکجہتی پر مثبت پیش رفت ہوئی.

    کابل ملٹری اکیڈمی حملہ: پاکستان دفتر خارجہ کی شدید مذمت

    دفترخارجہ کے مطابق چند اہم معاملات پر دونوں ملکوں میں اتفاق رائے ہونا باقی ہے، بات چیت جاری رکھ کر اتفاق رائے پیدا کیا جا سکتا ہے.

    مشترکہ ورکنگ گروپ کا اگلا اجلاس 9 اور 10 فروری کو اسلام آباد میں ہوگا.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • جنگ زدہ کابل میں پھولوں سے نئی امید روشن

    جنگ زدہ کابل میں پھولوں سے نئی امید روشن

    کسی جنگ زدہ شہر میں لوگوں کی سب سے پہلی ترجیح کیا ہوسکتی ہے؟ اپنی جان بچانا، کسی حملے کی صورت میں محفوظ ٹھکانے پر پہنچنا اور اس کے بعد جسم و جاں کا رشتہ برقرار رکھنے کے لیے خوراک کی دستیابی، لیکن کابل کا حمید اللہ ایک قدم آگے بڑھ کر جنگ زدہ شہر میں اپنا باغ سجا کر امن اور نئی زندگی کی نوید دے رہا ہے۔

    افغانستان میں جنگ اور حملوں کے وقت 18 سالہ حمید اللہ اپنے خاندان کے ساتھ عراق چلا گیا۔ کچھ عرصے بعد جب وہ وہاں سے واپس آیا تو ٹوٹے پھوٹے، مٹی سے اٹے گھروں کو دیکھ کر اسے خیال آیا کہ اس جنگ زدہ شہر میں کوئی گوشہ عافیت ہونا چاہیئے۔

    تب اسے گھر میں باغ بنانے کا خیال آیا۔

    حمید اللہ کا کہنا ہے جنگ کے دوران پھولوں سے بھرا ہوا باغ ایک جنت محسوس ہوتا ہے۔

    وہ بتاتا ہے کہ طالبان کے ایک حملے کے دوران اس کا نہایت قریبی دوست مارا گیا۔ ’اس کی موت مجھے رات کو سونے نہیں دیتی تھی، میں بہت غمزدہ تھا‘۔

    اس غم کو بہلانے کے لیے اس نے اپنے باغ میں مزید خوش رنگ پودے اگانے شروع کردیے۔

    وہ بتاتا ہے کہ جب یہ پودے بڑے ہو کر لہلہانے لگے تو مجھے لگا کہ مجھے پھر سے ایک دوست مل گیا ہے۔

    نوجوان حمید کابل کے ایک تعلیمی ادارے میں فارمیسی کی تعلیم بھی حاصل کر رہا ہے۔ وہ کہتا ہے، ’روز صبح جب میں گھر سے نکل کر جاتا ہوں تو میں خوفزدہ ہوتا ہوں کہ کہیں یہ میری زندگی کا آخری دن نہ ہو‘۔

    اس کا کہنا ہے کہ مستقبل میں اس کا ارادہ اپنے شعبے میں جانے کا ہے تاہم باغبانی اس کا جنون بن چکا ہے ارو وہ اسے ہمیشہ جاری رکھے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • افغان دارالحکومت کابل میں ملٹری اکیڈمی پرحملہ‘ 2 اہلکار ہلاک

    افغان دارالحکومت کابل میں ملٹری اکیڈمی پرحملہ‘ 2 اہلکار ہلاک

    کابل : افغانستان کے دارالحکومت کابل میں واقع ملٹری اکیڈمی پر دہشت گردوں کے حملے میں 2 اہلکار ہلاک جبکہ سیکیورٹی فورسز کی جوابی کارروائی میں 3 حملہ آور مارے گئے اور ایک کوگرفتار کرلیا گیا۔

    افغان میڈیا کے مطابق افغان وزارت دفاع کے ترجمان دولت وزیری کا کہنا ہے کہ 5 دہشت گردوں نے ملٹری اکیڈمی پرصبح سویرے حملہ کیا جن میں سے ایک نے خود کو دھماکے سے اڑا لیا۔

    افغان حکام کے مطابق 3 دہشت گردوں کو ہلاک کیا جاچکا ہے اور ایک کو گرفتار کرلیا جبکہ ایک دہشت گرد اورسیکیورٹی فورسزکے درمیان فائرنگ کا تبادلہ جاری ہے۔

    افغان وزارت دفاع کے حکام کے مطابق دہشت گردوں کے خلاف کارروائی کے دوران 2 اہلکار ہلاک جبکہ 10 زخمی ہوئے ہیں۔

    دوسری جانب غیرملکی خبررساں ادارے کے مطابق کابل ملٹری اکیڈمی پرحملے کی ذمہ داری دہشت گرد تنظیم داعش نے قبول کرلی ہے۔

    خیال رہے کہ گزشتہ سال اکتوبرمیں اسی ملٹری اکیڈمی کے باہر دھماکے میں 15 کیڈٹس ہلاک ہوئے تھے۔ مارشل فہیم ڈیفنس یونیورسٹی افغانستان کی مرکزی ملٹری اکیڈمی ہے۔

    کابل میں کاربم دھماکہ، 95 افراد ہلاک، 158 زخمی

    یاد رہے کہ دو روز قبل افغانستان کے دارالحکومت کابل میں کار بم دھماکے کے نتیجے میں 95 افراد ہلاک جبکہ 158 سے زائد افراد زخمی ہوگئے تھے۔

    واضح رہے کہ گزشتہ ہفتے افغانستان کے دارالحکومت کابل میں مسلح افراد کے ہوٹل پرحملے میں 18 افراد ہلاک ہوگئے تھے جبکہ سیکورٹی فورسز کی جوابی کارروائی میں 3 حملہ آور مارے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کابل میں کاربم دھماکہ، 95 افراد ہلاک، 158 زخمی

    کابل میں کاربم دھماکہ، 95 افراد ہلاک، 158 زخمی

    کابل: افغان دارالحکومت کابل میں کار بم دھماکے کے نتیجے میں 95 افراد ہلاک جبکہ 158 سے زائد افراد زخمی ہوگئے۔

    افغان میڈیا کے مطابق کابل میں واقع وزات داخلہ کے پرانے دفتر کے قریبایمبولینس میں سوار نے خود کو دفتر کے مرکزی گیٹ پر دھماکے سے اڑا دیا جس کے نتیجے میں 95 افراد ہلاک ہوگئے۔

    یہ حملہ شہر میں واقع وزارتِ داخلہ کی پرانی عمارت کے قریب ہوا جو کہ ہائی پیس کونسل اور یورپی یونین کے دفاتر کے قریب ہے، اسی علاقے میں دیگر غیر ملکی سفارت خانے اور شہر کی پولیس کا صدر دفتر بھی موجود ہے۔

    افغان وزارت صحت کے ترجمان کے مطابق دھماکے میں 158 افراد زخمی بھی ہوئے ہیں، دھماکے کے وقت جائے وقوعہ پر لوگوں کی بہت زیادہ بھیڑ تھی، ذرائع کے مطابق کابل میں دھماکے کی ذمہ داری طالبان کی جانب سے قبول کرلی گئی ہے۔

    دوسری جانب افغان وزیرداخلہ کا کہنا ہے کہ طالبان کی جانب سے کیے جانے والے دھماکے میں ایمبولینس کا استعمال کیا گیا ہے۔

    جلال آباد میں خود کش حملہ‘ فائرنگ‘ 11 افراد زخمی

    یاد رہے کہ تین روز قبل افغانستان کے شہر جلال آباد میں کار بم دھماکے میں 11 افراد زخمی ہوئے تھے۔

    اس سے قبل گزشتہ ہفتے افغانستان کے دارالحکومت کابل میں مسلح افراد کے ہوٹل پرحملے میں 18 افراد ہلاک ہوگئے تھے جبکہ سیکورٹی فورسز کی جوابی کارروائی میں 3 حملہ آور مارے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کابل میں مسلح افراد کا ہوٹل پرحملہ‘ 5افراد ہلاک‘ 6 زخمی

    کابل میں مسلح افراد کا ہوٹل پرحملہ‘ 5افراد ہلاک‘ 6 زخمی

    کابل : افغانستان کے دارالحکومت کابل میں مسلح افراد کے ہوٹل پرحملے میں 5 افراد ہلاک اور 6 زخمی ہوگئے جبکہ سیکورٹی فورسز کی جوابی کارروائی میں 3 حملہ آور مارے گئے۔

    تفصیلات کے مطابق کابل کے انٹرکانٹینینٹل ہوٹل میں رات 9 بجکر 20 منٹ پر مسلح افراد نے ہوٹل میں داخل ہوتے ہی فائرنگ شروع کردی جس کے نتیجے میں 5 افراد ہلاک ہوگئے۔

    افغان وزارت داخلہ کے ترجمان نجیب دانش کے مطابق سیکورٹی فورسز کی جوابی کارروائی میں 3 دہشت گرد مارے گئے جبکہ ہوٹل کو کلیئر کرالیا گیا۔

    ترجمان افغان وزارت داخلہ کا کہنا ہے کہ سیکورٹی فورسز نے 41 غیرملکیوں سمیت 126 افراد کو بحفاظت ہوٹل سے نکال لیا۔

    افغان میڈیا کے مطابق عینی شاہدین کا کہنا تھا کہ انہوں نے مسلح افراد کو کابل کے علاقے باغِ بالا میں واقع ہوٹل کے اندر رات 9 بجکر 20 منٹ پرداخل ہوتے ہوئے دیکھا۔

    کابل میں خودکش حملہ ‘ 18 جاں بحق

    افغان سیکورٹی حکام کے مطابق حملہ آوروں کے خلاف 10 گھنٹے سے زائد جاری رہنے والا آپریشن سیکورٹی فورسز نے آج صبح 10 بجے مکمل کیا۔

    کابل کے انٹرکانٹینینٹل ہوٹل پر حملے کی ذمہ داری اب تک کسی گروپ کی جانب سے قبول نہیں کی گئی۔

    خیال رہے کہ کابل کے اس ہوٹل میں آج انفارمیشن ٹیکنالوجی کانفرنس کا انعقاد ہونا تھا جبکہ حملے کے وقت ہوٹل میں 100 سے زائد آئی ٹی مینیجرزاور انجیئنرز موجود تھے۔

    یاد رہے کہ دو روز قبل کابل میں امریکی سفارت خانے نے الرٹ جاری کیا تھا کہ دہشت گرد کابل میں معروف ہوٹلز کو نشانہ بناسکتے ہیں۔

    واضح رہے کہ 28 جون 2011 کو اسی ہوٹل میں خودکش بمبار نے خود کو دھماکے سے اڑا لیا تھا جس کے نتیجے میں 21 افراد ہلاک ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کابل: دوخودکش دھماکے ، 40 افراد ہلاک

    کابل: دوخودکش دھماکے ، 40 افراد ہلاک

    کابل: افغان دارالحکومت میں نیوزایجنسی کے دفتر اور کلچرل سینٹر میں دو خودکش حملوں میں 40 افراد ہلاک ہوگئے۔

    افغان میڈیا کے مطابق افغانستان کا دارالحکومت کابل میں دو خودکش حملوں کے نتیجے میں 40 افراد ہلاک ہوگئے جبکہ 30 افراد زخمی ہیں، زخمیوں کو طبی امداد کیلئے شہر کے مختلف اسپتالوں میں منتقل کردیا گیا ہے۔

    میڈیا کے مطابق دارالحکومت کابل میں صبح ساڑھے دس بجے کے قریب دو خودکش حملے ہوئے، پہلا خودکش دھماکا برچی میں واقعے خبر ایجنسی کے دفتر کے قریب ہوا جب کہ دوسرا دھماکا ثقافتی مرکز کے دروازے پر کیا گیا۔

    سیکورٹی فورسز نے علاقے کوگھیرے میں لے کرسرچ آپریشن شروع کردیا ہے۔

    افغان وزارت داخلہ نے 40ہلاکتوں کی تصدیق کردی اور کہا ہے کہ ہلاک اور زخمی ہونے والوں میں زیادہ تر عام شہری ہیں۔

    دھماکے افغان نیوزایجنسی کےدفتراورکلچرل سینٹرمیں ہوئے، خود کش دھماکے کے وقت کابل کے ثقافتی مرکز میں ثقافت پر کانفرنس ہورہی تھی ، اسی کانفرنس میں شرکت کیلئے مختلف علاقوں سے کلچرل ایکٹوسٹ آئے ہوئے تھے۔

    مزید پڑھیں : کابل میں خودکش حملہ ‘ 18 جاں بحق

    یاد رہے چند روز قبل کابل میں افغان خفیہ ایجنسی کے مرکزی دفتر کے قریب ہونے والے خود کش بم دھماکے کے نتیجے میں دس افراد ہلاک جبکہ پانچ افراد زخمی ہو گئے تھے۔

    اس سے قبل شادی کی ایک اعلیٰ سطحی تقریب میں حملہ آور نے خود کو دھماکے سے اڑا دیا‘ جس کے نتیجے میں کم از کم 18 افراد جاں بحق جبکہ متعدد زخمی ہوئے تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔