ممبئی: بھارتی فلم انڈسٹری کے معروف اداکاروں کی فہرست میں شامل قادر خان کی شخصیت سے کون واقف نہیں؟ جنہوں نے دو دہائیوں تک انڈسٹری پر راج کیا۔
بھارتی میڈیا کے مطابق قادر خان کا شمار بہترین اداکاروں میں ہوتا ہے، لوگ آج بھی ان کی فلمیں دیکھنا پسند کرتے ہیں۔ سال 2018 میں دنیا کو الوداع کہنے کے باوجود آج بھی وہ اپنے چاہنے والوں کے دلوں میں زندہ ہیں۔
سینئر اداکار بھارت میں نہیں بلکہ افغانستان کے دارالحکومت کابل میں پیدا ہوئے تھے، جو ایک پٹھان خاندان سے تعلق رکھتے تھے، مگر ان کے بچپن میں ہی ان کے والدین کام کے سلسلے میں ممبئی آگئے تھے۔
گھر میں مالی پریشانیاں تھیں، والدہ بھی گھر کو چلانے کے لئے محنت کرتی تھیں جسے دیکھ کر وہ غمگین ہوجاتے تھے، انھوں نے مزدور کے طور پر کام کرنے کا فیصلہ کیا اور فیکٹری میں کام کرنے کا سوچا، مگر ان کی والدہ نے انکار کردیا اور پڑھائی پر توجہ دینے کا کہا۔
سینئر اداکار نے اپنی تعلیم مکمل کی، ان کے کالج میں جو بھی ڈرامے ہوتے تھے ان میں وہ شرکت کرتے تھے اور لوگ ان کی اداکاری کو بھی بہت پسند کرتے تھے۔
انہوں نے نہ صرف ڈراموں میں کام کیا بلکہ ڈرامے لکھے بھی اور ہدایت کاری بھی کی، انجینئرنگ کرنے کے بعد انہوں نے ممبئی میں سول انجینئر پروفیسر کے طور پر کام کیا۔
اسی دوران کالج کے سالانہ دن میں ایک بار ان کے ڈرامے کو ہر کیٹیگری میں ایوارڈ ملے اور جب دلیپ کمار کو اس بات کا علم ہوا تو انہوں نے بھی یہ ڈرامہ دیکھنے کی خواہش ظاہر کی۔
اس ڈرامے کا ایک بار پھر اہتمام کیا گیا اور دلیپ کمار کو خان صاحب کی اداکاری بہت پسند آئی اور فوراً ہی انہوں نے انہیں اپنی دو فلموں میں سائن کر لیا۔
اگرچہ خان صاحب کو ان فلموں سے پہچان نہیں ملی، لیکن انہوں نے اپنے اداکاری کے کیریئر کے لیے ایک راستہ ضرور تلاش کیا۔ سال 1973 میں انہوں نے فلم ’داغ‘ میں وکیل کا کردار ادا کیا تھا جسے بہت پسند کیا گیا۔
مکیش امبانی کے پرائیویٹ طیارے میں کیا خاص بات ہے؟
انہوں نے امیتابھ بچن کے لیے بھی کئی فلموں کے مکالمہ لکھے. انھوں نے 300 سے زائد فلموں میں کام کیا اور 100 فلموں کے ڈائیلاگ لکھے۔انہوں نے نہ صرف اداکار بلکہ مصنف کے طور پر بھی کام کیا۔
