گلگت: نو بیاہتا قومی کرکٹر کائنات امتیاز نے کھیل کے میدان میں شوہر کے خلاف شان دار پرفارمنس دکھا دی۔
تفصیلات کے مطابق قومی ٹیم کی بہترین آل راؤنڈر کائنات امتیاز نے شوہر وقار الدین کے ہمراہ گلگت بلتستان کے بلند و بالا پہاڑی علاقوں کی فضاؤں کا لطف اٹھایا بلکہ کھیل کے ایک مقامی میدان میچ بھی کھیلا۔
پہاڑوں کے دامن میں گھری گلگت بلتستان کی خوب صورت وادی باشو میں کائنات نے شوہر کی بولنگ پر لمبے لمبے چھکے لگائے۔
کائنات امتیاز اپنے ٹویٹر اکاؤنٹ پر اس کی ویڈیو بھی شیئر کی، جس میں انھوں نے لکھا کہ شوہر کو چھکے مار کر گیند پارک سے باہر پھینکنا تو حلوہ ثابت ہوا۔
Easy peasy hitting Husband sixes out of the park!! 😈 Oh and also check out the bowled 😎
Surrounded by mountains 🏔 2500m above sea level😍
Best place to play cricket ♥️#cricket #mountains #kainatimtiaz #kt23 #cricketpakistan #bashuvalley pic.twitter.com/JEQHrNjY2r— Kainat Imtiaz (@kainatimtiaz16) June 25, 2022
جب باری آئی بولنگ کی تو قومی کرکٹر نے دائیں ہاتھ کی اپنی میڈیم فاسٹ بولنگ سے وقار الدین کی وکٹ بھی اُڑا دی، اور اس پر انھوں نے معصومانہ خوشی کا اظہار کیا۔
کائنات نے لکھا کہ میری بولنگ بھی دیکھیں ذرا، کائنات نے ٹویٹ میں پہاڑوں کا بھی ذکر کیا، لکھا ہم اس وقت سطح سمندر سے ڈھائی ہزار میٹر بلندی پر ہیں، اور یہ کرکٹ کھیلنے کے لیے بہترین جگہ ہے، جو پہاڑوں میں گھری ہوئی ہے۔
