کاکول: افغان فوجی سربراہ شیر محمد کریمی نے کہا ہے کہ دہشت گرد مشترکہ دشمن ہیں،جنرل کریمی نے پاک فوج کو دنیا کی بہترین فوج بھی قرار دیا۔
پی ایم اے کاکول میں کیڈٹس کی ایک سو بتیس ویں پاسنگ آؤٹ پریڈ میں افغان چیف آف جنرل اسٹاف شیرمحمدکریمی نے بطورِ مہمانِ خصوصی شرکت کی ۔
جنرل کریمی نے کہا کہ پاس آؤٹ ہونے والے کیڈٹس قوم کا مستقبل ہیں، پاکستان کی فوج دنیا کی بہترین افواج میں سے ایک ہے۔
جنرل شیر محمد کریمی نے دہشت گردی پرقابو پانے کیلئے باہمی تعاون ضروری قرار دیا، انکا کہنا تھا کہ خطے کوغیر یقینی صورتحال کا سامنا ہے، غیر ریاستی عناصر دونوں ممالک کےخلاف کارروائی کررہےہیں۔
جنرل کریمی نے کہا کہ ایک دوسرے کی مخلصانہ مدد سے ہی عوام کو دشمنوں سے محفوظ رکھ سکتے ہیں۔
اس موقع پر جنرل کریمی نے پی ایم اے انتظامیہ اورجنرل راحیل شریف کا شکریہ بھی ادا کیا۔
