ARYNews.tv | Urdu – Har Lamha Bakhabar

Tag: kamran tesori

  • صرف کراچی ہی میں ڈمپروں کے کچلنے کے اس قدر واقعات کیوں ہیں؟ گورنر سندھ کا سوال

    صرف کراچی ہی میں ڈمپروں کے کچلنے کے اس قدر واقعات کیوں ہیں؟ گورنر سندھ کا سوال

    کراچی: گورنر سندھ کامران ٹیسوری نے دھمکی دی ہے کہ کراچی میں قاتل ڈمپروں کو لگام نہ دی گئی تو ’’میں انتہائی اقدام پر مجبور ہوں گا۔‘‘

    گورنر سندھ نے کراچی میں آئے روز ڈمپروں اور ٹریفک کے دیگر حادثات میں شہریوں کی بہت زیادہ اموات پر سخت رد عمل میں سوال اٹھایا ہے کہ ’’صرف کراچی ہی میں ڈمپروں کے کچلنے کے اس قدر واقعات کیوں ہو رہے ہیں؟‘‘

    انھوں نے کہا ایک ہی روز میں کراچی کے 4 شہریوں کو موت کے گھاٹ اتار دیا گیا، ڈمپر ڈرائیوروں کا لوگوں کو کچل کر فرار ہونا سوالیہ نشان ہے۔

    کراچی : خونی ڈمپر نے 3 موٹرسائیکل سواروں کو کچل ڈالا

    کامران ٹیسوری نے ٹریفک حادثات کو انتظامیہ کی غفلت قرار دیتے ہوئے سوال کیا کہ ان کی غفلت کب تک معصوم شہریوں کی زندگیاں چھینے گی؟ انھوں نے مطالبہ کیا کہ جس کمپنی کا ڈمپر حادثے کا ذمہ دار ہو، اس کمپنی کے خلاف کارروائی کی جائے۔

    سال 2025 کی شروعات میں ٹریفک حادثات کی بھرمار، وجہ کیا ہے؟

    گورنر سندھ نے سندھ حکومت سے ڈمپر مافیا کے خلاف ایک ہفتے میں لائحہ عمل دینے کا مطالبہ کر دیا ہے، انھوں نے کہا سندھ حکومت ڈمپر مافیا کے خلاف کارروائی کرے ورنہ میں خود لائحہ عمل دوں گا۔ دریں اثنا گورنر سندھ نے ڈمپر حادثے میں جاں بحق افراد کی نماز جنازہ میں شرکت کا بھی اعلان کیا۔

  • ’گورنر ہاؤس میں گیس نہیں آ رہی، اس لیے باہر کھانا کھانے آنا پڑا‘

    کراچی: گورنر سندھ کامران ٹیسوری گزشتہ رات سرد موسم کا مزہ لینے کیماڑی کی مشہور سی فوڈ اسٹریٹ پہنچ گئے تھے، جہاں انھوں نے کیکڑے کا سوپ، جھینگا کڑھائی اور باربی کیو مچھلی آرڈر کی۔

    اس موقع پر گورنر سندھ نے اے آر وائی نیوز سے خصوصی گفتگو کی، انھوں نے کہا کہ ’’گورنر ہاؤس میں گیس نہیں آ رہی ہے، اس لیے باہر کھانا کھانے آنا پڑا۔‘‘

    کراچی میں سردی شروع ہوتے ہی ایس ایس جی سی کی جانب سے بدترین لوڈشیڈنگ شروع کر دی گئی ہے، جس سے شہریوں کی زندگی بجلی کے بعد ایک اور عذاب سے دوچار ہو گئی ہے۔

    کامران ٹیسوری نے کہا ’’2 ماہ سے گورنر ہاؤس میں بھی گیس نہیں آ رہی ہے، اور دن میں 3 بار بجلی کی بھی لوڈ شیڈنگ ہوتی ہے، مجھے بتایا گیا کہ گورنر ہاؤس میں کھانا تیار ہونے میں دیر لگے گی، اس لیے جھینگے کی کڑھائی اور کیکڑے کا سوپ پینے آیا ہوں۔‘‘

    گورنر سندھ نے اپنا مخصوص جملہ ایک بار پھر دہرایا ’’کھانا جتنا کھانا ہے کھاؤ لیکن کراچی کسی کو نہیں کھانے دیں گے۔‘‘ انھوں نے کہا ’’جس کو سیاست کرنے کا شوق ہے اس کو مشورہ دوں گا کہ وہ کیماڑی آ کر سوپ پیے۔‘‘

    کامران ٹیسوری نے کہا کہ ایم کیو ایم دھڑوں کے ملنے کو صفر کا درجہ دینے والے سن لیں، ان صفر کو عوام پلس کر کے دکھائیں گے، اگر حافظ نعیم جوڑ توڑ کر کے میئر بن جاتے ہیں تو انھیں مبارک باد دوں گا، کیوں کہ میں صرف جوڑنے آیا ہوں توڑنے پر یقین نہیں رکھتا۔

    گورنر سندھ نے کہا ’’عوام بجلی، گیس، پانی نہ ہونے اور اسٹریٹ کرائمز کے باوجود خوش ہیں، یہی پاکستان اور میرا کراچی ہے!‘‘

  • کامران ٹیسوری ایسی مخلوق ہیں جہاں جاتے ہیں تباہی مچاتے ہیں، سعید غنی

    کامران ٹیسوری ایسی مخلوق ہیں جہاں جاتے ہیں تباہی مچاتے ہیں، سعید غنی

    کراچی : پیپلز پارٹی کے رہنما سعیدغنی کا کہنا ہے کہ فاروق ستارپیپلزپارٹی میں دلچسپی رکھتے ہیں تو یہ اچھی بات ہے، کامران ٹیسوری ایسی مخلوق ہیں جہاں جاتےہیں تباہی مچاتے ہیں۔

    تفصیلات کے مطابق متحدہ پاکستان میں تقسیم در تقسیم کا عمل جاری ہے، پی پی کے رہنما سعیدغنی نے ایم کیو ایم میں اندورونی اختلاف سے متعلق کہا کہ میں فاروق ستارسے متعلق کبھی دہشت گردی والی بات سنی نہیں، فاروق ستارپیپلزپارٹی میں دلچسپی رکھتے ہیں تویہ اچھی بات ہے۔

    کامران ٹیسوری کے حوالے سے سعیدغنی کا کہنا تھا کہ کامران ٹیسوری ایسی مخلوق ہیں جہاں جاتےہیں تباہی مچاتےہیں، کامران ٹیسوری ایم کیو ایم میں جتنا رہیں گے اتنی تباہی مچائیں گے، وہ ایم کیوایم میں آگے کیاکرتےہیں دیکھ لیں گے۔

    پی پی رہنما نے مزید کہا کہ ایم کیوایم کی بدقسمتی ہےکامران ٹیسوری کواہم عہدے دیئے۔

    گذشتہ روز بھی پاکستان پیپلزپارٹی کے رہنما سعید غنی کا کہنا تھا عوام کوپتہ چل رہا ہے کہ ایم کیوایم والےایک سیٹ پرکس طرح لڑتے ہیں، ان کا کوئی اصول اور نظریہ نہیں، ایم کیوایم کو اس جھگڑے کی قیمت دوہزاراٹھارہ کے الیکشن میں چکانا پڑے گی۔

    خیال رہے کہ کامران ٹیسوری کو سینٹ کی سیٹ دیئے جانے پر ایم کیو ایم اور رابطہ کمیٹی میں اختلاف مزید شدت اختیار کر گئے ہیں ، رابطہ کمیٹی نے فاروق ستارکو آؤٹ کرکے خالد مقبول کو کنوینر بنادیا۔

    مزید پڑھیں :  فاروق ستارنے ایم کیو ایم رابطہ کمیٹی تحلیل کردی، انتخابات کا اعلان

    جس کے بعد  ایم کیو ایم کے رہنما ڈاکٹر فاروق ستار نے رابطہ کمیٹی کے اختیارات اور اس کو تحلیل کرتے ہوئے نئے انٹرا پارٹی انتخابات کرانے کا اعلان کردیا، انہوں نے کہا ہے کہ بہادرآباد والوں کے تمام اقدامات غیر آئینی ہیں۔

    انہوں نےتمام کارکنان اور اراکین اسمبلی کو سترہ فروری انٹراپارٹی انتخابات میں شرکت کی دعوت دی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔