ARYNews.tv | Urdu – Har Lamha Bakhabar

Tag: kamyab-jawan-program

  • قرضے کی حد اور اسکالر شپ ، عثمان ڈار کا نوجوانوں کیلئے بڑا اعلان

    قرضے کی حد اور اسکالر شپ ، عثمان ڈار کا نوجوانوں کیلئے بڑا اعلان

    اسلام آباد : معاون خصوصی عثمان ڈار کا کہنا ہے کہ وزیراعظم نوجوانوں کو قیمتی اثاثہ سمجھتے ہیں، شخصی ضمانت پر قرضے کی حد کو بڑھا کر بیس لاکھ کرنے جارہے ہیں اور اسکالرشپ کو بڑھا کر 50 لاکھ تک لیکر جائیں گے۔

    تفصیلات کے مطابق معاون خصوصی عثمان ڈار نے کامیاب جوان پروگرام کے تحت سرٹیفکیٹس کی تقسیم کی تقریب سے خطاب کرتے ہوئے کہا گزشتہ حکومت نے 10لاکھ لیپ ٹاپس پراربوں خرچ کئے، عمران خان کا ویژن نوجوان کو جدید ٹریننگ دینا ہے ،ہم نوجوانوں کی اسکل ڈیولپمنٹ پر پیسے خرچ کر رہے ہیں اور نوجوانوں کو اسکالرشپ دے رہے ہیں۔

    عثمان ڈار کا کہنا تھا کہ وزیراعظم نوجوانوں کو قیمتی اثاثہ سمجھتے ہیں ، 20لاکھ نوجوان ہر سال ملازمت کیلئے مارکیٹ میں آتے ہیں ،اتنی بڑی تعداد کو نوکریاں دینا حکومت کے بس کی بات نہیں۔

    معاوں خصوصی نے کہا پاکستان کے نوجوانوں کو مہارتیں سکھا کر آگے بڑھنے کا موقع دیں گے ، اسکالرشپ کو بڑھا کر 50 لاکھ تک لیکر جائیں گے ، نوجوان خود کاروبار کی سوچ پیدا کریں۔

    نوجوانوں کیلئے کامیاب بزنس لون اسکیم لیکر آئے ہیں ، نوجوانوں کو شخصی ضمانت پر دس لاکھ تک قرضے دیئے جارہے ہیں، شخصی ضمانت پر قرضے کی حد کو بڑھا کر بیس لاکھ کرنے جارہے ہیں۔

  • ‘ یقین دلاتا ہوں کامیاب جوان پروگرام سیاسی بنیاد پر نہیں چلایا جارہا’

    ‘ یقین دلاتا ہوں کامیاب جوان پروگرام سیاسی بنیاد پر نہیں چلایا جارہا’

    اسلام آباد : معاون خصوصی عثمان ڈار کا کہنا ہے کہ یقین دلاتا ہوں کامیاب جوان پروگرام سیاسی بنیاد پر نہیں چلایا جارہا ، یسےنوجوانوں سےملا ہوں جون لیگ کو فالو کرتے ہیں اورپروگرام سے فائدہ اٹھایا۔

    تفصیلات کے مطابق معاون خصوصی عثمان ڈار نے تقریب سے خطاب کرتے ہوئے کہا وزیراعظم کا وژن ہے کہ نوجوانوں کو اپنےپیروں پر کھڑا کرنا ہے، کامیاب  جوان پروگرام حکومت کی کوئی وش لسٹ نہیں ہے، 2019 میں جب کامیاب جوان پروگرام شروع کیا تو پہلےنوجوانوں سےمشورہ کیا، بڑی تعدادمیں نوجوانوں کاکہناتھاہمیں فیصلہ سازی میں شامل نہیں کیاجاتا، ہم چاہتے ہیں ہمیں فیصلہ سازی میں شامل کیا جانا چاہئے۔

    عثمان ڈار کا کہنا تھا کہ 68فیصدپاکستان کی آبادی 30 سال سے کم عمر کے نوجوانوں پر مشتمل ہے، آپ پاکستان کےاصل ڈرائیورانجن ہیں ، آپ پاکستان کے  4 فیصد نوجوان ہیں جو یہاں تک پہنچے ہیں، بہت ضروری ہے پاکستانی نوجوانوں کا مائنڈ سیٹ کلیئر ہونا چاہئے۔

    معاون خصوصی نے کہا ہر سال 20 لاکھ نوجوان ڈگریاں لیکر مارکیٹ میں آرہے ہیں، حکومت تمام 20 لاکھ نوجوانوں کو سرکاری محکموں میں نوکریاں نہیں دے سکتی، حکومت کا کام ہے کہ نوجوانوں کو سہولت فراہم کرے، آج لاکھوں ایم بی ایے نوجوان اور انجینئرز مارکیٹ میں موجود ہیں۔

    ان کا کہنا تھا کہ کامیاب جوان پروگرام آپ لوگوں کی سوچ کیلئےتشکیل دیاگیا، کوروناکی وجہ سےایک سال کام میں تیزی نہ آسکی، چاہتےہیں پڑھے لکھے نوجوان  بھی ایگری کلچرمیں آگے آئیں۔

    عثمان ڈار نے کہا کہ یقین دلاتا ہوں کامیاب جوان پروگرام سیاسی بنیاد پر نہیں چلایا جارہا، کہا جاتا ہے کسی وزیر اور مشیر کے آدمیوں کو پیسا ملتا ہے، عام آدمی کو نہیں، ایسےنوجوانوں سےملا ہوں جون لیگ کو فالو کرتے ہیں اورپروگرام سے فائدہ اٹھایا۔

  • کامیاب جوان پروگرام کیسے معذور نوجوانوں کا سہارا بنا؟

    کامیاب جوان پروگرام کیسے معذور نوجوانوں کا سہارا بنا؟

    اسلام آباد : معاون خصوصی عثمان ڈار نے کامیاب جوان پروگرام سے فائدہ اٹھانے والے معذورنوجوان حیدر علی کی کامیابی کی کہانی شیئر کردی اور کہا ہزاروں خاندانوں کیلئے پروگرام امید کی کرن ثابت ہورہا ہے۔

    تفصیلات کے مطابق کامیاب جوان پروگرام کےتحت روزگارفراہمی کےاقدامات میں تیزی آگئی ، اب تک 10ہزار نوجوان مرد، خواتین،خواجہ سراؤں سمیت خصوصی افراد کو بھی رقم مل گئی ہے۔

    معاون خصوصی عثمان ڈارنےخصوصی ڈاکو منٹری ٹوئٹرپرپوسٹ کر دی ، جس میں دیکھا گیا کامیاب جوان پروگرام کیسے معذور نوجوانوں کا سہارا بنا؟ اور معذورنوجوان حیدر علی نے حکومتی تعاون سےروزگارکاخواب پورا کر لیا۔

    حیدرعلی نے کہا معذوری کےباعث مالی حالات پریشان کن تھے، ایم اےتعلیم حاصل کی مگرمعذوری کےباعث روزگارنہ مل سکا، کامیاب جوان پروگرام کے بارے میں پتہ چلا تو قرض کیلئے اپلائی کیا اور ایک ماہ میں بغیر کسی سفارش اورضمانت کے کاروبار کیلئے قرض مل گیا، کامیاب جوان کی ٹیم کاشکرگزارہوں کہ وہ میرابازوبنی۔

    معاون خصوصی عثمان ڈار نے اپنے پیغام میں کہا کہ وزیراعظم کی سرپرستی میں کمزورطبقےکی خوشحالی کیلئےکام کررہےہیں، حیدرعلی بہت سے نوجوانوں کیلئےایک مثال ہے، منصوبہ معاشرےکےکمزور،پسےطبقات کومالی معاونت فراہم کررہاہے۔

    عثمان ڈار کا کہنا تھا کہ قرضہ اسکیم سےاب تک 10ہزارافرادکوساڑھے 8ارب جاری کئےگئےہیں، ہزاروں خاندانوں کیلئےپروگرام امیدکی کرن ثابت ہورہاہے، چندماہ میں ہزاروں نوجوانوں کورقم کی تقسیم کاعمل مکمل ہوگا، قرض کی تفصیلات عوام کےسامنےلانےکابھی فیصلہ ہوچکا ہے۔

  • حکومت کا کامیاب جوان کے ساتھ ایک اور پروگرام لانے کا اعلان

    حکومت کا کامیاب جوان کے ساتھ ایک اور پروگرام لانے کا اعلان

    اسلام آباد: حکومت نے کامیاب جوان کے ساتھ ایک اور پروگرام لانے کافیصلہ کرلیا ، وزیرخزانہ نے کہا ہنگامی بنیادوں پر اقدامات کرنے جا رہے ہیں فوری اثر نظر آئےگا، لاکھوں کی تعداد میں قرض دیں گے تومعاشی ترقی تیز ہو گی۔

    تفصیلات کے مطابق حکومت نے کامیاب جوان کے ساتھ کامیاب کسان پروگرام لانے کافیصلہ کرلیا ، اس حوالے سے وزیرخزانہ شوکت ترین نے کہا ہے کہ چھوٹے کسانوں کو 20 لاکھ روپے تک قرض دیا جائےگا، کامیاب جوان کےتحت قرضوں کی تقسیم کا عمل تیزکررہےہیں، تاحال 10 ہزار نوجوانوں کوکامیاب جوان پروگرام میں قرض دیا گیا۔

    شوکت ترین کا کہنا تھا کہ تعداد آئندہ 3 سال تک لاکھوں میں ہونی چاہیے، نچلی سطح تک ترقی کےلیےمنصوبہ انقلابی حیثیت رکھتا ہے، نچلی سطح تک لوگوں کو روزگار کےلیےبااختیار بنائیں گے۔

    وزیرخزانہ نے کہا کہ چاہتے ہیں لوگ خودبھی کاروبار اورساتھ میں لوگوں کی بھی مددکریں، ہنگامی بنیادوں پر اقدامات کرنے جا رہے ہیں فوری اثر نظر آئےگا، لاکھوں کی تعداد میں قرض دیں گے تومعاشی ترقی تیز ہو گی۔

    یاد رہے گذشتہ ماہ وزیراعظم عمران خان نے ملتان میں کسان کارڈ تقسیم کرنے کی تقریب سے خطاب کرتے ہوئے وقت ثابت کرے گا کہ آپ مارڈرن ایگریکلچر کی طرف جارہےہیں، کسان کارڈ ایک زبردست عمل ہے جو پاکستان کو تبدیل کرے گا۔

    وزیراعظم نے کہا تھا کہ ٹیکنالوجی سے پیپر ورک ختم ہوجاتاہے ، صرف ہمارےدور میں کسانوں کو اضافی پیسہ ملا ، گندم کے کسانوں کو 500ارب روپے اضافی ملا ، ہمارےدور میں گندم کی قیمت 500روپے بڑھی ہے جبکہ گنے ،مونگ، مکئی اور دودھ کی قیمت سے 1100 ارب روپے اضافی کسانوں کے پاس گیا۔

  • ملکی تاریخ میں پہلی بار نوجوانوں کو 5 کروڑ روپے تک قرض دینے کا فیصلہ

    ملکی تاریخ میں پہلی بار نوجوانوں کو 5 کروڑ روپے تک قرض دینے کا فیصلہ

    اسلام آباد: وفاقی حکومت نے کامیاب جوان پروگرام میں بڑی تبدیلیاں کرتے ہوئے ملکی تاریخ میں پہلی بار نوجوانوں کے لیے قرض کی حد 5 کروڑ روپے تک بڑھانے کا فیصلہ کرلیا ہے۔

    تفصیلات کے مطابق وزیر خزانہ شوکت ترین کی زیر صدارت کامیاب جوان پروگرام سے متعلق اہم اجلاس منعقد ہوا، اجلاس میں گورنر اسٹیٹ بینک، وزیر اعظم کے معاون خصوصی برائے امور نوجوان عثمان ڈار اور معاشی ماہرین نے شرکت کی۔

    وفاقی حکومت نے کامیاب جوان پروگرام میں بڑی تبدیلیوں کا فیصلہ کیا ہے، اجلاس میں کامیاب جوان پروگرام کو روزگار کی فراہمی کے لیے بڑا ٹول بنانے کی حکمت عملی پر غور کیا گیا۔

    اجلاس میں ملکی تاریخ میں پہلی بار نوجوانوں کے لیے قرض کی حد 5 کروڑ روپے تک بڑھانے کا فیصلہ کیا گیا، وزیر خزانہ نے رقم کی تقسیم کے عمل میں ہنگامی بنیاد پر تیزی لانے کا عندیہ دیا ہے۔

    پروگرام کے تحت رقم کی تقسیم کے لیے 4 مختلف کیٹیگریز طے کر دی گئی ہیں، پہلی کیٹیگری 1 سے 5 لاکھ روپے تک مائیکرو فنانسنگ کی جائے گی۔ گاؤں، دیہات اور یونین کونسلز کی سطح پر رقم کی تقسیم ہوگی۔

    دوسری کیٹیگری میں رقم 10 سے بڑھا کر 20 لاکھ روپے کر دی گئی۔ 20 لاکھ روپے کی رقم بغیر سیکیورٹی فراہم کی جائے گی۔ تیسری کیٹیگری میں رقم کی حد 20 لاکھ سے ڈھائی کروڑ روپے تک ہوگی، چوتھی کیٹیگری میں 5 کروڑ روپے تک کا قرض فراہم کیا جائے گا۔

    اجلاس میں کہا گیا کہ 15 جون تک وفاقی کابینہ اور اقتصادی رابطہ کمیٹی سے تبدیلیوں کی منظوری لی جائے گی، رقم اسی سال سے بجٹ میں مختص کردی جائے گی۔

    اجلاس میں فیصلہ کیا گیا کہ نوجوانوں میں کم از کم 100 ارب روپے کی رقم فوری تقسیم کی جائے گی۔

    وزیر خزانہ شوکت ترین کا کہنا تھا کہ کامیاب جوان پروگرام معیشت اور انڈسٹری کے لیے انقلابی پروگرام ثابت ہوگا۔ منصوبہ زراعت اور ایس ایم ای سیکٹر کو اپنے پاؤں پر کھڑا کر سکے گا، پروگرام میں شامل بینک قرض کی تقسیم کا عمل تیز کر دیں۔

    وزیر اعظم کے معاون خصوصی برائے امور نوجوان عثمان ڈار کا کہنا تھا کہ زراعت، ایس ایم ایز، سروس سیکٹر اور مینو فیکچرنگ انڈسٹری کے لیے زبردست پیکج ہے، کم از کم 10 لاکھ نوجوانوں کو روزگار کے مواقع دینا چاہتے ہیں۔

    انہوں نے کہا کہ آج کے فیصلے نوجوانوں کے مطالبات کو مد نظر رکھ کر کیے گئے ہیں۔

  • وزیر اعظم بلوچستان میں کامیاب جوان پروگرام کا آغاز کریں گے

    وزیر اعظم بلوچستان میں کامیاب جوان پروگرام کا آغاز کریں گے

    اسلام آباد: وزیر اعظم عمران خان آج بلوچستان میں کامیاب جوان پروگرام کا آغاز کریں گے، وزیر اعظم کوئٹہ میں صوبے بھر سے منتخب ہونے والے نوجوانوں میں رقم کے چیک تقسیم کریں گے۔

    تفصیلات کے مطابق وزیر اعظم عمران خان کے معاون خصوصی برائے امور نوجوان عثمان ڈار نے سماجی رابطے کی ویب سائٹ ٹویٹر پر اپنے ٹویٹ میں کہا کہ وفاقی حکومت آج سے بلوچستان میں کامیاب جوان پروگرام کا آغاز کرے گی۔

    عثمان ڈار کا کہنا تھا کہ وزیر اعظم عمران خان کوئٹہ میں صوبے بھر سے منتخب ہونے والے نوجوانوں میں رقم کے چیک تقسیم کریں گے۔

    انہوں نے کہا کہ پنجاب، سندھ اور پختونخواہ کے بعد بلوچستان کے نوجوانوں کو بھی روزگار اور آگے بڑھنے کے بھرپور مواقع دیے جائیں گے۔

    دوسری جانب وزیر اعظم عمران خان کوئٹہ کے ایک روزہ دورے پر روانہ ہوگئے ہیں جہاں وہ بلوچستان کے نوجوانوں میں رقم کے چیک تقسیم کریں گے۔

    وزیر اعظم کے ہمراہ وفاقی وزرا و دیگر افراد مراد سعید، زبیدہ جلال، اسد عمر، قاسم خان سوری اور عثمان ڈار بھی ہیں۔

  • اگلے چند ماہ میں 10ارب روپے کی تقسیم ، نوجوانوں کیلئے بڑی خوشخبری آگئی

    اگلے چند ماہ میں 10ارب روپے کی تقسیم ، نوجوانوں کیلئے بڑی خوشخبری آگئی

    وانا : معاون خصوصی عثمان ڈار کا کہنا ہے کہ کامیاب جوان پروگرام کے تحت 5ارب روپے سےزائد کی رقم نوجوانوں میں تقسیم کرچکے، اگلے چند ماہ میں مزید 10ارب روپے نوجوانوں میں تقسیم ہوں گے۔

    تفصیلات کے مطابق وانا میں معاون خصوصی عثمان ڈار نے کامیاب جوان پروگرام کی تقریب سے خطاب کرتے ہوئے کہا ماضی میں قبائلی علاقوں کو بری طرح نظرانداز کیا گیا، آج الحمدللہ وانا کے نوجوان کامیابی کیساتھ کاروبار کررہے ہیں۔

    پروگرام کے حوالے سے عثمان ڈار کا کہنا تھا کہ 5ارب روپے سےزائد کی رقم نوجوانوں میں تقسیم کرچکے، اگلے چند ماہ میں مزید 10ارب روپے نوجوانوں میں تقسیم ہوں گے۔

    معاون خصوصی نے مزید کہا کہ غربت ختم کرنے کا بہترین طریقہ نوجوانوں کوکاروبار فراہم کرنا ہے،نوجوانوں کوقرضوں کی فراہمی سےترقی کی راہ ہموار ہوگی ، کےپی کےہر ضلع ،تحصیل ، شہر اور گاؤں میں نوجوانوں کو مواقع دیں گے۔

    بعد ازاں وزیراعظم نے کامیاب جوان پروگرام کےتحت نواجوانوں میں رقم تقسیم کی۔

  • پنجاب، سندھ کے بعد کامیاب جوان پروگرام کی پختونخوا میں بھی انٹری

    پنجاب، سندھ کے بعد کامیاب جوان پروگرام کی پختونخوا میں بھی انٹری

    اسلام آباد: کامیاب جوان پروگرام کی پنجاب اور سندھ میں شاندار کامیابی کے بعد آج پختونخوا میں انٹری ہوگی۔

    تفصیلات کے مطابق وزیراعظم کے نوجوانوں کیلئے روزگار، کاروبار کے مواقع بڑھانےکے منصوبہ کے تحت نوجوانوں میں دو ارب روپےکی تقسیم کا عمل مکمل کیا جاچکا ہے، دوہزار اکیس تک نوجوانوں میں مزید پندرہ ارب روپے تقسیم کرنے کا ہدف رکھا گیا ہے۔

    اسی تناظر میں حکومت نے کامیاب جوان پروگرام کے تحت رقم کی تقسیم میں تیزی لانےکا فیصلہ کیا ہے اور پنجاب، سندھ کے بعد کامیاب جوان پروگرام کی پختونخوامیں آج متعارف کرایا جائے گا۔

    وزیراعظم عمران خان آج پشاور میں نوجوانوں کو رقوم کےچیک تقسیم کریں گے، مرکزی تقریب گورنر ہاؤس میں ہوگی، جس میں گورنر،وزیراعلیٰ کےپی شریک ہونگے اس کے علاوہ معاون خصوصی برائے نوجوانان امور عثمان ڈار تقریب میں خصوصی طورپر شریک ہوں گے۔

    یہ بھی پڑھیں: نوجوانوں کے لیے بڑی خوش خبری

    اپنے بیان میں عثمان ڈار نے بتایا کہ پختونخوا کے نوجوانوں میں آج کروڑوں روپےکی رقم تقسیم کریں گے، روزگار کی فراہمی کیلئے کامیاب جوان حکومت فلیگ شپ منصوبہ ہے، حکومت نوجوانوں کو روزگار کی فراہمی کیلئے وسائل مہیا کرےگی۔

    معاون خصوصی نے بتایا کہ اب تک دو ارب روپےکی رقم نوجوانوں میں تقسیم کی جاچکی ہے، دو ہزار اکیس تک مزید پندرہ ارب روپےن وجوانوں میں تقسیم کیےجائیں گے، دس لاکھ نوجوانوں کو روزگارکی فراہمی پہلا ہدف ہے، وزیراعظم کا یہ منصوبہ نوجوانوں کی ترقی کیلئےسنگ میل ہوگا، وزیراعظم کی ہدایت پرمنصوبہ100فیصدشفافیت اور میرٹ پر ہے۔

  • کامیاب جوان پروگرام : وزیراعظم کا نوجوانوں کو بلا تعطل قرضوں کی فراہمی کا حکم

    کامیاب جوان پروگرام : وزیراعظم کا نوجوانوں کو بلا تعطل قرضوں کی فراہمی کا حکم

    اسلام آباد : وزیراعظم عمران خان نے کامیاب جوان پروگرام کی شفافیت اور طریقہ کار پر اظہاراطمینان کرتے ہوئے نوجوانوں کو بلا تعطل قرضوں کی فراہمی کا حکم دے دیا۔

    تفصیلات کے مطابق وزیراعظم عمران خان کی زیرصدارت کامیاب جوان پروگرام سےمتعلق جائزہ اجلاس ہوا ، جس میں معاون خصوصی عثمان ڈار،حفیظ شیخ اورگورنراسٹیٹ بینک ، عبدالرزاق داؤد سمیت ملک بھر کے بینکوں کے صدور اور سربراہان شریک ہوئے۔

    اجلاس میں عثمان ڈار نے کامیاب جوان پروگرام کے تحت قرض فراہمی پر بریفنگ دیتے ہوئے بتایا کہ حکومت نےنوجوانوں کوکاروبارکی فراہمی کیلئے 100 ارب مختص کیے ہیں، اب تک 4 لاکھ 70 ہزار درخواستیں موصول ہوچکی ہیں، درخواستوں کی بروقت جانچ کرکےقرض کی فراہمی کاسلسلہ جاری ہے۔

    عثمان ڈار کا کہنا تھا کہ اسکیم کےتحت پڑھے لکھے نوجوان بینکوں کو درخواستیں دے رہے ہیں، میرٹ کے مطابق شفاف طریقے سے قرض کی تقسیم کا عمل جاری ہے، ملک بھر کے 21 بینک اس سکیم میں حصہ لے رہے ہیں۔

    وزیراعظم عمران خان نے پروگرام کی شفافیت اور طریقہ کار پر اظہار اطمینان کرتے ہوئے بینکوں کےسربراہان کی پروگرام میں بھرپورشمولیت اوردلچسپی کوسراہا۔

    وزیراعظم نے معاشی ٹیم کو قرضوں کی بلا تعطل فراہمی یقینی بنانے کی ہدایت کرتے ہوئے ڈپٹی گورنراسٹیٹ بینک کی زیرصدارت اعلیٰ سطح اسٹیئرنگ کمیٹی کے قیام کا فیصلہ کیا۔

    وزیراعظم عمران خان نے کہا کہ نوجوانوں کو مواقع فراہم کرنے کیلئے بینکوں کا تعاون قابل تحسین ہے، نوجوان ہمارے ملک کا بیش قیمت اثاثہ ہیں، اثاثے کی صلاحیتوں کو استعمال میں لانے کیلئے بینکوں کا تعاون اہم ہے۔

    عمران خان کا کہنا تھا کہ قرض فراہمی کیلئے بینکوں کوسبسڈی کی بروقت فراہمی یقینی بنائی جائے اور بینکوں کو پیش آنے والی ہر مشکل کا ترجیحی بنیادوں پر حل یقینی بنایاجائےگا۔

    انھوں نے مزید کہا کہ نوجوان ملکی معیشت کےفروغ میں بہترین کرداراداکرسکتےہیں، تعمیراتی شعبے،صنعتوں کافروغ ،انفارمیشن ٹیکنالوجی میں معاونت ترجیح ہے ، حکومت کو اس ضمن میں بینکوں کا بھرپور تعاون درکار ہے۔

  • کامیاب جوان پروگرام کا دوسرا مرحلہ، نوجوانوں کیلئے روزگار کی فراہمی کے حوالے سے بڑی خبر

    اسلام آباد : وزیراعظم عمران خان نے نوجوانوں کو روزگار کی فراہمی کیلئے کامیاب جوان پروگرام کے جائزہ کیلئے اہم مشاورتی اجلاس طلب کر لیا، عثمان ڈار نے کہا پروگرام کے تحت 5 ارب روپے کی تقسیم اسی ماہ مکمل ہوگی۔

    تفصیلات کے مطابق نوجوانوں کو روزگار کی فراہمی کیلئے کامیاب جوان پروگرام پر کام جاری ہے ، اس حوالے سے وزیراعظم عمران خان نے جائزہ کیلئے اہم مشاورتی اجلاس طلب کر لیا ہے، جس میں معاون خصوصی عثمان ڈار، مشیرخزانہ حفیظ شیخ، گورنر اسٹیٹ بینک شریک ہوں گے۔

    اجلاس میں کامیاب جوان پروگرام میں شامل21 بینکوں کےنمائندگان کوبھی بلالیا گیا ہے اور وزیراعظم کو پروگرام میں اب تک کی پیش رفت رپورٹ پیش کی جائے گی، مشیر خزانہ حفیظ شیخ قرض کی تقسیم کیلئے فنڈز کی فراہمی پر بریفنگ دیں گے جبکہ عثمان ڈار اب تک شروع کاروبار،روزگار کی فراہمی پر مشتمل رپورٹ پیش کریں گے۔

    معاون خصوصی عثمان ڈار نے کہا پروگرام کے تحت 3 ہزار نوجوانوں کا ذاتی کاروبار شروع ہو چکا ہے، کاروباری سرگرمیوں سے 20 ہزار افراد کو براہ راست ملازمتیں ملیں، پروگرام کے تحت 5 ارب روپے کی تقسیم اسی ماہ مکمل ہوگی۔

    عثمان ڈار کا کہنا تھا کہ مزید 7سے 10 ہزار نوجوانوں کو ذاتی کاروبار کیلئے قرض دے رہے ہیں، نومبر تک مزید 50ہزار افراد کیلئے ملازمت اور روزگار کے مواقع پیدا ہوں گے، 10 لاکھ نوجوانوں کو روزگار کی فراہمی کا ہدف مقرر کیا گیا ہے۔

    معاون خصوصی نے کہا کہ مزید بینکوں کو شامل کرنے سے منصوبے میں تیزی آئی ہے، نوجوانوں میں قرض کی تقسیم کا مرحلہ مزید تیزی سے مکمل ہوسکے گا۔