Tag: kamyab-jawan-program

سیالکوٹ: معاون خصوصی برائےامورنوجواناں عثمان ڈار کا کہنا ہے کہ عمران خان نے اسکلز نوجوانوں کے لئے 100 ارب مختص کئے ہیں، کامیاب نوجوان پروگرام سے ایک کروڑ نوکریوں کا وعدہ بھی پورا ہوگا۔

تفصیلات کے مطابق معاون خصوصی برائےامورنوجواناں عثمان ڈار نے تقریب سے خطاب کرتے ہوئے کہا ہے کہ کامیاب نوجوان پروگرام میرٹ پر چل رہا ہے، ہم نے سفارشی کلچر کے خاتمے کے لئے اقدامات کئے ہیں اور نوجوان کو میرٹ پر قرضے فراہم کئے جا رہے ہیں۔

عثمان ڈار کا کہنا تھا کہ عمران خان نے اسکلز نوجوانوں کےلئے100ارب مختص کئے ہیں، کامیاب نوجوان پروگرام سے ایک کروڑ نوکریوں کا وعدہ بھی پورا ہوگا اور قرضے کے حصول کے لئے اپنی گارنٹی پر قرضہ حاصل کیا جا سکتا ہے۔

معاون خصوصی نے مزید کہا کہ عمران خان کاوژن ہےکہ نوجوان طبقہ آگے آئے، ایک لاکھ 60ہزار خواتین نے درخواستیں دے رکھی ہیں ، شارٹ کٹ کے ذریعے مافیا آگے بڑھتا ہے۔

ان کا مزید کہنا تھا کہ نوجوان نسل کواپنی محنت سےآگے بڑھنا ہوگا، قرضے کا مقصد آپ اپنے کاروبار میں وسعت پیدا کریں۔

مزید پڑھیں : ملک کے نوجوانوں کو آرٹیفیشل انٹیلی جنس سے جوڑنے کا منصوبہ

گذشتہ روز وزیر اعظم کے معاون خصوصی برائے امور نوجوان عثمان ڈار نے وفد کے ہمراہ صدر پاکستان ڈاکٹر عارف علوی سے  ملاقات کی تھی، ملاقات میں نوجوانوں کو جدید ٹیکنیکل اور ڈیجیٹل مہارت کے مواقع بھی فراہم کرنے پر بھی اتفاق کیا گیا۔

اس موقع پر صدر مملکت ڈاکٹر عارف علوی کا کہنا تھا کہ اسکالر شپ اور اسکل ڈیولپمنٹ کے ساتھ مصنوعی ذہانت پر توجہ ضروری ہے، ملکی ترقی کے لیے آرٹیفیشل انٹیلی جنس پر کام تیز کرنا ہوگا۔

معاون خصوصی عثمان ڈار کا کہنا تھا کہ نوجوانوں کو روایتی طریقوں سے ہٹ کر جدید اسکل سیٹ اپ فراہم کرنا ہوگا، ڈیجیٹل پاکستان منصوبے میں نوجوان اپنی صلاحیتوں کا لوہا منوا سکتے ہیں۔

انہوں نے کہا تھا  کہ کامیاب جوان پروگرام سے ٹیکنالوجی میں آگے بڑھنے کے مواقع دیں گے، اہم فیصلے کرلیے ہیں، نوجوانوں کو معیشت میں متحرک شراکت دار بنائیں گے۔

اسلام آباد: وزیر اعظم کے معاون خصوصی برائے امور نوجوان عثمان ڈار کا کہنا ہے کہ کامیاب جوان پروگرام کے قرضوں کے تعین کے لیے کردار اور اہلیت دونوں اہم ہیں۔ قرضوں کی فراہمی میں شفافیت کو یقینی بنایا گیا ہے۔

تفصیلات کے مطابق وزیر اعظم کے معاون خصوصی برائے امور نوجوان عثمان ڈار کا کہنا ہے کہ نوجوانوں کو جدید ٹیکنالوجیز میں آگے لانا چاہتے ہیں، کامیاب نوجوان پروگرام کے لیے 15 ہزار درخواستیں وصول ہوئیں۔

عثمان ڈار کا کہنا تھا کہ فاٹا کے نوجوان کو 35 لاکھ روپے اپنا سافٹ ویئر ہاؤس شروع کرنے کے لیے دیا گیا، آئی ٹی اور سیاحت کے شعبوں میں نوجوانوں کو قرضے دیے گئے۔

انہوں نے کہا کہ سیاحت کے شعبے میں انفرا اسٹرکچر موجود نہیں، قرضوں کے تعین کے لیے کردار اور اہلیت دونوں اہم ہیں۔ قرضوں کی فراہمی میں شفافیت کو یقینی بنایا گیا ہے۔

خیال رہے کہ گزشتہ روز وزیر اعظم عمران خان نے کامیاب جوان پروگرام کی تقریب سے خطاب کرتے ہوئے کہا تھا کہ نوجوانوں پر توجہ دیں تو یہ پاکستان کو ترقی دیں گے، یہ ایک شروعات ہے انشا اللہ مزید منصوبے بھی آئیں گے۔

وزیر اعظم نے کہا تھا کہ ایک لاکھ 90 ہزار خواتین نے قرضوں کے لیے درخواستیں دیں، پروگرام کی بڑی بات یہ ہے کہ حکومت سہولت فراہم کر رہی ہے۔