اسلام آباد:سربراہ کامیاب جوان پروگرام عثمان ڈار نے کامیاب جوان اسپورٹس پروگرام کا ویڈیو ٹیزر جاری کردیا ، جس میں گلی سے گراونڈ تک، فائنل راونڈ تک خصوصی ترانے کے بول ہیں۔
تفصیلات کے مطابق کامیاب جوان اسپورٹس ڈرائیوکی لانچنگ میں2دن باقی رہ گئے ، سربراہ کامیاب جوان پروگرام عثمان ڈار نے سماجی رابطے کی ویب سائٹ ٹوئٹر پر پروگرام کا ویڈیو ٹیزر جاری کردیا۔
پاکستان میں کھیلوں کےفروغ کیلئے ملکی تاریخ کےسب سے بڑا پروگرام ”کامیاب جوان اسپورٹس ڈرائیو“ کی لانچنگ میں 2 دن باقی
ملک میں کھیلوں کی سرگرمیوں کی بحالی میں اس مہم کے تحت باصلاحیت نوجوانوں کی تلاش،سپورٹس اکیڈمیوں کا قیام اورسپرلیگز کاانعقاد شامل ہے۔ @UdarOfficial #KJSportsDrive pic.twitter.com/H6YpjXbcW0— PTI (@PTIofficial) December 4, 2021
ٹیزر میں گلی سے گراونڈ تک، فائنل راونڈ تک خصوصی ترانے کے بول ہیں ، ترانےکی شوٹنگ میں خودعثمان ڈارنےبھی حصہ لیا ہے۔
عثمان ڈارنے پیغام میں کہا کہ بس2 دن کاانتظاراور پھر آرہا ہےزبردست شاہکار، کھیلوں کےفروغ کیلئےملکی تاریخ کاسب سےبڑامنصوبہ48گھنٹوں بعد۔
یاد رہے وزیر اعظم کامیاب جوان اسپورٹس کا افتتاح چھ دسمبر کو کریں گے ، پروگرام کے تحت فٹبال ، باکسنگ ، بیٹمنٹن،جوڈو،اسکواش،والی بال اورٹینس کی اکیڈمیز بنائی جائیں گی، جس میں ایک لاکھ سےزائدنوجوان اسکلزحاصل کرسکیں گے۔
معاون خصوصی نے کہا تھا کہ کامیاب جوان پروگرام حکومت کافلیگ شپ پروگرام ہے، فٹبال کےکھیل کے لئے کراچی میں اکیڈمی بنے گی جبکہ باکسنگ کیلئے بینظیر شہید یونیورسٹی لیاری میں بنا رہے ہیں۔
