اسلام آباد: وزیراعظم عمران خان نے قندھار واقعے کی مذمت کرتے ہوئے قیمتی جانوں کے ضیاع پر افسوس کا اظہار کیا ہے.
تفصیلات کے مطابق وزیراعظم پاکستان نے قندھار حملے پر گہرے رنج و غم کا اظہار کیا.
وزیراعظم نے کہا کہ افغان فورسز اور عوام نے دہشت گردی کی بھاری قیمت ادا کی، پاکستان مشکل کی اس گھڑی میں افغان حکومت اور عوام کے ساتھ کھڑا ہے.
وزیراعظم عمران خان نے کہا کہ پاکستان افغانستان میں امن اورا ستحکام کا خواہاں ہے، افغانستان میں قیام امن خطے کی ترقی کے لئے ضروری ہے.
عمران خان نے کہا کہ پاکستان اس طرح کے واقعات و سانحات کا شکارہوچکا ہے، پاکستان افغان عوام کے درد کو محسوس کرسکتا ہے.
Condemnable terrorist attack targeting Kandahar’s governor, police chief & Intel chief. Our condolences & prayers go to President Ghani, the families of the victims & the ppl of Afghanistan. Peace & security of Pakistan is inextricably linked to peace & security in Afghanistan.
— Imran Khan (@ImranKhanPTI) October 18, 2018
واضح رہے کہ آرمی چیف جنرل قمر جاوید باجوہ کی جانب سے بھی قندھار حملے کی مذمت کرتے ہوئے کہا کہ افغانستان میں امن کی خواہش کا اظہار کیا گیا ہے.
مزید پڑھیں: آرمی چیف کی قندھار حملے کی مذمت، افغانستان میں امن کے ہر اقدام کی حمایت کا اعلان
یاد رہے کہ آج افغان صوبے قندھار کے گورنر ہاؤس میں ہونے والے دہشت گرد دھماکے میں صوبائی پولیس چیف اور خفیہ ایجنسی کے مقامی چیف ہلاک اور گورنر شدید زخمی ہو گئے تھے۔ چند خبررساں اداروں کی جانب سے گورنر کی ہلاکت کی اطلاعات بھی موصول ہوئیں۔
