ARYNews.tv | Urdu – Har Lamha Bakhabar

Tag: Kangana Ranaut

  • کنگنا رناوت نے اپنے لئے نئی مشکل کھڑی کرلی ؟

    کنگنا رناوت نے اپنے لئے نئی مشکل کھڑی کرلی ؟

    بھارتی اداکارہ کنگنا رناوت نے حال ہی میں سیاست میں قدم رکھا ہے، اداکارہ اپنے متنازع بیانات کے باعث خبروں میں رہنے کا ہنر جانتی ہیں۔

    بھارتی میڈیا رپورٹس کے مطابق انڈین نیشنل کانگریس کی سربراہ سونیا گاندھی کے خلاف جملے بازی کرنے پر کانگریس کی جانب سے بھارتی اداکارہ کو وارننگ جاری کی گئی ہے۔

    کانگریس کی جانب سے کنگنا رناوت کے اس الزام پر سخت ردعمل ظاہر کیا جارہا ہے جس میں انہوں نے کہا تھا کہ ہماچل پردیش کی کانگریس حکومت نے سونیا گاندھی کو قدرتی آفت کے امدادی فنڈز غیر قانونی طور پر منتقل کیے۔

    کنگنا کو وارننگ دیتے ہوئے ہماچل پردیش کے وزیر برائے تعمیرات عامہ وکرم آدتیا سنگھ کا کہنا ہے کہ وہ یا تو اپنے بیان کو واپس لیں یا قانونی کارروائی کا سامنا کرنے کے لئے تیار ہوجائیں۔

    ہماچل پردیش کے وزیر برائے تعمیرات عامہ وکرم آدتیا سنگھ نے کہا کہ اگر کنگنا اپنا بیان واپس نہیں لیتیں، تو ہم ان پر ہتک عزت کا مقدمہ دائر کریں گے۔

    انہوں نے کہا کہ کس بنیاد پر انہوں نے ایسا الزام لگایا؟ یہ انتہائی بدقسمتی ہے کہ انہوں نے سونیا گاندھی جیسی شخصیت کے خلاف بدزبانی کی۔

    وکرم آدتیا سنگھ کا کہنا تھا کہ میں کنگنا کو چیلنج کرتا ہوں کہ وہ ایک روپیہ بھی منتقل ہونے کا ثبوت پیش کریں یا سونیا گاندھی سے معافی مانگیں۔

    کنگنا رناوت کو راہول گاندھی کی تصویر بگاڑ کر پوسٹ کر مہنگا پڑ گیا

    انہوں نے مزید کہا کہ یہ ایک احمقانہ بیان ہے کہ مرکز سے آنے والے فنڈز یا ریاستی ترقیاتی فنڈز سونیا گاندھی کو دیے جا رہے ہیں۔

  • کنگنا رناوت نے بھارتی فلم سینسر بورڈ کو ’بیکار‘ قرار دیدیا

    کنگنا رناوت نے بھارتی فلم سینسر بورڈ کو ’بیکار‘ قرار دیدیا

    ممبئی: بھارت کی متنازع اداکارہ و سیاستدان کنگنا رناوت نے سنسر بورڈ آف فلم سرٹیفیکیشن کو ایک بیکار ادارہ قرار دیدیا۔

    بالی ووڈ کی اداکارہ و سیاستدان کنگنا رناوت ہندی فلم انڈسٹری کا ایک ایسا نام ہیں جو ہمیشہ سرخیوں اور تنازعات میں رہتی ہیں، کبھی اپنی ٹھوس اداکاری کی وجہ سے تو کبھی لڑائی جھگڑوں کی وجہ سے تاہم ان دنوں وہ اپنی متنازعہ فلم ’ایمرجسنی‘ کو لے کر خبروں میں ہیں۔

    فلم ایمرجنسی کو 5 ستمبر کو ریلیز کیا جانا تھا تاہم سکھ برادری کی مخالفت کے باعث ایمرجنسی کو غیر معینہ مدت کے لیے ملتوی کر دیا گیا ہے، پہلے سینسر بورڈ نے کنگنا رناوت کی فلم ایمرجنسی کو پاس نہیں کیا تھا لیکن ان اسے بھارتی فلم سینسر بورڈ نے پاس کردیا ہے۔

     کنگنا رناوت نے بھارتی چینل کو دیئے گئے انٹرویو میں ایک بار پھر اپنی بے باکی کا مظاہرہ کیا ہے اور بھارت میں او ٹی ٹی سنسر شپ کا مطالبہ کیا ہے۔

    کنگنا رناوت نے کہا کہ اس جدید دور میں ہم جس مقام پر کھڑے ہیں سچ پوچھیں تو سنسر بورڈ ایک بے کار ادارہ بن چکا ہے، میں نے گزشتہ پارلیمنٹ کے اجلاس میں بھی یہی بات اٹھائی تھی۔

    کنگنا نے او ٹی ٹی پر آنے والے کچھ مواد پر سوالات اٹھائے اور اس پر سینسر شپ کا مطالبہ کیا ہے، او ٹی ٹی پلیٹ فارم پر جاری ہونے والا مواد بھی سنسر بورڈ کے دائرہ کار میں آنا چاہیے۔

    اداکارہ نے کہا ہے کہ آج کل بچے یوٹیوب کا بہت زیادہ استعمال کررہے ہیں اور یہ ایک تشویشناک بات ہے، او ٹی ٹی پر آنے والا مواد بچوں کے لیے خطرناک ہے، ہمارے یہاں ایسا ہوتا ہے او ٹی ٹی والوں کو پیسے دیں اور اپنی پسند کی کوئی بھی چیز دیکھیں، یہ غلط ہے۔

     کنگنا رناوت نے مزید کہا ہے کہ او ٹی ٹی پلیٹ فارم مواد کو سنسر بورڈ کی سب سے زیادہ ضرورت ہے۔

    فلم ’ایمرجنسی‘ کی کہانی اداکارہ اور رکن پارلیمنٹ کنگنارناوت کی تحریر کردہ ہے، جسےاداکارہ اورزی اسٹوڈیو نے مشترکہ طور پر پروڈیوس کی ہے۔ فلم کی کہانی 1975 میں اندرا گاندھی حکومت کی جانب سے بھارت میں لگائی گئی ایمرجنسی پر مبنی ہے۔

    کنگنارناوت نے اس فلم میں سابق وزیر اعظم اندرا گاندھی کا کردار نبھایا ہے، فلم کی کاسٹ میں انوپم کھیر، شریاس تالپڑے، وشک نائر، ماہیما چوہدری اور ملند سومن بھی شامل ہیں۔

  • لوگوں نے اتنا بدنام کر دیا کہ میری شادی نہیں ہو رہی، کنگنا رناوت

    لوگوں نے اتنا بدنام کر دیا کہ میری شادی نہیں ہو رہی، کنگنا رناوت

    ممبئی: بالی ووڈ کی متنازع اداکارہ و سیاستدان کنگنا رناوت نے کہا اب لوگوں نے اتنا بدنام کر رکھا ہے، میری شادی نہیں ہونے دیتے ہیں۔

    اداکارہ کنگنا رناوت نے حال ہی میں پروگرام ’ آپ کی عدالت‘ میں شرکت کی جہاں انہوں نے شادی کے حوالے سے اپنے خیالات کا اظہار کیا۔

    سامعین میں سے کسی نے اداکارہ کنگنا سے سوال کیا کہ وہ سیاستدان سے شادی کرنا چاہیں گی یا اداکار سے، جس پر کنگنا نے جواب دیا کہ کیا کہوں میں اب اس بارے میں؟ دیکھیں میری شادی کو لے کر بہت اچھا خیال ہے، مجھے لگتا ہے کہ ہر ایک کو ساتھی کی ضرورت ہوتی ہے۔

    کنگنا کا کہنا تھا کہ ’مجھے لگتا ہے بچے ہونے چاہیے، لیکن اب لوگوں نے اتنا بدنام کر رکھا ہے کہ میری شادی نہیں ہونے دیتے ہیں۔

    اداکارہ نے کہا کہ میرے کورٹ کیسز اتنے ہیں جب بھی کسی کے ساتھ میری بات بننی شروع ہوتی ہے تو میرے گھر پولیس آجاتی ہے، اٹھا کر لے جاتی ہے، ایک بار تو میرے ہونے والے ساس سسر میرے گھر میں بیٹھے تھے تو مجھے پیش ہونے کا آڈر آگیا، جسے دیکھ کو وہ بھاگ گئے۔

    اداکارہ کنگنا رناوت نے اپنے بات جاری رکھتے ہوئے کہا کہ یہ بھی ایک سائیڈ افیکٹ ہے، بعد میں اداکارہ نے فوراً کہا کہ میں مذاق کررہی ہوں۔

    کنگنا رناوت کی فلم ’ایمرجنسی‘ جلد ریلیز ہونے والی ہے جس میں وہ سابق وزیراعظم اندرا گاندھی کا کردار ادا کر رہی ہیں، فلم میں انوپم کھیر، ماہیما چودھری، ملند سونم اور دیگر بھی اہم کرداروں میں نظر آئیں گے۔

  • ’مجھے کوئی نہیں ڈرا سکتا‘ کنگنا رناوت کا اپنے قتل کی دھمکیوں پر ردعمل

    ’مجھے کوئی نہیں ڈرا سکتا‘ کنگنا رناوت کا اپنے قتل کی دھمکیوں پر ردعمل

    ممبئی: بھارتی سیاستدان و معروف بالی ووڈ اداکارہ کنگنا رناوت اپنی نئی فلم کی وجہ سے ملنے والی قتل کی دھمکی پر اپنے ردعمل کا اظہار کیا ہے۔

    بھارتی میڈیا رپورٹ کے مطابق بھارتی سیاستدان و معروف بالی وڈ اداکارہ کنگنا رناوت کو ان کی آئندہ ریلیز ہونے والی فلم ’ایمرجنسی‘ کی نمائش سے قبل قتل کی دھمکیاں مل رہی ہیں، کنگنا رناوت کو نہ صرف دھمکی مل ہے بلکہ انہیں فلم ’ایمرجنسی‘ میں سکھ برادری کی توہین کرنے پر بھی خوب تنقید کا نشانہ بنایا جا رہا ہے۔

    کنگنا رناوت کو قتل کی دھمکی مل گئی

    لیکن ان دھمکیوں نے بھارتی اداکارہ کو متاثر نہیں کیا، ایک حالیہ انٹرویو میں کنگنا سے پوچھا گیا کہ کیا وہ یہ خطرہ مول لینے کو تیار ہیں؟ جس پر اداکارہ نے جواب دیا کہ ’مجھے یہ لوگ ڈرا نہیں سکتے، میں اس دیش کی آواز مرنے نہیں دوں گی، لوگ مجھے کچھ بھی کہیں، ملک کی یہ آواز نہیں رکے گی کیونکہ اگر میں پیچھے ہٹوں گی تو یہ لوگ سب کو خاموش کر دیں گے‘۔

    کنگنا رناوت نے کہا کہ یہ لوگ مجھے قتل کی دھمکیاں دیں، یہ لوگ چاہیں کچھ بھی کرلیں، اگر آج میں پیچھے ہٹ گئی تو یہ لوگ سب کر دھمکا کر اپنی ایک الگ تاریخ لکھیں گے، جو کہ پہلے بھی ہوچکا ہے، ہمیں تاریخ کا ایک الگ حصہ پڑھایا گیا ہے، لیکن یہ اب ہم نہیں ہونے دیں گے، ہمیں بھی ملک کے لیے کچھ کرنا ہے۔

    واضح رہے کہ فلم ’ایمرجنسی‘ 6 ستمبر کو سینما گھروں میں نمائنش کیلیے پیش کی جائے گی جس میں کنگنا رناوت اندرا گاندھی کے روپ میں نظر آئیں گی، 1975 میں پیش آئے واقعات پر مبنی فلم میں سکھوں کو منفی انداز میں پیش کرنے کا الزام لگایا گیا ہے۔

  •  بالی ووڈ میں میرا سفر شاہ رخ خان سے زیادہ مشکل تھا: کنگنا رناوت

     بالی ووڈ میں میرا سفر شاہ رخ خان سے زیادہ مشکل تھا: کنگنا رناوت

    ممبئی: بھارت کی متنازع اداکارہ و سیاستدان کنگنا رناوت نے ایک بار پھر اپنا موازنہ بالی ووڈ کے سپر اسٹار اداکار شاہ رخ خان سے کردیا۔

    بھارتی میڈیا کے مطابق کنگنا رناوت نے حال ہی میں ایک پوڈکاسٹ میں بطورِ مہمان شرکت کی جہاں اُنہوں نے اپنے کیرئیر سمیت ایک بار پھر بالی ووڈ فنکاروں پر تنقید کرتی ہوئی نظر آئیں۔

    حال ہی میں کنگنا روناوت نے اپنا موازنہ بالی ووڈ اسٹار شاہ رخ خان سے کیا تھا انہوں نے کہا تھا کہ شاہ رخ خان کی بھی فلمیں مسلسل 10 سال تک فلاپ ہوئیں پھر پٹھان سُپر ہٹ ہوئی۔

    کنگنا رناوت نے شاہ رخ اور خود کو سپر اسٹارز کی آخری نسل قرار دیدیا

    ادکارہ نے کہا تھا کہ اسی طرح میری بھی کوئین سے پہلے 7 یا 8 سال تک کوئی بھی فلم ہٹ نہیں ہوئی تھی اور پھر چند فلمیں ہٹ ہوئیں جس میں مانیکرنیکا بھی شامل ہے اور ہوسکتا ہے کہ آنے والی فلم ایمرجنسی بھی سُپر ہٹ ہوجائے۔

    ایک اور سوال کا جواب دیتے ہوئے انہوں نے کہا تھا کہ آج کل کے فنکاروں کے پاس او ٹی ٹی پلیٹ فارم ہے، جہاں وہ اپنی صلاحیتوں کا مظاہرہ کرسکتے ہیں لیکن یہ پلیٹ فارم اسٹارز نہیں بنا رہے، شاہ رخ خان اور میں، ہم اس نسل کے آخری سُپر اسٹارز ہیں اور خدا کا شکر ہے کہ ہماری اب بھی بہت ڈیمانڈ ہے۔

     

    View this post on Instagram

     

    A post shared by Raj Shamani (@rajshamani)

    تاہم اب اداکارہ نے نئے پوڈ کاسٹ میں کہا کہ میرا بالی ووڈ کا سفر شاہ رخ خان کے سفر سے زیادہ مشکل تھا، ہم دونوں کی فیملی کا اس انڈسٹری سے کوئی تعلق نہیں تھا ہم باہر کے لوگ ہیں، شاہ رخ اپنے کیرئیر کیلئے دہلی سے ممبئی آئے تھے وہ ٹاپ اسٹار بن گئے، میں پہاڑوں سے آئی ہوں۔

    کنگنا نے کہا کہ ’ لیکن شاہ رخ خان کا تعلق اس خاندان سے ہے جو انگریزی بول سکتے تھے، انہوں نے عیسائیوں کے اسکول سے تعلیم حاصل کی، ان کی والدہ مجسٹریٹ تھیں، ان کے لیے دہلی سے ممبئی کا رخ کرنا اتنا مشکل نہیں ہے، لیکن میں ایک نوجوان لڑکی تھی اور گاؤں سے آئی تھی میرا سفر ان سے زیادہ مشکل تھا‘۔

    خیال رہے کہ  کنگنا رناوت کی فلم ‘ایمرجنسی’ کا ٹریلر  حال ہی میں ریلیز ہوا ہے جس کی ہدایت کاری خود انہوں نے کی ہے۔

  • کنگنا نے مسلم ممالک کے خلاف زہر اُگلنا شروع کردیا

    کنگنا نے مسلم ممالک کے خلاف زہر اُگلنا شروع کردیا

    ممبئی: بی جے پی رکن پارلیمنٹ اور اداکارہ کنگنا رناوت نے بنگلہ دیش کی سابق وزیراعظم شیخ حسینہ کے مستعفی ہونے اور ملک چھوڑنے پر اسلامی ممالک کے خلاف زہر اگلنا شروع کردیا۔

    بھارتی میڈیا رپورٹس کے مطابق اداکارہ نے شیخ حسینہ کے بنگلہ دیش چھوڑنے والی خبر کو ٹویٹر پر شیئر کیا۔

    کنگنا رناوت کا خبر کے کیپشن میں کہنا تھا کہ بھارت ہمارے آس پاس کے سبھی اسلامک ریپبلک کی مدرلینڈ ہے، ہم اس بات سے خوش ہیں اور ہمیں فخر محسوس ہو رہا ہے کہ بنگلہ دیش کی عزت ماب وزیراعظم ہندوستان میں اپنے آپ کو محفوظ محسوس کر سکتی ہیں۔

    کنگنا نے مزید لکھا کہ لیکن وہ سبھی جو بھارت میں رہتے ہیں اور پوچھتے رہتے ہیں کہ ہندو راشٹر کیوں؟ رام راج کیوں؟ خیر یہ واضح ہے کیوں۔ کنگنا نے مزید لکھا کہ مسلم ممالک میں کوئی بھی محفوظ نہیں ہے یہاں تک کہ خود مسلمان بھی محفوظ نہیں۔

    کنگنا کا مزید کہنا تھا کہ افغانستان، پاکستان،بنگلہ دیش اور برطانیہ میں جو کچھ بھی ہو رہا ہے وہ افسوسناک ہے ہم خوش قسمت ہیں کہ ہم رام راج میں زندگی بسر کررہے ہیں۔

    اس سے قبل بالی وڈ کی اداکارہ کنگنا رناوت نے خود کو بدتمیز قرار دیتے ہوئے تنقید کا جواب دیاتھا۔ انہوں نے انسٹاگرام پر ایک اسٹوری اپڈیٹ کی جو موضوعِ بحث بن گئی تھی۔

    کنگنا رناوت اسٹوری میں لکھتی ہیں کہ اس بات پر دائیں اور بائیں بازو والے سب متفق ہیں کہ میں بہت بدتمیز، متشدد اور انتہا پسند ہوں۔

    بنگالی شوبز شخصیات بھی حسینہ واجد کی حکومت گرنے پر خوشی سے نہال

    اداکارہ نے مزید لکھا کہ مجھے تشدد پسند ہے اور تشدد کو بھی میں پسند ہوں، میں تھوڑی بگڑی ہوئی اور بہت زیادہ ضدی ہوں، اس کے علاوہ میں خطرناک حد تک باصلاحیت بھی ہوں۔

  • کنگنا رناوت کی پارلیمنٹ کی رکنیت خطرے میں پڑ گئی

    کنگنا رناوت کی پارلیمنٹ کی رکنیت خطرے میں پڑ گئی

    بھارتی فلم انڈسٹری کی اداکارہ اور برسر اقتدار بی جے پی کی رکن پارلیمنٹ کنگنا رناوت کی پارلیمنٹ کی رکنیت خطرے میں پڑ گئی۔

    بھارتی میڈیا کے مطابق ہائی کورٹ میں کنگنا رناوت کے انتخاب کو چیلنج کرتے ہوئے ایک درخواست داخل کی گئی ہے جس میں ان کے پورے انتخابی عمل کو منسوخ کرنے کا مطالبہ کیا گیا ہے۔

    ہائی کورٹ کی جانب سے کنگنا کو داخل کی گئی درخواست پر نوٹس جاری کرتے ہوئے 21 اگست تک اپنا جواب داخل کرانے کے لئے کہا گیا ہے۔

    بھارتی اداکارہ نے ہماچل پردیش کی منڈی لوک سبھا سیٹ سے 74,755 ووٹوں سے الیکشن میں کامیابی حاصل کی تھی، انہوں نے کانگریس کے امیدوار وکرمادتیہ سنگھ کو ہرایا تھا۔

    وکرمادتیہ نے 4,62,267 ووٹ حاصل کئے تھے، جبکہ کنگنا رنوت نے 5,37,002 ووٹ حاصل کیے تھے۔

    کنور کے رہنے والے لائق رام نیگی نے کنگنا رنوت کے خلاف ہائی کورٹ میں درخواست داخل کی ہے، جس پر عدالت نے بدھ (24 جولائی) کو کنگنا رنوت کو نوٹس جاری کیا ہے۔

    درخواست گزار نے کنگنا کے انتخاب کو منسوخ کرنے کا مطالبہ کرتے ہوئے کہا ہے کہ وہ عام انتخابات میں حصہ لینا چاہتے تھے۔ اس کے لیے انہوں نے منڈی لوک سبھا سیٹ سے اپنا پرچہ نامزدگی بھی داخل کیا تھا لیکن انتخابی افسر نے ان کے کاغذات نامزدگی کو بغیر کسی وجہ کے مسترد کردیا تھا۔

    لائق رام نیگی کا کہنا تھا کہ نامزدگی کے دوران مجھے کہا گیا کہ مجھے سرکاری رہائش کے لیے جاری کردہ بجلی، پانی اور ٹیلی فون کے ’نو ڈیوز‘ سرٹیفکیٹ بھی جمع کرانے ہوں گے۔ انہیں یہ سرٹیفکیٹ جمع کرانے کے لیے اگلے دن تک کا وقت دیا گیا تھا۔

    جاوید اختر نے کنگنا کی ناقابل ضمانت وارنٹ گرفتاری کے لیے درخواست دیدی

    اگلے دن جب ہم نے ریٹرننگ آفیسر کو کاغذات دیے تو انہوں نے قبول کرنے سے انکار کر دیا اور کاغذات نامزدگی بھی مسترد کر دیا۔ نیگی نے دعویٰ کیا ہے کہ اگر ان کے کاغذات قبول کر لیے جاتے تو وہ انتخابات میں کامیابی حاصل کرسکتے تھے۔

  • ’4 جون کو سب پیک اپ ہوجائے گا‘ کانگریس امیدوار نے کنگنا رناوت کو آڑے ہاتھوں لے لیا

    ’4 جون کو سب پیک اپ ہوجائے گا‘ کانگریس امیدوار نے کنگنا رناوت کو آڑے ہاتھوں لے لیا

    کانگریسی امیدوار اور ہماچل پردیش کے وزیر وکرمادتیہ سنگھ نے بالی ووڈ اداکارہ کنگنا رناوت  کو الیکشن مہم چلانے پر آڑے ہاتھوں لے لیا۔

    بھارتی میڈیا رپورٹ کے مطابق ہماچل پردیش کے پارلیمانی حلقہ سے کانگریس کے امیدوار اور وزیر وکرمادتیہ سنگھ نے کہا ہے کہ سیاست میں عوامی خدمت کے لیے بہت زیادہ وقت دینا پڑتا ہے، جو کہ بھارتیہ جنتا پارٹی (بی جے پی) کی امیدوار اور فلم اداکارہ کنگنا رناوت کے پاس نہیں ہے۔

     کانگریس کے امیدوار نے کہا کہ کنگنا روناوت کی پوری فلم کی شوٹنگ 4 جون کو پیک ہو جائے گی، آج وہ خود کو ہماچل کی بیٹی کہتی ہیں لیکن میڈیا کو دیے گئے انٹرویوز میں انہوں نے کبھی خود کو ہماچل کا نہیں بتایا۔

    وکرمادتیہ سنگھ نے کہا کہ انہوں نے کہا کہ آج اگرچہ منالی میں میرا بڑا گھر ہے لیکن مجھے یہاں کے لوگوں سے کوئی محبت نہیں ہے، جب ہماچل پر بُرا وقت آیا تو انہوں نہ کسی کی مدد کی اور نہ ان کی خیریت دریافت کی۔

    کانگریس کے امیدوار نے مزید کہا کہ جب سابق بی جے پی حکومت نے انہیں ریاست کا سفیر بننے کے لئے کہا تھا تو انہوں نے سرکار سے ایک دان کا 45 لاکھ روپے مانگے تھے۔

    دوسری جانب کانگریس لیڈر جگت سکھ نے اپنی انتخابی میٹنگ سے خطاب کرتے ہوئے نے کہا کہ بی جے پی نے اپنے سینئر لیڈروں کو نظر انداز کرتے ہوئے ایک ایسی اداکارہ کو میدان میں اتارا ہے جو اپنی باتوں اور کام کاج سے تنازعات میں گھری ہوئی ہیں۔

  • امیتابھ بچن کے بعد بالی ووڈ میں سب سے زیادہ عزت مجھے ملتی ہے، کنگا کا دعویٰ

    امیتابھ بچن کے بعد بالی ووڈ میں سب سے زیادہ عزت مجھے ملتی ہے، کنگا کا دعویٰ

    تنازعات کا شکار رہنے والی بالی ووڈ اداکارہ کنگنا رناوت نے کہا ہے کہ امیتابھ بچن کے بعد بالی ووڈ کی سب سے قابل احترام شخصیت وہ ہیں۔

    بالی ووڈ اداکارہ کنگنا رناوت کا اپنا موازنہ انڈسٹری کے بڑے سُپر اسٹارز سے کرنے کا سلسلہ جاری رکھاہے، حال ہی میں کنگنا رناوت کی ایک ویڈیو سوشل میڈیا پر وائرل ہورہی ہے جس میں انہیں اپنا موازنہ بالی ووڈ کے شہنشاہ امیتابھ بچن سے کرتے سنا جا سکتا ہے۔

    بھارتی میڈیا رپورٹس کے مطابق رواں برس بھارتیہ جنتا پارٹی (بی جے پی) کے ٹکٹ پر بھارت میں ہونے والے عام انتخابات میں حصہ لینے جارہی ہیں، اسی سلسلے میں وہ ان دنوں سیاسی ریلیوں اور جلسوں میں مصروف ہیں۔

    وائرل ویڈیو میں کنگنا رناوت کو انتخابی ریلی کے دوران یہ کہتے ہوئے سنا جا سکتا ہے کہ ’ سارا دیش حیران ہے کہ میں بیٹی، وہ کنگنا، چاہیں راجستھان چلے جاؤ، چاہے مغربی بنگال چلے جاؤ، چاہے دہلی چلے جاؤ، چاہے منی پور چلے جاؤ، ایسا لگتا ہے کہ مانو اتنا پیار اور اتنا سمان (عزت)، میں دعوے سے کہہ سکتی ہوں کہ امیتابھ بچن جی کے بعد آج کسی کو انڈسٹری میں ملتا ہے اتنا عزت ملتا ہے تو وہ مجھے ملتا ہے‘۔

    اس سے قبل بھی ایک انٹرویو میں انہوں نے اپنا موازنہ شاہ رخ خان سے کیا تھا، کنگنا رناوت نے اپنا موازنہ بالی ووڈ کے کنگ خان سے کرتے ہوئے یہ دعویٰ بھی کیا تھا کہ شاہ رخ خان اور میں، ہم سُپر اسٹارز کی آخری نسل ہیں اور خدا کا شکر ہے کہ ہماری اب بھی بہت ڈیمانڈ ہے۔

     

    View this post on Instagram

     

    A post shared by HideSide magazine (@hidesidemagazine)

  • مودی سرکار نے کنگنا رناوت کو خوشخبری سنادی

    مودی سرکار نے کنگنا رناوت کو خوشخبری سنادی

    بھارت کی مودی سرکار نے بھارتی اداکارہ کنگنارناوت کو بڑی خوشخبری سنادی، بی جے پی حکومت نے اداکارہ کو آئندہ انتخابات کے لئے ٹکٹ سے نواز دیا۔

    بین الاقوامی خبر رساں ادارے کی رپورٹ کے مطابق بی جے پی نے اتوار کو ملکی ایوان زیریں (لوک سبھا) کے انتخابات کے لیے 111 امیدواروں کی اپنی پانچویں فہرست جاری کی جس میں بھارتی اداکارہ کنگنا رناوت کا نام بھی شامل تھا۔

    بھارتی میڈیا کا اس حوالے سے کہنا ہے کہ کنگنا رناوت ہماچل پردیش کے شہر مندی سے بی جے پی کے ٹکٹ پر لوک سبھا کا الیکشن لڑیں گی۔

    بھارتی اداکارہ کنگنا رناوت نے بی جے پی کی جانب سے ٹکٹ ملنے پر سوشل میڈیا پر بیان جاری کرتے ہوئے پارٹی کا شکریہ ادا کیا اور اسے اپنے لئے ایک اعزاز قرار دیا۔

    واضح رہے کہ بھارت کا الیکشن کمیشن ملکی ایوان زیریں (لوک سبھا) کے انتخابات کی تاریخوں کا اعلان کرچکا ہے۔

    اس سے قبل اکثر اپنے متنازع بیانات کی وجہ سے سرخیوں میں رہنے والی بالی وڈ کی معروف اداکارہ کنگنا رناوت نے ڈارک ویب سے متعلق بڑا انکشاف کیا تھا۔

    میڈیا رپورٹس کے مطابق کنگنا رناوت نے انکشاف کیا ہے کہ نامور فلمی شخصیات ڈارک ویب کا استعمال کرتی ہیں۔ اداکارہ کے مذکورہ بیان نے نیا تنازع کھڑا کر دیا ہے۔

    ٹیلی کام ریگولیٹری اتھارٹی آف انڈیا (ٹی آر اے آئی) کی جانب سے کالر آئی ڈی ڈسپلے کی تجویز سامنے آنے کے بعد کنگنا رناوت نے ڈارک ویب سے متعلق خدشات پر بات کی۔

    مردوں کو ’ہینڈ بیگ‘ کہنے پر کنگنا رناوت کی ٹوئنکل کھنہ پر سخت تنقید

    انہوں نے اپنی انسٹاگرام اسٹوری میں دعویٰ کیا کہ بہت ساری معروف فلمی شخصیات نہ صرف ڈارک ویب کا استعمال کرتی ہیں بلکہ اس کے ذریعے منموعہ مواد تک رسائی اور واٹس ایپ اور ای میلز کی طرح نجی گفتگو کو ہیک کرتی ہیں۔