ARYNews.tv | Urdu – Har Lamha Bakhabar

Tag: Kanwar Arsalan

  • اداکارہ فاطمہ آفندی کے گھر خوفناک حادثہ

    اداکارہ فاطمہ آفندی کے گھر خوفناک حادثہ

    پاکستان شوبز انڈسٹری کی جوڑی اداکارہ فاطمہ آفندی اور اداکار کنور ارسلان کے گھر  ایک خوفناک حادثہ پیش آیا ہے۔

    اداکار کنور ارسلان نے انسٹاگرام اکاؤنٹ پر اسٹوری شیئر کی جس میں انہوں نے مداحوں کو مطلع کیا کہ ان کے گھر آتشزدگی کا واقعہ پیش آیا ہے۔

    کنور ارسلان کی جانب سے شیئر کردہ تصویر میں دیکھا جاسکتا ہے کہ وہ آگ سے متاثر گھر کے حصے کی صفائی کررہے ہیں، اس خبر نے ان کے چاہنے والوں کو پریشان کردیا۔

     

    View this post on Instagram

     

    A post shared by Galaxy Lollywood (@galaxylollywood)

    اداکار نے تصویر کے کیپشن پر لکھا ہمارے گھر آگ لگ گئی تھی، تمام اہلخانہ محفوظ اور خیریت سے ہیں، ساتھ ہی انہوں نے مداحوں سے دعاؤں کی درخواست بھی کی۔

    واضح رہے کہ فاطمہ آفندی، سعد قریشی اور شازیل شوکت ڈرامہ سیریل عداوت میں اداکاری کے جوہر دکھا رہے ہیں، عداوت انتقام لینے والی اریبہ کی کہانی ہے جو خاندان کو نقصان پہنچانا چاہتی ہے جب اسے اپنی بڑی بہن کی موت کے بعد بہنوئی سے شادی کرنے پر مجبور کیا جاتا ہے۔

  • کیسے پتہ چلتا ہے کہ بیگم کا موڈ خراب ہے؟ مہمانوں کا دلچسپ جواب

    کیسے پتہ چلتا ہے کہ بیگم کا موڈ خراب ہے؟ مہمانوں کا دلچسپ جواب

    معروف اداکار کنور ارسلان اور کرکٹر اظہر علی نے بتایا کہ اگر بیگم کا موڈ خراب ہو تو کس مشترک چیز سے اس کا علم ہوتا ہے۔

    تفصیلات کے مطابق اداکارہ فاطمہ آفندی، ان کے شوہر کنور ارسلان اور کرکٹر اظہر علی نے اے آر وائی ڈیجیٹل کے پروگرام دا فورتھ امپائر میں شرکت کی۔

    میزبان فہد مصطفیٰ نے مہمانوں سے دلچسپ سوالات کیے۔

    ارسلان سے پوچھا گیا کہ آپ کو کیسے علم ہوتا ہے کہ آپ کی بیگم کا موڈ خراب ہے؟ ارسلان نے بتایا کہ اگر بیگم خاموش ہوں تو اس کا مطلب ہے یہ طوفان سے پہلے کی خاموشی ہے۔

    کرکٹر اظہر علی نے کہا کہ میں بھی اس کی تصدیق کرسکتا ہوں کہ اگر روز مرہ کی گپ شپ نہ ہورہی ہو اور بیگم خاموش ہوں تو اس کا مطلب ہے کہ ان کا موڈ خراب ہے۔