Tag: karachi Bank Dacioty

  • کراچی:گلستان جوہر میں بینک ڈکیتی کی کوشش ناکام

    کراچی:گلستان جوہر میں بینک ڈکیتی کی کوشش ناکام

    کراچی: گلستان جوہر کے علاقے میں بینک ڈکیتی کی کوشش ناکام بنا دی گئی، مسلح ملزمان کی فائرنگ سے سیکیورٹی گارڈ زخمی ہوگیا۔

    کراچی کے علاقے گلستان جوہر میں واقع نجی بینک میں تین مسلح افراد ڈکیتی کی نیت سے داخل ہوئے، بینک کے سیکیورٹی گارڈ نے مزاحمت کرتے ہوئے ملزمان پر فائرنگ کی، جس پر ملزمان فرار ہوگئے تاہم فرار ہوتے ملزمان کی جوابی فائرنگ سے سیکیورٹی گارڈ زخمی ہوگیا۔

    سیکیورٹی گارڈ کو طبی امداد کے لئے ہسپتال منتقل کردیا گیا ہے، پولیس کے مطابق واردات کی سی سی ٹی وی فوٹیج محفوظ ہے، جس کی مدد سے ملزمان کی گرفتاری جلد عمل میں لائی جائے گی۔

  • بینک ڈکیتی کے ملزم سی سی ٹی وی فوٹیج کی مدد سے گرفتار

    بینک ڈکیتی کے ملزم سی سی ٹی وی فوٹیج کی مدد سے گرفتار

    کراچی : نمائش چورنگی پر بینک میں گھسنے والے ڈاکو سی سی ٹی وی فوٹیج کی مدد سے گرفتار کر لئے گئے ہیں، واردات کی فوٹیج اے آر وائی نیوزنے حاصل کرلی ہے۔

    سی سی ٹی وی فوٹیج میں دیکھا جا سکتا ہے کہ چار ملزمان ایم اے جناح روڈ پر واقع نجی بینک میں داخل ہوئے اور اسلحے کے زور پر عملے کو یرغمال بنایا تاہم سیکورٹی گارڈ اور پولیس اہلکار کی مزاحمت پر ملزمان فائرنگ کرتے ہوئے فرار ہوگئے۔

    پولیس نے سترہ جولائی کو ہونے والی اس واردات کے دو ملزمان کو فوٹیج کی مدد سے گرفتار کرلیا ہے۔

    پولیس کے مطابق ملزم ارشد اورخالد کا تعلق جہادی تنظیموں سے ہے، جو متعدد وارداتوں میں ملوث ہیں، ملزمان کے ساتھیوں کی گرفتاری کے لئے چھاپے مارے جا رہے ہیں۔