کراچی :ترجمان سندھ حکومت کے مطابق سرکلرریلوے پر آج سے کام شروع کردیاجائیگا. ایک ہفتے میں رپورٹ وزیراعلی کو پیش کی جائے گی۔
تفصیلات کے مطابق ترجمان سندہ حکومت کے مطابق شہر قائد میں پبلک ٹرانسپوٹ مسائل کے حل کے لئے آج سے سرکلرریلوے کا کام شروع کردیا جائےگا۔
وزیراعلی سندھ مراد علی شاہ کی ہدایت کے مطا بق ڈپٹی کمشنرزکو ہدایت کی کہ وہ سروے کا جائزہ لیں اور ایک ہفتے میں رپورٹ پیش کریں.جس میں تجاوازت ہٹانے کے حوالے سے حکمت عملی مرتب کی جائیگی۔
وزیراعلی سندھ مراد علی شاہ نے کہا ہے کہ سرکلرریلوے پراہلیانِ کراچی کے خدشات ختم کریں گے. انہوں کہا کہ تجاوازت کے خاتمے کے لئے عوام کو اعتماد میں لیں گے۔
مزید پڑھیں : کراچی سرکلرریلوے کی بحالی کیلیے وزیراعلیٰ سندھ متحرک ہوگئے۔
گذشتہ روز وزیراعلیٰ سندھ سیکریٹریٹ میں مراد علی شاہ کی زیر صدارت سرکلرریلوے کے حوالے سے اجلاس منعقد ہوا تھا۔جس میں وزیر اعلیٰ سندھ کوسرکلرریلوے کی زمین پر قائم تجاوازت سے آگاہ کیا گیا تھا۔ اجلاس میں مراد علی شاہ کو بتایا گیا تھا کہ تین سو ساٹھ ایکڑ کےرقبے پر محیط ٹریک میں سے سڑسٹھ ایکڑ پرتجاوازت قائم ہیں۔ اس کے علاوہ پانچ ہزار چھ سوترپن مکانات سرکلر ٹرین کے ٹریک پر آگئے ہیں۔
گذشتہ روزاجلاس کے دوران وزیراعلی سندھ کو یہ بھی بریف کیا گیا کہ مختلف عمارتیں جن کی تعداد دوہزار نوسو ستانوے ہیں وہ بھی ٹریک پر قابض ہیں۔
