Tag: karachi crime

کراچی : گھروں میں چوریاں کرنے والی ماسیوں سمیت پانچ ملزمان گرفتار

کراچی : پولیس نے گھروں کا صفایا کرنے ولی دو ماسیوں کو گرفتار کرلیا جبکہ رینجرز نے ڈکیتی اور اسٹریٹ کرائم میں ملوث 3 ملزمان کو حراست مین لے لیا، ملزمان کے قبضے سے اسلحہ اور لوٹ اہوا مال برآمد کرلیا گیا۔

تفصیلات کے مطابق کراچی کے علاقے گلشن اقبال بلاک چار میں گھریلو ماسیوں نے گھرکا صفایا کرڈالا، لاکھوں روپے اور زیورات برآمد کرلیے گئے۔

پولیس کے مطابق دونوں چورماسیوں کو گرفتارکرکے لاکھوں روپے اور زیورات برآمد کرلیے، ماسیوں کیخلاف مقدمہ درج کرلیا گیا ہے۔ گرفتارماسیاں عصمہ اور ثنا آپس میں سگی بہنیں ہیں،دونوں بہنیں گزشتہ دنوں ساہیوال سے مسافر کوچ کے ذریعے کراچی آئیں، دونوں چور ماسیوں نے کراچی آکر کینٹ اسٹیشن کے قریب مسافرخانے میں رہائش اختیارکی۔

پولیس کے مطابق چور ماسیوں نے گزشتہ دنوں ہی خورشید نامی شہری کے گھر ملازمت اختیار کی، گرفتار ہونے والی چور ماسیوں کے اہل خانہ ساہیوال میں ہی مقیم ہیں،گرفتار چور ماسیوں کے قبضے سے چوری کیے گئے زیور اور رقم برآمد کرلی گئی ہے۔

علاوہ ازیں کراچی کے علاقے گلستان جوہر میں رینجرز نے کارروائی کرکے ڈکیتی اور اسٹریٹ کرائم میں ملوث تین ملزمان گرفتار کرلیے، ملزمان کو سی سی ٹی وی فوٹیج کی مدد سے گرفتار کیا گیا۔

ترجمان رینجرز کے مطابق کارروائی پرفیوم چوک کے قریب کی گئی، گرفتار ملزمان میں تابش ندیم، محمد یاسر علی اور فرقان رشید شامل ہیں، ملزمان کراچی کے مختلف علاقوں میں ڈکیتی اور اسٹریٹ کرائم کی متعدد وارداتوں میں ملوث ہیں۔

ملزمان نے نارتھ ناظم آباد، گلشن اقبال، ہائی وے اور لیاقت آباد سے ملحقہ علاقوں میں ڈکیتی کی متعدد وارداتیں کی،اس گروہ نے 20 مئی 2019 کو بلاک جے نارتھ ناظم آباد میں ہائی فلائی سی این جی اسٹیشن پر 8 لاکھ روپے کی ڈکیتی کی اور19جون کو بفرزون کلینک پر ڈکیتی کی واردات کی جس کی سی سی ٹی وی فوٹیج کی مدد سے ملزمان کو شناخت کیا گیا۔

جون 26, 2019
کراچی : سو سے زائد گاڑیاں چوری کرنے والے ڈاکو سمیت سات ملزمان گرفتار

کراچی : پولیس نے سو سے زائد گاڑیاں چوری کرنے والے گروہ کے کارندے کو گرفتار کرلیا، گروہ میں خاتون سمیت پانچ ملزمان شامل ہیں، رینجرز نے دو ڈاکوؤں سمیت چھ ملزمان کو حراست میں لے کر اسلحہ برآمد کرلیا۔

تفصیلات کے مطابق کراچی میں پولیس نے کامیاب کارروائی کرکے گاڑیاں چوری کی سنچری کرنے والا ملزم گرفتار کرلیا، ملزم کامران جان کو خفیہ اطلاع پر ڈیفنس سے گرفتار کیا گیا۔

پولیس کے مطابق ملزم شکارپور سے آکر لوگوں کےگھروں میں ڈرائیونگ کرتا تھا، ملزم کے گروہ میں خاتون سمیت پانچ ملزمان شامل ہیں، ملزمان نے تین سال کے دوران کارچوری کی سنچری بنائی، مذکورہ گروہ کراچی سے گاڑیاں چوری کرکے بلوچستان میں فروخت کرتا تھا۔

علاوہ ازیں رینجرز نے کراچی کے مختلف علاقوں میں کارروائیاں کرکے چھ ملزمان کو گرفتار کرلیا، ملزمان میں اسٹریٹ کرمنل اور ڈکیت شامل ہیں۔

اس حوالے سے ترجمان رینجرز کا کہنا ہے کہ ملزمان سے اسلحہ، گولیاں اور مسروقہ سامان برآمد کرلیا گیا ہے، ماڈل کالونی سے دو اسٹریٹ کرمنلز کو گرفتار کیا گیا۔

ملزمان اسٹریٹ کرائم کی متعدد وارداتوں میں ملوث ہیں، اس کے علاوہ لانڈھی، شاہ فیصل کالونی اورعوامی کالونی سے چار ڈکیت گرفتار کیے گئے۔

اپریل 28, 2019
کراچی : ڈاکوؤں کی فائرنگ سے زخمی لڑکی زخموں کی تاب نہ لاتے ہوئے چل بسی

کراچی : نارتھ کراچی میں مبینہ پولیس مقابلے میں زخمی ہونے والی لڑکی دم توڑ گئی، یو پی موڑ کے قریب نامعلوم افراد کی فائرنگ سے دو افراد جاں بحق ہوگئے۔

تفصیلات کےمطابق کراچی میں ڈاکوؤں کی دیدہ دلیریاں جاری ہیں، کراچی کے علاقے نارتھ کراچی میں انڈا موڑ پر ہونے والے مبینہ پولیس مقابلے میں زخمی ہونے والی لڑکی دوران علاج دم توڑ گئی۔

مبینہ مقابلے کے عینی شاہد نیازعالم کا کہنا ہے کہ دو ملزمان ایک لڑکی سے لوٹ مار کررہے تھے کہ لڑکی کے شورمچانے پر ملزمان نے فائرنگ کردی۔

اس دوران شاہراہ نورجہاں پولیس پہنچی اور ملزمان پر فائرنگ کردی، جس سے زخمی ہوکر دونوں ڈکیت گرگئے عینی شاہد کے مطابق پولیس نے دونوں ڈاکوؤں کو پکڑا اور موبائل میں ڈال کر لے گئے۔

موقع پر موجود لوگوں نے زخمی لڑکی کو رکشے میں ڈال کرقریبی اسپتال منتقل کیا، بعد ازاں طبی امداد کے دوران مذکورہ لڑکی زخموں کی تاب نہ لاتے ہوئے جاں بحق ہوگئی۔

علاوہ ازیں یو پی موڑ کے قریب نامعلوم افراد کی فائرنگ سے دو افراد جاں بحق ہوگئے، جائے وقوعہ سے نائن ایم ایم پستول کی گولیوں کے خول ملے ہیں، جاں بحق افراد کا تعلق کوئٹہ سے تھا، دونوں مقتولین کی میتیں ایمبولینس کے ذریعے کوئٹہ روانہ کر دی گئیں۔

فروری 23, 2019
سال 2017: کراچی میں مختلف واقعات میں 429 افراد کا قتل

کراچی : دو ہزار سترہ میں بھی کراچی کے ٹارگٹ کلرز کو لگام نہ ڈالی جا سکی، پولیس، رینجرز اور قانون نافذ کرنے والے اداروں کی محنت کے سبب اتنا ضرور ہوا ہے کہ وارداتوں میں کمی ضرور آگئی۔

تفصیلات کے مطابق شہر قائد جرائم کے انڈکس پر چھٹے نمبر سے باون وے نمبر پر تو آ گیا لیکن یہ اس سال بھی ٹارگٹ کلنگ نہ رک سکی۔

سال دوہزار سترہ 429افراد کو مختلف واقعات میں قتل کیا گیا، جن میں 46 افراد کی ٹارگیٹ کلنگ بھی شامل ہے، جبکہ گزشتہ سال قتل ہونے والوں کی تعداد 504تھی جن میں 89افراد کی ٹارگیٹ کلنگ ہوئی۔

رواں سال 49افراد کو دوران ڈکیتی مزاحمت پر قتل ہوئے، سب سے زیادہ قتل کے واقعات ضلع ملیر اوویسٹ میں رپورٹ ہوئے، جبکہ ضلع ساؤتھ میں صرف گیارہ افراد قتل ہوئے۔

رواں سال سائیٹ میں چار پولیس اہلکاروں کی افطاری کے دوران ٹارگیٹ کلنگ، بہادر آباد میں دو اہلکار، عزیز آباد میں ڈی ایس پی اور محافظ کا قتل ، بلوچ کالونی میں ریٹائرڈ افسر کا قتل کیا۔

بفرزون میں عید کی صبح سندھ اسمبلی میں اپوزشن لیڈر خواجہ اظہار پر قاتلانہ حملہ بھی کیا گیا جس میں وہ بال بال بچ گئے لیکن ان کا محافظ اور راگیر بچہ جان کی بازی ہار گیا۔

کراچی میں ہونے والی بیشتر ٹارگیٹ کلنگ میں انصالشریہ ملوث پائی ، جس کا رینجرز اور حساس اداروں نے قلع قمع کیا لیکن کئی واقعات ایسے بھی ہیں جن کا پولیس ابتک کوئی سراغ نہیں لگا سکی۔

عداد شمار بتاتے ہیں کہ پولیس اور رینجرز کی محنت کے باعث سال دوہزار سترہ دہشتگردی اور ٹارگیٹ کلنگ کے لحاظ سے گزشتہ سالوں کی نسبت بہتر رہا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

دسمبر 20, 2017
کراچی: بوڑھےافراد بھی موٹرسائیکل چوری میں ملوث نکلے

کراچی : عزیزآباد میں بوڑھے موٹرسائیکل لفٹروں کی جوڑی پولیس کیلئے درد سربن گئی، دس روز میں واٹرپمپ کے قریب سے کئی موٹرسائیکلیں چوری کر لی گئیں۔

تفصیلات کے مطابق شہر قائد میں ضعیف العمر افراد بھی موٹر سائیکل چوری کی وارداتوں میں ملوث نکلے، عزیز آباد میں عمر رسیدہ دو رکنی موٹر سائیکل گروہ تاحال پولیس کی گرفت میں نہ آسکا۔

ملزمان کی عمریں ستر سال کے قریب ہیں جس کی وجہ سے ان پر کوئی شک بھی نہیں کرتا، گزشتہ دس دن کے دوران کئی افراد اپنی موٹر سائیکلوں سے محروم ہوگئے۔

مزید پڑھیں: کراچی سے موٹرسائیکلیں چھیننے والے گروہ کے دو کارندے گرفتار

آج ہونے والی موٹر سائیکل چوری کی فوٹیج اے آر وائی نیوزنے حاصل کرلی، فوٹیج میں دیکھا جاسکتا ہے کہ دو عمر رسیدہ ملزمان ایک سنسان گلی میں پہنچے۔

مزید پڑھیں: کراچی، موٹرسائیکل چوری میں لنگڑا گروپ سرگرم

ایک ملزم نے اترکر موٹرسائیکل کا تالا توڑاجس کے بعد یہ عمر رسیدہ چور چند لمحوں میں موٹرسائیکل اسٹارٹ کرکے فرار ہونے میں کامیاب ہوگئے، فوٹیج میں دونوں ملزمان کے چہرے واضح طور پر دیکھے جاسکتے ہیں۔

مزید پڑھیں: کورنگی، ڈکیتی کی کوشش ناکام، ڈاکو موٹرسائیکل چھوڑ کرفرار

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ستمبر 28, 2017
ماہِ رمضان کے پندرہ دن کراچی والوں پر قیامت بن کرٹوٹے

کراچی : رحمتوں بھرے مہینے میں قتل، چھینا جھپٹی، لوٹ مار کےواقعات کتنے ہوئے، سیٹیزن پولیس لیاژان کمیٹی نے رپورٹ جاری کردی۔

تفصیلات کے مطابق پولیس کے جرائم پر قابو پانے کے بڑے بڑے دعوے دھرے کے دھرے رہ گئے ، جرائم پیشہ افراد کی مجرمانہ کارروائیاں جاری ہے، ماہِ رمضان کے پندرہ دن کراچی والوں پر قیامت بن کرٹوٹے۔

پولیس اسٹریٹ کریمنلز کے سامنے بظاہر بے بس رہی ، سی پی ایل سی کی جاری کردہ رپورٹ کےمطابق رحمتوں بھرے مہینے میں گیارہ افراد کو قتل کیا گیا۔

مزید پڑھیں : شہر قائد میں 5 ماہ میں فائرنگ اور پرتشدد واقعات میں 157 افراد قتل کردیئے گئے

رپورٹ میں جمع کیےگئے ڈیٹا کے مطابق ڈاکوؤں اور چوروں نے شہریوں کو ستاون کاروں اور ایک ہزار تراسی موٹر سائیکلوں سے محروم کردیا جبکہ شہریوں کے ایک ہزار ایک سو سے زیادہ موبائل فونز اسٹریٹ کریمنلز لے اڑے جبکہ بھتہ خوری کے بھی چار واقعات سامنے آئے۔

رپورٹ میں کہا گیا ہے کہ لوٹ مار کی بیشتر وارداتیں شاپنگ سینٹرز کے اطراف میں کی گئی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جون 13, 2017
گلستان جوہر: مقابلے میں ایک ڈاکو ہلاک، کارروائیوں میں چارگرفتار

کراچی : گلستان جوہر میں مبینہ پولیس مقابلہ ہوا ہے، پولیس نے ایک ڈکیت ہلاک اور دوسرے کو زخمی حالت میں گرفتار کرکے اسلحہ اور لوٹا ہوا سامان برآمد کرنے کا دعویٰ کیا ہے، پولیس نے اورنگی ٹاؤن میں کارروائی کر کے لوٹ مار میں ملوث تین ملزمان کو حراست میں لے لیا۔

پولیس حکام سے ملنے والی تفصیلات کے مطابق مقابلے کے بعد گرفتار ہونے والا ملزم اپنے دیگر دو ساتھیوں کے ساتھ گلستان جوہر بلاک 7 میں ڈکیتی کی نیت سے داخل ہوئے جس پر پولیس موقع پر پہنچی تو ملزمان سے فائرنگ کا تبادلہ ہوا، جس میں ایک ڈکیت موقع پرہلاک ہوگیا ۔ دوسرا ملزم زخمی حالت میں پکڑا گیا، جبکہ ایک ملزم فرار ہونے میں کامیاب ہوگیا۔

پولیس کے مطابق گرفتار ملزم کے قبضے سے لوٹا ہواسامان، زیورات، موبائل فونز، لیپ ٹاپ اور اسلحہ برآمد ہوا ہے ۔ آئی جی سندھ نے پولیس پارٹی کیلئے ایک لاکھ روپے انعام اعلان کردیا۔

دوسری جانب اورنگی ٹاؤن پولیس کی بھاری نفری نے ایم پی آر کالونی میں مخبرکی اطلاع پر چھاپہ مار کارروائی کرتے ہوئے اسٹریٹ کرائم میں ملوث 3 ملزمان کو گرفتار کر لیا۔

ملزمان نے متعدد وارداتوں میں ملوث ہونے کا اعتراف بھی کیا ہے۔ تاہم پولیس نے زیرحراست ملزمان کیخلاف مقدمہ درج کرکے تفتیش شروع کردی۔

جنوری 18, 2017
سو سے زائد وارداتیں کرنے والا کمسن لڑکوں کا گروہ گرفتار

کراچی : پولیس نے اسٹریٹ کرائم میں ملوث تین چھوٹی عمر کے ملزمان کو گرفتار کرلیا۔ پولیس کا کہنا ہے ملزمان سو سے زائد وارداتوں میں ملوث ہیں۔

تفصیلات کے مطابق شہر قائد میں اسٹریٹ کرائم بے قابو ہوگئے۔ اسٹریٹ کرائم میں بچے بڑوں کے بھی استاد بن گئے۔ کراچی بوٹ بیسن پولیس نے اسٹریٹ کرائم کی سینچری کرنے والے تین ملزمان گرفتار کرلئے۔

گرفتارملزمان کی عمریں اٹھارہ سال سے بھی کم ہیں۔ ملزمان پولیس کو کئی بڑی اور سنگین وارداتوں میں مطلوب تھے، گرفتار ملزمان میں منظم شاہ زیب عرف چیتا،الیاس عرف چھرا نعمان عرف شاہ رخ شامل ہیں۔

پولیس حکام کے مطابق ملزمان ڈیفنس، کلفٹن اور بوٹ بیسن میں سو سے زائد وارداتوں میں ملوث ہیں، ملزم منظم شاہزیب عرف چیتا کے بارے مین انکشاف ہوا ہے کہ ملزم گولیمار میں رینجرز سے مقابلے کے دوران چار منزلہ عمارت سے چھلانگ لگا کر فرار ہوا تھا۔ ملزمان کے قبضے سے اسلحہ اور دو موٹر سائیکلیں برآمد ہوئیں ہیں۔

جنوری 8, 2017
کراچی: قانون نافد کرنے والے اداروں کی ٹارگٹڈ کارروائیاں

کراچی : مختلف علاقوں میں قانون نافد کرنے والے اداروں کی ٹارگٹڈ کاروائیوں میں لیاری گینگ وار کا اہم کارندہ، سیاسی جماعت کا ایک مبینہ ٹارگٹ کلرسمیت تین ملزمان کو حراست میں لے کراسلحہ برآمد کرلیا ہے۔

کراچی میں قانون نافد کرنے والے ادارے جرائم پیشہ عناصر کیخلاف متحرک ہیں، لیاقت آباد ایف سی ایریا قبرستان کے قریب پولیس کا چھاپہ مار کر لیاری گینگ وار کا اہم کارندہ فرخ عرف مایا کو گرفتار کرلیا، ملزم ایس ایچ او سول لائن سمیت متعدد افراد کی ٹار گٹ کلنگ میں مطلوب تھا۔

کراچی کے علاقے شاہ فیصل کالونی نمبر ایک میں پولیس نے چھاپہ مار کر ایک ملزم کو حراست میں لے لیا، ذرائع کا کہنا ہے کہ ملزم بدنام ٹارگٹ کلر حامد عرف پیا کا دست راست ہے، جس کا تعلق سیاسی جماعت کے عسکری ونگ سے ہے۔

اس سے قبل ناظم آباد پولیس نے خفیہ اطلاع پر کاروائی کرتے ہوئے ایک ملزم دانش احمد عرف شمسی کو گرفتار کر لیا، پولیس کا کہنا ہے کہ پکڑا گیا ملزم بھتہ خوری اور اسٹریٹ کر ائم کی متعدد وارداتوں میں مطلوب ہے۔

دوسری جانب جمشید کوارٹرپولیس نے ڈکیتی کو ناکام بنادیا جبکہ مارٹن روڈ پر گھر میں ڈکیتی کے دوران پولیس نے اطلاع ملتے ہی بروقت کاررائی کی اور ایک ڈاکو گرفتار کرلیا جبکہ دو فرار ہوگئے۔

ناظم آباد میں پولیس نے وصولی کرتے بھتہ خور کو گرفتار کرلیا، بھتہ خور کے قبضے سے اسلحہ اور موبائل فون برآمد کرلیا ہے، سہراب گوٹھ کے قریب پولیس نے کارروائی کرتے ہوئے دو ڈکیت گرفتار کرلئے جبکہ انکے قبضے سے اسلحہ اور چھینی ہوئی رقم بھی برآمد بھی ہوئی، ملیرالفلاح سوسائٹی میں فائرنگ سے ایک شخص جاں بحق بھی ہوا۔

اگست 26, 2016
جامعہ کراچی کے2ملازم سابق پولیس افسر کے قتل میں ملوث

کراچي : جامعہ کراچی کے دو ملازم سابق پولیس افسر توفیق زاہد کے مبینہ قاتل نکلے، گلبرگ پولیس کی تحقیقاتی ٹیم نے ملزمان کو گرفتار کرلیا ہے، ملزمان کا تعلق سیاسی جماعت سے ہے۔

تفصیلات کے مطابق پوليس اور رينجرز نے کارروائياں مزيد تيز کرديں، گلبرگ انوسٹي گيشن زون نے کارروائی کرکے سابق انسپکٹر توفیق زاہد کے قتل ميں ملوث دو ملزمان دھرليے ، گرفتار ملزمان کا تعلق سياسي جماعت سے ہے، ذرائع کے مطابق ملزم ريحان اور ذيشان کراچی يونيورسٹی ميں ملازم بھی ہيں۔

دوسری جانب کراچی ميں لياری کے مختلف علاقوں ميں رينجرز نے سرچ آپريشن کيا، گھر گھر تلاشي کے دوران گينگ وار بابا لاڈلہ گروپ کے سات کارندے اسلحہ سمیت گرفتار کرليے گئے ،رينجرز ذرائع کے مطابق ملزمان سے تفتيش کی جارہی ہے۔

کراچی کے علاقے ناظم آباد ميں پوليس نے مقابلے کے بعد ملزم محمد پرويز کو گرفتار کرليا،ملزم نے اسٹريٹ کرائم کي درجنوں وارداتوں کا اعتراف کيا ہے۔

جولائی 18, 2016