Tag: karachi crime

کراچی: فائرنگ سے این اے پی کے مقامی رہنماسمیت 3افراد قتل

کراچی: پاپوش نگر میں فائرنگ سے این اے پی کے مقامی رہنماء سمیت تین افراد جاں بحق ہوگئے، پولیس نے کارروائی کے بعد تہرے قتل میں ملوث ملزمان کو گرفتار کرلیا ہے۔

کراچی میں معمولی تنازعے نے تین افراد کی جان لے لی، ملزمان نے فائرنگ کے واقعے میں این اے پی کے مقامی رہنماء سمیت تین افراد کو نشانہ بنایا، مقتولین کی شناخت وزیر، سدھیر اور نواز کے نام سے ہوئی، پولیس نے واقعے بعد سرچ آپریشن کرکے تہرے قتل میں ملوث چار ملزمان کو گرفتار کرلیا ہے۔

پولیس حکام کا کہنا ہے کہ ملزمان اور مقتولین کے درمیان چند روز قبل رکشہ پارک کرنے پر جھگڑا ہوا تھا، جس پر ملزمان نے اپنے ساتھیوں کے ہمراہ فائرنگ کی۔

اس سے قبل لانڈھی میں پولیس اور جرائم پیشہ افراد کے درمیان فائرنگ کے تبادلے میں تین ملزمان مارے گئے، ملزمان کے قبضے سے اسلحہ اور موٹر سائیکل کو قبضے میں لے لیا گیا۔

جون 1, 2015
کراچی: مختلف علاقوں میں فائرنگ سے 3افراد زخمی

کراچی: بینک ڈکیتی میں پچاس لاکھ سے زائد لوٹ لئے گئے، فائرنگ کے مختلف واقعات میں خاتون سمیت تین افراد زخمی ہوگئے، ایک ڈاکو ہلاک، گٹکا فیکٹری پرچھاپہ میں تیس افراد گرفتار کرلئے گئے۔

کراچی کے علاقے بلوچ کالونی میں بینک ڈکیتی کی سی سی ٹی وی فوٹیج اے آروائی نیوز نے حاصل کرلی، گزشتہ روز سات ڈاکو نجی بینک سے پچاس لاکھ روپے سے زائد لوٹ کرلے گئے، کلفٹن بوٹ بیسن کے علاقے میں مبینہ پولیس مقابلے کے بعد ایک ملزم کو زخمی حالت میں گرفتار کرکے اسلحہ برآمد کرلیا گیا۔

ڈیفنس فیز فائیو میں مسلح موٹر سائیکل سوار کی فائرنگ سے سابق وزیرِاعلی بلوچستان نصیر مینگل کے پوتے مطیع الرحمان اور بھانجا سمیع اللہ زخمی ہو گئے، قریبی اسپتال منتقل کر دیا گیا ہے۔

لانڈھی کے علاقے میں پولیس نے کارروائی کرتے ہوئے گٹکا فیکٹری پر چھاپہ مار کر تیس افراد کو گرفتارکرلیا، پولیس فیکٹری مالک کی تلاش میں ہے۔

پورٹ قاسم کے قریب پولیس سے مڈبھیر میں ایک ڈاکو ہلاک ہوگیا جبکہ لیاقت آباد پیلی کوٹھی کےقریب نامعلوم افراد کی فائرنگ سے خاتون زخمی ہوگئیں۔

ریسکیو زرائع کے مطابق اسٹار گیٹ کے قریب جھاڑیوں سے ایک لاش برآمد ہوئی ہے، جسے ضابطہ کی کارروائی کے لئے اسپتال منتقل کردیا گیا ہے۔

اپریل 10, 2015
کراچی: گرفتار ملزم کامران عرف منا کا 14افراد کے قتل کا اعتراف

کراچی: کھارادر سے گرفتار ملزم کامران عرف منا نے چودہ افراد کے قتل کا اعتراف کرلیا، بھیم پورہ میں فائرنگ سے ایک شخص ہلاک ہوگیا۔

پولیس کے مطابق گیارہ مارچ کو کراچی کے علاقے کھارادر سے ملزم کامران عرف منا کو گرفتار کیا گیا، جس نے چودہ افراد کے قتل کا اعتراف کرلیا ۔

ملزم نے جے آئی ٹی رپورٹ میں اعتراف کیا ہے کہ اس نے اپنے ساتھیوں کے ساتھ مل کر مذہبی جماعتوں اور لیاری گینگ وار کے کارندوں کو قتل کیا جبکہ ملزم لیاری کی مارکیٹ اور مال بردار گاڑیوں سےبھتہ بھی وصول کرتا تھا۔

ملزم کی نشاندہی پر لیاری میں لکڑی کے گودام سے بُلٹ پروف جیکٹ اور بم برآمد کیے گئے ہیں۔

عدالت نے چار اپریل تک ملزم کو جسمانی ریمانڈ پر پولیس کے حوالے کردیا ہے۔

دوسری جانب لیاری کےعلاقے بھیم پورہ میں فائرنگ سےایک شخص جاں بحق ہوگیا۔

اپریل 3, 2015
کراچی:مبینہ پولیس مقابلے،6دہشتگرد ہلاک

کراچی: دہشت گردوں کے گرد گھیرا تنگ کیا جارہا ہے،پولیس کے مبینہ مقابلوں میں چھ ملزمان ہلاک جبکہ بھاری تعداد میں اسلحہ، ڈیٹونیٹر اور بارود برآمد کرلیا گیا، اورنگی ٹاون میں فائرنگ سے ایک شخص جاں بحق ہوگیا۔

کراچی کے علاقے اورنگی ٹاون سیکٹر بارہ میں نامعلوم افراد کی فائرنگ سے ایک شخص جاں بحق ہوگیا، پولیس نے لاش اسپتال منتقل کر کے ضابطہ کی کاروائی شروع کردی ہے۔

لیاری کےعلاقے کشتی چوک کے قریب پولیس سے مڈبھیڑ میں لیاری گینگ وار کے تین ملزمان ہلاک ہو گئے، ملزمان کی شناخت سمیر کچل اور راشد عرف ملا کے نام سے ہوئی۔

پولیس کا کہنا ہے کہ ہلاک ملزمان ظفر بلوچ کے قتل سمیت سوافراد کے قتل میں ملوث تھے جبکہ سمیر کچل بابا لاڈلا کا قریبی ساتھی تھا۔

اورنگی ٹاؤن ہی کےعلاقے طوری بنگش میں ایک گھر پر سی ٹی ڈی نے چھاپہ مارا، جس پرملزمان نے فائرنگ شروع کردی، مبینہ مقابلے میں دو دہشت گرد زخمی حالت میں گرفتار کر لئےگئے، جو دوران علاج دم توڑ گئے۔

ملزمان کے قبضہ سے بھاری تعداد میں اسلحہ، ڈیٹونیٹراور بارود برآمد ہوا، ساتھ ہی بارود سے بھری موٹرسائیکل بھی قبضہ میں لے لی گئی۔ قائدآباد میں مبینہ پولیس مقابلے میں ایک ملزم ہلاک ہوگیا، جس کے قبضہ سے اسلحہ بھی برآمد کیا گیا۔

مارچ 31, 2015
کراچی : پولیس کاروائی، 2ٹارگٹ کلرز سمیت متعدد گرفتار، اسلحہ برآمد

کراچی: پولیس نے مختلف کاروائیوں میں مغوی خاتون کو بازیاب کراتے ہوئےتین اغواء کاروں سمیت دو ٹارگٹ کلرز کو گرفتار کرلیا، بلدیہ ٹاون سے دس غیرملکیوں سمیت سترہ افراد گرفتارکر لئے گئے۔

رات گئے شہر کے مختلف علاقوں میں اسپیشل سیکیورٹی یونٹ نے فلیگ مارچ کیا۔

کراچی شہر جاری آپریشن میں تیزی آگئی، پولیس نے خفیہ اطلاع پر کارروائی کر تے ہوئے ماڈل کالونی میں چھاپہ مار کر مغوی خاتون کو بازیاب کرا کر تین اغواء کاروں کو گرفتار کرلیا، پولیس نے ملزمان کے خلاف مقدمہ درج کرکے تفتیش کا آغازکردیا ہے جبکہ سخی حسن کے قریب پولیس کے کاونٹرٹیررازم ڈیپارٹمنٹ نے کاروائی کرتے ہوئے دوٹارگٹ کلرز کو گرفتار کرنے کا دعویٰ کیا ہے۔

دوسری جانب بلدیہ ٹاؤن میں پولیس نے سرچ آپریشن کرکے دس غیرملکیوں سمیت سترہ ملزمان کو گرفتار کرلیا، جن میں تین مطلوب ملزمان اور چار منشیات فروش بھی شامل ہیں، ملزمان کے قبضہ سے منشیات اوراسلحہ بھی برآمد کیا گیا۔

رات گئے اسپیشل سیکیورٹی یونٹ نے شہرکےمختلف علاقوں میں فلیگ مارچ کیا، پولیس ذرائع کے مطابق فلیگ مارچ موجودہ سیکیورٹی صورتحال کے پیشِ نظر کیا جارہا ہے جبکہ حساس مقامات پرایس ایس یو کے کمانڈوز تعینات ہوں گے۔

مارچ 21, 2015
کراچی:3مقابلوں میں 2 پولیس اہلکار سمیت 3ملزمان ہلاک

کراچی: شہرِ قائد میں ہونے والے چار مقابلوں میں دوپولیس اہلکار جاں بحق اوردو زخمی ہوگئے، مقابلے ایک ٹارگٹ کلر ماراگیا اور دو دہشتگرد مارے گئے۔

کراچی میں پولیس مقابلوں میں تیزی آگئی، خالید بن ولید روڈ پرشہریوں سے لوٹ مارکرنے والے ملزمان نے پولیس پرفائرنگ کردی، فائرنگ سے اہلکار محمد معرفت جاں بحق اور مہتاب زخمی ہوگیا، ملزمان فائرنگ کرتے ہوئے فرار ہوگئے۔

اورنگی ٹاؤن کے علاقے بنارس میں بھی پولیس اورملزمان کے درمیان فائرنگ کا تبادلہ ہوا، ملزمان کی فائرنگ سے پولیس اہلکار ساجد جاں بحق اور قدیر زخمی ہوگیا۔

بلدیہ ٹاؤن میں پولیس کے مبینہ مقابلے میں گل حیدرنامی ٹارگٹ کلر مارا گیا، پولیس حکام کے مطابق ملزم متعدد مقدمات میں پولیس کومطلوب تھا۔

مارچ 18, 2015
لیاری: بم دھماکے، ایک بچی جاں بحق، 7افراد زخمی

کراچی : لیاری میں اوان بم کے دھماکے میں ایک بچی جاں بحق اور سات افراد زخمی ہوگئے۔

پولیس حکام کے مطابق لیاری مولا علی مدد چوک پر نامعلوم سمت سے فائر کیا جانے والا اوان بم ایک رکشے میں لگنے سے دھماکہ ہوا، جس کے نتیجے میں ایک دوسالہ بچی جاں بحق اور سات افراد زخمی ہوئے جبکہ رکشے کو بھی نقصان پہنچا۔

زخمیوں کو طبی امداد کیلئے سول اسپتال منتقل کیا گیا ہے، جہاں پر دو افراد کی حالت تشویشناک بتائی جاتی ہے۔

پولیس نے ابتدائی شواہد اکھٹے کرکے واقعے کی تحقیقات شروع کردی ہے ۔

دوسری جانب کراچی کے مختلف علاقوں میں فائرنگ اور پرتشدد واقعات میں چار افراد جاں بحق ہوگئے، ناردرن بائی پاس مائی گاڑی اسٹاپ پر نامعلوم افراد کی فائرنگ سے ایک شخص جاں بحق ہوا، جبکہ ابراہیم حیدری کے سمندر سے ایک لاش ملی ہے ، رات گئے کورنگی دو نمبر کے قریب فائرنگ سے ایک شخص ہلاک ہوگیا۔

پولیس کے مطابق ہلاک ہونے والے شخص کی شناخت اٹھائیس سالہ ثاقب کے نام سے ہوئی۔ جمشید کوارٹر کے قریب ڈکیتی میں مزاحمت پر سیکیورٹی گارڈ زخمی ہوگیا جسے اسپتال منتقل کیا گیا جہاں وہ دوران علاج جاں بحق ہوگیا۔

ادھر ڈیفنس بدر کمرشل کے علاقے میں فائرنگ کے تبادلے کے بعد ایک ملزم کو زخمی حالت میں گرفتار کرلیا گیا جبکہ اس کے دو ساتھی فرار ہوگئے۔ کورنگی صنعتی ایریا میں پولیس نیاسٹریٹ کرائم میں ملوث تین ملزمان کوگرفتار کرکے اسلحہ برآمد کرلیا۔

مارچ 2, 2015
کراچی : فائرنگ کے واقعات میں 2افراد ہلاک

کراچی: رات گئے فائرنگ کے واقعات میں دو افراد ہلاک ہوگئے جبکہ مبینہ پولیس مقابلوں میں ایک زخمی ملزم سمیت چار ملزمان کو گرفتار کرلیا گیا ہے۔

کراچی کے علاقے کورنگی دو نمبر کے قریب فائرنگ سے ایک شخص ہلاک ہوگیا، پولیس کے مطابق ہلاک ہونے والے شخص کی شناخت اٹھائیس سالہ ثاقب کے نام سے ہوئی۔

جمشید کوارٹر کے قریب ڈکیتی میں مزاحمت پر سیکیورٹی گارڈ زخمی ہوگیا، جسے اسپتال منتقل کیا گیا، جہاں وہ دورانِ علاج جاں بحق ہوگیا۔

دوسری جانب ڈیفنس بدر کمرشل کے علاقے میں فائرنگ کے تبادلے کے بعد ایک ملزم کو زخمی حالت میں گرفتار کرلیا گیا جبکہ اس کے دو ساتھی فرار ہوگئے۔

کورنگی صنعتی ایریا میں پولیس نے اسٹریٹ کرائم میں ملوث تین ملزمان کوگرفتار کرکے اسلحہ برآمد کرلیا ہے۔

مارچ 2, 2015
کراچی: فائرنگ اور پُرتشدد واقعات، 4افراد جاں بحق

کراچی : فائرنگ اور پُرتشدد واقعات کے دوران چار افراد جاں بحق ہوگئے جبکہ مختلف علاقوں میں پولیس مقابلوں کے دوران گینگ وار کے ملزم سمیت تین ملزمان مارے گئے۔

پولیس کا کہنا ہے کہ لیاری کے علاقے کلاکوٹ میں نامعلوم افراد کی فائرنگ سے ایک شخص جاں بحق اور ایک زخمی ہوگیا، ٹمبر مارکیٹ کے قریب نشتر روڈ پر نامعلوم افراد نے فائرنگ کرکے ایک شخص کوقتل کردیا، جس کی لاش کو ضابطے کی کاروائی کیلئے اسپتال منتقل کیا گیا، لسبیلہ پل کے نیچے سے ایک شخص کی تشدد زدہ لاش ملی۔

دوسری جانب سعودآباد نمبر تین میں پولیس نے ایک ملزم کو گرفتار کرکے اس کی نشاندہی پر گھر کے صحن میں دفنائی گئی اصغر نامی شخص کی لاش برآمد کرلی، مقتول کو تین سال قبل اس کے بیٹے نے گھریلو تنازعے کی بناء پر قتل کرکے اس کی لاش کو گھر کے صحن میں دفنا دیا تھا، گرفتار ملزم سے مزید تفتیش جاری ہے۔

دوسری جانب لیاری کے مختلف علاقوں میں پولیس کے سرچ آپریشن کے دوران گینگ وار کا اہم ملزم نوید عرف کمانڈو مارا گیا، پولیس کے مطابق ملزم کا تعلق وسیع اللہ لاکھو گروپ سے تھا، جو بھتہ خوری، اغواء برائے تاوان سمیت دیگر جرائم میں مطلوب تھا۔

گلشن اقبال تیرہ ڈی میں شہریوں سے لوٹ مار کرنے والا ایک ملزم مارا گیا جبکہ دیگر تین ساتھی قریبی گھر میں چھپ گئے، جس کے بعد پولیس کی بھاری نفری نے تیرہ ڈی میں متاثرہ گلی میں ملزمان کی گرفتاری کے لئے آپریشن شروع کیا ہے، مومن آباد میں پولیس مقابلہ ایک ملزم مارا گیا۔

فروری 27, 2015
کراچی: فائرنگ اور پُرتشدد واقعات، اہلسنت والجماعت کے رہنماء سمیت 3افراد جاں بحق

کراچی: فائرنگ اور پر تشدد واقعات میں اہلسنت والجماعت کے رہنما مولانا شبیر حیدری سمیت تین افراد کو موت کی نیند سلا دیا گیا، کلفٹن میں مبینہ پولیس مقابلے میں ایس ایچ او کلفٹن زخمی ہوگئے۔

پولیس کے مطابق کورنگی میں نامعلوم افراد کی فائرنگ سے اہلسنت والجماعت کے رہنما مولانا شبیر حیدر جاں بحق اور ایک زخمی ہوگیا۔ ترجمان اہلسنت والجماعت کے مطابق مولانا شبیر حیدری ان کے مقامی رہنما تھے، واقعے کے بعد اہلسنت والجماعت کے کارکنوں کی جانب سے کورنگی چمڑا چورنگی پر لاش رکھ کر دھرنا دیا گیا۔

لیاری کے علاقے بہار کالونی میں نامعلوم افراد کی فائرنگ سے وسیم نامی شخص کو قتل کردیا گیا، فیڈریل بی ایریا میں بھی فائرنگ کے واقعے میں ایک شخص زندگی کی بازی ہار گیا۔

دوسری جانب کلفٹن میں مبینہ پولیس مقابلے کے دوران ملزمان کی فائرنگ سے ایس ایچ او کلفٹن نصیر تنولی ٹانگ میں گولی لگنے کے باعث زخمی ہوگئے، جنہیں اسپتال منتقل کردیا گیا۔ مبینہ پولیس مقابلے میں ایک ملزم کو گرفتار کرلیا گیا۔

واقعے کے بعد آئی جی سندھ غلام حیدر جمالی نے زخمی ایس ایچ او کی نجی اسپتال میں عیادت کی۔

فروری 25, 2015