ARYNews.tv | Urdu – Har Lamha Bakhabar

Tag: karachi crime

  • کراچی :فائرنگ اور پرتشدد واقعات،7 افراد جاں بحق

    کراچی :فائرنگ اور پرتشدد واقعات،7 افراد جاں بحق

    کراچی: شہر قائد میں ایک بار پھر جرائم پیشہ عناصر نے ایک بار پھر سر اٹھالیا ہے، شہر میں فائرنگ اور پُرتشدد واقعات میں جاں بحق افراد کی تعداد سات ہوگئی ہے۔

    کراچی میں پُر تشدد واقعات کا بازار ایک بار پھر گرم ہوگیا ہے، کراچی کے علاقے اورنگی گبول گوٹھ سے پولیس کو تشدد ذدہ لاش ملی، جسے پوسٹ مارٹم کیلئے بھیج دیا گیا ہے، بھینس کالونی میں نالے سے خاتون کی تشدد زدہ جھلسی ہوئی لاش ملی۔

    آج صبح سہراب گوٹھ پل کے قریب افغان بستی میں دہشت گردوں نے فائرنگ کرکے دو پولیس اہل کاروں کی جانیں لے لیں ہیں، دونوں اہل کاروں کی شناخت محمد حسین اور اصغر حسین کے نام سے ہوئی، پولیس اہلکار سمن آباد کے پولیس اسٹیشن میں تعینات تھے۔

    دوسری جانب بلدیہ اتحاد ٹاؤن میں نامعلوم افراد کی فائرنگ سے ایک شخص ہلاک ہوگیا، مقتول کی شناخت زمین گل کے نام سے ہوئی، پہاڑ گنج کے قریب دکان پر فائرنگ کرکے ایک شخص کو موت کے گھاٹ اتار دیا گیا۔

    پولیس کا کہنا ہے کہ مقتول کی کی شناخت عبدالطیف کے نام سے ہوئی۔

  • کراچی: فائرنگ کے مختلف واقعات میں تین افراد جاں بحق

    کراچی: فائرنگ کے مختلف واقعات میں تین افراد جاں بحق

    کراچی: کراچی میں ایک بار بھر ٹارگٹ کلنگ کی لہر شروع ہو گئی، تین گھنٹے میں فائرنگ کے مختلف واقعات میں تین افراد جاں بحق ہوگئے۔

    تفصیلات کے مطابق پولیس کے مطابق بہادرآباد کے علاقے میں نامعلوم افراد کی فائرنگ سے اڑتیس سالہ سید حسین شاہ نامی شخص جاں بحق ہوا۔ مقتول کی لاش کو ضروری قانونی کاروائی کیلئے اسپتال منتقل کیا گیا۔

    ادھر ہاکس بے اور میوہ شاہ قبرستان کے قریب بھی فائرنگ سے دو افراد جاں بحق ہوئے جن کی لاشوں کو ایمبولنس کے ذریعے قانونی کاروائی کیلئے اسپتال منتقل کردیا گیا، دونوں مقتولین کی شناخت تاحال نہیں ہوسکی۔

    دوسری جانب رات گئے ملیر جمعہ گوٹھ میں فائرنگ سے دو افراد زخمی ہوگئے تھے۔

  • کارساز دھماکے میں ملوث ملزم پولیس مقابلے میں ہلاک

    کارساز دھماکے میں ملوث ملزم پولیس مقابلے میں ہلاک

    کراچی: شہر قائد میں پولیس کی جرائم پیشہ عناصر کےخلاف کارروائیاں جاری ہیں ،منگھو پیر میں سی آئی ڈی پولیس سے مقابلے میں ایک دہشت گرد مارا گیا،گودھرا اور نیو کراچی میں سرچ آپریشن میں متعدد افراد زیر حراست۔

    منگھو پیر میں سی آئی ڈی پولیس سے مقابلے میں ایک دہشت گرد ہلاک ہوگیا،پولیس کے مطابق ہلاک ملزم کا تعلق کالعدم تنظیم سے تھا اور وہ دو ہزار سات میں کارسازکےقریب ہونےوالےدھماکے میں ملوث تھا۔

    گودھرا میں پولیس نے سرچ آپریشن کرتے ہوئے تین ملزمان کو گرفتار کر کے ان کے قبضے سے دستی بم اور اسلحہ برآمد کرلیا،ملزمان پولیس پرحملوں،ٹارگٹ کلنگ اوردیگرسنگین جرائم میں ملوث ہیں۔

    نیوکراچی انڈسٹریل ایریا میں پولیس نےسرچ آپریشن میں مخصوص گھروں کی تلاشی لی اور سات مشتبہ افراد کو حراست میں لے لیا اس دوران کسی پولیس اہلکار نے موقع کا فائدہ اٹھاتے ہوئےموبائل فون اور پرس چوری کرلیے جس پر علاقہ مکینوں نے احتجاج کرتے ہوئے پولیس کے خلاف نعرے بازی کی۔

  • کراچی،گلزار ہجری میں مبینہ پولیس مقابلےمیں چار ڈاکو ہلاک

    کراچی،گلزار ہجری میں مبینہ پولیس مقابلےمیں چار ڈاکو ہلاک

    کراچی: شہر قائد کےعلاقے گلزار ہجری میں پولیس سے مبینہ مقابلےمیں چار ڈاکو ہلاک ہوگئے۔

    پولیس کے مطابق گلزار ہجری روفی باڑہ مارکیٹ کے قریب پولیس پارٹی نے خفیہ اطلاع پر چھاپہ مارا جہاں موجود ملزمان نے پولیس پرفائرنگ کردی جوابی فائرنگ کے نتیجے میں چار ملزمان ہلاک ہوگئے۔

    پولیس کے مطابق ہلاک ملزمان اسٹریٹ کرائم اور دیگر جرائم میں ملوث تھے، ملزمان سپر ہائی وے پر شہریوں سے لوٹ مار کرتے تھے۔

    ملزمان کے قبضے سے اسلحہ اور تین موٹر سائیکلیں بھی برآمد ہوئی ہیں۔

  • کراچی: پُر تشدد واقعات میں دو افراد ہلاک دو زخمی

    کراچی: پُر تشدد واقعات میں دو افراد ہلاک دو زخمی

    کراچی: کراچی میں فائرنگ کے مختلف واقعات میں دو افراد ہلاک دو زخمی ہو گئے جبکہ مبینہ پولیس مقابلے میں ایک ملزم زخمی حالت میں گرفتار کر لیا گیا ہے۔

    ریسکیو ذرائع کے مطابق کراچی کے علاقے شاہ فیصل ٹائون میں نامعلوم افراد کی فائرنگ سے ایک شخص ہلاک ہوگیا جبکہ ایک زخمی ہو گیا۔ جاں بحق ہو نے والے فرد کی شنا خت نہیں ہو سکی جبکہ زخمی کو اسپتال منتقل کرکے طبی امداد فراہم کردی گئی ہے۔

    ادھر اورنگی ٹائون میں نامعلوم افراد کی فائرنگ سے سہیل نامی دوکاندار جان کی بازی ہار گیا، واقع کی اطلاع ملتے ہی سہیل کے والد پر دل کا دورہ پڑگیا جو جاں لیوا ثابت ہوا۔ ملزمان فائرنگ کر تے ہو ئے موقع سے فرار ہو نے میں کامیاب ہو گئے۔ دوسری طرف جوہر موڑ کے قریب فائرنگ سے ایک شخص زخمی ہو گیا ہے۔

    کراچی کے علاقے نیٹی جیٹی پل کےقریب مبینہ پولیس مقابلہ میں ایک ملزم کو زخمی حالت میں گرفتار کر لیا گیا ہے، ملزم کے قبضے سے اسلحہ اورچھینی گئی موٹرسائیکل بھی برآمد کر لی گئی ہے۔

  • کراچی میں دہشت گردی کا راج، تین افراد جاں بحق

    کراچی میں دہشت گردی کا راج، تین افراد جاں بحق

    کراچی: فائرنگ اور پرتشدد واقعات میں تین افراد جاں بحق ہوگئے، لیاری میں رینجرزسے مقابلے میں گینگ وارکاکارندہ ماراگیا۔

    پولیس کے مطابق ناظم آباد دو نمبر گجر نالہ کے قریب ذاتی جھگڑے کے دوران فائرنگ سے چوبیس سالہ عمیر جاں بحق ہوگیا جبکہ جھگڑے کے دوران فائرنگ سے پچاس سالہ مسرت اور سولہ سالہ سمیر زخمی ہوگیا پولیس نے فائرنگ کرنے والے ملزم کو گرفتار کرلیا۔

    ادھرتھانہ رضویہ کی حدود میں واقعہ قبرستان سے ایک شخص کی کئی روز پرانی بوری بند لاش ملی مقتول کو تشدد کرکے قتل کیا گیا،رات گئے سپر ہائی وے پر چاکر ہوٹل کے قریب مسلح افراد نے ڈکیتی میں مزاحمت پرفائرنگ کردی جس کے نتیجے میں باپ موقع پر جاں بحق جبکہ بیٹا زخمی ہوگیا۔

    لیاقت آباد میں فائرنگ سے اے ایس آئی کمال حسین زخمی ہوگیا،لیاری جونا مسجد کے قریب رینجرز سے مقابلے میں گینگ وار کا اہم ملزم مارا گیاہلاک ملزم قتل کی تیرہ وارداتوں اور بھتہ خوری میں ملوث تھا۔

    گلستان جوہرپولیس نے خفیہ اطلاع پر کاروائی کرتے ہوئے بھتہ خورآصف عرف سرکی کو گرفتار کرلیا ،دوسری جانب ایس آئی یو پولیس نے کاروائی کرتے ہوئے بینک ڈکیتیوں میں ملوث سہیل اور بلال نامی ملزمان کو گرفتار کرلیا ملزمان نے فیروز آباد اور سولجر بازار میں واقعہ بینک ڈکیتیاں کی تھی چند عرصہ قبل ملزمان نے سنار کواغواء کرکے سونا لوٹ لیا تھا۔

  • اورنگی میں کارکنوں کا قتل،الطاف حسین کی شدید مذمت

    اورنگی میں کارکنوں کا قتل،الطاف حسین کی شدید مذمت

    کراچی: شہر قائد کےعلاقے اورنگی ٹائون میں نامعلوم افراد کی فائرنگ سے دو افراد ہلاک ہو گئے،دونوں افراد کا تعلق ایم کیو ایم سے ہے،الطاف حسین نے واقعے کی شدید مذمت کی ہے۔

    کراچی میں اورنگی ٹاون میں فائرنگ سے دو افراد جاں بحق ہو گئے،ان میں سے ایک کی شناخت ایم کیو ایم کے کارکن جبکہ دوسرے کی ہمدرد کے طور پر کی گئی ہے،ایم کیو ایم کے قائد الطاف حسین نے واقعے کی شدید مذمت اور قاتلوں کی گرفتاری کا مطالبہ کیا ہے۔

    ایم کیو ایم کے قائد الطاف حسین نے ایم کیو ایم کے کارکنان کے قتل پر اظہار مذمت کرتے ہوئے کہا کہ حکومت سندھ کارکنان کے قتل پر بے حسی کا مظاہرہ کررہی ہے،اورنگی ٹاؤن میں کارکنان کے قتل اور دہشتگردی کے واقعات حکومت سندھ پر سوالیہ نشان ہیں،تسلسل سے ہونے والے واقعات کے باوجود اب تک کسی قاتل کو گرفتار نہیں کیا جاسکا ہے۔

    الطاف حسین کا کہنا تھا کہ قاتلوں کی عدم گرفتاری ایک بہت بڑاسوالیہ نشا ن ہے،دوسری طرف ایم کیو ایم رابطہ کمیٹی نے قتل کی شدید مذمت کر تے ہو ئے کہا کہ اورنگی میں دہشتگردوں کی فائرنگ سے ایم کیو ایم کے کارکن اور ہمدرد کا قتل سفاکیت اور بربریت ہے،گزشتہ ایک ہفتے کے دوران دہشتگردوں نے ایم کیو ایم کے پانچ کارکنان کو شہید کیا ہے،کارکنوں کے قتل کے باوجود حکومت بے حسی کا مظاہرہ کررہی ہے۔

  • کراچی،لیاری میں رینجرز سے مقابلہ،چارملزمان ہلاک

    کراچی،لیاری میں رینجرز سے مقابلہ،چارملزمان ہلاک

    کراچی:شہر قائد کےعلاقے لیاری گل محمد لین میں رینجرز اور پولیس سے مبینہ مقابلے میں گینگ وار کے چار کارندے ہلاک ہوگئے۔

    پولیس کے مطابق لیاری گل محمد لین میں رینجرز اور پولیس نے جرائم پیشہ افراد کے خلاف چھاپہ مارا جہاں ملزمان نے فائرنگ کردی،جوابی فائرنگ کے نتیجےمیں چارملزمان ہلاک ہوگئے جن کا تعلق لیاری گینگ وار سے تھا۔

    پولیس کے مطابق ملزمان قتل،اقدام قتل،بھتہ خوری اور دیگرسنگین جرائم میں ملوث تھے،ملزمان کے قبضے سے اسلحہ بھی برآمد ہوا ہے ۔

  • کراچی: فائرنگ اور پر تشدد واقعات میں دو جاں بحق، درجنوں گرفتار

    کراچی: فائرنگ اور پر تشدد واقعات میں دو جاں بحق، درجنوں گرفتار

    کراچی: کراچی کے مختلف علاقوں میں فائرنگ اور پرتشدد واقعات کے دوران دو افراد جاں بحق ہوگئے ہے، پولیس اور رینجرز نے شہر کے مختلف علاقوں میں کاروائیاں کرتے ہوئے ایک درجن سے زائد افراد کو حراست میں لے لیا ہے۔

    پولیس حکام کے مطابق کورنگی بنگالی پاڑہ کے قریب فائرنگ سے شہاب نامی شخص جاں بحق ہوا جس کی لاش کو ضابطے کی کاروائی کیلئے جناح اسپتال منتقل کیا گیا ہے۔ سرجانی تیسر ٹاون میں ندی کے قریب سے ایک شخص کی لاش ملی جسے فائرنگ کرکے قتل کیا گیا تھا۔

    شہر کراچی میں پو لیس کی کار روائیاں جاری ہیں۔ درخشاں کے علاقے میں پولیس مقابلے میں تین زخمیوں سمیت چار ملزمان کو گرفتار کرلیا گیا ہے، پولیس کے مطابق ملزمان لوگوں سے لوٹ مار کر رہے تھے کہ پولیس مو قع پر پہنچ گئی اور مبینہ مقا بلے کے بعد ملزمان کو گرفتار کر لیا ہے۔ گرفتار ملزمان کے قبضے سے اسلحہ اور چھینی گئی کار برآمد کر لی گئی، پو لیس کے مطابق ملزمان ڈکیتی ، اسٹریٹ کرائم سمیت متعدد وارداتوں میں ملوث تھے۔

    ڈاکس کے علاقے میں پولیس نے مقابلے کے بعد ایک ملزم کو زخمی حالت میں گرفتار کرلیا ہے۔

    دوسری جانب لیاری اورنگی اور گلبرگ کے علاقوں میں چھاپہ مار کاروائیوں کے دوران متعدد افراد کو حراست میں لیکر تفتیش کیلئے نامعلوم مقام پر منتقل کردیا گیا ہے۔

    ادھر پولیس نے ماڈل کالونی میں دو ملزمان کو گرفتار کرکے ان سے اسلحہ برآمد کر لیا ہے، پولیس نے مقدمہ درج کر کے تفتیش کا آغاز کر دیا ہے۔

  • کراچی ،مبینہ مقابلے میں کالعدم تنظیم کے تین کارندے ہلاک

    کراچی ،مبینہ مقابلے میں کالعدم تنظیم کے تین کارندے ہلاک

    کراچی: شہر قائد کےعلاقے منگھوپیر میں سی آئی ڈی کے مبینہ مقابلے میں کالعدم تنظیم کے تین کارندے ہلاک ہوگئے۔

    سی آئی ڈی گارڈن کے انچارج علی رضا کے مطابق منگھو پیرغازی گوٹھ کے علاقے میں مبینہ مقابلے کے دوران کالعدم تنظیم کے تین کارندے مارے گئے،ہلاک ملزمان کے قبضے سے اسلحہ اور بارودی مواد برآمد ہوا ہے۔

    پولیس کا کہنا ہے کہ مارے جانے والے افراد پولیس پر حملوں سمیت دہشت گردی کی متعد د وارداتوں میں ملوث تھے۔