کراچی کے علاقے پرانا حاجی کیمپ کے قریب ملزمان کی موجودگی کی اطلاع پر پولیس نے چھاپہ مارا جہاں دوطرفہ فائرنگ کے تبادلے میں گینگ وار کا ایک ملزم ہلاک ہوگیا جس کی شناخت داؤد پٹھان عرف چھوٹا چونی کے نام سے ہوئی ملزم قتل بھتہ خوری سمیت دیگر سنگین نوعیت کے جرائم میں ملوث تھا ملزم کے قبضے سے اسلحہ بھی برآمد ہوا۔
کراچی کے علاقے غلام شاہ لین میں خفیہ اطلاع پر پولیس اور رینجرز نے مشترکہ چھاپہ مارا،قانون نافذ کرنے والے اداروں کو دیکھتے ہی ملزمان نے فائرنگ شروع کر دی،مبینہ مقابلہ کے بعد گینگ وار کے بابا لاڈلا گروپ سے تعلق رکھنے والے دو ملزمان سمیر اور ساجد ہلاک کر دیے گئے۔
ترجمان رینجرز کے مطابق ہلاک ملزم سمیر بیس سے زائد افراد کے قتل میں ملوث ہے جبکہ ہلاک ملزم ساجد عرف آنکھیں بارہ سے زائد افراد کے قتل میں ملوث ہے۔
ہلاک ملزمان کے قبضے سے جدید اسلحہ برآمد کرلیا گیا، ملزمان کی لاشیں اسپتال منتقل کر دی گئی ہیں،پولیس نے مقدمہ درج کر کے تفتیش کا آغاز کر دیا ہے۔
کراچی پولیس کا ایک اور کارنامہ مبینہ پولیس مقابلےمیں نوجوان ماردیا،لواحقین نے الزام لگایا ہے کہ پولیس نے کاشف کو ایک ہفتہ قبل کینٹ اسٹیشن سےحراست میں لیا تھا اور آج ایک جعلی پولیس مقابلہ ظاہر کرکے کاشف کو ہلاک کردیا گیا۔
اطلاع ملنے پر لواحقین فرئیر پولیس تھانے پر پہنچے اور احتجاج کرنا چاہا تو پولیس کی جانب سے مظاہرین کو منتشر کرنے کے لئے ہوائی فائرنگ کی گئی،جبکہ پولیس کا کہنا ہے کہ ملزم نے پولیس پر فائرنگ کی تھی اور جوابی فائرنگ سے ملزم کاشف مارا گیا۔
کراچی کے مختلف علاقوں میں پرتشدد کارروائیوں کا سلسلہ جاری ہے،رات گئے گلستان جوہر پولیس کی کارروائی میں دو ملزم زخمی حالت میں گرفتار کر لئے گئے، گارڈن کے علاقے سے بھی مقابلے کے بعد دو ملزمان گرفتار کرکے دستی بم برآمد کر لئے گئے۔
ناظم آباد میں نامعلوم افراد کی فائرنگ سےایک شخص زخمی ہو گیا،ناظم آباد ہی کے علاقے چاولہ مارکیٹ کے قریب فائرنگ سے ایک ثخص ہلاک ہو گیا جس کی فوری ثناخت نہیں ہو سکی،دوسری جانب حسن اسکوائر کے قریب مبینہ پولیس مقابلےمیں ایک ملزم ہلاک ہو گیا،پولیس کے مطابق ملزم اسٹریٹ کرائمز کی متعدد وارداتوں میں ملوث تھا۔
اورنگی ٹاون اقبال مارکیٹ کے قریب سے ایک شخص کی لاش ملی سپر ہائی وے کے قریب سے بھی ایک شخص کی گولیاں لگی لاش ملی،گلشن اقبال ابوالحسن اصفحانی روڈ کے قریب فائرنگ کرکے ایک شخص کو موت کے گھاٹ اتار دیا گیا۔
قائدآباد مرغی خانہ کے قریب فائرنگ سے ایک شخص جاں بحق اور پولیس ہالکار عبدالرعوف زخمی ہو،اورنگی گلشن بہار کے علاقے سے خاتون کی لاش ملی جسے عباسی شہید اسپتال منتقل کردیا گیا،ادھر طارق روڈ،قصبہ موڑ اور نارتھ کراچی میں فائرنگ سے تین افراد ذخمی جبکہ اورنگی ٹاون فقیر کالونی میں فائرنگ سے ایک پولیس اہلکار اے ایس آئی عبدالرشید زخمی ہوگیا۔
کراچی کے علاقے بلدیہ اتحاد ٹائون میں ناکے پرکھڑی پولیس موبائل پر ملزمان نے فائرنگ کردی،جوابی فائرنگ کے بعد ایک ملزم زخمی حالت میں گرفتارکرلیا گیا، ملزم کے قبضہ سے اسلحہ برآمد کر لیا گیا، پولیس نے مقدمہ درج کرکے تفتیش کا آغاز کردیا ہے۔
دوسری جانب نیو کراچی کےعلاقےمیں مبینہ پولیس مقابلے کے بعد دو ملزمان کو اسلحہ سمیت گرفتار کر لیا گیا،پولیس کے مطابق ملزمان اسٹریٹ کرائم سمیت دیگر وارداتوں میں ملوث ہیں۔
کراچی میں تیموریہ اور بریگیڈ کےعلاقوں میں پولیس نے جرائم پیشہ عناصر کے خلاف کارروائی کرتے ہوئےچارملزمان کوگرفتار کرلیا،پولیس کے مطابق گرفتارملزمان سےاسلحہ اورچھینی گئی موٹرسائیکل برآمد کی گئی ہیں،ملزمان ڈکیتی اور اسٹریٹ کرائم کی متعدد وارداتوں میں مطلوب تھے۔
شارع نورجہاں میں پولیس نے کارروائی کرتے ہوئے ایک بھتہ خور کو گرفتار کرلیا، بھتہ خور کا تعلق گینگ وارسے بتایا گیا ہےجبکہ ایڈن سوسائٹی میں بھتہ نہ دینے پرملزمان نے دکان کے مالک اور ملازم کو چھریوں کے وار کرکے زخمی کردیا۔
کراچی کےعلاقے لیاری میں جمعہ ہال کےقریب نامعلوم افراد نے کلینک پراندھا دھند فائرنگ کردی،جس کےنتیجےمیں تین افراد جاں بحق ہوگئے، جاں بحق ہونے والوں کی شناخت عنایت بخش بلوچ، محمد حنیف اورمحمد اعجاز کےنام سے ہوئی ہے، زخمی عبدالشکورکی حالت بھی تشویشناک بتائی جارہی ہے۔
عنایت بخش بلوچ کا تعلق پیپلز پارٹی سے بتایا جاتا ہے، واقعے کے بعد علاقےمیں سخت کشیدگی پائی جاتی ہے،پولیس اوررینجرزکو بھی متاثرہ علاقےمیں طلب کرلیا گیا ہے۔
دوسری جانب ملیر سٹی کےعلاقےمیں فائرنگ کےواقعےمیں خاتون جان کی بازی ہارگئی، رات گئے گلزارہجری میں پولیس اہلکارکی اتفاقیہ گولی چلنے سے ساتھی اہلکارجاں بحق ہوگیا۔
یوسف گوٹھ کےعلاقےمیں سی آئی ڈی پولیس نے چھاپہ ماراتو ملزم فہد عرف صدام نے پولیس پرفائرنگ کردی،پولیس کی جوابی کارروائی میں ملزم ہلاک ہوگیا۔ پولیس کےمطابق ملزم کا تعلق لیاری گینگ وارسےتھا جو چارپولیس اہلکاروں سمیت پچاس سے زائد افراد کی ٹارگٹ کلنگ میں مطلوب تھا جبکہ پٹیل پاڑہ، نیو سبزی منڈی،تین ہٹی اور گلشن معمار میں فائرنگ کے واقعات میں چار افراد زخمی ہوگئے۔
کراچی کے علاقے گلستا ن جوہرکامران چورنگی پردستی بم حملےمیں دوافرادزخمی ہوگئے، نیپا چورنگی کے قریب فائرنگ سےپولیس اہلکارقلندر بخش جاں بحق اور اہلکارسرتاج زخمی ہوگیا، شاہراہ قائدین،اورنگی اسلامیہ کالونی اورماری پورمچھرکالونی میں تین افراد فائرنگ کانشانہ بنے۔
لیاری نوالین میں گینگ وارکےحملےمیں ایک رینجرزاہلکارشہید اور دوسرا زخمی ہوگیا،رینجرزکی جوابی فائرنگ میں دوملزمان ہلاک ہوگئے،شیریں جناح کالونی میں پولیس مقابلےکے بعد دوملزمان کوگرفتارکرکےاسلحہ برآمد کرلیا گیا۔
کراچی: ایک بار پھر جرائم پیشہ افراد سر اٹھانے لگے، صبح ہوتے ہی دہشت گردی کے واقعات میں اضافہ ہونے لگا۔
پولیس اور رینجرز کے دعووں کے باوجود شہر قائد نے آنکھ کھولی تو صبح ہوتے ہی جرائم کی واردات نے شہریوں سے بہت کچھ چھین لیا، کورنگی انڈسٹریل ایریا ندی کے اطراف میں آج صبح پولیس نے چھاپہ مارا، جہاں فائرنگ کے تبادلے میں دو اغوا کار ہلاک ہوگئے جبکہ مغوی دو سالہ بچی کو بحفاظت بازیاب کرالیا گیا ہے۔
ملزمان نے گزشتہ روز کورنگی صنعتی ایریا سے دو سالہ بچی کو اغوا کیا اور پانچ لاکھ روپے تاوان کا مطالبہ کیا تھا ۔
ادھر اورنگی ٹاؤن مومن آباد بلاک سی کی مارکیٹ میں نامعلوم مسلح افراد کی فائرنگ سے تیس سالہ محمد سرورہلاک ہوگیا، لیاری کے علاقے چاکیواڑہ میں فائرنگ سے پچاس سالہ حاجی علی مراد جاں بحق ہوگیا ۔
سرجانی میں کریکر پھٹنے سے بچہ زخمی ہوگیا، پولیس کے مطابق بچے کوبال کریکر کچرے کے ڈھیر سے ملا، لیاری میں فائرنگ سے ایک شخص جاں بحق ہوگیا، لانڈھی چھ نمبرمیں نامعلوم افراد کی فائرنگ سے ایک شخص زخمی ہوگیا۔
کراچی کےعلاقےابراہیم حیدری میں سمندرسےتشددزدہ لاش ملی،نیوکراچی بشیرچوک قریب سے نوجوان کی لاش برآمدہوئی،بوہرہ پیرمیں فائرنگ سےزخمی شخص دوران علاج چل بسا،گلستان جوہرمیں بینک ڈکیتی کی کوشش سیکورٹی گارڈنےناکام بنادی،ڈکیتی کی سی سی ٹی وی فوٹیج اےآروائی نیوزنےحاصل کرلی،پورٹ قاسم میں رینجرزنےسیاسی جماعت سےتعلق رکھنے والے دوٹارگٹ کلرگرفتارکرلئے،ڈالمیامیں پولیس نےلوٹ مار میں مصروف خاتون سمیت دوڈکیت گرفتارکرلئے،ماڑی پورمیں پولیس نےمقابلےکےبعدگینگ وارکاملزم گرفتارکرلیا۔