Tag: Karachi firing and target killing

کراچی: ایک بار پھر جرائم پیشہ افراد سر اٹھانے لگے، صبح ہوتے ہی دہشت گردی کے واقعات میں اضافہ ہونے لگا۔

پولیس اور رینجرز کے دعووں کے باوجود شہر قائد نے آنکھ کھولی تو صبح ہوتے ہی جرائم کی واردات نے شہریوں سے بہت کچھ چھین لیا، کورنگی انڈسٹریل ایریا ندی کے اطراف میں آج صبح پولیس نے چھاپہ مارا، جہاں فائرنگ کے تبادلے میں دو اغوا کار ہلاک ہوگئے جبکہ مغوی دو سالہ بچی کو بحفاظت بازیاب کرالیا گیا ہے۔

ملزمان نے گزشتہ روز کورنگی صنعتی ایریا سے دو سالہ بچی کو اغوا کیا اور پانچ لاکھ روپے تاوان کا مطالبہ کیا تھا ۔

ادھر اورنگی ٹاؤن مومن آباد بلاک سی کی مارکیٹ میں نامعلوم مسلح افراد کی فائرنگ سے تیس سالہ محمد سرورہلاک ہوگیا، لیاری کے علاقے چاکیواڑہ میں فائرنگ سے پچاس سالہ حاجی علی مراد جاں بحق ہوگیا ۔

سرجانی میں کریکر پھٹنے سے بچہ زخمی ہوگیا، پولیس کے مطابق بچے کوبال کریکر کچرے کے ڈھیر سے ملا، لیاری میں فائرنگ سے ایک شخص جاں بحق ہوگیا، لانڈھی چھ نمبرمیں نامعلوم افراد کی فائرنگ سے ایک شخص زخمی ہوگیا۔

کراچی: قتل وغارت گری کا سلسلہ تھم نہ سکا، فائرنگ اور پُرتشدد واقعات میں پولیس اہلکار سمیت چودہ افراد جان کی بازی ہار گئے، سائٹ ایریا میں پولیس نے بم کو ناکارہ بناکر شہر کو بڑی تباہی سے بچالیا۔

شہر قائد میں موت کا رقص جاری ہے، ہزاروں چھاپوں اور گرفتاریوں کے باوجود دہشتگرد آزاد پھر رہے ہیں، پولیس حکام کے مطابق اورنگی ٹاؤن چار نمبر میں نامعلوم افراد نے فائرنگ کرکے اے ایس آئی محمد بابر خان کو موت کے گھاٹ اتار دیا، منگھو پیر روڈ قلندریہ چوک پر فائرنگ سے ایک شخص جان سے گیا ایک زخمی ہوگیا۔

کورنگی چار نمبر میں بھی فائرنگ سے ایک شخص ابدی نیند سوگیا، ماڑی پور ٹرک اڈے کے قریب سے تین افراد کی لاشیں ملیں، جنہیں لیاری سے تین زور قبل اغوا کیا گیا تھا، مقتولین کی شناخت ادریس ایوب، انیس، وقار کے ناموں سے ہوئی ہے ۔

لیاری جھٹ پٹ مارکیٹ ، صدرپارکنگ پلازہ ، کورنگی اور نارتھ کراچی میں نامعلوم افراد کی فائرنگ نے خاتون سمیت چار افراد کو ابدی نیند سلادیا، سرجانی ٹاون میں دہشتگردوں کی فائرنگ سے زخمی ہونے والے تینوں نجی اسپتال میں دوران علاج دم توڑ گئے، مقتولین میں اختر انصاری، اشرف انصاری اورسلمان شامل ہیں۔

سائٹ میٹرویل میں کچرا کنڈی سے ملنے والے بم کو بم ڈسپوزل اسکورڈ نے ناکارہ بناکر شہر کو بڑی تباہی سے بچا لیا، ساحلی علاقے دو دریا میں پولیس کارروائی میں گینگ وار کا انتہائی مطلوب ملزم مخدوم عرف ڈان مارا گیا، ملزم ٹارگٹ کلنگ سمیت دیگر سنگین وارداتوں میں مطلوب تھا۔

کراچی: شہرِ قائد میں موت کے گہرے بادل چھا ہوئے ہیں، ٹارگٹ کلنگ کی حالیہ لہر نے پانچ افراد سےجینے کا حق چھین لیا ہے۔

شہر میں موت کے سوداگر کھلےعام پھر رہے ہیں، سرجانی ٹاؤن سیکٹر سیون ڈی میں اسٹیٹ ایجنسی کے باہر چار موٹر سائیکلوں پر سوار آٹھ دہشتگردوں نے فائرنگ کر کے چار افراد کو زخمی کر دیا، جنہیں طبی امداد کیلئے اسپتال منتقل کردیا گیا ہے۔

پولیس کے مطابق دو سگے بھائیوں سمیت تین افراد اختر انصاری، اشرف انصاری اور سلمان عرف سنی زخموں کی تاب نہ لاتے ہوئے دم توڑ گئے۔

پولیس نے جائے و قوعہ سے تیس سے زیادہ گولیوں کے خول اکھٹے کرکے تفتیش شروع کردی ہے۔

صدر پارکنگ پلازہ کے قریب فائرنگ نے خاتون کو موت کی وادی میں دھکیل دیا جبکہ نارتھ کراچی سیکٹر فائیو سی ون میں گولیوں نے ایک شخص کو ابدی نیند سلا دیا۔