Tag: Karachi firing and target killing

کراچی : فائرنگ اور پرتشددواقعات میں پانچ افرادہلاک جبکہ متعدد زخمی ہوگئے۔

کراچی میں ٹارگٹڈ کارروائیوں کے باوجود فائرنگ اور پر تشددواقعات کا سلسلہ تھمنے کا نام نہیں لے رہا ہے، ملیرجام گوٹھ سے دوافراد کی تشدد زدہ بوری بند لاشیں ملیں۔ ریسکیو ذرائع کے مطابق دونوں لاشوں کو پوسٹ مارٹم کے لئے اسپتال منتقل کردیا گیا۔

اورنگی ٹاؤن کے علاقے قصبہ کالونی میں فائرنگ سے زخمی شخص دوران علاج جانبرنہ ہوسکا، شاہ فیصل کالونی میں گولیاں مار کر ایک شخص کوابدی نیند سلا دیا گیا۔ لانڈھی کے علاقے شاہ لطیف ٹاؤن میں ایک شخص فائرنگ سے جاں بحق جبکہ کورنگی میں فائرنگ سےدو افراد زخمی ہوگئے۔

۔

کراچی : فائرنگ اور پرتشدد واقعات میں اہلسنت والجماعت کے کارکن سمیت پانچ افراد اپنی جان سے گئے۔

کراچی میں فائرنگ اور پرتشدد واقعات کا سلسلہ تھم نہ سکا ، پولیس حکام کے مطابق سرجانی ٹاؤن میں فائرنگ سے خاتون سمیت دو افراد جاں بحق جبکہ بچے سمیت دو افراد زخمی بھی ہوئے، اورنگی ٹاؤن سے ایک شخص کی لاش بر آمد ہوئی، لیاقت آباد جھنڈا چوک کے قریب نامعلوم افراد کی فائرنگ سے اہلسنت والجماعت کے کارکن کو ابدی نیند سلادیا۔

فیڈرل بی ایریا میں بھی فائرنگ سے ایک شخص جان سے گیا، سائیٹ ایریا میں پولیس مقابلہ کے دوران دو ڈاکوؤں کو اسلحہ اور لوٹا گیا سامان سمیت گرفتار کیا۔ دو روز قبل سعید آباد میں ایک شخص کو قتل کرنے والے دو ملزمان کو پولیس نےگرفتارکیا۔

گڈاپ میں رینجرز نے کارروائی کرکے کالعدم تنظیم کے دو دہشتگردوں کو حراست میں لے کرملزمان کے قبضے سے چھ لانچر ،چار دستی بم اور دس ڈیٹو نیٹر برآمد کئے۔ لانڈھی میں رینجرز نے کارروائی کرکے نو ملزمان کو گرفتار کیئے، نیا آباد سے بھی دو بھتہ خور گرفتار کئے گئے۔

کراچی : مختلف علاقوں میں فائرنگ اور پرتشدد واقعات کے دوران دو خواتین سمیت پانچ افراد جاں بحق ہوگئے جبکہ قائد آباد میں کیبل آپریٹر کے دفتر کے باہر دھماکا ہوا تاہم جانی نقصان نہیں ہوا۔

کراچی میں حساس ادارے کے اہلکارنے بیوی کو قتل کرنے کے بعد خودکشی کرلی، پولیس کے مطابق ڈالمیا مجاہد کالونی میں حساس ادارے کےاہلکار صفدرعلی شاہ نے نامعلوم وجوہات کی بنا پراپنی بیوی زینت کو تشدد کے بعد گلا گھونٹ کرقتل کردیا، صفدرمزار قائد پر گارڈ تھا، جہاں اس نے دوران ڈیوٹی گولی مارکرخودکشی کرلی۔ ملیرکےعلاقے رفاہ عام سوسائٹی کے قریب فائرنگ سے ہوٹل کا ویٹراقبال جاں بحق ہوگیا۔

کورنگی چمڑا چورنگی کے قریب سے خاتون کی تشددزدہ لاش ملی، ادھر قائدآباد میں کیبل آپریٹر کے دفترکے باہر ہونے والا دھماکا آئی ای ڈی ڈیوائس کے ذریعے کیا گیا، پولیس کےمطابق دھماکا خیزمواد کیبل آپریٹر کے دفتر کےباہر نصب کیا گیا تھا۔ دھماکےمیں پانچ سوگرام بارودی مواداستعمال کیاگیا تاہم دھماکے کے وقت دفترمیں کوئی موجودنہیں تھاجس کی وجہ سےکوئی جانی نقصان نہیں ہوا۔

دھماکےسے دکانوں کے شیشے ٹوٹ گئے شٹر کو نقصان پہنچا ، دھماکے کی گونج دورتک سنی گئی، جس سے علاقےمیں خوف و ہراس پھیل گیا۔