کراچی: فائرنگ کے مختلف واقعات میں تین افراد جاں بحق ہوگئے۔
پولیس کے مطابق کراچی میں بہادرآباد کے علاقے میں نامعلوم افراد کی فائرنگ سے اڑتیس سالہ سید حسین شاہ نامی شخص جاں بحق ہوا ، ہاکس بے اور میوہ شاہ قبرستان کے قریب بھی فائرنگ سے دو افراد جاں بحق ہوئے، جن کی لاشوں کو ایمبولنس کے ذریعے قانونی کاروائی کیلئے اسپتال منتقل کردیا گیا۔
دونوں مقتولین کی شناخت تاحال نہیں ہوسکی، رات گئے ملیر جمعہ گوٹھ میں فائرنگ سے دو افراد زخمی ہوئے۔
کراچی: فائرنگ کے مختلف واقعات میں پولیس اہلکار سمیت تین افراد جاں بحق اور آٹھ افراد زخمی ہوگئے، رینجرز سے بھی شہر کے مختلف علاقوں میں کارروائیوں کے دوران بائیس ملزمان کو گرفتار کرلیا ہے۔
کراچی میں فائرنگ اور پرتشدد واقعات کا سلسلہ تھم نہ سکا، پولیس حکام کے مطابق اورنگی ٹاون کے علاقے فرید کالونی میں نامعلوم افراد نے فائرنگ کرکے پولیس اہلکار راشد اقبال کو قتل کردیا، مقتول اہلکار شعبہ انویسٹگیشن میں کام کررہا تھا، نیوکراچی پانچ نمبر میں بھی فائرنگ سے شہزاد نامی شخص جان سے گیا۔
فرنٹئیر کالونی میں رینجرز نے کالعدم تنظیم کے نو ملزمان کو گرفتار کرلیا ہے، ملزمان ٹارگٹ کلنگ اور کریکر حملوں سمیت دیگر سنگین وارداتوں میں ملوث ہیں، چنیسر گوٹھ میں رینجرز سے کارروائی کے دوران پانچ ملزمان کو گرفتار کرلیا، ملزمان کو تعلق منیشات فروش اشوک گروہ سے ہے۔
رنچھوڑ لائن اور سرجانی میں رینجرز نے کارروائی کے دوران پانچ ملزمان کو گرفتار کرلیا، گرفتار ملزمان میں سیاسی جماعت سے تعلق رکھنے والا ٹارگٹ کلر بھی شامل ہے، ملزمان کے قبضے سے اسلحہ بھی برآمد کیا گیا ہے۔
خواجہ اجمیر نگری پولیس نے کارروائی کے دوران دو ٹارگٹ کلرز کو گرفتار کرلیا ہے، رینجرز نے بھی لیاقت آباد میں کارروائی کے دوران ٹارگٹ کلر سمیت تین ملزمان کو گرفتار کرلیا ہے۔
کراچی: شہرِ قائد کے علاقے مومن آباد میں فائرنگ سے خاتون جاں بحق جبکہ تین زخمی ہوگئے جبکہ گلزار ہجری اور منگھوپیر میں مبینہ پولیس مقابلوں میں چھ ملزمان ہلاک ہوگئے ہیں۔
پولیس کے مطابق کراچی کے علاقے مومن آباد میں نامعلوم مسلح افراد نے رکشہ پر فائرنگ کردی، جس سے خاتون جاں بحق اور تین زخمی ہوگئے، جاں بحق اور زخمی ہونیوالوں کو عباسی شہید اسپتال منتقل کردیا گیا، واقعے کی مزید تفتیش کی جارہی ہے، منگھو پیر نادرن بائی پاس کے قریب پولیس موبائل نے موٹر سائیکل سوار دو مشتبہ افراد کو روکنے کا اشارہ کیا، جس پر ملزمان نے پولیس پر فائرنگ کردی پولیس کی جوابی فائرنگ کے نتیجے میں دنوں ملزمان ہلاک ہوگئے جن کی شناخت وسیم عرف بابر اور احسان عرف شاہ رخ کے نام سے ہوئی۔
پولیس کے مطابق ملزمان ٹارگٹ کلنگ، اسٹریٹ کرائم سمیت دیگر سنگین جرائم میں ملوث تھے، ملزمان کیخلاف شہر کے مختلف پولیس اسٹیشن میں مقدمات درج ہیں، ملزمان کے قبضے سے اسلحہ اور موٹر سائیکل برآمد ہوئی ہے۔
ملزمان اے این پی کے مقامی رہنما ڈاکٹرضیاء الدین کے قتل میں بھی ملوث تھے ،گلزار ہجری روفی باڑہ مارکیٹ کے قریب پولیس پارٹی نے خفیہ اطلاع پر چھاپہ مارا، جہاں موجود ملزمان نے پولیس پر فائرنگ کردی، جوابی فائرنگ کے نتیجے میں چار ملزمان ہلاک ہوگئے۔
پولیس کے مطابق ہلاک ملزمان اسٹریٹ کرائم اور دیگر جرائم میں ملوث تھے، ملزمان سپر ہائی وے پر شہریوں سے لوٹ مار کرتے تھے، ملزمان کے قبضے سے اسلحہ اور تین موٹر سائیکلیں بھی برآمد ہوئی ہیں۔
کراچی: شہرِقائد میں ٹارگٹڈ کارروائیاں بھی خون کی ہولی ختم نہ کرسکیں، علی الصبح پٹیل پاڑہ کے علاقے میں ایک شخص کو فائرنگ کرکے قتل کردیا گیا، پولیس کے مطابق واقعہ ٹارگٹ کلنگ ہے۔
شہرِقائد میں ٹارگٹڈ کارروائیاں بھی خون کی ہولی کم نہ کرسکیں، علی الصبح پٹیل پاڑہ کے علاقے میں معین نامی شخص کو فائرنگ کرکے ہلاک کردیا گیا، پولیس کے مطابق واقعہ ٹارگٹ کلنگ کا شاخسانہ ہے۔
تھانہ بریگیڈ اور تھانہ پریڈی کے علاقے میں پولیس نے ٹارگٹڈ کارروائیاں کرکے سنگین جرائم میں ملوث دو ملزمان کوگرفتارکرلیا جبکہ ملزمان کے قبضے سے اسلحہ اور مسروقہ سامان برآمد ہوا۔
رات گئے کورنگی گودام چورنگی کے قریب پولیس مقابلے میں کالعدم تنظیم کےدو دہشت گرد جلال اورافضل خان ہلاک ہوگئے، ملزمان سےچھینی گئی موٹرسائیکل، اسلحہ اوربارودی مواد بھی برآمدہوا ہے جبکہ سرسید پولیس نے کارروائی کرتے ہوئے آٹھ افراد کے قتل میں ملوث راقب حسین کو گرفتار کرلیا ہے۔
کراچی: ٹارگٹڈ آپریشنز بھی فائرنگ کے واقعات پر قابو نہیں پاسکے، فائرنگ کے بڑھتے ہوئے واقعات سے خوف وہراس میں اضافہ ہونے لگا ہے۔
کراچی میں قتل وغارت گری کا بازارگرم ہے، فائرنگ سے پولیس اہلکاروں سمیت عام شہریوں کی زندگیوں کے چراغ گُل ہورہے ہیں، سپریم کورٹ رجسٹری کے قریب فائرنگ میں ملوث دو زیرِ حراست ملزمان کے خلاف دو مقدمات درج کرلئے گئے ہیں، مقدمات آرام باغ اورمیٹھادر تھانے میں درج کئے گئے ہیں۔
مقدمے میں انسدادِ دہشتگردی اور اقدامِ قتل کی دفعات شامل ہیں، دونوں ملزمان کوعینی شاہدین نے بھی شناخت کرلیا ہے۔
گزشتہ روز میٹھادر اور آرام باغ تھانے کی حدود کے درمیان آئی آئی چند ریگر روڈ نزد رجسٹری آفس کے قریب موٹرسائیکل سوار دو ملزمان نے کار میں سوار صدر تھانے کے ایڈیشنل ایس ایچ او ظہور بھٹی پر فائرنگ کردی ،جس کے نتیجے میں ظہور بھٹی زخمی ہوگئے تھے، دونوں ملزمان کو بعدازاں گرفتارکرلیا گیا تھا۔
ملزمان نے سپریم کورٹ کراچی رجسٹری کے قریب فائرنگ سے قبل آرام باغ کے علاقے میں فائرنگ کرکے ایک پولیس اہلکار کو بھی زخمی کیا تھا، نارتھ ناظم آباد کے علاقے میں نامعلوم ملزمان نے کار پراندھا دھند فائرنگ کرکے چالیس سالہ شاہد قریشی کوہلاک کردیا جبکہ کورنگی ڈھائی نمبر میں نامعلوم ملزمان کی فائرنگ سے چالیس سالہ اکبر علی زخمی ہوگیا۔
کراچی: فائرنگ اور پرتشدد واقعات میں تیرہ افراد جاں بحق اورنو زخمی ہوگئے جبکہ رینجرز اور پولیس کی مشترکہ کارروائی میں گینگ وار کے اہم کارندے ڈاکٹر شعیب سمیت چھ دہشت گرد مارے گئے۔
کراچی میں قتل و غارت گری کا سلسلہ رک نہ سکا، ملیر میمن گوٹھ کے قریب رینجرز اور پولیس نے جرائم پیشہ افراد کے ٹھکانے پر چھاپہ مارا تو مسلح افراد نے اہلکاروں پر فائرنگ کردی، جوابی فائرنگ کے نتیجے میں گینگ وار کے پانچ کارندے مارے گئے۔
ترجمان رینجرز کے مطابق مقابلے کے دوران گینگ وار بابا لاڈلہ گروپ کا اہم کارندہ ڈاکٹر شعیب بھی ہلاک ہوا، ملزمان کے قبضے سے جدید اسلحہ ، آوان بم ، پولیس اور رینجرز کی وردیاں بھی برآمد کر لی گئیں۔
لیاری رانگی واڑہ میں خفیہ اطلاع پر ملزمان کی گرفتاری کیلئے رینجرز نے چھاپہ مارا تو عزیر بلوچ گروپ کے کارندوں نے فائرنگ شروع کردی، جوابی کارروائی میں ملزم سلمان لال مارا گیا، رات گئے اورنگی ٹاون چشتی نگر میں نامعلوم افراد کی فائرنگ سے ایک شخص جان کی بازی ہار گیا۔
نارتھ کراچی میں نجی اسپتال کے قریب فائرنگ سے ایک شخص کو قتل کردیا گیا، قصبہ کالونی کے علاقے میں نامعلوم افراد کی دکان پر فائرنگ سے شخص کو قتل کردیا، واقعے کا عینی شاہد اور مقتول کا دوست یہ منظر دیکھ کر ہارٹ اٹیک کے باعث انتقال کرگیا، گلستان جوہر بلاک بارہ سے ایک شخص کی لاش برآمد ہوئی۔
خاموش کالونی کے قریب فائرنگ سے ایک شخص مارا گیا، لانڈھی نمبر چھ میں مسلح افراد نے الیکٹرونکس کی دکان پر فائرنگ کرکے اقبال نامی شخص کو موت کے گھاٹ اتار دیا۔ پولیس کے مطابق واقعہ بھتے کے تنازعہ پر پیش آیا، ادھر شاہ لطیف ٹاون میں زمین کے تنازعے پر دو گروپوں میں مسلح تصادم میں چار افراد زخمی ہوگئے۔
کراچی:عیدالاضحی پر بھی ٹارگٹ کلنگ نہ رک سکی، فائرنگ کے واقعات میں اہلسنت والجماعت کا کارکن جاں بحق ہوگیا، دوسری جانب کٹی پہاڑی کے قریب فائرنگ سے ایک شخص زخمی ہوگیا۔
کراچی کے سفاک قاتل عید کے دوسرے دن بھی سرگرم ہیں، کراچی کے علاقے نارتھ ناظم آباد میں نامعلوم افراد کی فائرنگ سے مسعود نامی شخص جاں بحق ہوگیا۔
ترجمان اہلسنت والجماعت کا کہنا ہے کہ جاں بحق شخص اہلسنت و الجماعت کا ذمہ دار ہے، پولیس کے مطابق مقتول مسعود کے بڑے بھائی کو بھی دوہزار گیارہ میں قتل کیا جاچکا ہے۔
ادھرکٹی پہاڑی پر فائرنگ سے ایک شخص زخمی ہوگیا ہے۔
کراچی: فائرنگ اور پُرتشدد واقعات میں کمی نہ آئی، دہشتگردی کی بھینٹ چڑھنے والوں کی تعداد تین ہوگئی ہے، بلدیہ میں رینجرز نے ٹارگٹڈ آپریشن کے دوران ٹارگٹ کلر سمیت چارملزمان کو گرفتارکرلیا ہے۔
کراچی میں ٹارگٹڈ کارروائیوں کے باوجود قتل وغارت گری کا بازار گرم ہے، تھانہ شاہ لطیف کے علاقے بھینس کالونی میں فائرنگ نے ستائیس سالہ واجد کو ابدی نیند سلادیا، لیاری کے علاقے چاکیواڑہ سے ایک شخص کی بوری بند لاش ملی۔
پولیس کے مطابق مقتول کواغواء کے بعد تشدد اور فائرنگ کرکے قتل کیا گیا، ماڑی پور پرانا ٹرک اڈہ کے قریب بھتے نہ دینے پر فائرنگ کرکے پینتیس سالہ جاوید کو قتل اور پینتالیس سالہ محمد بوٹا کو زخمی کردیا۔
مقتول اور زخمی گڈز ٹرانسپورٹرز کے ملازم ہیں، لیاری کلاکوٹ، سہراب گوٹھ اور سپر ہائی وے کے علاقوں میں فائرنگ کے واقعات نے تین افراد کو زخمی کردیا ہے۔
کراچی : گلشن اقبال میں فائرنگ سے جامعہ کراچی اسلامک اسٹڈیز کے ڈین ڈاکٹر شکیل اوج جاں بحق ہوگئے۔
کراچی میں ٹارگٹڈ کارروائیوں کے باوجود قتل وغارت گری کا بازار گرم ہے، کراچی کے علاقے گلشن اقبال میں میں واقع بیت المکرم مسجد کے قریب موٹر سائیکل پر سوار 2 نامعلوم افراد نے گاڑی پر اندھا دھند فائرنگ کر دی، جس کے نتیجے میں جامعہ کراچی اسلامک اسٹڈیز کے ڈین ڈاکٹرشکیل اوج زخمی ہوئے، جنہیں اسپتال منتقل کیا گیا لیکن وہ زخموں کی تاب نہ لاتے ہوئے دم توڑ گئے۔
ایس ایس پی ایسٹ پیر محمد شاہ نے ڈاکٹر شکیل اوج کے جاں بحق ہونے کی تصدیق کرتے ہوئے کہا ہے کہ ابتدائی تفتیش سے معلوم ہوتا ہے کہ ملزمان نے انھیں باقاعدہ ریکی کر کے ٹارگٹ کیا، پروفیسر شکیل اوج کو قریب سے سر میں گولی ماری گئی جو جان لیوا ثابت ہوئی۔
ان کا کہنا تھا کہ حسن اسکوائر سے نیپا چورنگی تک نصب سی سی ٹی وی کیمروں کی مدد سے ملزمان کی شناخت کرکے ان کی گرفتاری کے لئے چھاپے مارے جائیں گے
ڈاکٹرشکیل کے ہمراہ ان کی صاحبزادی پروفیسرآمنہ اور ایک ساتھی پروفیسر بھی تھے، واقعے میں پروفیسر آمنہ کو بھی ایک گولی لگی ،جن کی حالت اب خطرے سے باہر بتائی جاتی ہے۔ واقعے کے وقت تمام افراد ایرانی سفارتخانے کی ایک تقریب میں شرکت کیلئے جارہے تھے۔
ڈی آئی جی منیرشیخ کے مطابق ڈاکٹرشکیل نے تھانہ مبینہ ٹاؤن میں یونیورسٹی کے ایک ساتھی کےخلاف درخواست دے رکھی تھی تاہم مختلف پہلوؤں کاجائزہ لینے کیلئے پولیس کی خصوصی تحقیقاتی ٹیم تشکیل دے دی گئی ہے۔
کراچی پولیس چیف غلام قادر تھیبو نے پروفیسر شکیل اوج کے قتل میں ملوث ملزمان کی نشاندہی پر 20 لاکھ روپے انعام کا اعلان کیا ہے، پروفیسر شکیل اوج کے جاں بحق ہونے کے بعد جامعہ کراچی سمیت سندھ بھر کی جامعات میں تدریسی عمل معطل کر دیا گیا جب کہ جامعہ کراچی میں ہونے والے تمام پرچے بھی ملتوی کر دیئے گئے ہیں۔
دوسری جانب گورنر سندھ ڈاکٹر عشرت العباد نے پروفیسر شکیل اوج کے قتل کی شدید الفاظ میں مذمت کرتے ہوئے آئی جی سندھ سے واقعے کی رپورٹ طلب کر لی ہے۔
وائس چانسلر جامعہ کراچی ڈاکٹر قیصر کا کہنا ہے کہ پروفیسر شکیل اوج کی شہادت سے نہ صرف جامعہ کراچی بلکہ پورے ملک کا نقصان ہے، وہ ایک بہت قابل انسان تھے، وہ بہت سی کتابوں کے مصنف بھی تھے، ان کی تعلیمی خدمات کے پیشِ نظر حال ہی میں حکومت کی جانب سے انھیں ستارہ امتیاز کے لئے نامزد بھی کیا گیا تھا۔
ڈاکٹر قیصر کا کہنا تھا کہ جان بوجھ کر ایک منظم سازش کے تحت ملک کے پڑھے لکھے افراد کو نشانہ بنایا جا رہا ہے، جس میں ڈاکٹرز، پروفیسرز اور وکلاء شامل ہیں۔
کراچی : شہر میں جاری ٹارگٹڈ آپریشن کے باوجود فرقہ وارانہ قتلِ عام جاری ہے، نارتھ ناظم آباد میں واقع حیدری مارکیٹ کے قریب کار پر فائرنگ سے جامعہ بنوریہ کےمعلم مولانا مسعود جاں بحق ہوگئے۔
اے آر وائی نیوز کے ذرائع کے مطابق کراچی کے علاقے نارتھ ناظم آباد میں واقع حیدری مارکیٹ کے قریب نامعلوم موٹر سائیکل سوار دہشتگردوں نے کار پر نشانہ باندھ کر اندھا دھند فائرنگ کردی، حملے میں جامعہ بنوریہ کے معلم مولانا مسعود کو نشانہ بنایا گیا۔
حملے کے فوراً بعد مولانا مسعود کو زخمی حالت میں عباسی شہید اسپتال منتقل کیا گیا، جہاں وہ دورانِ علاج زخموں کی تاب نہ لاتے ہوئے خالق حقیقی سے جا ملے۔
واقعہ اس وقت پیش آیا جب مولانا مسعود یونیورسٹی سے اپنے گھر کی جانب جا رہے تھے۔
فائرنگ کے واقعے کے بعد علاقے کی فضا میں کشیدگی پھیل گئی اور مشتعل مظاہرین نے مختلف علاقوں میں دکانیں اور کاروبار بند کرادیا ہے۔
پچپن سالہ مولانا مسعود کو جو جامعہ بنوریہ کے معلم اور معروف مذہبی اسکالر مفتی نعیم کے داماد تھے۔
واضح رہے کہ شہر میں فرقہ وارانہ قتل ِ عام جاری ہے اور ہفتے کے روز علامہ علی اکبر کمیلی کو بھی اسی نوعیت کے ایک حملے میں نشانہ بنایا گیا تھا جس میں وہ زخموں کی تاب نا لاتے ہوئے ساتھی سمیت جاں بحق ہوگئے تھے۔