شہر قائد کا مشہور کراچی حلیم تو سب ہی نے کھایا ہوگا کیا ہی اچھا ہو اگر یہی ذائقہ دار اور لیس دار حلیم گھر میں بھی بنایا جاسکے اور ماہ رمضان میں اسے اپنے دسترخوان کی زینت بنائیں۔
اس حوالے سے اے آر وائی ڈیجیٹل کے پروگرام گڈ مارننگ پاکستان میں دیگی چکن حلیم بنانے کا آسان طریقہ بتایا گیا ہے، ویڈیو کو دیکھیں اور گھر میں بنا کر سب کو پیش کریں۔
اجزائے ترکیبی
ہڈی کے بغیر چکن ………… ایک کلو
چنے کی دال ………… 100 گرام
ماش کی دال ………… 100 گرام
مونگ کی دال ………… 100 گرام
مسور کی دال ………… 100 گرام
ثابت گندم ………… 500گرام
چاول (ایک گھنٹہ بھگوئے ہوئے) ………… 100 گرام
پانی ………… 6 کلو گرام
نمک ………… حسب ذائقہ
سرخ مرچ پاؤڈر ………… 3کھانے کا چمچ
ہلدی پاؤڈر ………… 3کھانے کے چمچ
گرم مصالحہ پاؤڈر ………… 2کھانے کے چمچ
چاٹ مصالحہ ………… 2کھانے کے چمچ
چکن کی یخنی ………… 6کپ
زیرہ پاؤڈر ………… 2کھانے کے چمچ
لیموں کا رس ………… 4کھانے کے چمچ
سجاوٹ کے لئے …………
ہرا دھنیا (کٹا ہوا) ………… 3سے 4 کھانے کے چمچ
ہری مرچیں (کٹی ہوئی) ………… 2سے 3کھانے کے چمچ
ادرک (لمبائی میں کٹا ہوا) ………… 2سے 3کھانے کے چمچ
تلی ہوئی پیاز ………… 50 گرام
چاٹ مصالحہ ………… 2سے3 کھانے کے چمچ
لیموں کے قتلے ………… 4سے 6عدد
طریقہ کار :
ایک بڑے برتن میں تیل ڈال کر تمام مصالحے اور 4کپ پانی شامل کریں۔ 40سے 45تک تمام دالیں، گندم اور چکن کے مکمل گلنے تک پکائیں۔ فوڈپراسیسر میں اس مکسچر کو گرائنڈ کریں۔ ایک بڑے موٹے پیندے کے برتن میں یہ مکسچر اور حصہ ب کے اجزائے ترکیبی شامل کردیں ہلکی آنچ پر 15سے 20منٹ تک پکائیں۔ اس مکسچر کو لکڑی کے چمچ سے اس وقت تک ہلاتے رہیں جب تک یہ مکمل طور پر پک کر گاڑھا نہ ہوجائے۔ سجاوٹ کی تمام چیزیں ڈال کر روٹی یا نان کے ساتھ پیش کریں۔ آپ بیف سے بھی حلیم بنا سکتے ہیں وہی اس کی اصل ترکیب میں شامل ہے۔