ARYNews.tv | Urdu – Har Lamha Bakhabar

Tag: karachi kings

  • سلمان اقبال کا کراچی کنگز کو سپورٹ کرنے پر مداحوں کا شکریہ

    سلمان اقبال کا کراچی کنگز کو سپورٹ کرنے پر مداحوں کا شکریہ

    کراچی: پاکستان سپر لیگ میں کراچی کنگز کی ٹیم کے مالک سلمان اقبال نے ٹیم کو سپورٹ کرنے پر مداحوں کا شکریہ ادا کیا۔

    ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام میں کیا، انہوں کہا کہ مداحوں سے معذرت خواہ ہوں کہ ہم پی ایس ایل کے دوسرے ایلی مینٹر میں پشاور زلمی کے ہاتھوں شکست سے دوچار ہوگئے تاہم ہار جیت کھیل کا حصہ ہے۔

    کراچی کنگز کے مالک سلمان اقبال نے کہا کہ لاہور سے کراچی جارہا ہوں مگر افسوس ہے کہ اپنی ٹیم کے بغیر کراچی آنا پڑ رہا ہے مگر مداحوں کا بہت شکریہ جنہوں نے کراچی کنگز کی ٹیم کو سپورٹ کیا۔

     پشاور زلمی کی جیت کا مطلب ہے کہ کراچی کنگز اپنے ہوم گراؤنڈ پر فائنل نہیں کھیل پائے گی، مگر پشاور زلمی کا مقابلہ اتوار 25 مارچ کو سابق چیمپئن اسلام آباد یونائیٹڈ سے ہوگا۔

     ایونٹ میں کراچی کنگز کی ٹیم کے کھلاڑیوں کو انجریز کا سامنا رہا، شاہد آفریدی گھٹنے اور عماد وسیم کے سر پر چوٹیں آئیں جس کے سبب پشاور زلمی کے خلاف محمد عامر نے کپتانی کے فرائض انجام دئیے۔

    یہ پڑھیں: پشاور زلمی نے کراچی کنگز کو شکست دے کر فائنل تک رسائی حاصل کرلی

    واضح رہے کہ گزشتہ روز پاکستان سپر لیگ سیزن تھری کے دوسرے ایلی مینٹر میچ میں پشاور زلمی نے کراچی کنگز کو 13 رنز سے شکست دے کر فائنل کے لیے کوالیفائی کرلیا ہے، فائنل میچ میں پشاور زلمی اور اسلام آباد یونائیٹڈ کے درمیان 25 مارچ کو نیشنل اسٹیڈیم کراچی میں ہوگا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • جناح یونیورسٹی فاروومن: کراچی کنگز نے پشاور زلمی کو شکست دے دی

    جناح یونیورسٹی فاروومن: کراچی کنگز نے پشاور زلمی کو شکست دے دی

    کراچی : قذافی اسٹیڈیم لاہور میں کھیلے جارہے کراچی کنگز اور پشاور زلمی کے اہم میچ سے قبل کراچی میں جناح یونیورسٹی فار وومن کی طالبات نے ایک دوستانہ میچ کھیلا، جس میں کراچی کنگز نے پشاور زلمی کو مات دے دی۔

    تفصیلات کے مطابق قذافی اسٹیڈیم کے میچ سے قبل ہی کراچی میں جناح یونیورسٹی فار وومن نے میچ سجا لیا، یونیورسٹی کے احاطے میں کراچی کنگز اور پشاور زلمی درمیان کھیلے گئے آٹھ آٹھ اوورز کے دوستانہ میچ میں کراچی کنگز نے پہلے کھیلتے ہوئے مقررہ اوورز میں56رنز بنائے،۔

    جواب میں پشاور زلمی مطوبہ ہدف حاصل نہ کرسکی، کراچی کنگز جیتا تو طالبات نے خوشی میں بھنگڑے ڈالے، اے آر وائی نیوز کی رپورٹر ربیعہ خان کے مطابق طالبات کھلاڑیوں کا کہنا تھا کہ کراچی کنگز کی ٹیم لاہور کے میدان میں بھی فتح یاب ہو گی اور پی ایس ایل تھری کی ٹرافی بھی اپنے نام کرے گی۔

    مزید پڑھیں: پی ایس ایل فائنل، کراچی کوسجا کرکھلاڑیوں کا پرتپاک استقبال کریں گے، وسیم اختر

    پی ایس ایل کی شیدائی طالبات نے کراچی کنگز کی جیت کی خوشی میں بھنگڑے ڈال کر یہ بتا دیا کہ ان کے دل کراچی کنگز کے لیے دھڑکتے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • پشاور زلمی نے کراچی کنگز کو شکست دے کر فائنل تک رسائی حاصل کرلی

    پشاور زلمی نے کراچی کنگز کو شکست دے کر فائنل تک رسائی حاصل کرلی

    لاہور: پاکستان سپر لیگ کے دوسرے ایلی منیٹر میچ میں پشاور زلمی نے کراچی کنگز کو 13 رنز سے شکست دے کر فائنل تک رسائی حاصل کرلی۔

    تفصیلات کے مطابق پی ایس ایل کا تیسرا ایڈیشن شایانِ شان طریقے سے اپنے اختتام کی جانب رواں دواں ہے، اس ضمن میں لاہور کے قذافی اسٹیڈیم میں ایلی منیٹر میچ میں کراچی کنگز اور دفاعی چیمپئن پشاور زلمی کی ٹیمیں مد مقابل تھیں۔

    ابتداء میں بارش اور موسم کی خرابی کے باعث میچ تاخیر کا شکار ہوا، امپائرز نے معائنہ کرنے کے بعد ٹاس کو  پہلے 7:30  اور پھر 7:45 بجے  تک ملتوی کرنے کا اعلان کیا، وقت کی قلت کے باعث میچ کو 16 اوور تک مختصر کرنے کا فیصلہ کیا گیا۔

    کراچی کنگز کے کپتان کی دعوت پر پشاور زلمی نے بیٹنگ کا آغاز کیا تو کامران اکمل اور فلیچر میدان میں آئے، سیمی الیون کو اچھی اوپننگ ملی اور اُن کا پہلا کھلاڑی 107 کے مجموعی اسکور پر آؤٹ ہوا، بعد ازاں کامران اکمل 120 ، محمد حفیظ 137، ڈوسن 150، ڈیرن سیمی ، سعد نسیم  اور وہاب ریاض 169 کے مجموعی اسکور پر پویلین لوٹے۔

    پشاور زلمی نے مقررہ 16 اوورز میں 7 وکٹوں کے نقصان پر 170 رنز بنائے جن میں کامران اکمل کی 27 گیندوں پر 77 رنز کی دھواں دھار بیٹنگ بھی شامل ہے۔

    علاوہ ازیں آندرے فلیچر 34، ڈیرن سیمی 23 رنز کے ساتھ نمایاں بلے باز ہے، کراچی کنگز کے روی بوپارا نے 3اور  ٹائمل ملز  نے 2کھلاڑیوں کو آؤٹ کیا۔

    پشاور زلمی کے  ہدف 171 کے تعاقب میں کراچی کنگز نے بیٹنگ کا آغاز کیا تو 13 کے مجموعی اسکور پر مختار احمد آؤٹ ہوئے جبکہ دوسرے بلے باز بابر اعظم 130 کے مجموعی اسکور پر پویلین روانہ ہوئے۔

    کراچی کنگز کی ٹیم نے 171 رنز ہدف کے جواب میں 157 رنز بنائے، اوپنر جوئے ڈین لی 79 رنز ناٹ آؤٹ کے ساتھ نمایاں بلے باز رہے جبکہ بابر اعظم نے 63 رنز کی اننگز کھیلی جو ٹیم کے کام نہ آسکی۔

    پشاور زلمی نےکراچی کنگز کو شکست دے کر فائنل تک رسائی حاصل کی جس کے بعد اب پی ایس ایل کے فائنل میچ میں سیمی الیون اور اسلام آباد یونائیٹڈ کا مقابلہ 25 مارچ کو نیشنل اسٹیڈیم کراچی میں ہوگا۔

    کراچی کنگز اننگز

    سولہواں اوور (وہاب ریاض): اننگز کے آخری اوور میں کراچی کنگز کو جیت کے لیے 27 رنز درکار تھے مگر کراچی کنگز کی ٹیم صرف 13 رنز بنا سکی اور اس طرح عماد الیون کو 13 رنز سے شکست کا سامنا کرنا پڑا۔

    پندرہواں اوور (حسن علی): بابر اعظم 45 گیندوں پر 63 رنز کی اننگز کھیل کر کیچ آؤٹ ہوئے، اختتام پر ٹیم کا مجموعی اسکور 144/2 تک پہنچا۔

    چودہواں اوور (کرس جورڈن): 7 رنز اضافے کے بعد کراچی کنگز کا مجموعی اسکور 1 وکٹ کے نقصان پر 128 تک پہنچا۔

    تیرہواں اوور (حسن علی): دو چوکوں اور سنگلز کے بعد مجموعی اسکور 121/1 تک پہنچا۔

    بارہواں اوور (عمید آصف): 1 چھکے اور سنگلز کی مدد سے مجموعی اسکور 110/1 تک پہنچا۔

    گیارہواں اوور (وہاب ریاض): ایک چھکے اور دو چوکوں کی مددسے مجموعی اسکور 99/1 تک پہنچا۔

    دسواں اوور (عمید آصف): پانچ رنز اضافے کے بعد مجموعی اسکور 82/1 تک پہنچا۔

    نواں اوور (کرس جورڈن): 8 رنز اضافے کے بعد کراچی کنگز کا مجموعی اسکور 77/1 تک پہنچا، ٹیم کو جیت کے لیے 42 گیندوں پر 94 رنز درکار تھے۔

    آٹھواں اوور (عمید آصف): دو چوکوں کی مدد سے 12 رنز بنے جس کے بعد مجموعی اسکور 69/1 تک پہنچ گیا۔

    ساتواں اوور (وہاب ریاض): ایک چوکے اور دو سنگلز کے بعد اسکور 57/1 تک پہنچا۔

    چھٹا اوور (ثمین گل): ایک چھکے ، ایک چوکے کی مدد سے 14 رنز بنے جس کے بعد اختتام پر مجموعی اسکور 51/1 تک پہنچا۔

    پانچواں اوور (کرس جورڈن): ایک چھکے، 1 چوکے کی مدد سے 12 رنز حاصل ہوئے، پانچویں اوور کے اختتام پر مجموعی اسکور 37/1 تک پہنچا۔

    چوتھا اوور (ثمین گل): ایک چھکے  کی مدد سے 8 رنز بنے، اوور اختتام پر ٹیم کا مجموعی اسکور 25/1 تک پہنچا۔

    تیسرا اوور (حسن علی): 1 رن اضافے کے بعد مجموعی اسکور 17/1 تک پہنچا۔

    دوسرا اوور (ثمین گل): دوسری گیند پر مختار احمد 1 رن بنا کر آؤٹ ہوئے، تین رنز اضافے کے بعد مجموعی اسکور 16/1 تک پہنچا۔

    ہدف کے تعاقب میں کراچی کنگز کی جانب سے بیٹنگ کا آغاز مختار احمد اور ڈین لی

    نے کیا جبکہ پہلا اوور حسن علی نے کرایا، ایک سنگل اور تین چوکوں کے بعد مجموعی اسکور 13/0 تک پہنچا۔

    اننگز پشاور زلمی

    سولہواں اوور (ٹائمل ملز): پہلے بال پر چھکا اور دوسری پر چونکا پڑا،تاہم تیسری ہی گیند پر سیمی کیچ آؤٹ ہوکر روانہ ہوئے اگلی ہی گیند پر سعد نسیم اور پھر وہاب ریاض آؤٹ ہوئے، اوور اختتام پر زلمی کا اسکور 170/7 تک پہنچا۔

    پندرہواں اوور (محمد عامر): 6 رنز اضافے کے بعد مجموعی اسکور 159/4 تک پہنچا۔

    چودہواں اوور (عثمان شنواری): چوتھی گیند پر ڈوسن 13 کے انفرادی جبکہ 150 کے مجموعی اسکور پر پویلین لوٹے، 11 رنز اضافے کے بعد اسکور 153/4 تک پہنچا۔

    تیرہواں اوور (محمد عامر): 5 رنز اضافے کے بعد زلمی کا مجموعی اسکور 142/3 تک پہنچا۔

    بارہواں اوور (روی بوپارا): کراچی کنگز کے لیے یہ اوور بھی اچھا ثابت ہوا کیونکہ آخری گیند پر محمد حفیظ 12 کے انفرادی اسکور پر آؤٹ ہوئے، اختتام پر ٹیم کا مجموعی اسکور 137/3 تک پہنچا۔

    گیارہواں اوور (اسامہ میر): ایک چھکے اور چار سنگلز کے بعد مجموعی اسکور 130/2 تک پہنچا۔

    دسواں اوور (روی بوپارا): فلیچر 34 کے انفرادی اور 107 کے مجموعی اسکور پر پویلین روانہ ہوئے، آخری گیند پر کامران اکمل کی دھواں دھار اننگز کا اختتام ہوا اور وہ 27 گیندوں پر 8 چھکوں اور 5 چوکوں کی مدد سے 77 رنز کی اننگز کھیل کر آؤٹ ہوئے، اختتام پر ٹیم کا مجموعی اسکور 120/2 تک پہنچا۔

    نواں اوور (دانش عزیز): 2 چھکوں اور چار سلنگز کے بعد زلمی کا مجموعی اسکور 107/0 تک پہنچا۔

    آٹھواں اوور (ٹائمل ملز): 3 رنز اضافے کے بعد مجموعی اسکور 91/0 تک پہنچا۔

    ساتواں اوور (اسامہ میر): کامران اکمل نے 17 گیندوں پر پی ایس ایل کی تیزترین نصف سنچری 54 رنز بنائے، اوور میں 19 رنز آنے کے بعد مجموعی اسکور 88/0 تک پہنچا۔

    چھٹا اوور (روی بوپارا): ایک چھکے، 2 چوکوں اور ایک سنگل کے بعد مجموعی اسکور 69/0 تک پہنچا۔

    پانچواں اوور (عثمان شنواری): دو چھکوں اور یکے بعد دیگرے 3 چوکوں کی مدد سے مجموعی اسکور میں 25 رنز کا اضافہ ہوا اور اختتام پر اسکور 54/0 تک پہنچا۔

    چوتھا اوور (ٹائمل ملز): ایک چھکے اور ایک چوکے کے بعد مجموعی اسکور 29/0 تک پہنچا۔

    تیسرا اوور (محمد عامر): دو رنز اضافے کے بعد مجموعی اسکور 19/1 تک پہنچا۔

    دوسرا اوور (عثمان شنواری) : ایک چھکے اور ایک چوکے کی مدد سے 13 رنز بنے جس کے بعد مجموعی اسکور 15/0 تک پہنچا۔

    زلمی کی جانب سے اننگز کا آغاز کامران اکمل اور آندرے فلیچر نے کیا جبکہ محمد عامر نے پہلا اوور کرایا، اختتام پر ٹیم کا مجموعی اسکور 2/0 تک پہنچا۔

    اسکواڈ

    کراچی کنگز: مختار احمد، جوئے ڈٰن لے، بابر اعظم، کولن انگرا، روی بوپارا، دانش عزیز، محمد رضوان، اسامہ میر، محمد عامر (کپتان)، ٹائمل ملز، اور عثمان شنواری

    پشاور زلمی: کامران اکمل، آندرے فلیچر، محمد حفیظ، سعد نسیم، ڈیرن سیمی (کپتان)، لیام ڈوسن، عمید آصف، وہاب ریاض، حسن علی اور ثمین گل

    امپائر علیم ڈار کا کہنا تھا کہ گراؤنڈ کے 3 مقامات پر اب بھی پانی موجود ہے، اسٹاف بہترین انداز میں کام کررہا ہے مگر ابھی میچ شروع نہیں کیا جاسکتا، ٹاس کے بعد مقررہ اوورز کم کردیے جائیں گے۔

    بعد ازاں علیم ڈار میدان میں آئے اور انہوں نے اعلان کیا کہ میچ کے لیے ٹاس پونے آٹھ بجے کیا جائے گا اور مقررہ اوورز 20 سے کم کر کے 16 تک کردیے جائیں گے۔

    ٹاس کے بعد گفتگو کرتے ہوئے کراچی کنگز کے کپتان محمد عامر کا کہنا تھا کہ تین اہم کھلاڑی ٹیم میں کا حصہ نہیں ہیں، شاہد آفریدی کا ٹیم میں نہ بہت ہونا بڑا نقصان ہے تاہم کھلاڑی اچھی فارم میں ہیں اور ہم میچ میں فتح حاصل کرنے کی ہر ممکن کوشش کریں گے۔

    اُن کا کہنا تھا کہ گذشتہ رات سے بارش ہورہی ہے وکٹ سے باؤلرز کو بہت مدد ملے گی، ٹیم میں  تین تبدیلیاں کیں، دانش عزیر،روی بوپارا،مختاراحمد اور اسامہ میر ٹیم کاحصہ ہیں۔

    پشاور زلمی کے کپتان ڈیرن سیمی کا کہنا تھا کہ تمیم اقبال کو انجری کے باعث آرام کا موقع فراہم کر کے ٹیم میں جارڈن کو شامل کیا گیا ہے، فائنل میں پہنچنے کی کوشش کریں گے۔

    دوسرے ایلی منیٹر میچ میں کراچی کنگز کی قیادت آج فاسٹ باؤلر محمد عامر کے سپرد تھی کیونکہ شاہد آفریدی اور کپتان عماد وسیم انجری کے سبب ٹیم کا حصہ نہیں بن سکے۔ پشاور زلمی کے اوپنر تمیم اقبال بھی انجری کے باعث پلیئنگ الیون کا حصہ نہیں ہیں۔

    میچ دیکھنے کے لیے جہاں عام عوام کی بڑی تعداد میں پہنچے وہیں چیف جسٹس آف پاکستان جسٹس ثاقب نثار نے بھی قذافی اسٹیڈیم پہنچ کر میچ دیکھا۔

     

    یاد رہے کہ آج فتح حاصل کرنے والی ٹیم 25 مارچ کو  لیگ کا فائنل میچ میں اسلام آباد یونائیٹڈ کے مد مقابل کراچی میں کھیلے گی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
  • کراچی کنگز کی کپتانی آج محمد عامر کریں گے

    کراچی کنگز کی کپتانی آج محمد عامر کریں گے

    لاہور: پاکستان سپر لیگ 2018 کے دوسرے ایلی منیٹر میچ میں کراچی کنگز کی قیادت آج فاسٹ باؤلر محمد عامر کریں گے۔ شاہد آفریدی اور کپتان عماد وسیم انجری کے سبب ٹیم کا حصہ نہیں۔

    تفصیلات کے مطابق کراچی کنگز کی ٹیم کے مالک سلمان اقبال نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ آج کے میچ میں شاہد آفریدی اور عماد وسیم انجری کے سبب ٹیم کا حصہ نہیں۔

    انہوں نے کہا کہ آج میچ میں محمد عامر کراچی کنگز کے کپتان ہوں گے۔

    سلمان اقبال کا کہنا تھا کہ شاہد آفریدی اور عماد وسیم کی جلد صحت یابی کے لیے دعاگو ہیں۔

    یاد رہے کہ لیگ کے دوسرے ایلی منیٹر میچ میں آج کراچی کنگز اور پشاور زلمی مدمقابل ہیں۔ میچ شام 7 بجے لاہور کے قذافی اسٹیڈیم میں کھیلا جائے گا۔

    جیتنے والی ٹیم 25 مارچ کو کراچی میں لیگ کے فائنل میچ میں اسلام آباد یونائیٹڈ کی ٹیم سے ٹکرائے گی۔ اسلام آباد یونائیٹڈ کی ٹیم پہلے ہی فائنل تک رسائی حاصل کرچکی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی ایس ایل 2018: فائنل میں پہنچنے کے لیے آج کراچی کنگز اور پشاور زلمی مدمقابل

    پی ایس ایل 2018: فائنل میں پہنچنے کے لیے آج کراچی کنگز اور پشاور زلمی مدمقابل

    لاہور: پاکستان سپر لیگ کے تیسرے ایڈیشن میں فائنل تک پہنچنے کے لیے آج کراچی کنگز اور پشاور زلمی آپس میں ٹکرائیں گے۔ اسلام آباد یونائیٹڈ پہلے ہی فائنل تک رسائی حاصل کرچکا ہے۔

    تفصیلات کے مطابق فائنل کی جنگ تک پہنچنے کے لیے آج کراچی کنگز اور پشاور زلمی آپس میں مدمقابل ہوں گے۔ جیتنے والی ٹیم 25 مارچ کو کراچی میں لیگ کا فائنل کھیلے گی۔

    پشاور زلمی کل کوئٹہ گلیڈی ایٹرز کو ایک رن سے شکست دے چکی ہے۔ کراچی کنگز بھی بہترین کارکردگی کا مظاہرہ کرتی آرہی ہے۔

    اسلام آباد یونائیٹڈ کی ٹیم اس سے قبل کراچی کنگز کو شکست دے کر فائنل میں رسائی حاصل کرچکی ہے۔ آج کے میچ میں جیتنے والی ٹیم فائنل میں اسلام آباد سے ٹکرائے گی۔

    میچ کا آغاز شام 7 بجے قذافی اسٹیڈیم میں ہوگا۔ میچ کے لیے شہر بھر میں سخت سیکیورٹی انتظامات کیے گئے ہیں۔ قذافی اسٹیڈیم کے آس پاس کا پورا علاقہ سیل کیا جاچکا ہے جبکہ پولیس کی بھاری نفری ڈیوٹی پر تعینات ہے۔

    میچ کے دوران بارش کی بھی پیشن گوئی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کراچی کنگزکےانٹرنیشنل کھلاڑیوں سمیت پورا اسکواڈ لاہور پہنچ گیا

    کراچی کنگزکےانٹرنیشنل کھلاڑیوں سمیت پورا اسکواڈ لاہور پہنچ گیا

    لاہور: کراچی کنگز کے مالک اور اے آر وائی ڈیجیٹل کے سی ای او سلمان اقبال کی سربراہی میں کراچی کنگز کے انٹرنیشنل کھلاڑیوں سمیت پورا اسکواڈ لاہور پہنچ گیا۔

    تفصیلات کے مطابق کراچی کنگزکی ٹیم نجی ایئرلائنزکے ذریعے دبئی سے لاہور پہنچی، کھلاڑیوں کی آمد پرعلامہ اقبال انٹرنیشنل ایئرپورٹ پرسیکورٹی کے سخت انتظامات کیے گئے۔

    کراچی کنگز کے غیرملکی کھلاڑیوں کو سیکورٹی حصار میں ایئرپورٹ سے نجی ہوٹل پہنچا دیا گیا۔ کراچی کنگز کے 6 غیرملکی کھلاڑی دبئی سے لاہور پہنچے ہیں جن میں جوڈین لی، روی بوپارا، کولن انگرام، ٹائمل ملز، ڈیوڈویسی اور لینڈل سیمنزشامل ہیں۔

    پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    خیال رہے کہ پاکستان سپرلیگ کے دو ایلیمینیٹرز میچ لاہور کے قذافی اسٹیڈیم میں کھیلے جائیں گے، پہلے میچ میں دفاعی چیمپیئن پشاور زلمی اور کوئٹہ گلیڈی ایٹرز کی ٹیمیں آج مدمقابل ہوں گی اور فاتح ٹیم کل کراچی کنگز سے ٹکرائے گی۔

    یاد رہے کہ پی ایس ایل کا فائنل 25 مارچ کو کراچی کے نیشنل اسٹیڈیم میں کھیلا جائے گا اورایلیمینیٹرز میچز میں جیتنے والی ٹیم اسلام آباد یونائیٹڈ کے مدمقابل ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    پی ایس ایل 2018: کوئٹہ گلیڈی ایٹرز آج پشاور زلمی سے ٹکرائے گی

    لاہور: پاکستان سپر لیگ کے تیسرے ایڈیشن میں آج کوئٹہ گلیڈی ایٹرز اور دفاعی چیمپئن پشاور زلمی کی ٹیمیں پہلے ایلی منیٹر میں آمنے سامنے ہوں گی۔

    تفصیلات کے مطابق پی ایس ایل تھری کے پہلے ایلی منیٹر میں پشاور زلمی آج کوئٹہ گلیڈی ایٹرز سے ٹکرائے گی، فاتح ٹیم بدھ کو دوسرے ایلی منیٹر میں کراچی کنگ سے مقابلہ کرے گی، میچ لاہور کے قذافی اسٹیڈیم میں کھیلا جائے گا۔

    دونوں ٹیمیں جیت کے لیے پر عزم ہیں جبکہ بین الاقوامی کھلاڑیوں سمیت لاہور پہنچتے ہی گوئٹہ گلیڈی ایٹرز اور پشاوہ زلمی نے بھر پور تیاریاں شروع کر دی ہیں۔

    پی ایس ایل کے میچز کے لیے خصوصی تیاریاں کی گئی ہیں: کمشنر لاہور

    خیال رہے کہ اسلام آباد یونائیٹڈ پاکستان سپر لیگ کے فائنل میں پہلے ہی کوالیفائی کرچکی ہے، اب تین ٹیموں کےدرمیان فائنل میں پہنچنےکے لیے کانٹے دار مقابلہ متوقع ہے، ہارنے والی ٹیم کو واپسی کا ٹکٹ کٹانا پڑے گا۔

    واضح رہے کہ پاکستان سپرلیگ کا فائنل 25 مارچ کو نیشنل اسٹیڈیم کراچی میں ہوگا، میچ کے موقع پر شاہراہ فیصل اور کارساز روڈ پرسیکیورٹی کے سخت انتظامات ہوں گے۔

    کراچی کنگزکی ٹیم دبئی سےلاہورپہنچ گئی

    دوسری جانب پی ایس ایل تھری کا فائنل کراچی میں کرانے کے پیش نظر ٹریفک پلان بھی جاری کر دیا گیا ہے جس کے تحت شہریوں کو متبادل راستے اپنانے ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل: فائنل کے لیے ٹریفک پلان جاری

    پی ایس ایل: فائنل کے لیے ٹریفک پلان جاری

    کراچی: نیشنل اسٹیڈیم کراچی میں معنقدہ پی ایس ایل تھری کے فائنل کے پیش نظر انتظامیہ نے ٹریفک پلان جاری کر دیا ہے۔

    تفصیلات کے مطابق وزیر ٹرانسپورٹ سندھ ناصر حسین شاہ کے ہمراہ پریس کانفرنس کرتے ہوئے ڈی آئی جی ٹریفک عمران یعقوب نے کہا کہ پی ایس ایل فائنل کے لیے سیکیورٹی وجوہات کی بناء پر مخصوص شاہراہوں کو عام ٹریفک کیلیے بند کیا جائے گا۔

    عمران یعقوب کا کہنا تھا کہ بند کیے جانے والے روٹس پر شٹل سروس چلائی جائیں گی، شٹل بسوں کے لیے تین گراؤنڈز مختص کئے گئے ہیں، وفاقی اردو یونی ورسٹی گراؤنڈ، حکیم سعید گراؤنڈ اور بیت المکرم مسجد کے سامنے اتوار بازار گراؤنڈ سے شٹل بس سروس چلے گی۔

    پی ایس ایل فائنل کے لیے سیکیورٹی انتظامات مکمل

    انہوں نے کہا کہ ڈالمیا روڈ عام ٹریفک کے لیے بند کر دیا جائے گا اور حسن اسکوائر سے اسٹیڈیم کی طرف آنے والا پل بھی عام ٹریفک کے لیے بند رہے گا۔ علاوہ ازیں نیو ٹاؤن سے بھی عام ٹریفک کا داخلہ بند ہو گا لیکن اسٹیڈیم روڈ پر واقعہ نجی اسپتالوں کے لیے ڈاکٹرز، پیرا میڈیکل اسٹاف، مریض اور ایمبولینسوں کو داخلے کی اجازت ہو گی۔

    ڈی آئی جی ٹریفک عمران تعقوب نے کہا کہ پہلا ڈائی ورژن کارساز روڈ کا ٹرننگ پوائنٹ ہے جو یونی روسٹی روڈ سے دائیں جانب ہوتا ہوا اسٹیڈیم کی طرف جاتا ہے، یہ روڈ عام ٹریفک کے لیے بند کر رہے گا، عوام سے اپیل ہے کہ وہ راشد منہاس روڈ سے مڑ کر گلشن اقبال اور لیاقت آباد 10 نمبر کی طرف جائیں۔

    پی ایس ایل فائنل، کراچی کوسجا کرکھلاڑیوں کا پرتپاک استقبال کریں گے، وسیم اختر

    ان کا مزید کہنا تھا کہ شارع فیصل پر دو طرفہ ٹریفک چلیں گی، شاہراہ قائدین، راشد منہاس روڈ بھی مکمل طور کھلا رہے گا اور شاہراہ پاکستان پر ٹریفک مکمل طور پر بحال رہے گی۔

    یاد رہے کہ پاکستان سپر لیگ کے تیسرے ایڈیشن کا فائنل 25 مارچ کو کراچی کے نیشنل اسٹیڈیم میں کھیلا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی کنگزکی ٹیم دبئی سےلاہورپہنچ گئی

    کراچی کنگزکی ٹیم دبئی سےلاہورپہنچ گئی

    لاہور: کراچی کنگز کی ٹیم نجی ایئرلائن کی پرواز کے ذریعے دبئی سے لاہور پہنچ گئی، ٹیم کو سخت سیکورٹی حصارمیں نجی ہوٹل منتقل کیا گیا۔

    تفصیلات کے مطابق کراچی کنگز کی ٹیم دبئی سے لاہور پہنچ گئی، علامہ اقبال انٹرنیشنل ایئرپورٹ پر سیکورٹی کے سخت انتظامات کیے گئے جبکہ کھلاڑیوں کو سخت سیکورٹی میں ہوٹل منتقل کیا گیا۔

    خیال رہے کہ کوئٹہ گلیڈی ایٹرز کے درمیان 20 مارچ کو پلے آف کا دوسرا میچ کھیلا جائے اور فاتح ٹیم کا مقابلہ 21 مارچ کو کراچی کنگز سے ہوگا۔

    کراچی کنگز کو شکست، اسلام آباد یونائیٹڈ کی فائنل تک رسائی

    یاد رہے کہ گزشتہ روز اسلام آباد یونائیٹڈ کی ٹیم نے لک رونکی کی تیز ترین جارحانہ بیٹنگ کی بدولت کراچی کنگز کو 8 وکٹوں سے شکست دے کر پاکستان سپر لیگ کے تیسرے ایڈیشن کے فائنل تک رسائی حاصل کرلی تھی۔

    واضح رہے کہ 16 مارچ کو پاکستان سپرلیگ کے انتہائی اہم اور بڑے میچ میں کراچی کنگز نے دفاعی چیمپئن اسلام آباد یونائیٹڈ کو 7 وکٹوں سے شکست دے کر پلے آف کے لیے کوالیفائی کیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • کراچی کنگز کو شکست، اسلام آباد یونائیٹڈ کی فائنل تک رسائی

    کراچی کنگز کو شکست، اسلام آباد یونائیٹڈ کی فائنل تک رسائی

    دبئی: اسلام آباد یونائیٹڈ کی ٹیم نے لک رونکی کی تیز ترین جارحانہ بیٹنگ کی بدولت کراچی کنگز کو 8 وکٹوں سے شکست دے کر پاکستان سپر لیگ کے تیسرے ایڈیشن کے فائنل تک رسائی حاصل کرلی۔

    تفصیلات کے مطابق پی ایس ایل کے اکتیسویں اور پلے آف کے پہلے میچ میں پوائنٹس ٹیبل پر موجود پہلی اور دوسرے نمبروں کی ٹیموں میں فائنل تک رسائی حاصل کرنے کے لیے مقابلہ دبئی اسٹیڈیم ہوا۔

    آئن مورگن نے ٹاس جیت کر پہلے بیٹنگ کا اعلان کرتے ہوئے کہا کہ ’آج کے میچ میں کوئی تبدیلی نہیں کی گئی، میچ جیت کر فائنل تک رسائی حاصل کرنے کی ہر ممکن کوشش کریں گے‘۔

    کراچی کنگز نے بیٹنگ کا آغاز کیا تو خرم منظور اور ڈین لے میدان میں اترے، تیسرے اوور میں 17 رنز کے مجموعی اسکور پر عماد الیون کی دو وکٹیں گریں تاہم آئن مورگن اور ڈین لے نے گرتی ہوئی ٹیم کو تھوڑا سا سہارا فراہم کیا۔

    بعد ازاں 46 کے مجموعی اسکور پر مورگن 21 رنز کی اننگز کھیل کر آؤٹ ہوئے، نئے آنے والے بیٹسمین کولن انگرام اور ڈین لے نے 59 گیندوں پر 82 رنز کی شاندار شراکت داری قائم کی اور اسکور کو 128 تک پہنچایا۔

    کراچی کنگز کی پہلی اور دوسری وکٹ 17 جبکہ مورگن 46، جوزف ڈین لے 128 کے مجموعی اسکور پر پویلین لوٹے، کولن انگرام 39 گیندوں پر 68 رنز اور ڈین لے 51 رنز کے ساتھ نمایاں بلے باز رہے جبکہ محمد سمیع 2 ، فہیم اشرف اور عماد بٹ ایک ایک وکٹ حاصل کرسکے۔

    ہدف کے تعاقب میں اسلام آباد یونائیٹڈ نے اننگز کا آغاز کیا تو لک رونکی اور صاحبزادہ فرحان میدان میں اترے، مصباح الیون کے اوپنرز نے ٹیم کو شاندار اوپننگ فراہم کی اور 91 کے مجموعی اسکور پر اسلام آباد کی پہلی وکٹ گری۔

    لک رونکی نے دھواں دھار بیٹنگ کرتے ہوئے صرف 19 گیندوں پر پی ایس ایل کی تیز ترین ففٹی مکمل کی اور وہ 94 کے انفرادی اسکور پر فاتحانہ اننگز کھیل پر پویلین لوٹے، یونائیٹڈ کی پہلی وکٹ 91، دوسری 130 پر گری، کراچی کنگز کے کھلاڑیوں نے پانچ کیچز ڈراب کیے جس کا مصباح الیون کے بلے بازوں نے خوب فائدہ اٹھایا اور 13ویں اوور میں ہی 8 وکٹوں سے فتح اپنے نام کی اور فائنل تک رسائی حاصل کرلی۔

    پی ایس ایل کے پلے آف کا دوسرا میچ پشاور زلمی اور کوئٹہ گلیڈی ایٹرز کے مابین بدھ کے روز دبئی انٹرنیشنل اسٹیڈیم میں کھیلا جائے گا، مقابلے میں فتح حاصل کرنے والی ٹیم کراچی کنگز سے میچ کھیلے گی جس کے بعد فائنل تک رسائی حاصل کی جاسکے گی۔

    اسلام آباد یونائیٹڈ اننگز خلاصہ

    تیرہواں اوور (عثمان شنواری): تیسری گیند پر چوکے کے بعد اسلام آباد یونائیٹڈ نے 8 وکٹوں سے فتح اپنے نام کی۔

    بارہواں اوور (محمد عامر): گیارہ رنز اضافے کے بعد مجموعی اسکور 147/2 تک پہنچا۔

    گیارہواں اوور (عثمان شنواری): ایلکس ہیلز چوتھی گیند پر آؤٹ ہوئے، اختتام پر ٹیم کا مجموعی اسکور 136/2 تک پہنچا۔

    دسواں اوور (شاہد آفریدی): ایک چوکے کے بعد ٹیم کا مجموعی اسکور 124/1 تک پہنچا۔

    نواں اوور (محمد عرفان جونیئر): اسلام آباد یونائیٹڈ کا مجموعی اسکور 117/1 تک پہنچا۔

    آٹھواں اوور (شاہد آفریدی): 9 رنز اضافے کے بعد اسلام آباد یونائیٹڈ کا مجموعی اسکور 99/1 تک پہنچا۔

    ساتواں اوور (ٹائمل ملز): صاحبزادہ فرحان آخری گیند پر کیچ آؤٹ ہوئے، 13 رنز اضافے کے بعد مجموعی اسکور 91/1 تک پہنچا۔

    چھٹا اوور (محمد عامر): پہلی گیند پر لک رونکی کا کیچ ڈراپ ہوا، بعد ازاں مجموعی اسکور 75/0 تک پہنچا۔

    پانچواں اوور (عثمان شنواری): تین چھکوں کے بعد ٹیم کا مجموعی اسکور 69/0 تک پہنچا، لک رونکی نے اپنی ففٹی مکمل کی۔

    چوتھا اوور (شاہد آفریدی): ایک چھکے اور دو چوکوں کی مدد سے ٹیم کا مجموعی اسکور 49/0 تک پہنچا۔

    تیسرا اوور (ٹائمل ملز): ایک چھکے اور دو چوکوں کی مدد سے مجموعی اسکور 34/0 تک پہنچا۔

    دوسرا اوور (عثمان شنواری): چار رنز اضافے کے بعد مجموعی اسکور 18/0 تک پہنچا۔

    یونائیٹڈ کی جانب سے بیٹنگ کا آغاز لک رونکی اور صاحبزادہ فرحان نے کیا جبکہ پہلا اوور محمد عامر نے کیا، پہلے اوور میں دو چوکوں کے بعد مصباح الیون کا مجموعی اسکور 14/0 تک پہنچا۔

    کراچی کنگز اننگز خلاصہ

    بیسواں اوور (فہیم اشرف): آخری اوور میں دو چھکوں، ایک ڈبل اور تین سلنگز کے بعد مجموعی اسکور 154/4 تک پہنچا۔

    انیسواں اوور (محمد سمیع): چار رنز اضافے کے بعد مجموعی اسکور 137/4 تک پہنچا۔

    اٹھارواں اوور (فہیم اشرف): جوزف ڈین لے نصف سنچری بنا کر خود ہی وکٹ کو گرا کر آؤٹ ہوئے، کولن انگرام نے آخری بال پر چونکا لگا کر 31 گیندوں پر اپنی ففٹی مکمل کی اور مجموعی اسکور 133/4 تک پہنچا۔

    سترہواں اوور ( محمد سمیع): 9 رنز اضافے کے بعد مجموعی اسکور 120/3 تک پہنچا۔

    سولہواں اوور (حسین طلعت): دو چھکوں کی مدد سے اوور میں 15 رنز حاصل ہوئے جس کے بعد اختتام پر مجموعی اسکور 111/3 تک پہنچا۔

    پندرہواں اوور (فہیم اشرف): ایک چھکے ، ایک چوکے کی مدد سے ٹیم کا مجموعی اسکور 96/3 تک پہنچا۔

    چودہواں اوور (شاداب خان): 6 رنز اضافے کے بعد مجموعی اسکور 81/3 تک ہنچا۔

    تیرہواں اووور (حسین طلعت): دو رن اضافے کے بعد ٹیم کا مجموعی اسکور 75/3 تک پہنچا۔

    بارہواں اوور (شاداب خان): 7 رنز اضافے کے بعد ٹیم کا مجموعی اسکور 73/3 تک پہنچا۔

    گیارہواں اوور (عماد بٹ): پہلی ہی گیند پر کولن انگرام نے شاندار شارٹ کھیل کر اننگز کا پہلا چھکا مارا، اگلی بال پر رن لینے کے بعد ڈین لے وکٹ پر آئے اور انہوں نے چونکا مارا، 13 رنز اضافے کے بعد مجموعی اسکور 65/3 تک پہنچا۔

    دسواں اوور (شاداب خان): 3 رنزاضافے کے بعد ٹیم کا مجموعی اسکور 52/3 تک پہنچا۔

    نواں اوور (عماد بٹ): آئن مورگن پہلی ہی بال پر کیچ آؤٹ ہوئے انہوں نے 16 گیندوں پر 3 چوکوں کی مدد سے 21 رنز کی اننگز کھیلی، یوں کراچی کنگز کی تیسری وکٹ 46 پر گری، تین رنز اضافے کے بعد مجموعی اسکور 49/3 تک پہنچا۔

    آٹھواں اوور (شاداب خان): کپتان مورگن نے شاندار ریورس سوئپ شارٹ کھیلتے ہوئے گیند کو باؤنڈری لائن کے باہر پھینک کر چار رنز حاصل کیے، اوور اختتام پر ٹیم کا مجموعی اسکور 46/2 تک پہنچا۔

    ساتواں اوور (سمت پٹیل): ایک چوکے اور سنگلز کی مدد سے 9 رنز حاصل ہونے کے بعد مجموعی اسکور 38/2 تک پہنچا۔

    چھٹا اوور (فہیم اشرف): ایک چوکے، دو اور سنگل رنز کے بعد ٹیم کا مجموعی اسکور 29/2 تک پہنچا۔

    پانچواں اوور (سمت پٹیل): 3 رنز اضافے کے بعد ٹیم کا مجموعی اسکور 21/2 تک پہنچا۔

    چوتھا اوور (محمد سمیع): خرم منظور باؤلرکے ہاتھوں 6 کے انفرادی اسکور پر پویلین روانہ ہوئے، نئے آنے والے بیٹسمین بابر اعظم اگلی ہی گیند پر بغیر کھاتہ کھولے پویلین روانہ ہوئے، اختتام پر مجموعی اسکور 17/2 تک پہنچا۔

    تیسرا اوور (سمت پٹیل): پہلی بال پر جوئے ڈین لے اسٹمپ ہونے سے محفوظ رہے جس کے بعد انہوں نے دو چوکے لگائے، اختتام پر ٹیم کا مجموعی اسکور 15/0 تک پہنچا۔

    دوسرا اوور (محمد سمیع): ایک چوکے اور ایک سنگل کے بعد مجموعی اسکور 7/0 تک پہنچا۔

    کراچی کنگز کی جانب سے اوپننگ کے لیے خرم منظور اور جوئے ڈین لے میدان میں آئے جبکہ اسلام آباد کے سمت پٹیل نے پہلا اوور کرایا جس میں ٹیم صرف 2 رنز حاصل کرسکی۔

    عماد وسیم کی انجری کے باعث کراچی کنگز کی قیادت آئن مورگن کررہے ہیں جبکہ دوسری طرف اسلام آباد یونائیٹڈ کے قائد مصباح الحق بھی انجری کے باعث میچ سے باہر ہیں اور ان کی جگہ ٹیم کی کپتانی جے پی ڈومینی کررہے ہیں۔

    اسکواڈ

    کراچی کنگز: جوئے ڈین لے، خرم منظور، بابر اعظم، کولن انگرام، آئن مورگن (کپتان)، شاہد آفریدی، محمد رضوان، محمد عامر، محمد عرفان جونیئر، ٹائمل ملز، عثمان خان شنواری

    اسلام آباد یونائیٹڈ: لک رونکی، جے پی ڈومینی (کپتان)، ایلکس ہلز، صاحبزادہ فرحان، طلعت حسین، آصف علی، شاداب خان، فہیم اشرف، عماد بٹ، محمد سمیع اور سمت پٹیل

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔